المساعد الشخصي الرقمي

مشاهدة النسخة كاملة : التخسيس واللياقة افيدوني بخبرتكم عن نظام غذائي وجدول//صور بالداخل


طموح لامحدود
24-04-2012, 01:05 PM
معلومات المتقدم بالاستفسار :
العمر : 21 , الجنس : ذكر

الطول :186 متر
الوزن : 100 كيلوجرام

نسبة الدهون : 28

و الاستفسار كالتالي :
السلام عليكم كيفكم يابطال


ياشباب انا واللهي محتار كيف اسوي جدول لنفسي والله تعبت وجاني صداع فالتفكير وجاني ارق

ماعرفت كيف ارتب لي جدول ولا اعرف كيف ارتب جسمي انا اصراحه ماهو راضي بجسمي الا ب 30%!!!


قبل كل شىء انا كان وزني 135 وفي 4 شهور تقريبن نزلته لـ100 ونسبه الدهون كانت 39 ولحين 28%

والله ياناس مليت وماهو راضي ابدا

وانا ابي اعدل صدري واخليه مشتد وعندي كرررررش كبييير يالله من هالكرش اصراحه متعقد ياناس تكفون افيدوني

العب حديد ولا كاريدو ولا وش اسوي

هذه صور لجسمي وتعليق عندكم وابي استفيد منكم

التحميل من هنا - 114.79 KB (http://www.m5zn.com/files-0424120304297yilbth8wo-)

التحميل من هنا - 138.75 KB (http://www.m5zn.com/files-042412030429gdeit2lazoe-)

شوفو شلون الكرش شباب

انا كنت 3 مرات امتن عن الحين بفضل الله نقص وزني

افيدوني بخبرتكم ولارتبولي جدول ووعد امشي عليه حرف حرف

بس ابي اشيل الكرش واشد صدري ويديني

تكفون شباب
.hamad.
24-04-2012, 01:21 PM
هلا فيك اخوي

لا تزعل نفسك الموضوع يبيله صبر اشوي

تقدر تفيديني بنظامك الغذائي حالياً + تدريبك + المكملات

ملاحظة / الصور ماتطلع
طموح لامحدود
24-04-2012, 01:28 PM
مشكور حبيبي على ردك

نظامي بتفصيل الله يسلمك // انام متاخر على 4 الفجر واصحى ساعه 3 الظهر واذ ابي اتغدا اشرب شوربت عدس وسلطه

ومرات اصحى 12 الظهر واكل 3 بياض بيض مع لبن خالي دسم كوب كامل
واكل مكسرات واجد وبين الوجبات والفاست فود امر عليه اذ كنت جايع وماحصل شىء اكله


وكل يوم امشي مشي عادي لمده 30 دقيقه وصارلي اسبوع استعمل ليبو اكس 6

وانا على اتم الاستعداد اشتري اي من المكملات عشان اعدل صحتي وجسمي

اسف بخصوص الصور وهذي اصور :*_*:

http://store1.up-00.com/Mar12/9BQ63152.jpg (http://www.t8t3.com/)

http://store1.up-00.com/Mar12/5I463152.jpg (http://www.t8t3.com/)
ديزل ديزل
24-04-2012, 09:40 PM
دى مش مشكله كبيره ولا حاجه كل حاجه فى ايدك بس اهم شى يكون عندك صبر وعزيمه ناس كتير كان وزنها عالى والحمد لله وزنها نزل جامد بص يا حبيبى بصراحه مهما هتتمرن ومفيش نظام تمشى عليه مش هتوصل لنتيجه بصراحه انا مبحبش اغش حد هتتمرن وهتظبط نومك واكلك هتوصل لنتائج هتكون راضى عنها خليك معايا نقطه نقطه اولا علشان وزنك ينزل لزم تكون فاهم ايه معنى السعرات الحراريه يعنى شخص نحيف محتاج يزيد من وزنه هيكون محتاج سعرارت حراريه اكتر من 2000 علشان الوزن يزيد طب اوحد محتاج ينزل من وزنه طبعا لزم يقلل من السعرارت الحراريه زى المياه الغازيه السكريات الايس كريم الحلويات وغيرها تروح لنقطه تانيه وهى الدهون علشان الدهون تقل لزم نسبه الدهون اللى بتخش الجسم تقل يعنى لزم اخفف من الدهون وابعد عن المشويات واقلل الكرب يعنى ادخل فى مرحله بلك او دايت هبقى تقلل من الدهون والكرب واكتر من البروتنيات واقلل من المكسرات على قد ما قدر نروح للتمرين هيكون على نظام الحرق يعنى مدخلش الجيم اتمرن تمرين عادى واقول انا بخسس لالالالالالالالا لزم نظام زى الكارديو والجرى ونط الحبل المشايه العجله وده هيكون بجانب تمرين الحديد واهتم باايام الراحه وان شاء الله هتشوف نتائج بس متحوليش تنزل جسمك بطريق غير طبعيه اصبر ومش تستعجل وهتشوف نتائج عن ثقه
طموح لامحدود
25-04-2012, 07:32 AM
مشكور اخوي ديزل ديزللو تلاحظ انا كان وزني 135 ولحين 100 بس ماهو راضي بشكل جسمي ومتعقد ابي جدول لغذا وجدول حديد اي شي وأبي اشيل الكرش ومشكور ع المداخله
.hamad.
25-04-2012, 08:21 AM
اخوي جسمك محتاج تدريب وتغذية وراح يضبط بفترة ماتتوقعها

