المساعد الشخصي الرقمي

مشاهدة النسخة كاملة : كمال الاجسام شباب جتني اصابه في الكتف وش الحل


رحال الجنوب07
26-03-2012, 03:34 PM
السلام عليكم ورحمة الله وبرركاته شباب

كنت العب كتف وبعد مالعبت بار خلفي حسيت بطقطقة والم في الكتف الايسر
واليوم الثاني حسيت بالم لدرجه اني ما اقدر ارفع يدي لفوق وما اقدر انام على جنبي اليسار
مريت عالدكتور سواء لي اشعه عاديه وقال لي الاشعه كويسه و قال لي عندك التهاب بوتر الكتف
وعطاني حبوب فولترين وقال لي ريح 3 ايام من اللعب واذا باقي الالم تعال اسوي لك اشعه مغناطيسيه

عموما مريت النادي كلمت الكابتن قال لي تعال اجلس وفرك لي كتفي من فوق الين الرست وقال لي عندك الوتر بس بيروح وبعد المساج راح الالم لدرجه اني لعبت ظهر والالم كان خفيف وكنت احرك يدي لفوق والالم الشديد راح سبحان الله
بس عاود معي اليوم الثاني ريحت لي 3 ايام واستخدمت حبوب النيوربيون وخف الالم كثير لكن الالم لازال موجود

بعدها لعبت صدر مستوي بوزن 60 وماحسيت بالالم بس اليوم الثاني لما جيت العب كتف اليوم الثاني لعبت امامي بار وماحسيت بالالم بس لما جيت العب خلفي سواء بالدنابل او البار او حتى مثلث ما اقدر
لدرجه بس افتح يدي واسع ابي امسك البار ما اقدر فيه الم مايخليني العب

شباب وش الحل لاتقولوا انقطع فتره شهر او شهرين لانه قهر والله بنيت جسمي واجي اقطع ويروح تعب سنه
احد مر بها الحاله
وسمعت ان البار الخلفي ممنوع دوليا هل هذا صحيح ؟ وايش البديل غير الدانبل
omar joseph
26-03-2012, 04:00 PM
اخوي انت كيف التحميه معك؟ و تمارين الاطاله او stretching؟
رحال الجنوب07
26-03-2012, 04:09 PM
اخوي انت كيف التحميه معك؟ و تمارين الاطاله او stretching؟

قبل العب اسخن بس مو ذاك التسخين
بس لي الان اكثر من سنه وانا العب ونفس التسخين اللي اسويه والامور طيبه بس هالمره فعلا ماسلمت منها
Abdel Id
26-03-2012, 04:20 PM
اخي الكريم لازم ترتاح لك من يوم ال ثلاثة ايام بعد دللكلما تبي تتمرن انشاء لله ركز في الاحماء على المنطقة المصابة و حاول تبتعد عن التمارين الي تشعرك بالالم و على فكرة البار الخلفي ممكن ما تلعبو و مو حياتر عليك لانك حسب ما قلت فانك مو مبتدا ممكن تلعب بار امامي و دامبلز و واصل تمارينك و بتوفيق انشاء الله!!
omar joseph
26-03-2012, 07:27 PM
قبل العب اسخن بس مو ذاك التسخين
بس لي الان اكثر من سنه وانا العب ونفس التسخين اللي اسويه والامور طيبه بس هالمره فعلا ماسلمت منها


كل ما زادت اوزانك يجب الاهتمام بالاحماء و تمارين الاطاله اكثر, الاحماء يكون لمدة 10-20 دقيقه, هذا رأيي الشخصي لا اكثر, و انصحك تاخذ راحة لمن تحس انو الالم راح, وفي بالصيدليه ملتي فايتمن للعظام والمفاصل اسمه Osteocare يساعدك على الشفاء انشالله (تجربه شخصيه).
و لمن ترجع للتمرين اعطي الاحماء حقه: جري متوسط على الجهاز ما بين 5-10 دقائق بعدين تمارين الاطاله و بعديها تلعبلك جلستين اوزان خفيفه و عدات 20 وفوق.

