المساعد الشخصي الرقمي

مشاهدة النسخة كاملة : التخسيس واللياقة وشرايكم بهالجهاز ... (اهل الخبره )


mshaf3i
15-03-2012, 03:01 PM
معلومات المتقدم بالاستفسار :
العمر : -- , الجنس : ذكر

الطول :--- متر
الوزن : -- كيلوجرام

نسبة الدهون : --

و الاستفسار كالتالي :
السلام عليكم ورحمة الله بركانه

طلبت مني زوجتي اشتري لها جهاز اول مره اشوفه
وطبعا ما اقدر اوافق او ارفض لاني ناقص معلومات وخبره حول هذا الجهاز

الجهاز هو كريزي فت مساج ... ما قدرت ادرج الصوره ولكن تقدر تنسخ الاسم وعن طريق قوقل الصور راح يظهر


ارجو المساعده وشكرا
071071
15-03-2012, 03:24 PM
هلا والله باخوي

بحث عن الجهاز بالنت

وباليوتيوب أكتب :

Crazy FIT MASSAGE


http://www.youtube.com/watch?v=p-x2Nt-jTZk

تبي الصدق كلها خراااابيط x خراااابيط وماتفيد ولا شي يعني عبارة عن اهتزازات للجسم اشوف انها مساااج اكثر من انها تمارين رياضيه او تخسيس

وجهة نظري : ( اذا تبيها مساج اوكي اذا تخسيس ماينفع ابداااااااااااااااا )

دمت بصحة وعافية ...
.hamad.
15-03-2012, 03:29 PM
اعتقد تقصد هذا الجهاز

http://t2.gstatic.com/images?q=tbn:ANd9GcRfWU4dZcUWaPDQDwAiR6w4-aL1OyAjHfNYU1pyaH4zEtB1zO18Pw

هذا يعمل هز فالجسم ويقولون فالدعاية ان عن طريق الهز ممكن ان يحرق الدهون في مناطق متعدده
ولكنه كلام دعاية لان من غير المعقول ان تحترق الدهون بدون بذل طاقة جسدية وحركة مقاومة من الجسم نفسه ..

انا افضل لحرق دهون الجسم هو جهاز اللستب او صعود السلم لانه يحرق ويشد بشكل خيالي وبدون ان يؤثر على المفاصل مثله مثل السباحة

http://t0.gstatic.com/images?q=tbn:ANd9GcTdxWdXlwVNRcWMxEslOxfZdZ-Z3ttuHjOd7cgKwEr4_wmHV8ia



http://t1.gstatic.com/images?q=tbn:ANd9GcT930gioO2-ZmplrUpmFB97zd9l2RHLFA51rssGuiBiJoPW5ShL7g
mshaf3i
15-03-2012, 03:36 PM
الف شكر لكم على المعلومات الرائعه

اخوي حمد الاوبتكال كان موجود وللاسف بعته :(
وما ودي اعيد الجربه مره ثانية لانه صار معزول

وشرايكم بالدراجه لانه ممكن يكون اسهل وامتع وسهل التنقل به في المنزل
بالاضافه الى سعره
.hamad.
15-03-2012, 04:10 PM
والله يالغالي الدراجة تنشف البطات + الافخاذ فقط

ولكنها لا تعمل على الآلية ولا الخواصر ولا البطن

يعني يبقى الجسم مشوه بعد الاستخدام المتواصل للدراجة

رجول ضعيفة فقط اما من فوق يبقى الجسم على حالة

لو مب حاب الجهاز اللي قتلك عنه تقدر تاخذ جهاز المشي العادي

بس ان حبيت تشتريه شوف نوع يكون فيه شاشة تحدد المسافة + حرق الكالوري

والافضل يكون فيه خاصية الهايدرولك يعني تقدر ترفعه على فوق كنك تصعد على مرتفع ..


الله يوفقك ياخوي
ام ابـراهيم
15-03-2012, 04:22 PM
و الله أنا أشوف لو تشارك في نادي أربع مرات في الأسبوع
تخسس وزنها و تحافظ على لياقتها البدنية و رشاقتها أحسن من تبذير المال على غير فائدة
و أخرج إنت و هي لأقرب حديقة في الصباح الباكر و أركضوا لمدة ساعة إلا ربع
على أقل مرتين في الأسبوع و الله هالحل أفضل بكثير
romarom
16-03-2012, 01:59 AM
أخوي حبيبي الأخوان ماقصرو بالردود وأنا حاب أضيف شي بسيط وهو الأكل لأنه هو من يلعب دور أساسي في عملية التخسيس ويعني مو ممكن أبدا أننا ناكل مندي ورز مليان زيت ونلعب رياضه ونبي ننحف ولو نجيب مليون جهاز مشي ودراجه وأوبتكل وغيرها من الأجهزه والأكل زي ماهو مافي شي بيتغير
فالأول لازم يتنظم الأكل ونقطع الدهون والسكر وبعدها التمارين الرياضية والأجهزه
buraydawi
16-03-2012, 02:18 AM
ماقصروا الاخوان بالرد فجزاهم الله خيرا
والجهاز يلعب بالركب لعب فانحش عنه نحشتك من الاسد