اعتزال

[Karazhan]

السلام عليكم جميعا

انا اخوكم فهد ولد بطنها التقليد , مندوب الملك ولد بطنها الاصلي اللي عروقه بالماي

اظن كلكم تعرفوني مايحتاج اعطيكم ملفي الاخضر

انا نويت اني استقيل من المنتدى , بعد ما احترفت الاداره بتطنيش الافكار و سرعه الاستجابه بالتوقيفات والتحذيرات والامور اللي تكون عاده ضد العضو

ماعلينا من هذا كله

المهم انا اليوم اعلن اعتزالي من المنتدى , و بما ان لي علاقات طيبه مع اغلب الشباب هني و كلنا راح نستمر باللعبه اما ووركرافت او جيلد وور او ستار وورز

يعني راح نستمر مع بعض ان كنا اعضاء بالمنتدى او اعضاء بغيره , والمنتدى اهو عباره عن مكان تجمعنا و تواصلنا مع بعض

لذلك انا راح اتابع من بعيد لي بعيد القسم و ننتظر الى صدور اللعبه "جيلد وور" لأن رفيجي اللي عروقه بالماي الصبح دازيله دعوه للبيتا وماادري سجل و دخل اللعبه او لأ

لكن راح انتظر معاكم صدورها بشكل رسمي ولما تنزل اللعبه راح نتفق على سيرفر نكون فيه و ونسوي جيلد و ندخل كلنا فيه

طبعا بدون مشاركات , يعني انا معتزل المتندى ولكن بتابع بدون تسجيل دخول و اشوفكم وين تتفقون وادخل معاكم

بعد هذا راح اعتزل المنتدى بشكل كامل , ولا يجمعني فيه شي



مشكورين وماقصرتوا و اتمنى التوفيق لكم باللعبه وخارج اللعبه
واتمنى التوفيق لكل اللي يتابعوني "الاغلبيه الصامته"

[xman 2]

هههههه

الله يكون في عونك ياخوي والله محد مقوم القسم الا انت سولف وساعت صدر

(ام تحبني) في فلوس ........>>>> امزح

[عزوز1]

وعليكم السلام ورحمة الله وبركاته

راح نفتقدت صراحة

[Jeremie]

351277فهد أرجوك لا لا....................

مافي أحد صوت غيري

[Derover]

اقول انثبر مكانك وشيل فكرة الاعتزال من راسك :silly:

كلنا ندري ان الادارة لو تبيع كباب احسلها

انت مشكلتك تهتم حيل بالمنتدى وتبيله الأفضل وتدقق بكل صغيرة وكبيرة

والادارة مالها خلق لهالسوآلف، خلاص خلهم مو كفو نصايح

وبعدين الكل يدري انك اكثر واحد شايل القسم ولك معجبين بكل مكان يعني ماله داعي اتغلى :09:

ولي الحين ما حققت حلمك انك تحط الأعضاء الي بلستتك بكرسي الاعتراف

وماعرفت منو البسطويسي والجنود المجهولين والأسرار الأخرى ..

لآزم تحقق هدفك بعدين فكر بالاعتزال وانسى ان في شيء اسمه ادارة منتدى

عندنا يوشي اعتبره ادارة المنتدى وهو ما يقصر معااك

[لوعةالفرقا]

بتجيب مين في حفل الاعتزال !!!!؟

[Jeremie]

مين يعني الفن كله

bi kidude

351314

[Cry Me A River]

^
^


انا اول الحاضرين شكل الحفل بيكون ممتع !!!!