انشالله ما تشوف شر يا وحش
WLD AL5UBR
27-03-2012, 03:58 AM
افادك الكابتن عمر ، وانا اقول نفس الكلام بالضبط .. التسخين لـ 10 دقائق هروله او سيكل و بعدها تمارين اطاله خاصه لنفس العضله الي راح تلعبها بهاليوم و اوزان خفيفه ..

للاسف الكثير يستهينون بتمارين الاطاله والتسخين

ما تشوف شر اخوي رحال
the legond
27-03-2012, 04:25 AM
عليك بالراااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااحه لاسبوع اقل شي وانا اخوك ............وانسى النادي وفلها واجعل منطقة الاصابه في اقصى اوضاع الراحه
تناول 20 جرام جلوتامين يوميا من اجل مساعدة العضله على معالجة نفسها ماقدامك الا العافيه
.hamad.
27-03-2012, 09:16 AM
عليك بالراااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااحه لاسبوع اقل شي وانا اخوك ............وانسى النادي وفلها واجعل منطقة الاصابه في اقصى اوضاع الراحه


+ 1

روح الصيدليه وخذ حبوب TILCOTIL حبة وحدة بعد الغداء

لمدة 10 ايام ولاتستخدم اي نوع ثاني من الاداوي

وان شاء الله من ثاني يوم بيروح الالم

شفاك الله
رحال الجنوب07
27-03-2012, 10:37 AM
يعطيكم العافيه شباب ماقصرتوا
بس حاب اعرف هذا التهاب وتر والا ايش
لاني استغرب اني العب كتف ضيق وباقي التمارين وماحس بالالم الا مع الكتف خلفي و ظهر واسع وتمرين مثلثات . . . . .. . يعني اي تمرين فيه فتح واسع ما اقدر العبه بس باقي التمارين باي وتراي وصدر وظهر ضيق عادي العبها بدون الم
WA7SH JEDDAH
27-03-2012, 12:21 PM
يا اخي اولا الشباب ماقصرو وثانياً من اكثر الأخطاء التي يقع فيها اللاعبين المبتدئين في اللعبة تحصلو يلعب اليوم صدر وبكرة اكتاف او العكس وهذي الطريقة من اكثر الاخطاء الشائعة لانو ياصاحبي اكثر عضلة تشتغل مع الصدر الأكتاف والتراي وخاصة اذا نزول البار او الدانبل نزول كامل لحد ما يلمس الصدر نصيحتي لك الراحة ثم الراحة ثم الراحة والا راح تبقى الإصابة معاك طول العمر ويمكن توقفك عن التمارين نهائياً لا قدر الله. استخدم الدوا الي قلك عليه كابتن حمد والفلترين المرهم ادهن المنطقة المصابه وبعدها حط ثلج ولاتنام على الجنب الي فيه الالم. قدامك العافية
EVIL MIND
27-03-2012, 12:31 PM
انا مثلك جاني التهاب بالوتر ريحت شهرين واسبوعين اول شهر جلسات طبيعيه بالمستشفى 5 جلسات اخذت

ترى الالم ماراح يروح بسرعه مثلي لازم تريح شهرين ع الاقل ولاتخاف ماراح يتغير جسمك واذا لعبت ترى بيزيد الالم انتبه
رحال الجنوب07
27-03-2012, 07:44 PM
+ 1

روح الصيدليه وخذ حبوب TILCOTIL حبة وحدة بعد الغداء

لمدة 10 ايام ولاتستخدم اي نوع ثاني من الاداوي

وان شاء الله من ثاني يوم بيروح الالم

شفاك الله

اخوي حمد فريت كل الصيدليات وماحصلتها
كل ما اقول للصيدلي يقول اول مره يسمع فيها
يمكن لها اسم ثاني عندنا بالسعودية
ياليت تشوف لي الاسم العلمي اللي مكتوب عليها اذا باقي عندك منها
u turn
27-03-2012, 08:54 PM
‘

الف سلامة عليك رحال

انا سبق وجتني نفس الاصابه بنفـس التمرين : )

اخذت من الصيدلية زيت سمك ومشـد نفس اللي بالصورة تحت ، بالاضافة الى الفيتامينات كانت عندي وريحت خمس ايام

