كيف أبدى ببناء جسمي

[سلطان العامري]

معلومات المتقدم بالاستفسار :
العمر : 17 , الجنس : ذكر

الطول :161 متر
الوزن : 74 كيلوجرام



و الاستفسار كالتالي :
آخواني انا عمري17
طولي 161
ووزني 74
يعني في زيادة للوزن بس مب وايد
واقدر اخفف في شهر او شهرين

انا سجلت فالمنتدى لاني شفت فيه خبره كبيره فهالمجال
انا مابغي جسم للمشاركة في مسابقات وبطولات
ابغي جسم متوسط وعضلات مقسمه

ابغي اعرف كيف ابدا ومتى ادش الصاله
قبل لا اخف وزني او بعد
وابغي اعرف اقدر ابني جسم بأغذية مشبعه بالبروتين
بدون مشروب او كبسولات بروتين

وإذا لا كم نوع من البروتين آقدر آخذ واساميها وهل لها سلبيات


اسمحولي أخواني خذيتكم بشراع وميداف من البدايه

بس طمعان في خبرتكم ومساعدتكم لي

[السلطان..]

معلومات المتقدم بالاستفسار :
العمر : 17 , الجنس : ذكر

الطول :161 متر
الوزن : 74 كيلوجرام



و الاستفسار كالتالي :
آخواني انا عمري17
طولي 161
ووزني 74
يعني في زيادة للوزن بس مب وايد
واقدر اخفف في شهر او شهرين

انا سجلت فالمنتدى لاني شفت فيه خبره كبيره فهالمجال
حياك الله
انا مابغي جسم للمشاركة في مسابقات وبطولات
ابغي جسم متوسط وعضلات مقسمه

ابغي اعرف كيف ابدا ومتى ادش الصاله
قبل لا اخف وزني او بعد
اذا كانت نسبه دهونك عاليه ادخل تخفيف وزن وبعدين ادخل الصاله او تدخل الصاله ولكن بتكنيك معين الي هو تلعب تكرارات 20-25 لكل جلسه.+تدخل كارديو في نظااامك اليومي.

وابغي اعرف اقدر ابني جسم بأغذية مشبعه بالبروتين
بدون مشروب او كبسولات بروتين
تقدر لكن يبيلك تااااكل كثييير حوالي 5-6 وجبات يوميا. وتكون مشبعه بالبروتين وشويه كاربوهيدرات ماتكثر كربوهيدرات لأنك تبي تخفف وزنك.
هنالك مشكله في عمرك ممكن ماتاخذ>لكن انتظر الشباب يفيدونك بالهنقطه.ا
اذا جئت لعمر 18 ممكن تاخذ مكملات غذائيه لأن مكتوب بالمنتجات هكذا.
الامينو وحبوب الزنك ممكن تكون صالحه لك.>من ناحيه المكملات مالي خبرة كبيرة ارجع واقولك انتظر الشباب.

وإذا لا كم نوع من البروتين آقدر آخذ واساميها وهل لها سلبيات


اسمحولي أخواني خذيتكم بشراع وميداف من البدايه

بس طمعان في خبرتكم ومساعدتكم لي


أتمنى أفدتك واي سؤال انا حاظر اذا عرفت له.

[سلطان العامري]

تسلم اخوي
بس انا سألت عن الأغذية المشبعة بالروتين
لان اعرف ناس قالولي انهم اتبعو الأطعمه وحصلو جسم ممتاز
عالعموم مآقصرت اخوي

[سلطان العامري]

يآليت لو ألأخوان والخبراء في هالمجال يساعدوني ولو مساعده بسيطه لأن عندي بعض الأسئله

[بن فرشنه]

أهلين أخوي سلطان إن شاء الله تفيد وتستفيد ..
أما بخصوص سؤالك المكملات الغذائية " البروتين " ما ينفع تأخذه إلا بعد 18 سنة ..
لكن تقدر تعوضه بالنظام الغذائي وتزود كمية البروتين بأكلك مع 5 - 6 وجبات باليوم مثل ما تفضل أخوي السلطان ..
أما بخصوص الأغذية المشبعة بالبروتين اللي أعرفها ( بياض البيض - صدور الدجاج ) ..
وأتمنى من الأخوان الأكثر خبرة مني يفيدوك ..
تحياتي ..

