ساعدوني بحل لجسمي بالصور...

[مشعل320]

السلام عليكم ورحمه الله وبركاته ...

يانااااس انقذوني ساعدوني ارشدوني ..قسم بالله تعبت واحسرت الكثير من المال في اشتركات النادي والمكملات ..ولم احصل علي المطلوب ....


بدايه اللعب من 4 شهور في البدايه كان وزني 86 ودخلت تخسيس شهر وصلت الي 80ونص ولي ثلاث شهور في الحديد وصل وزني الان 85


نسبه الدهون 23 الطول 177 سم العمر 28 ........ من سنه كان وزني 94 ولكن نزلت الي نص الثمانينات من غير رياضه وذالك بسبب النفسيه ومرض الوالده شفاها الله وشفي جميع مرضاكم


الهدف ابي جسم من غير تضخيم انا ابحث عن جسم موديل ولكن والله العظيم اني تحطمت كل ما اشوف نفسي في المرايه اتحطم واقول مالي ومال الحديد حتي اخر يومين احس مالي نفس العب وافكر اترك الحديد والنادي لاني بجد حصلت عكس المطلوب والمتوقع ..

المسشكله الحين وزني 85 قبل كم شهر وقبل العب حديد كان وزني 86 احس اني انحف من كذا وكل من شافني يقول نحيف الحين العكس كل من شافني يقول منتفخ ...

انا ما ابي ها النفخ دبل كبدي قهرني وش اسوي الحين ...؟ انا ماجيت لكم الا اني متضايق وابي الفزعه والمساعده منكم ..


جدولي صدر وباي
اكتاف وسواعد
ظهر وتراي
ارجل

طبعا في راحه 3 ايام احطها علي كيفي بس ان كل اسبوع ادرب العضله مره وحدة ... وبتكرار 10 10 10 3 جلسات واوزان اللي اقدر اشيله وابالقوه يعني اقسي شي اقدر عليه

المكملات sro بروتين وامنيو 10000 وجلومنتين يوجد لهم صور

المشكله عندي الخصر واسفل الظهر مرة مرة مرة مرة مرة مضايقيني ولكن مقارنه ب قبل بدايه اللعب فرق كبير صح خسرت الكثير ولكن لايزال هناك المزيد

العب تمارين خصر كل مره اجي النادي يعني 4 مرات بالاسبوع الصحن الدوار يمكن 400 مرة اللف بالصحن ....والعب بطن مرة او مرتين بالاسبوع

قبل التمرين العب سكيل 5 الي 10 دقايق واخش تمرين حديد

الاكل هو هو ماتغير من قبل سنه وهو نفس الاكل اللي نزلت فيه بدايه النادي انا عزوبي واتعمد علي اكل الكافتريا يعني كله ساندويتش يابيض مسلوق او جبن مشكل او دجاج ومن ها الاشياء

الغازات يمكن مره او مرتين بالاسبوع الزر يمكن مرتين بالشهر امر عليهم لابد بالمناسبات او احد الطلعات .....

الحين ياجماعه وش اسوي بعمري قسما بالله ادفع 1400 ريال اشتراك 3 شهور وقبل فتره مجدد بعد 3 شهور بنفس السعر قاعد اخسر المال والوقت والنتيجه غير مناسبه كنت حاط امل بالصيف بيكون الجسم المطلوب وجاء الصيف وشكلو بيروح وانا بمكاني وجسمي

المشكله الحين احس ان البطن منتفخ شوي مدري من البروتين او وش السالفه انا ادري ان عندي اشياء كثيرة غلظ في جدولي ونظامي ارشدوني ساعدوني ماجيت لكم الا من بعد الضيق

البروتين استعمله مع حليب قليل الدسم قبل وبعد التمرين 2 سكوب واخد احيان 2 او 3 امينو قبل التمرين ومثلهم بعد التمرين والجلومنتين اخلط مع البروتين مع الحليب .....