طيب مابتجيبون رابح ؟؟ ولا راشد ؟؟؟


فهد دربك اخضر ياحبوب ,,, بس لاتحسسني انه اول تحذير وانذار او ايقاف يعني لاتكبر السالفة ( دع الامر يمضي )


:

[لوعةالفرقا]

الله يقطع ابليسكم

اقصد بيجيب وش من نادي
ريال مدريد مانشستر يونايتد ولا وش بالضبط
انتو خليتها طرب

[Nebraska:xD]

وعـلـيـكـم الـسـلام ورحـمـة الله وبـركـاتـه

اخي الكريم karazhan
ماهي مشكلتك بالضبط .. ولما تود الرحيل وتترك اصدقائك
اتـمنى ان تـعود ولا تـفـكر بترك المنتدى ..

انــا سابقاً كنت ادخل هنـا لكي اقرأ واخذ الي ابيه وبدون تسجيل دخولي .. لانني لااجد الوقت الكافي لدخول المنتديات
لكني كنت اتابع بعض مواضيع هنـا في السنة الماضيه

واتمنى ان تعود لانني لدي بعض الاستفسارات .. المهمه

فـ اتمنى ان تعود ولا تفكر بهالشي

[البسطويسي]

ماشاء الله تبارك الرحمن،، حقيقة هذه هي الأخبار المفرحة التي تسر النفس أخي في الله ... التمست في ردود الاخوة بعض المجاملة للأخ فهد ... صحيح أنه زميل عزيز لكن هذا لايعني بالضرورة أنني مضطر لمجاملته في هذه المواضيع بالذات ... الرجاء من الاخوة كتابة آرائهم بكل صدق والتوقف عن المجاملة نهائيا. كان بودي أن أستهل بحديثي لكني مضطر للخروج والاحتفال بهذه المناسبة المبهجة.

[Warchif]

ولد بطنها
انت كذا تحقق اكبر امنية للعذال
ماعليك من الاداره ياخي روح اقشم حب وبطل سواليف الجهاد ذي خخخخخخخ
دامنا وراك و نعتبرك شيخنا وحنا تلاميذك دام ظلك
خلاص وش تبي بعد اكثر من كذا
يعني انت تدفع فلوس اشتراك بالمنتدى والا وشو

خليك كووووووووووووووووووووووووووووووووول

[Yoshi]

خلاص شباب في حفل الإعتزال

انتم جيبوا المطربين وهالسوالف وخلو الشربات علي

http://a9.img.v4.skyrock.net/a93/cendrillonorientale/pics/2655604114_small_2.jpg

http://n4hr.com/up/uploads/f4d7c3fe82.jpg

ولعيونك ذبحت هالدينصور لك بعد ..

http://bajeelah.net/up/uploads/978aaf6e59.jpg

حياكم الله جميع

[arlund]

لا اترك عنك هالسوالف
انت حلا المنتدى

[لوعةالفرقا]

انبسط ياعم

74% يحبونك

معقوله بتكسر خاطرهم ومابترد !!

[ابو ران]

لا تتركنا انت حلا المنتدى كله صراحة قلبك طيب وحبوب

[iSRT8]

انا بصراحه مادري شسالفه
بس لا تترك المنتدى :'(
<<< واعذروني على طقت الرصيف "^^

[Karazhan]

السلام عليكم

اول شي بادئه ذي بدأ انا قلت قبل كل شي اني معتزل المنتدى بشكل شبه كلي , يعني موجود بين فتره وفتره الى ان يفرجها الله بتحقيق المطلوب من الاداره او اذا رافعين الجام راح انتظر الى ان تنزل لعبه تجمعنا ونكون مع بعض

وماكو الا لعبه جيلد وور 2 , لما تنزل نلتقى فيها

هذا اول شي واللي كل تلميذ يحطه في باله


ثاني شي يمكن بعضكم مو فاهم ليش قدمت استقاله , كراي يقول توقيف او شي جذي يعني

لا الموضوع مو موضوع توقيف , والكل يدري ان التوقيف عندي مايسوى شعره من شعرات اي عضو فيكم

لكن الموضوع واللي الاداره زعلت عليه لدرجه انهم اتصلوا بدارك تب عشان يدخل مخصوص يشوف كلامي , وفعلا دخل الاخ دارك تب واللي مايدخل الا بالسنه مره وشاف الكلام و مسحوا المشاركه