[السلطان..]

البيض+صدور الدجاج+اللحوم وخاصه الحمراء+المكسرات+الفول+العدس+الاسمااك(التونه)+الحليب والالبان ومشتقاتها.

[سلطان العامري]

مشكور اخوي السلطان . .
عندي استفسار بعد الوصول للجسم المطلوب
او بعد التنشيف حسب مآ عرفت آنها مرحله نهآئية لتبين تقسيم الجسم
يقدر الواحد يرجع لوجباته الطبيعيه ؟ نفس بخ العيوش والذبايح و الوجبات السريعه و السفر والتغيب عن التمارين :D
وساعه للتمرين او ساعه ونص يومياً تكفي بعد الوصول للجسم المطلوب ؟
او ان حياة الرفاهية تنقطع عنها خلآص :(
هههه هذي اسألتي وبس :bigeyes:

[071071]

آخواني انا عمري17
طولي 161
ووزني 74
يعني في زيادة للوزن بس مب وايد
واقدر اخفف في شهر او شهرين

( خفف من دهون جسمك يابطل )
انا سجلت فالمنتدى لاني شفت فيه خبره كبيره فهالمجال
انا مابغي جسم للمشاركة في مسابقات وبطولات
ابغي جسم متوسط وعضلات مقسمه
( راح توصل لهدفك ولكن لازم تعرف شي مهم ان هذي اللعبة تحتاج تعطيها عشان تعطيك .. لااقصد من كلامي مكملات غذائية من بروتين واحماض امينية (امينو) وغيرها اللي اقصده تحتاج صبر وتركيز واهتمام باكلك ونومك وتحتاج ووووقت عشان تحقق حلمك وطموحك والصور اللي قد تشوفها هذولي الاشخاص لهم سنين طويلة وضحوا عشان يوصلون لمبتغاهم .. اتمنى يكون هذا الكلام ببالك دائما )

ابغي اعرف كيف ابدا ومتى ادش الصاله
( بخصوص متى تبدا؟؟ اقولك اياها بصراحة ورايي الشخصي : عمرك لا يساعد الدخول كمال الاجسام لأن هذا السن لايناسب هذه اللعبة فهذا العمر يكون في مرحلة نمو عظام والكثير من العمليات والتغيرات الاكلنيكية داخل الجسم )

قبل لا اخف وزني او بعد
وابغي اعرف اقدر ابني جسم بأغذية مشبعه بالبروتين
بدون مشروب او كبسولات بروتين
( لاتفكر بالبروتينات وغيرها نهائيا حتى تتم 6 شهور فاكثر في التمارين )

وإذا لا كم نوع من البروتين آقدر آخذ واساميها وهل لها سلبيات
( انت مبتدئ وباين انك متحمس وشيل موضوع البروتين من بالك خلال هالفترة توكي .. لابد ان تثقف نفسك في هذي اللعبة قبل كل شي لانك لو دخلت هذي اللعبة كل شخص له فلسفته في اللعبة وبتسمع كلام قد شعر راسك ,, فلازم يكون عندك ثقافة تقدر من خلالها تتخذ قرارك في اي خطوة تخطيها يعني ثقف نفسك في التغذية في التمارين في المكملات ... الخ واجعل فترة 6 شهور اللي تبدا فيها حديد فترة جمع معلومات فالانترنت بحر ملئ بالمعلومات واخص هذا المنتدى اللي ماراح تلاقي زيه )

اسمحولي أخواني خذيتكم بشراع وميداف من البدايه

بس طمعان في خبرتكم ومساعدتكم لي


( تحت امرك ولا تتردد .. هذا المنتدى في خدمة الجميع )