بعد الـ 5 ايام رجعت اتمرن وكنسلت التمارين اللي اشعر فيها بألم مثل العقلة واسع والغطـس ... ، بعد شهر ونص الى شهرين اختفى الألم تماماً ولله الحمد

http://im14.gulfup.com/2012-03-27/1332870826371.jpg (http://www.gulfup.com/show/X4n964zv9x5)
ديزل ديزل
27-03-2012, 09:28 PM
يا حبيبى بدام فى الم اوقف التمرين موقت واستخدم المراهام وريح كتف لزم تريح وممكن تستخدم مرهم موف ده جامد جدا بس بلاش تمرين لحد ما تخف وبعد كده اهتم بالتمرين الهوائيه والكارديو والاطاله خصوصا يوم الكتف ويالنسبه للبار الخلفى هو ما تمنعش ولا حاجه بس فى ناس بتلعبو غلط لزم يتلعب صح
بومشكان
27-03-2012, 10:11 PM
نصيحه مجرب . عليك بالحجامه . والله افضل علاج :33:
3issa
27-03-2012, 10:37 PM
^

عندي نفس الالم .. و جربت الحجامه قبل ولا سوت شي ..

نصيحه ياخوي .. إلا ألم الكتف .. ما ينمزح معاه
ودايما اكثر النصايح يقولولك فيها .. لا تزيد اوزان ولا تغامر في الكتف لان علاجه صعب

اهم شي الآن الراحه .. وشوف كابتن حمد وش قالك

اعتقد هذا شكلها

https://www.google.com.qa/search?hl=ar&bav=on.2,or.r_gc.r_pw.r_cp.,cf.osb&biw=1366&bih=587&um=1&ie=UTF-8&tbm=isch&source=og&sa=N&tab=wi&ei=ERZyT6L7NYa5iAf68uzWAw&q=TILCOTIL


والله يستر عليك ويشفيك
WLD AL5UBR
28-03-2012, 04:18 AM
يعطيكم العافيه شباب ماقصرتوا
بس حاب اعرف هذا التهاب وتر والا ايش
لاني استغرب اني العب كتف ضيق وباقي التمارين وماحس بالالم الا مع الكتف خلفي و ظهر واسع وتمرين مثلثات . . . . .. . يعني اي تمرين فيه فتح واسع ما اقدر العبه بس باقي التمارين باي وتراي وصدر وظهر ضيق عادي العبها بدون الم


اخوي رحال ،، للتو تذكرت ان لي صديق مثل مشكلتك تماما كتف و قالي وتر و عانى فتره شهر الى الان و ما زال الالم موجود خاصه مع التمرين و نصحته يذهب لطبيب ولا ادري ايش صار معه

لازم تروح دكتور يعمل لك اشعه و الا ممكن يتضاعف معك مع التمرين

خذ فتره راحه اسبوع و اهتم بهذه الاصابه جيدا قبل الرجوع

ما تشوف شر
رحال الجنوب07
28-03-2012, 11:59 AM
مشكورين ياغالين على الاهتمام
وانا طالع اللحين لاستشاري عظام وبشوف
لانه عن جد حتى نوم ماقدرت انام منه
الله لايوريكم مكروه يارب
رحال الجنوب07
28-03-2012, 07:18 PM
رحت اليوم للدكتور واكد لي بعد الفحص ان عندي التهاب بوتر الكتف ويحتاج لراحه اقل شي 4 اسابيع مع جلسات العلاج الطبيعي وبعد 4 اسابيع بيشوفني ويقرر اذا ارجع للجيم والا استمر في الراحه
وفعلا بديت جلسات العلاج اليوم
الله يخارجنا ويعوضنا خير
شباب مافيه شي اقدر اسويه اثناء فتره التوقف يحافظ لي على العضل من الهدم يعني المشي مع تمارين بطن وغيره
لاني ما ابي اخسر كثير اثناء التوقف
الله اعلم يمكن اتوقف شهر وزياده على كلام الدكتور
Eng126
28-03-2012, 09:23 PM
الله يشفيك ان شاء ، انا عندي نفس اصابتك والله نفسيتي دمار والالم يكون لما البس جاكيت ماتشوف شر