تقدر تسألون المراقب يعطيكم المدونه لأن المواضيع المحذوفه يقدر يشوفها

من كلامي بالمدونه حطيت 5 امور وقلت لابد تتنفذ , منها حجب الروابط والصور عن الزوار , تفعيل دور المراقبين مو بس ياخذ اللون ويكشخ فيه , اللون الذهبي صار ماله معنى , لأن الاعضاء المميزين والمراقبين السابقين والاعضاء المراقبين كلهم نفس اللون

وطلبت يرفعون اي عضو مراقب الى اللون الازرق ويتركون اللون الذهبي للأعضاء المميزين والمراقبين السابقين , وفعلا عملوا هذا الشي مع عضوه مراقبه 1 بس , لأنها بنت طبعا مع ان في رجال ولكن الرجل ماله سوق هني

وتفعيل الشكر بالمواضيع وليس الشكر محصور بالمراقب , حالنا حال المنتديات الثانيه , اي عضو تعجبه مشاركه يشكر صاحبه , مشاركه اقصد مو موضوع , يعني الشكر بس تقدر تشكر صاحب الموضوع

وجعل المراقب اهو الكل بالكل بالقسم الخاص فيه , اهو يعطي اوسمه و يعمل كل شي بدون الحاجه للرجوع الى المراقب الكبير , ابو لون عنابي

اي مراقب يغيب مده شهر ينزل على طول

كتبت هالامور بالمدونه و اصدموني احذفوها بعد ما اتصلوا على دارك تب عشان يشوف بعينه شكاتب

مع ان لي مشاركات سابقه , ما اسلمت مني الاداره , هوشه كبيره عريضه , وفوق هذا عادي ماصار شي , ولكن من عطيتهم بعض الافكار انقلبت الدنيا , مع ان هالامور بصالح المنتدى مو بصالحي

ولكن يمكن ان حجبت الروابط راح تخلي ال1500 زائر كل يوم زعلانيين , لأن الزوار افضل عن الاداره من الاعضاء ال50 واحد كل يوم , هذا اذا اذبحوا نفسهم وصلوا هالرقم

قلت ياجماعه نستقل الوضع ونحجب الروابط ويضطرون الناس تسجل وخلاص , مو معقوله 12 عضو موجود الحين و الزوار 1300 شخص


يمكن لأن الزعيم مايحب يسجل دخول و يحب يشوف من بعيد لي بعيد عشان جذي مايبي يحجب الروابط

يجوز


-

الموضوع اللي فوق راح ينحذف حاله من حال المدونه رقم 8 واللي ازعجت الاداره

المنتدى بالطوفه عندهم

تدرون ليش ؟ اداره ضعيفه

اداره تجاريه , المنتدى تابع شركه , والشركه مو مهتمه بالمنتدى كثر اهتمامها بنشاطاتها اللي تدر عليها بالمال , دارك تب نفس هلال رمضان , تشوفه بالسنه مره

اداره المنتدى اكتشفت ان ماعندهم صلاحيات , ولا صلاحيه للمراقبين , مجرد حذف\تعديل\نقل المشاركات

تغيير اسم\نقاط تقييم\توقيف\اوسمه

هذا كل اللي يقدر يعمله المراقب من اللون الذهبي وصولا الى العنابي

كل شي بيد دارك تب , والاخير هلال رمضان

انتوا يمكن تقولون انت شكو بالمنتدى , خلك بالقسم هذا دام في مواضيع ومشاركات وخلاص , انا مهتم بالمنتدى كله , كل الاقسام ادخلها واشوف بدون اشارك , يعني لي اهتمامات ولكن مشاركاتي اغلبها بالقسم هني , لذلك اشوف ان في تفرقه كبيره