همسة : عند دخولك كمال الاجسام اجعل اوزانك معقولة لكي لاتواجه اصابات وغيره ولاتضغط على نفسك بالاوزان واعمل كارديو ( جري - سيكل - سير ) و ركز انك تحرق دهونك وتبعد عن الماكولات الدهنية والمقلية والمشروبات الغازية والسكريات وبعد 6 شهور يكون بديت قاعدة جيدة ببناء عضلات ستساعدك على تحمل الاوزان وبنفس الوقت يكون خففت من دهون جسمك

[السلطان..]

مشكور اخوي السلطان . .
عندي استفسار بعد الوصول للجسم المطلوب
او بعد التنشيف حسب مآ عرفت آنها مرحله نهآئية لتبين تقسيم الجسم
يقدر الواحد يرجع لوجباته الطبيعيه ؟ نفس بخ العيوش والذبايح و الوجبات السريعه و السفر والتغيب عن التمارين :D
وساعه للتمرين او ساعه ونص يومياً تكفي بعد الوصول للجسم المطلوب ؟
او ان حياة الرفاهية تنقطع عنها خلآص :(
هههه هذي اسألتي وبس :bigeyes:

لا أخوي مايصلح تتغيب عن التمرين,,
لكن اذا بغيت تطيح بالمفطحات وغيرها ممكن بس على خفيف وممكن تلعب شويه على السير مشي سريع او غيرها من الالعاب الي تخفف من الوزن.
وثانيا الرفاهيه انك تكوون خفيف وبصحه وبقوة وخاصه في رفع الاوزان وتحس بـثقه بالنفس لأنك تملك جسم متناسق ومقسم وفيه نشششاط غير طبيعي وراح تلاحظ هذا وتشوف الفرق.....اتمنى منك تشد حيلك وتكون فيك عزيمه واصرار.

[WLD AL5UBR]

اخوي سلطان العامري .. عليكم السلام ..

بخصوص الوجبات تقدر تخلي وجبه كارب واحده و خفيفه فقط ، الي هي تكون قبل التمرين بساعتين ، مثال / بطاطس ، معكرونه ، ارز ، قبل التمرين مباشره تاخذ لك موزه تعطيك كارب سريع باور للتمرين

و تزيد كميه البروتين في الوجبات الاخرى ,

الدجاج و يفضل صدور الدجاج لان الجنحان و الارجل فيها نسبه دهون ، و البروتين فيها اقل .. لهذا السبب رياضيي كمال الاجسام يفضلون صدور الدجاج

دق في الدجاج بالعربي بس ابعد عن الكبسات و الاشياء المقليه و الوجبات الدسمه من المطاعم بقدر الامكان

البيض .. و حاول ما تزيد عن صفار واحد فقط باليوم .. يعني اذا بتكون وجبه من وجباتك عباره عن 3 او 4 حبات بيض ، شيل الصفارات و خلي صفار واحد اذا حبيت و الباقي بياض البيض

البعض ما يعرف ان نسبه البروتين العظمى في البيض هي في الزلال ( بياض البيض ) و الصفار نسبه الدهون فيها عاليه و البروتين اقل .. في كل بيضه بياضها 3 جرام على اقل تقدير ( حسب حجم البيضه )

التونه .. عليك بالتونه .. علبه التونه مثلا وزن 180 جرام فيها نسبه بروتين ما يقل عن 35 جرام بروتين للعلبه الواحده تقريباً .. لكن لا تخليها وجبه يومياً لانه من المعلبات ..افضل شخصيا لو تكون مثلا يوم و تترك يومين و هكذا

البقوليات ، فول - عدس .. فيها نسبه بروتين ممتازه و لكنه يعتبر من البروتينات الناقصه اضافه الى نسبه الكارب فيه اكثر من البروتين خاصه في العدس .. و لكنه مفيد و اذا بتاكل فول لا تخليه وجبه دائمه ، مره مرتين بالاسبوع ممكن ، مع زيت الزيتون وفوائده كثيره لعمليه الغذاء انصحك بقراءه فوائد زيت الزيتون للرياضيين

