طريقة التمرين

[3issa]

معلومات المتقدم بالاستفسار :
العمر : 30 , الجنس : ذكر

الطول :174 متر
الوزن : 71 كيلوجرام

نسبة الدهون : -

و الاستفسار كالتالي :
السلام عليكم ورحمة الله وبركاته



مساكم الله بالخير

انا عندي طريقة تمريني وحاب اعرف شنو نتايجها



اطلع اعلى وزن اقدر عليه = 6 تكرار
انزل خمسه من الوزن او 2.5 = 8 تكرار
انزل خمسه من الوزن او 2.5 = 10 تكرار
انزل خمسه من الوزن او 2.5 = 12 تكرار



ناس تقولي هذا للتقطيع .. و ما ينفع للتضخيم

اتمنى تفيدوني من اصحاب الخبره و الله يبارك فيكم

[الناعسي]

هذا دروب ست حلو لكسر الروتين او كسر مرحلة ثبات الاوزان (البلاتو) يعني اسبوع في الشهر او الشهرين حلو لك

[3issa]

الله يعطيك العافيه .. طيب والتضخيم هل له طريقه معينه .. لقيت مواضيع كثيره و طرق كثيره ولا خذت الزبده ابيها مختصره بطريقتي اللي فوق يعني مثلا كلها تكون 8 8 10 12 او 8 8 8 12 ولا شلون بالضبط ياغالي

[الناعسي]

اول تمرين دايما يكون الاقوى لان توك جاي ونشيط فاحسن شي خله 4 مجموعات بالشكل اللي تقدر عليه يعني 10 10 8 8 اول اخر مجموعه 6 عدات

وباقي التمارين من ثلاث مجموعات و تكرارات تحس ان جسمك بيستفيد منها
انا ماشي معي نظام 10 10 10
وفيه اللي نفع معه بشكل حلو 10 8 6

يعني مع نفسك شف وش يناسبك وسوه

[3issa]

اول تمرين دايما يكون الاقوى لان توك جاي ونشيط فاحسن شي خله 4 مجموعات بالشكل اللي تقدر عليه يعني 10 10 8 8 اول اخر مجموعه 6 عدات مافهمت يالغالي .. اول اخر مجموعه قصدك فيها ..وهل لو كان مثلآ 10 10 10 10 عادي ويعتبر تضخيم ولا لازم يكون ثلاث مراحل .. او لازم يكون فيه اختلاف في التكرار مايكون ثابت

[الناعسي]

اول اخر خطا مطبعي قصدي اخر مجموعه ممكن تكون ست عدات

10 10 10 10 كثير على العضله وما راح تطلع بالاوزان بالشكل اللي يفترض انك تسويه في البداية خلها 10 10 8 6 والباقي زي ما قلت لك اختر النظام اللي يناسبك عدات متشابهه او مختلفه

[3issa]

ماعليه يا غالي بثقل عليك .. تقصد بالآول يعني أول تمرين ابدء فيه في اليوم .. ؟ والتكرار قصدك ابدء بـ 10 وبعدين 10 وبعدين 8 وبعدين 6 .. صحيح ؟

[الناعسي]

اي نعم اول تمرين

مثلا عندك اليوم صدر وتبي تبدا صدر عالي تطبق فيه اللي قلتلك والباقي من ثلاث مجموعات

[3issa]

جعل من جابك في الجنه يالناعسي يالآمير شاكر لك سعة بالك و ذوقك يالسنافي