يعني اعطيكم مثال , وقلت هالشي قبل لما تهاوشت مع الاداره و سكتوني بوسامين , من الترفيهي وفوق انت محظوظ , من تحت الترفيهي مالك حظ وانت البطه السوده

يعني خلاصه القول : ادخل بأسم بنت , و حط صوره بطله من بطلات فاينل فانتسي , انا اعطيك كفاله 10 سنوات او مليون كيلو متر ان خلال 6 شهور , راح تحصل 6 اوسمه و لقب تحت اسمك

تحمل واقعد سنه تصير مراقب

الاقسام اللي تحت الترفيهي , 5 سنوات مشاركه يوميه + 44 توقيف + 230 هوشه = يعطونك وسام ويذلونك عليه , كل ماتسوي شي يهددونك بالتوقيف


انا ماعندي سالفه صح ؟

روح القسم و كحل عيونك بعدد مشاركات الاعضاء و عدد اوسمتهم و منصبهم , يعني لو تروح الاداره متهاوش مع واحد فيهم , انت تاكل توقيف واهو يطلع منها

ليش ؟

بنت


المهم

قال رفيجي ملك اللعبه اللي عروقه بالماي الرجل والمرأه متساوين بالحقوق والواجبات , لا الرجل يستطيع ان يكون امرأه ولا الأمرأه تستطيع ان تكون رجل

وفعلا لو تدقق بكلام رفيجي تشوف كلامه عدل 100%

شلون الاداره تفرق ؟ انتوا ماسمعتوا عن اللي دخل المنتدى بأسم بنت

وكان احد تلاميذي بعد , سجل بالمنتدى بأسم بنت وقعد الله وكيلكم بحدود السنه مسوي نفسه بنت , وانا كنت داخل المنتدى قبله ب3 سنوات تقريبا

خلال سنه تدرون شنو حصل ؟

6 اوسمه و نقاط تقييم و طلباته مجابه من الخرفان

الى ان زهق واعترف انه بنت

وانا منطق قبله وبعده ماحصلت ولا شي

اسمه مس ربيكا وكتبت موضوع عنه ولكن حذف من المسؤولين عشان مايبون اي شي عليهم

يعني بالعربي البنت قايم سوقها هني , تدخل انت كافي خيرك شرك وتعطي بعض النصايح تروح فيها

ولكن كل هذا يهون عشان خاطر كل مصبنجي وعربجي شريف على هذا الكوكب




الخلاصه اني بقولكم ان سبب الاعتزال مو عشان توقيف او وسام او اي شي

الاعتزال لما الاداره تحترم رأي اعضائها و تعدل المنتدى و يطبقون ال5 امور اللي ذكرتهم بالمدونه ويردولي اعتباري الذي سلب 5 سنوات

ويفصلون الاعضاء المميزين عن الراقبين و يحذفون الاشراف من اي مراقب ما داوم

وانا تكلمت بعد عن فلوتا وقلت من سنه 2011 ما دخل القسم , و سنه 2012 عنده مشاركتين فقط و المشاركتين بأقسام ثانيه حتى مو بالقسم هذا

طنشوني طبعا نفس تطنيشهم لي لما تكلمت عن هت مان اللي قعد مراقب سنتين واهو مو موجود

عشان تعرفون ان الاداره مالها شغل بشي ولا عندهم ادنى فكره عن مايحدث بالاقسام

لذلك طلبت بالمدونه ان يكون هناك مراقبين اداريين يقومون بجولات وصولات بكل الاقسام , وظيفتهم يكونون مراقبين على المراقبين نفسهم ويشوفون ادائهم و منو الموجود ومنو اللي مشفط

طبعا كل هذا راح لأن ماعجبهم

وانا ان شاء الله لي عوده اذا صار ال5 اقتراحات اللي ذكرتهم , اما ارجع والوضع سيئ بالشكل هذا

