المساعد الشخصي الرقمي

مشاهدة النسخة كاملة : التخسيس واللياقة ابغي مساعدتكم في برنامجي


الزعيم 3395
15-04-2012, 05:39 AM
معلومات المتقدم بالاستفسار :
العمر : 16 , الجنس : ذكر

الطول :165 متر
الوزن : 76 كيلوجرام



و الاستفسار كالتالي :
آخوآإني مثل ما انتو شايفين عندي زياده فالوزن . . وابغي هالشهر يكون هالوزن الزآيد كله ينزل
مع اني كل يوم آركض على الآله . . بس مآعرف كم السرعه اللي للازم آحطها وكم المسافه
واستعمل السيكل لمدة نص ساعه بس على آخف ثقل يآليت لو تقولون لي آحسن طريقه لأستعماله
لان صراحه انا اسوي رياضه واحس شغلي كله عشوآئي وامس اشتريت حآرق للدهون حبه قبل الغداء و حبه قبل العشاء . .
لو تساعدوني اني اعرف تأثير الحارق كبير او لا
وعطوني برنامج غذائي للفطور والغداء والعشاء والتمرين ابغي اعرف كم مره فاليوم وكم السرعه والمسافه

وهالوزن ابغي آخفضه للـ 70 واكثر آنشالله خلال هالشهر او شهر و نص

لان ابغي ادش جم وطموحي للجسم الفرنسي فـ ياليت لو تعطوني جدول تمرين صارم شوي

( ملآحظه: عندي ربو ) مآدري اذا هالشي بيأثر او لا
بس ساعدوني بخبرتكم
nig
15-04-2012, 05:59 AM
هلا بك اخوي
انا راح اتكلم لك عن واقع تجربتي بس يبيلك صبر و راح تنزل بشهر و نص ان شاء الله 10 كيلو
اول شي خلي الحبوب الحارقه مالها داعي و كل يوم ادخل تمارين سويديه اذا عندك بالجيم و اذا ما فيه خليك مشي 30 دقيقه و سيكل 15 دقيقه و الجهاز الثالث ما اعرف اسمه اتوقع اوبتكال نفس الشي 15 دقيقه
و بعد اسبوع ابدا هروله بس اذا حسيت بضيق بالتنفس رجع للسرعه العاديه بين 5 و 5.5 و نفس الشي بالسيكل بس لا تشد على نفسك اول اسبوع عشان ما يجيك تمزق

بالنسبه للاكل الصباح شريحتين توست (بر) لازم بر مع لبنه قليل الدسم مع عصير برتقال طازج بدون سكر مع اي فاكهه تحبها ماعدا الموز و المانجو

الغدا 5 او 6 ملاعق رز مع صدر دجاج مع سلطه و تقدر تنوع بدال الدجاج سمك و بدال الرز مكرونه بس ما تكون اللي بالكريمه

بعدها بساعه الى ساعه و نص رح للجيم

العشا قبل النوم بساعه و نص او ساعتين راح يكون نفس الفطور و تقدر تغير اللبنه لجبن بس قليل الدسم انسى جبن المراعي و بوك رح للسوبر ماركت قسم الاجبان عندهم اجبان قليله دسم ولا تحاول تقلل اكلك اكثر من كذا لانك انت تحرقه بالنادي و اذا قللت بتتعب و تقدر تاكل سلطه او فواكه اذا حسيت بالجوع و كثر مويه و اهم شي لا تاكل ة تنام على طول انتبه من هذا الشي

هذا تقريبا كل شي اقدر افيدك فيه و اذا عندك اي سؤال انا حاضر
الزعيم 3395
15-04-2012, 02:38 PM
آخوي انا احياناً مآتريق الا فالدوام . . سندويجة جبن وعصير . . اذا حصلت وقت فالبيت الصبح اشرب حليب
بس اخوي السرعه من 5 الى 5.5 مآتنفع . . يعني مشي وبس . . وعاد 30 دقيقه . . يعني مآبحصل نتيجة
انا بالعاده 45 دقيقه واحط بروجرام معين يكون فيه تصاعدي وتنازلي اوتومآتيك يعني
.. مشي هرولة ركض هرولة مشي ..

( انا بعدني مآدشيت جم .. آتريا آخفف وزني شوي وعقب ادخل . . عالأقل يكون اوصل وزني 70 وعقب ادش )

تسلم آخوي ومآقصرت

فأنتظار مساعدة باقي الأعضاء
الزعيم 3395
15-04-2012, 10:48 PM
ولآصوت لمن ينآدي :)
الزعيم 3395
15-04-2012, 10:56 PM
هل ينفع الكآرديو لحآلتي ؟ . .
آبغي مساعدتكم يـ خوان شما
كل اللي ابغي اخسره 6 كيلو و بس وعقبه بدش الجم ومآبصدع رآسكم :(