إستفسار عن المكمل الغذائي المناسب

[بن فرشنه]

معلومات المتقدم بالاستفسار :
العمر : 25 , الجنس : ذكر

الطول :185 متر
الوزن : 78 كيلوجرام



و الاستفسار كالتالي :
السلام عليكم ورحمة الله وبركاته
أخواني من مده وأنا متابعكم على رابطكم الأول اللي أتحجب !
قريت مواضيع كتيره وأستفدت الكتير ..
أدري إن بعضكم بيقولي إستفسارك سبقوك فيه ناس ..
لكن معليش يا ليت تسمحوا لي فيه ..
أنا أشتريت أمينو 2222 وأفكر أضيف له نيتروتك بروتين ..
هدفي هو " تقسيم فرنسي " ..
مع العلم بإن جسمي مشدود .. وبلعب رياضه بشكل يومي وبالأخص الكوره ..
أتمنى إني ما أطلت ..
ويا ليت تفيدوني بخبرتكم .. جزاكم الله خير ..

[مشاري الرياض]

عليكم السلام

الامينو جيد او ممتاز .... والنتروتك جيد بس مشكلته غالي وفيه البديل وبسعر افضل الا وهو الواي بروتين

موفقين

[بن فرشنه]

يعطيك العافيه أخوي مشاري عالتجاوب السريع ..
بس أخوي الواي ما يحتوي عالكرياتين .. وأنا ميزانيتي تسمح بالنيتروتك ..
لأني كمان ما لقيت في فرع GNC الواي .. إلا إذا كنت تنصحني فيه لأسباب آخرى ..
بحاول أشتريه من برى ..
يعطيك العافيه أخوي ..

* ملاحظه .. بن فرشنه آسم بلا معنى وحيلة اليأس .. لأنه ما شاء الله كل ما أختار إسم ألقى أحد مسجل فيه :biggrin:

[بن فرشنه]

يا ليت يا أخوان تنصحوني ..
لأني خلال هاليومين راح أشتريه ..
وما أعرف طريقة استخدامه مع الأمينو 2222

[بردان1]

وعليكم السلام ورحمة الله وبركاته

نعم النيترو تك كويس وتقدر تاخذه
او تاخذ واي عادي اوبتمم + كرياتين يطلع عليك نفس السعر واكثر سيرفنج : )
ههه بس برضو مو خطا تاخذ النيترو

ع العموم عندي سؤال انت ذكرت انك تلعب رياضة وبالاخص كورة
طيب حديد ؟ تلعب حديد يعني ؟

[بن فرشنه]

يعطيك العافيه اخوي بردان1 ..
بس مثل ما ذكرت ما لقيت الواي بروتين عند GNC وأقدر أشتري النيتروتك ..
بس لو فيه اسباب تانيه تنصحني فيها بالواي عن النيتروتك ممكن تقولها لي ..
وبصراحه طريقة إستخدامه مع الأمينو ما أعرف لها ..
أما بخصوص الحديد أنا بلعبه من ست سنين تقريباً ..
لكن أوزان بسيطه وبشكل متقطع علشان ما أفقد شد جسمي ..
ودحين بركز فالحديد أكتر وبتفرغ له ..
ومنكم نتسفيد !؟

[بردان1]

هم اساسا كلهم واي
حتى النيترو تك واي
لكن ميزة واي اوبتمم رخيص جدا بالنسبة لعدد السيرفنج 77
+ مكمل مضمون الكل ماشي معه ويمدحه
والنيترو تك كويس مثل ماقلتلك خذه وتوكل على الله

[بن فرشنه]

تسلم لي والله يا بردان على تجاوبك السريع ..
بس ما وضحت لي طريقة إستخدامه مع الأمينو !!!؟
وكمان إيش هوا السيرفنج دا !؟؟
سامحني مغلبك معايا :)

[ياضلوم]

اخوي انصحك تستعمل النايتروتك .. مع الامينو2222....البروتين...سكوبين الصبح او قبل التمرين + سكوبين بعد التمرين على طول + سكوبين في الليل
مثل ما تقول ان ميزانيتك تسمح للنايترو تك ...انصحك فيه

اتمنى اني افدتك

[ياضلوم]

السيرفنج هو (السكوب ) يعني المكيال

[بن فرشنه]

مشكور ياضلوم على تجاوبك ..
يعني أخذ البروتين سكوبين الصبح عالريق .. وسكوبين قبل التمرين بساعه مثلاً .. وسكوبين بعد التمرين .. وسكوبين في الليل ..
مو كأنها كثيره شويه ..!!؟
وبعدين بالليل هو سريع الإمتصاص وأحس ما راح يفيدني ..
وإلا إيش رأيك إنت ..؟؟!
وأنا بستخدم الأمينو بشكل هرمي قبل التمرين وبعده فقط ..
يا ليت توضحوا لي وتتحملوني ..