اعور قلبي ليش


وبالاخير حبيت اقول ان يوشي قالي ظلمتني وقلت انت دخلت و حذفت توقيعي

الحقيقه اني ادري مو يوشي اللي دخل ولكن قلت عشان ابيه يعترف ويخاف من العيال لما تقوله انت عملت كذا يقول لا والله مو انا فلان

بس يوشي طلع جيد و مخلص للأداره , ماقال منو التزم الصمت واكتفى بالخاص

وانا والله ادري انه مو اهو , لأن مسكين صلاحياته محدوده المراقب بالمنتدى هذا

و جيرمي قرر يعتزل بعد اعتزالي , وانا اطلب منه العدول عن الامر لأن الموضوع مايخصك , انت رجل تدخل تشارك وتمشي وانا عندي معركه مع الاداره

اهو بروحه القسم مات بعد خروجي , تجي انت وتقول بعتزل

شوف القسم شلون واقف , كأنك موقف الزمن

عشان يعرفون انا منو اعداء الثوره واعداء النجاح

حتى بوحا بشحمه ولحمه دخل علي بعد ما قلت راح اعتزل , سجل دخوله و دخل ملفي عشان بس يخلي الناس تعرف انه معاي قلبا وقالبا

عدل بوحا

تكلم لاتستحي , مو انت دخلت عشان تخلي الناس تعرف انك معاي قبلا وقابلا

البسطويسي قلت راح يشعللها حرب عالاداره , خضع على طول واستانس لما اعتزلت , الظاهر سكتوه بوسام على عضويته الاصليه

الله كريم


ياجماعه ترى التصويت اللي حاطه مجرد عبط

كنت بكتب ما رأيك بأداء الاداره ؟

بس قلت ان كتبت راح يحذفون الموضوع وانا مابي يحذف و كتبت تحبني وله ماتحبني تراني ياي

المهم

انا وضحت اللي في بالي , الاعتزال مو عشان توقيف ولا وسام

5 امور مذكوره بالمدونه , لاتقول المدونه محذوفه , الاداره تقدر تطلعها , وانا مراقب بقسم ثاني واعرف البير وغطاه , قول لأي مراقب يروح قسم المحذوفات ويطلعه لك

ال5 امور تتحقق اهلا وسهلا , ال5 امور ماتتحقق لا انا ولا انت عزيزي العربجي المواطن والمقيم راح ننضر

وكلها كم يوم وتنزل لعبه جيلد وور 2 و نتواصل فيها , نسرق الفنت مال جيرمي ونخليه لها , و نسوي جيلد Al-Qaeda و نكون مع بعض

واشكر كل من سأل عني

من اللي فوقي الى اول واحد رد علي

مشكورين على مشاعركم الجياشه

و الملك يقدر كلامكم و يعتز فيه , وانتوا تدرون ان بالي وسيع يوسعكم ويوسع بلاويكم و مشاكلكم و اعمالكم الطيبه والشريره

كم واحد فيكم كان يتمنى توقيفي للأبد قبل 4 سنوات , والحين يطالبني اني ابقى

ودي اكون معاكم , لكن الوضع سيئ يااخوان , والله الوضع يزعل لما تشوف ابو 250 مشاركه و بنت و تهددك بالتوقيف

قهر الرجال هذا

انا مااتحمل بصراحه


والحين اخليكم لأني بروح مراجعاتي , و اذا تعدلت و عدلت من سياستها و وضعها الاداره قولولي عشان ارجع وابدأ من جديد

هذا اذا ما احذفوا مشاركتي هذي بعد , انسخوها عشان توزعونها بالسر اذا احذفوها الاداره


والسلام عليكم ورحمه الله وبركاته

[لوعةالفرقا]

ودي ابجي خلاص

تكفى ابي اعيد التصويت

بصراحه حطيت (لا)
والحين ابي اغيره واحط (اي )
واحس اني شايل ذنب كل واحد حط لا لأني انا اول من صوت لا ^^

المهم تعتزل بالعافيه
وراح نكون معك قلبا وقالبا مناصرين لك في كل مكان

على فكرة مارديت على تعليقي ولا لايكون انك بنت وحنا ماندري وداخل بإسم ولد !!