بس في مشكلة


انام متاخر على 4 الفجر واصحى ساعه 3 الظهر

تقدر تغير هالجدول وتنام الساعة 12 بالكثير وتصحى 8 الصبح .؟؟
طموح لامحدود
25-04-2012, 09:09 AM
ايه اقدر مافيه مشكله
طموح لامحدود
25-04-2012, 03:20 PM
up guys

وينك ياكبتن حمد *_*
.hamad.
25-04-2012, 03:25 PM
ابشر اخوي مب ناسي ان شاء الله
طموح لامحدود
26-04-2012, 12:58 AM
تسلم اخوي انتظرك يالغالي
Booyaka
26-04-2012, 02:30 AM
حاليا لا تفكر بالحديد ، أجعل كل همك انك تنزل من وزنك بالكارديو والرجيم ، والكابتن ماراح يقصر معاك بالجدول الغذائي
.hamad.
26-04-2012, 10:52 AM
حاليا لا تفكر بالحديد ، أجعل كل همك انك تنزل من وزنك بالكارديو والرجيم ، والكابتن ماراح يقصر معاك بالجدول الغذائي

كلام صحيح حالياً ابدأ بالمشي مع الدايت واذا نزل جسمك اشوي بنرتب لك جدول تدريب + تغذية ان شاء الله
.hamad.
26-04-2012, 11:01 AM
الجدول بيكون لمدة شهر بالضبط

ان لم تلتزم به بالحرف لن ينزل وزنك اخوي واتمنى منك تعدل نومك عشان تشوف نتايج طيبه

بيكون 4 وجبات فقط + مشي سريع يومياً لمدة شهر وتبدأ بالمشي من بداية الاسبوع الثانية ..

1- الفطور // جبن سلايس 3 قطع منزوع الدسم + كوب حليب قليل الدسم + حبة خيار

2- علبة تونة صغيرة بماء او نص صدر مشوي + 3 اكواب ماء

3- 2 بياض بيض + ملعقة عسل صغيرة + 3 اكواب ماء

4- نص صدر دجاج مشوي او علبة تونة + سلطة خضراء + 3 اكواب ماء

اجعل بين كل وجبة والاخرى 3 ساعات ..

واكثر من شرب الماء

ملاحظة // لا تاخذ اي شيء بين الوجبات نهائياً حتى لو عصير // فقط تقدر تاخذ شاي احمر او اخضر او كوفي ((( بدون سكر ))) ...

ان حسيت بضيق في المزاج او عصبية راسلني وبقولك وش تاخذ

موفق ياكبتن

ارجو اعلامي بالنتايج بعد انتهاء الاسبوع الاول
طموح لامحدود
26-04-2012, 11:30 AM
جزاك الله الف خير ياكابن ووعد مني امشي من بدايه الاسبوع الجاي وربي فيني حماس وشاد الهمه من الحين لول تسلم شيخي


صبرت وماخاب ظني بالله وفيك تسلم حبيبي وربي يشفيك ويشفي اولادك

بخصوص العسل اانا مانيب فلخليج انا في امريكا وهني عسل مش حالك يعني مال جمعيات ماهو طبيعي 100% يمشي؟

وبخصوص الليبو اكس 6 استخدمه ولا اتركه؟
.hamad.
26-04-2012, 11:34 AM
بخصوص العسل اانا مانيب فلخليج انا في امريكا وهني عسل مش حالك يعني مال جمعيات ماهو طبيعي 100% يمشي؟


ماعندك مشكلة بس اختار اللون الغامق يجي ثقيل اشوي


وبخصوص الليبو اكس 6 استخدمه ولا اتركه؟

زين نبهتني عليه الله يجزاك خير

اتركه اخوي خوفك يزيد الطين بله وينزلك سوايل وتبقه الترهلات اكثر