الهدف ياشباب

التخلص من الضخامه الخفيفه ومن الخصر واسفل الظهر والبطن ما احس فيها وبوجودها الا اذا كانت قاعد اما وانا واقف تكون الكرش شبه معدوه ....

المدربين كل واحد مشغول مع قروبة ويادوب احد يعطيني وجهه وانا ابيكم انتم تكونو المدربين لي وكلي ثقه فيكم من بعد الله



ساعدوني بالجدول وارسمو لي خطه الطريق والنجاح اذا ماتحمست من بعد الله ثم انتم خلاص بجد بجد بجد بتحطم ...


ابي الجدول والتمارين والمكملات وكل النصايح لاتبخلو علي ربي لايحركم الاجر والعافية

وهذي الصور

[بردان1]

تم نقل الموضوع بما ان البيانات كاملة موجودة
..
ياليت لو تطلع على القوانين اخي الكريم



وان شاءالله موفق

[بن فرشنه]

وعليكم السلام أخوي مشعل ..
ما أدري ليش كل هالتحطيم في نفسك ، ترى جداً المسألة سهله ..
لو حابب يفضل جسمك بهالشكل عمرك كله لا تمارس الرياضة ..
لكن لو حاب تملك جسم مودل على حد قولك لازم تتمرن .. لازم تقنع نفسك بنفسك ..
لازم تملك العزيمة بداخلك وكل يوم تصحى تقول ( أقدر ، وراح أوصل لهدفي بإذن الله ) ..
لا تقعد تحبط من عزمك أو تطالع فجسمك بالمرآيا كتير .. ولا تتأمل صور الناس اللي لها بآع طويل بهالمجال ..
ركز على هدفك وطموحك وصدقني راح توصل له .. يا ما ناس كانوا أسوأ منك ..
لكن بالعزيمة والإصرار حققوا طموحهم ..
وخلي دا الشيء قاعده بحياتك مو بس في مجال الرياضة أو كمال الأجسام ..
توكل على الله .. حدد هدفك .. ضع خطتك .. تصل لمبتاغك ..

أما بخصوص المكملات ما بفهم فيها كتير .. وإن شاء الله يفيدوك الشباب ..
لكن من وجهة نظري إنت تحتاج دآيت الفترة الحالية ..
لأن الجدول الغذائي مهم .. كأهمية الراحه .. والتدريب ..
وتحتاج لبروتين زيرو فآت مثل ( الواي ، النيتروتك ...إلخ )
وأمينو 2222 لأن 10000 كتير على جسم مودل لأنه أغلب اللي بستخدمه للتضخيم ..
أتمنى إن أفدتك وما أطلت عليك ..

[مشعل320]

مرحبا بالجميعالاصرار والعزيمه موجوده علي انها تختفي احيان وترجع احيان ولكن موجوده اذا شفت نتيجه ايجابيه نقطه حلوة استفدها منك ان الامينو10000 لاينفع لي وانه للتضخيم هل هذا صحيح ؟؟؟!ننتظر باقي الكباتن والشباب فيهم الخير والبركه الهمام ياشباب بانتظاركم بدخل التحدي معاكم تحياتي لكم

[fouad.10]

السلام عليكم ...

ياخي جسمك مو بهذا السوء الي تكلم عنه , بعدين جسمك مع كارديو ونظام غذائي جيد وتمارين حديد صدقني بتوصل خلال 3 شهور لهدفك ( أهم شي النظام الغذائي الصحي )

شوف الكتبن حمد او اي احد من الكباتن يزبطلك جدول غذائي كويس وصدقني راح توصل للي تتمنى ..


وشوف الموضوع هذا ان شاء الله بستفيد كثير ..

http://www.montada2.com/showthread.php?t=654134&highlight=

اتمنى لك التوفيق ..

[لاعب متقدم]

كل شئ يتحقق بحول الله و قوتة

[مشعل320]

للرفع واشكر كل من تفاعل معنا وننظر بقيه الاعضاء الكرام ....