وبصراحه اكثر ماجذبني في كلامك يوم قلت



ودي اكون معاكم , لكن الوضع سيئ يااخوان , والله الوضع يزعل لما تشوف ابو 250 مشاركه و بنت و تهددك بالتوقيف

قهر الرجال هذا



والله انك صادق

بالتوفيق يا بطل ولقانا قيلد وار 2 او الاكسبانشن الجديد خخخخـ

[Warchif]

خلاص شباب
نتقابل في منتدى البوابة الرقمية
فيه موضوع خاص بلعبة GW2 هناك نقدر نفرفش فيه على كيفنا

[Karazhan]

ولد بطنها

هذا اسمي هناك , وتوهقت وين القسم بالضبط

ياليت ترسلي هناك بالخاص عنوان الصفحه دغري واكون شاكرلك

[لوعةالفرقا]

انا اسمي مثل ماهو <<<<<< عز الله بنتوقف كلنا ههههههههه

بس لو يفتحون قسم wow يصير احسن منتدى
بس الله يعينك يا فهد كلهم من السعوديه بالطقاق تلاقي واحد من برى السعوديه !!

[Karazhan]

ممكن الرابط لو تكرمت

اعتقد بأني دخلت و سجلت بمنتدى روسي وبعدين اكتشفت ان غلط

ممكن الرابط بالضبط يعني www.الملك-قدس-سره-ودام-ظله-ملك-اللعبه-اللي-عروقه-بالماي-ولد-بطنها-الاصلي.com جذي يعني يكون

[Karazhan]

السلام عليكم

انا سجلت واسمي ولد بطنها

مااقدر اشارك لأن يقولون الاداره لازم تسمح او تفعل اشتراكك او شي من هذا القبيل

خلاص انا بروح هناك و اشارك و شفتك كاتب بتوقيعك تجمع نقاط اكس بوكس

وانت وين ماتروح تجمع بس , ووركرافت تجمع جولد من الناس و ستار وورز تجمع قطع الجير و الاكس بوكس طلعت تجمع نقاط

جيلد وور شنو راح تجمع ؟

عموما ماادري منو وورشيف وشفت واحد يقولك انت لوعه الفرقا اللي بالمنتدى , شكله من الجماعه هني ويحارب جيلد وور وهناك صاير معاهم مع تغيير اسمه عشان محد يصيده

المهم الوعد هناك لما الاداره تتكرم وتفتح الحظر عني و ابدأ بالمشاركه

والسلام عليكم ورحمه الله وبركاته

[لوعةالفرقا]

هههههه الحين بشيك ع الموضوع

انا انسان صريح رأيي واحد اسمي في كل المنتديات لوعةالفرقا
ماعندي لف ولا دوران

وبعدين استر على ماواجهت لازم تفضحنا في سالفة النقاط ههههههههههههههه
ياخي خلينا نترزق الله انت عارف ان الـ 100 نقطه تساوي 500 فلس ههههههه
عاد تدري من اول ما كتبته في التوقيع إلى يوم ماحد عطاني وجه إلا واحد طلع موب فاهم الشغله قلته خلاص ما ابي شيء منك ههههههههه

[Warchif]

اسمي بمنتدى البوابة غير عن هنا
لكني مشارك بنفس الموضوع اللي حاط رابطه لوعة الفرقا
انتم عاد شغلوا مخكم وحزر فزر واعرف انا منهو خخخخخخخخخ

[لوعةالفرقا]

gromix ؟ صح ؟

اعترف !!

[Warchif]

لاع
انا عضو قديم بالمنتدى وجرومكس توه مسجل

[Yoshi]

بالتوفيق لكم

جئتوا اهلن وسهلن والعكس صحيح

الموضوع ماتوقع له داعي بعد الأن

بالتوفيق لكم