البعض ما يفضل الفول ولكن التنويع في الاكل مطلوب ، لجسم صحي اكثر

الحليب ، منزوع الدسم او قليل الدسم ، و الزبادي قليل الدسم ، ولاتخلط بين الزبادي والحليب في نفس الوجبه ، ان اخذت الحليب في وجبه ، يكون الزبادي بوجبه اخرى

ابتعد عن الخبز الابيض ، لانه يتحول الى سكر و دهون بالجسم اذا ما حرقته بالتمرين، و حتى الخبز البر العادي يعتبر مائل للابيض ( يفتقد نخاله البر بشكل كبير ) خبز البر النخاله الي يجيك لونه غامق اكثر و الرغيف ثقيل .. تحصل بالمخبز حجم صغير رغيف خبز نخاله ، استخدمه دائمه مع اي وجبه مثل البيض او التونه

و لا تنسى ملتي فيتامينز و حبوب زيت السمك من اقرب صيدليه ، لفائده اكثر لبناء العضلات و العظام الجسم بشكل عام

و المشي على السير او على اي جهاز لحرق الدهون ممكن يكون بعد تمرين اي عضله كبيره ( نص ساعه )

ما اعرف عن جدولك و هل انت في فتره التخسيس ولا فقط حديد ! ان كان فقط حديد لاتنسى تخصص يوم او يومين فقط لحرق الدهون مشي سريع + هروله

شد حيلك و موفق يا بطل

[سلطان العامري]

مآحصلت رد على سؤالي

آخواني الشخص لازم تواجهه ظروف فالحياه
ظروف سفر او مرض او دعوات لعزايم
او لاسمح الله عزا او شي

يعني بشكل عام هالظروف تأدي غلى الإنقطاع عن التمرين ولو لأيام او اسابيع
وطبعاً يخترب الجدول الغذائي . . وقتها شو راح يصير ؟ وكيف الواحد يقدر يعوض فالأيام اللي بعدها

[السلطان..]

اذا ماتمرنت ماراح تكون النتائج مثل واحد منتظم.

اغلب الناس الي عنده ظروف واكيد راح يقطع وانا منهم.

[سلطان العامري]

بس اخوي ابغي اعرف شو سلبية الإنقاطع عن التمرين
ويصير الواحد يرجع للتمرين بعد فترة ؟

سؤالي اللي محد جاوب عليه
ساعه او ساعه ونص تمرين يومياً تكفي ؟

[mohamadali123]

تمرن فقط ساعة واحده

[السلطان..]

بس اخوي ابغي اعرف شو سلبية الإنقاطع عن التمرين
ويصير الواحد يرجع للتمرين بعد فترة ؟
الانقطاع عن التمرين يقلل من ادائك وممكن ينزل وزن عضلاتك+تزيد الدهون او تكتفي بنزول الوزن عضلاتك>وهذا كله راااااجع لجيناتك الوراثيه فيه نااس اذا قطعت عن التمرين ينزل بسسسسسسسسسرعه هائله مستواه وفيه ناس ينزل مسويه بششكل بطيئ.وعلى حسب أكلك كمان اذا كنت تاكل كويس او لا.

سؤالي اللي محد جاوب عليه
ساعه او ساعه ونص تمرين يومياً تكفي ؟
افضل شيء في مرحله الضخامه 45 دقيقه الى ساعه وربع.>طبعا على حسب اذا كان عندك عضله اوعضلتين بجدولك.واذا كانت تمرينك ماشي على تكانيك غريبه بالنسبه لك.فتكون المده قصيرة ومرات طويله لكن المتعارف عليه من 45 دقيقه الى ساعه وربع هذا الافضل بس ممكن توصل لساعه ونص بس مو دايم....