لياقتي ضعيفة ابي ارفع لياقتي

[MrArmani]

معلومات المتقدم بالاستفسار :
العمر : 23 , الجنس : ذكر

الطول :170 متر
الوزن : 60 كيلوجرام



و الاستفسار كالتالي :
السلام عليكم ورحمة الله وبركاته


يا اخوان لياقتي صفر !

اذا اركض سبرينت واحد اتعب وخلاص يصير مافي امل اقدر اركض

والله العظيم ياجماعه 3 دقايق بالكثير اركض فيها اتعب على طول

ابي منتج يخليني اركض على طول بدون تعب

ساعدوني يا اخوان انا راجع من اصابة فالغضروف موقف لعب 6 سنين

الحمدالله الاصابة مالها أثر لكن اللياقة صفر

ارجوكم ابي منتج يكون حبوب او اي شي يعطي مفعول فالحال لأن ماعندي وقت حق ارجع لياقتي بشكل طبيعي

اتمنى تتفقون على منتج يكون مضمون حتى لو يكون سعره غااالي مو مهم الأهم يكون فعال 100%

[WLD AL5UBR]

و عليكم السلام ورحمه الله

اخوي مافي منتج يخليك بيوم وليله لياقه عاليه

ولكن تساعد في اللياقه و التحمل

مادري انت تلعب حديد ؟ ولا بس تلعب كره !

لان في منتجات طاقه خاصه للحديد و تفيد رفع التحمل عندك

و اذا ما تتمرن حديد ، عليك بالملتي فيتامينز من اقرب صيدليه + حبوب زيت السمك .. مفيده بشكل عام للجسم و تزيد مناعه الجسم و تقوي العضلات و انشطة الجسم بشكل عام

و لا تنسى وجبه كاربوهيدرات قبل ساعتين من اي مجهود رياضي .. و الكارب السريع ( الموز )

و ابدأ بالتدرج بالمشي والهروله على السير يعني اول اسبوع ربع ساعه و زيد ثاني اسبوع 25 دقيقه وهكذا

راح تلاحظ زياده المستوى اللياقي عندك وهذا الي مشيت عليه والحمدلله صرت اهرول ساعه بدون توقف بفضل الله

و كل شي مع التدرج

اتمنى لك التوفيق وان شاءالله الاخوان مايقصرون معك

تحياتي لك

[Mr..muscles]

و عليكم السلام
صديقي بإمكانك ان تستمر على تمرين القفز على الحبل و الاعتماد على التمارين الهوائية .. و مسألة وقت و ان شاء الله تتحسن لياقتك

[MrArmani]

الله يعطيكم الصحه والعافيه شباب المشكله ماعندي وقت حق استرجع لياقتي

تمنيت لو يكون في منشط يرفع لياقتي على شكل حبوب او بودر او شراب ..