[مشعل320]

للرفع بانتظار الكباتن والاراء

[مشعل320]

هل تنصحوني اوقف البروتين وابقي ع الاحماض الامينو 10000 او 2222 وايهم افضل لي هل اوقف الحديد والعب الكارديو الحري والسير والسيكل وغيرها هل المكملات يوجد فيها شي غلط ؟؟ او ناقص شي او اغيرها الي اي شي اخر اهم شي ابحث عن النتيجه المرضيه لي وهي جسم فنتاستكهل تنحصوني بجدول معين او نظام عذائي معين ؟لي يومين امارس الكارديو واصبح الوزن 84 ونص ؟؟هل استمر في تنزيل الوزن الي اي كيلو يناسبني العب تمارين البطن لي 3 ايام يوميا قبل النوم انتظر اكثر تفاعل لاتحبطو معنوياتي ياشباب ؟؟؟

[azoz1988]

هلا وغلا اخوي مشعل

اول شي ماله داعي تزعل وتتحطم وانت توك بادي ... اللي يجي بسرعة يروح بسرعة .. عليك بالصبر ثم الصبر والاهم يكون عندك همة يعني مثلا تقرر تسوي دايت تشوف اكل تشتهيه مستحيل تقربه تقدر تسوي كذا ؟؟
او عندك طلعة او شي والمفروض تتمرن تروح تسحب على التمرين .. لا لازم يكون عندك اصرار وعزيمة قوية اذا تبي توصل

من وجهة نظري وبالمختصر انك تنزل نسبة الدهون بجسمك الى صفررررر ثم تبدا وتاخذ مكملات من جديد يعني الحين وقف كل شي خليك على كارديو ساعة باليوم + دايت قاسي الين تنحف مررررررررررة
تحتاج من شهرين الى 4 شهور حسب جهدك وانا سويتها ومشت معي صح لان ماينفع تلعب حديد وانت فيك كل هالدهون ماراح يتغير شي انسسسسسى
وراح تدعيلي باذن الله
جرب الشاي الاخضر مع الدايت وغير السكر الابيض الى تروبيكانا مثلا او سكر فواكة ولاتاكل خبز ابيض نهائيا وكثر زبادي وخضار وفواكة
بالتووفيق اخوي ولاتنسانى من دعواتك

[مشعل320]

اخوي عزوز يعطيك العافيه انا قبل العب الحديد كنت العب كارديو ونزلت 5 كيلو تقريباً الي 80 بعدها لعبت حديد وزاد وزني الي 86 الحين اترك الحديد وارجع للتخسيس واترك كل البروتين راح اخسر بعض العضلات المكتسبه افكر استمر ع الاحماض والجلومنتين بس عل اترك الحديد نهائي اللي ابي اخسره الان هو كيلوات الدهون فقط!!نتظر باقي الاعضاء والابطال

[.hamad.]

السلام عليكم اخوي

جاتني رسالتك وفالك طيب

اول شيء جسمك طبيعي وماعندك مشاكل كبيرة او عنيده يعني تحتاج دايت يناسب وزنك + تضيف يوم زيادة للتدريب يكون كارديو فقط

بالنسبة للصحن الدوار الافضل توقفه لان بيزيد المشكله سوء .

ابي نظامك الغذائي بالضبط للتعديل عليه ياكبتن

[مشعل320]

حياك الله اخوي حمد

بالنسبه للنظام العذائي مالي نمط معين احيان وجبتين او ثلاثه باليوم تتركز بالغالب من الكافتريا ام ساندويش جبن او بيض مسلوق واحيان اكل لحوم مشويه ....

الغازات في الاسبوع مرة الزبدة نظامي الغذائي مش مزبوط ومبهذل ...

احتاج لي نظام عذائي جيد وجدوال تمارين من غير تضخيم ....

يعني برايك ياكابتن حمد استمر علي الحديد او اوقفه فتره معينه ....

وماعطيتني رايك بالمكملات اللي عندي هل استمر او اوقف عليها ...او اغيرها ماعندي مشكله اهم شي النتيجه ....