[ياضلوم]

العفو

خذ البروتين على الريق لان مثل ما قلت انت انو امتصاصه قبل النوم سريع ... يعني الجسم راح يكون عطشان طول فترة النوم ... ويوم تاخذه على الريق راح يمتصه الجسم

مو كأنها كثيره شويه ..!!؟ لا لا ... مكتوب على علبة البروتين انك لازم تاخذ سكوبين ثلاث مرات في اليوم لافضل النتائج


بس عندي سؤال انت تبي تضخم ولا تنشف

اتمنى اني افدتك

[بن فرشنه]

أكيد أفدتني أخوي ..
أنا هدفي تقسيم فرنسي .. وجسمي تقريباً فتنس حالياً .. ما عندي دهون كتير الحمدلله ..
طيب لو أخذه بالصباح .. وقبل التمرين وبعده .. ما يتعارض مع الامينو وبيكون كميه كافيه ..؟؟!
ويعطيك العافيه وينولك الله فبالك وسائر المسلمين ..

[ياضلوم]

اخوي دامك تبي جسم فرنسي مثل ما تقول ... ارجع واقولك استخدم بروتين نايترو تك لان مافيه دهون (شبه معدوم الدهون) ...... ولا تخاف ما يتعارض مع الامينو

وكمية البروتين كافيه .... بس لازم تبعد عن الدهون بعد التمرين.... يعني قبل التمرين اكل اي شي يعني مثل الموز او لحم مشوي (ستيك) او سمك او بطاط(يفضل مسلوق )

وبعد التمرين ركز على بياض البيض وصدور الدجاج المشويه والتونه +(بروتين شيك) وابعد عن الموز والبطاط والحلويات

واذا تبي طاقه في التمرين استخدم انيمال ريج
واسف على الرد المتاخر والاطاله في الاجابه ..... لاني دائما احب اعطي التفاصيل وافيد الناس قد ما اقدر

[بن فرشنه]

يعافي قلبك ياضلوم ..
على الشرح والتوضيح والتفاصيل المميزه ..
1/ بس ممكن توضح لي إيش هو البروتين شيك !!؟
2/ وطاقة التمرين ضروري أخذ لها مكمل محفز ؟ مع إني ما أشوف إني بحاجته ؟؟!
3/ كمان النيتروتك استخدمه مثلاً أسبوعين وأوقفه أسبوع لإحتواه على الكرياتين وإلا ما يحتاج !!؟
يا ليت تتحمل كثر أسألتي وثقالة دمي ..
لكني احاول قد ما اقدر استفيد من خبرتك وأتمنى إني ما أزعجك ولا يهونوا بقية الأعضاء ..

[ياضلوم]

بلنسبه للسؤال الاول .... البروتين شيك اقصد فيه (المكمل ) يعني نايترو تك .... او بروتين جولد ستاندرد
بلنسبه للسؤال الثاني ... انصحك تستخدم انيمال بمب ... او انيمال ريج ... لانه يخليك تقاوم التعب في التمرين ... ويساعدك تشيل اوزان اكثر وتسوي تكرار اكثر وجلسات اكثر .... الانيمال بمب عباره عن حبوب ... والانيمال ريج عباره عن بودره تخلطه مع ماء ... وفي منه حبوب .... الانيمال بمب والانيمال ريج نفس الشركه

بلنسبه للسؤال الثالث.... ما يحتاج توقفه .....


لا ولا يهمك حاضرين

[بن فرشنه]

يا شيخ بس إيش أقول ..
من جد ما خليت لي حاجه !
ما قلت لي طريقة استخدامه الانيمال بمب هذا !!؟
كفيت ووفيت بارك الله فيك ..

[ياضلوم]

تستخدم الانيمال بمب قبل التمرين بنص ساعه ......