ولكن لماذا الصحن الدوار يزيد الامر سواء .... وهل هنا ك تمارين للقضاء علي الخصر واسفل الظهر


مع التحيه والسلام ياكابتن


وشكرا لتفاعلك الكريم ومب غريبه علي اهل الطيب..


.

[toa20006]

اخي الكريم انا اشوف انك تلعب تنشيف يعني العدات تكون اوزان متوسطه عدات من15 الى 20 و المكملات بالنسبة للبروتين كويس لانه مافيه فات و الاحماض مافيها مشكله بس دخل معها الكارنتين و حارق دهون واهم من هذا كله الاكل ابعد عن السكريات والنشويات خلي وجبة الكارب وجبة ما قبل التمرين بس
والكارديو مهم بالنسبالك اهتم فيه مدة 45 دقيقه في الاسبوع 3 مرات
ولا تتحطم انا لو اوريك جسمي قبل سنه و 8 اشهر بالضبط كان ما تعرف التحطيم ابد لان كان وزني 148 كيلو والان 75
موفق يا غالي

[.hamad.]

اخي الكريم انا اشوف انك تلعب تنشيف يعني العدات تكون اوزان متوسطه عدات من15 الى 20 و المكملات بالنسبة للبروتين كويس لانه مافيه فات و الاحماض مافيها مشكله بس دخل معها الكارنتين و حارق دهون واهم من هذا كله الاكل ابعد عن السكريات والنشويات خلي وجبة الكارب وجبة ما قبل التمرين بس
والكارديو مهم بالنسبالك اهتم فيه مدة 45 دقيقه في الاسبوع 3 مرات
ولا تتحطم انا لو اوريك جسمي قبل سنه و 8 اشهر بالضبط كان ما تعرف التحطيم ابد لان كان وزني 148 كيلو والان 75
موفق يا غالي

+1
...............

[.hamad.]

اخوي هدفك بناء عضلات او انزال وزن ؟؟

[مشعل320]

الله يعطيكم العافيهانا ابي انزل وزن شوي مع بروز بالعضلات الصدر والباي والتراي يعني موديل او فرنسي ع قولتهم اهم شي اتخلص من الخصر الجوانب واسفل الظهر وابرز العظلات ..

[مشعل320]

يعني اضيف الكارنتين وحارق الدهون مع الاحماض والبروتين والحلومنتينطيب شنو افضل شي من الكارنتين وافضل حارق للدهون ؟؟!والعب باوزان متوسطه 15 الي 20 تكرار ب 3 جلسات صح؟؟ شكراً لتفاعلكم وربي فعلاً ابطال واخوان قبل كل شيوالاصرار موجود بس الانسان يبدي احد يدله ع الطريق ويعلمه الصح والغلط انا ما املك معلومات كافيه عشان كذا متبهذل ولكن بوجودكم يختلف الكلام ويزيد الاصرار والارادة بعدالله ....

[King Of Coffee]

أولا أهنيكـ علىعزيمتكـ واصراركـ..... وغالبا اللي يصعد للهرم ولا يمتلكـ شئ يدعمه يسقط مباشرة ..

- أنت يا خوي تحتاج الدعم النفســــــــي بالمرتبة الأولـى .. وخليني أوضحلك نقطة ... الدعم النفسي يجي من نفسك أنت , لا تنتظر أحد يقولك أنت جسمك حلو أوأنت جامد أو من هالكلام .. أنت شجع نفسك وضع لنفسك محفزات ..... وقول لنفسك ......لو وصلت لهذه النتيجة راح أشتري كذا .. ولو وصلت لهذه النتيجة راح أعمل كذا .......

- استمع لكلام المحبطين وحوله إلى مصدر للطاقة ....


الكابتن حمد دخل في الموضوع ..... فترجى خيرا من الله ثم منه فهو ذو خبرة طويلـــة وتجارب كثيرة ...


جزاكم الله خير ...