حاضرين

[بن فرشنه]

يعطيك ألف عافيه وربنا يجزاك كل خير ..
تعبتك معايا ياضلوم ..
دحين صار الكورس تبعي ..
* الصباح سكوبين نيتروتك .. ( هل أضيف معاه أيضاً حبتين أمينو ؟! )
* قبل التمرين بساعه سكوبين أيضاً وحبتين أمينو وبعدها بنص ساعه حبه أنيمال بمب ..
* بعد التمرين مباشرةً سكوبين نيتروتك وحبتين أمينو ..
هل بتكفيني حبه وحده أنيمال بمب مع أني مو بحاجه لها ودا اللي أشوفه وإلا إنت إيش رأيك !!؟
بإذن الله راح أبدأ فيهم من السبت الجآي ..

[ياضلوم]

الله يعافيك ........... حاضرين .....

الصباح سكوبين ... تمااام...بلنسبه للامينو يفضل قبل التمرين وبعد التمرين ... على ما اعتقد ما راح يضرك لو استخدمته الصبح بعد

بلنسبه للنقطه الثانيه الي هي .... قبل التمرين بساعه سكوبين أيضاً وحبتين أمينو وبعدها بنص ساعه حبه أنيمال بمب ....اعتقد انك ما تحتاج سكوبين قبل التمرين بساعه ... لانك خذيت بروتين الصبح ... وبعد ما تاخذ بروتين الصبح

حاول تعتمد على التغذيه الطبيعيه ... مثل البيض والدجاج والخبز الاسمر والفواكه والشوفان .... لين يجي وقت التمرين ... ... وبعد التمرين خذ سكوبين على طول .... وبلليل خذ سكوبين (بين الوجبات او قبل النوم )


بلنسبه للانيمال بمب ... هو عباره عن علبه معدنيه... فيها اكياس ... كل كيس فيه 9 حبات ... يعني قبل التمرين بص ساعه تاخذ كيس (9 حبات ) ... لا تخاف ما له اعراض جانبيه من خلال تجربه .... وصدقني ما راح تتمرن بدونه

[بن فرشنه]

تسلم والله ..
بس ما فهمت للأنيمال بمب أخذ تسع حبات بالتمرين !!!؟

[ياضلوم]

هو كل تسع حبات في كيس والعلبه فيها ثلاثين كيس يعني يكفيك شهر كامل .... خذه كيس قبل التمرين بنص ساعه


وهذي صورة العلبه

350722

[ياضلوم]

هو كل تسع حبات في كيس والعلبه فيها ثلاثين كيس يعني يكفيك شهر كامل .... خذه كيس قبل التمرين بنص ساعه&nbsp;&nbsp;&nbsp;&nbsp; <BR><BR><BR>وهذي صورة العلبه<BR><BR><IMG id=vbattach_350722 class=previewthumb alt="" src="/attachment.php?attachmentid=350722&amp;stc=1" attachmentid="350722">

[بن فرشنه]

شكلك ما فهمت قصدي ..
يعني أبلع تسع حبات دفعه وحده قبل التمرين وإلا إيش !!؟

[ياضلوم]

تبلعها كلها مره وحده قبل التمرين بنص ساعه

[بن فرشنه]

يا شيخ !!!!
مو كثيره !؟ ما فيه محفز تاني نتيجته مشابه بكمية أقل ؟!!
سامحني على كثر أسألتي ..

[ياضلوم]

لا ولا يهمك .... تقدر تستخدم انيمال ريج ... وهو نفس شركة انيمال بمب ...وهو عباره عن بودره


لا تتردد اذا عندك اي استفسار واسف على الرد المتاخر

[بن فرشنه]

يعطيك العافيه ..
راح اخذ انيمال ريج بدل البمب وإن شاء الله ما يتعارض مع النيتروتك ..
بصراحه إنت تستحق الإشراف لتواجدك المستمر وتفاعلك ولا تهون الإدارة ..

[ياضلوم]

هههههه تسلم .... ولا تخاف الانيمال ريج ما يتعارض مع النايترو تك .... بلعكس انا راح استخدمه ضمن الكورس الجاي حقي + امينو 10000+ انيمال ام ستاك + انيمال بمب + ابلودان .... راح ارجع للتضخيم بقوه غير طبيعيه ... لاني العب تنشيف الحين بسبب الاصابه في الباي ... لكن الحين بخير ..... وبلنسبه اني اصير مشرف هههه هذا شي يشرفني اني اخدمكم حسب معرفتي

واي استفسار لا تتردد

[بن فرشنه]

بيض الله وجهك يا وحش ..
وإن شاء الله توصل لهدفك وسلامات ما تشوف شر ..
ولما يكون عندي إستفسار راح أوجهه لك مباشرةً لو ما فيها كلفه عليك !

[ياضلوم]

لاتتردد في اي استفسار يا كابتن .... الله يسلمك