[صراع 702]

قـوي نفسك يامشعل علامــك تو الناس صار لي اربع اشهر والحمد لله من 80 كيلو الى 70 وبدا العضل ينرسم عنـدي ولله الحمـد
توكل على الله ياخوي مشغل اترك الدخان اترك الشيشة ابعد كل البعد عن الغازات لاتقرب على اي شي فيه زيوت

[O.X.Y.G.E.N]

اقولك الصدق ولا تزعل مني
مشكلتك انك تحمست مره وانطفقت
عارف كيف
الحين أنت وزنك زايد والدهون واضحه في بطنك وفي جنوبك وشوي في صدرك
وتقول تبغا جسمك موديل ووزنك 80 وطولك 177
ابغا افهم وش دخلك على بناء العضل الحين !!
يعني نقصت 6 كيلو وخلاص !! صرت موديل الحين انت ؟!
وزنك تقول الحين 85 ونسبة الدهون 23% يعني يطلع وزن الدهون فيك تقريبا 20 كيلو !!
ابغاك تنقص من 15 الى 20 كيلو في 3 شهور وانسى طاري بناء العضل الحين
المكمل الوحيد اللي ممكن تحتاحه هو ال كارنتين
خليك من البروتين والامينو ما راح تسويلك شي
بعد ما تشيل الدهون اللي في جسمك تبدأ بداية صحيحه وترسم جسم حلو
لا تقول مشوار انقص 3 شهور وبعدين ابدأ اضخم
هذا جسم مو سلق بيض !!

[مشعل320]

اقولك الصدق ولا تزعل مني
مشكلتك انك تحمست مره وانطفقت
عارف كيف
الحين أنت وزنك زايد والدهون واضحه في بطنك وفي جنوبك وشوي في صدرك
وتقول تبغا جسمك موديل ووزنك 80 وطولك 177
ابغا افهم وش دخلك على بناء العضل الحين !!
يعني نقصت 6 كيلو وخلاص !! صرت موديل الحين انت ؟!
وزنك تقول الحين 85 ونسبة الدهون 23% يعني يطلع وزن الدهون فيك تقريبا 20 كيلو !!
ابغاك تنقص من 15 الى 20 كيلو في 3 شهور وانسى طاري بناء العضل الحين
المكمل الوحيد اللي ممكن تحتاحه هو ال كارنتين
خليك من البروتين والامينو ما راح تسويلك شي
بعد ما تشيل الدهون اللي في جسمك تبدأ بداية صحيحه وترسم جسم حلو
لا تقول مشوار انقص 3 شهور وبعدين ابدأ اضخم
هذا جسم مو سلق بيض !!



هذا هو الصحيح الحماس هو السبب بكل شي


يعني الحين استعمل الكرنتين واترك كل شي

يعني ادخل الحديد والا والا ازود الكارديو ,,؟؟

[Heartbeat]

السلام عليكم ورحمة الله وبركاتة

الاخوان ماقصرو معاك

لكن اولاً لازم تكون جاد في هدفك
ثانياً بما أنك مبتدئ لازم تختار النظام اللي يتوافق مع ظروفك + نفسيتك

انا من وجهت نظري تمشي على هذا النظام لمدة شهرين او ثلاثه

اليوم الاول:
صدر + تراي + 20 دقيقة كارديو - 15 مشي 5 جري

اليوم الثاني:
كارديو لمدة 45 دقيقة + تمرين بطن

اليوم الثالث:
ظهر + باي + 20 دقيقة كارديو - 15 مشي 5 جري

اليوم الرابع:
كارديو لمدة 45 دقيقة + تمرين بطن

اليوم الخامس:
اكتاف + مثلثات + تمرين ارجل - فقط افخاذ امامي + خلفي + بطات + 20 دقيقة كارديو - 15 مشي 5 جري

اليوم السادس:
كارديو لمدة 45 دقيقة + تمرين بطن

بخصوص المكملات
مثل ماذكر لك الاخوان الـ كرناتين قبل التمرين + انابولك هالو بعد التمرين

من وجهت نظري هذا النظام مريح لك
بحيث ما تضغط على نفسك بتمارين الكارديو والحديد مع بعض
وايضا ماتهمل الكارديو يوم الحديد لكن تكتفي بـ 20 دقيقة 15 منها مشي و5 جري
او 10 دقايق مشي و5 جري

بشرط النظام الغذائي:
يكون خالي من الدهون , قليل الكارب بشرط يكون القليل قبل التمرين
لكن بما اننا بشر مافي مانع بكسر النظام يوم او يومين بالاسبوع بشرط عدم المبالغة
وانا اقصد هنا بأن تدخل القليل من الدهون قبل التمرين , والكارب بعد التمرين ولكن بشرط ان يكون يوم او يومين بالاسبوع
لكن اذا قدرت تلتزم بالنظام بحذافيرة يكون افضل

وبالتوفيق ان شاء الله

[مشعل320]

السلام عليكم انا فعلاً جاد ومتوكل ع الله ولكن اختلاف الري لايفسد للود قضيه بتوكل ع الله وانشالله العزيمه موجوده ولكن ماذا عن الاوزان والتكرارات الخيفيف الوسط اقصي شي استطيعه الجميع متفق ع الكانرتين ولك ماهو فايده ؟؟وماهو افضل نوع وشركه اخي العزيز انابولك هالو اول مره تمر علي فايدها وهدفها مع الشكرتحياتي لك

[احمد القدومي]

هلا اخوي
ترى اخوي والله الشغلة يبيلها صبر ولا تخاف ان شاءالله بيصير اللي في بالك
وموضروري تاخذ بروتين لانك تبي تنزل من وزنك , من رايي خلي البروتينات بعدين
وحاول وانت بتتمرن تلبس مشد على خصرك
وبالتوفيق اخوي

[مشعل320]

والله ضعنا مدري ناخذ كلام منو ياشباب الاراء اغلبها مختلفه ؟؟شنو الحين نقطع الحديد والا نستمر نقطع البروتين والا نستمر اختلاف الري لا يفسد للوز قضيه كلنا اخوان وماتقصرونوكلنا مجتهدين ولكن الاراء اغلبها مختلف وضعنا بالطوووشه 😃😃😃😃

[O.X.Y.G.E.N]

والله ضعنا مدري ناخذ كلام منو ياشباب الاراء اغلبها مختلفه ؟؟شنو الحين نقطع الحديد والا نستمر نقطع البروتين والا نستمر اختلاف الري لا يفسد للوز قضيه كلنا اخوان وماتقصرونوكلنا مجتهدين ولكن الاراء اغلبها مختلف وضعنا بالطوووشه 

أنت اللي مضيع عمرك
انت حدد هدفك .. وش اللي تبغاه
كل واحد عطاك طريقة وانت عليك نختار
الدهون متعبتك وتبغا تشيلها اول بعدين ترجع عالحديد
والا تبغا تكمل حديد ما عندك مشكلة في الدهون بعدها تخفف

اخوي سير على موضوعي اللي في التوقيع
ان شاء الله يفيدك

[مشعل320]

أنت اللي مضيع عمرك
انت حدد هدفك .. وش اللي تبغاه
كل واحد عطاك طريقة وانت عليك نختار
الدهون متعبتك وتبغا تشيلها اول بعدين ترجع عالحديد
والا تبغا تكمل حديد ما عندك مشكلة في الدهون بعدها تخفف

اخوي سير على موضوعي اللي في التوقيع
ان شاء الله يفيدك


يلا بسير علي موضوعك علي اني عشرين مرة مسير عليه :)

[kaka 12]

مرحبا فيك اخوي ماله داعي كل هالتحطم اخوي الغلط كله جاي من اكلك انت دامك تاكل اكل كفتيريا انسى تحقق نتيجه ولو 1 بالميه لانه كل اكلك غلط ودهون مشبعه غير صحيه فا يا اخوي نظم اكلك وزعهم عاليوم كله 6 وجبات فاليوم اكثرها بروتين ثم كربوهيدرات ثم قليل من الدهون المفيده كالزيت الزيتون وزيت السمك واعطي نفسك فيها 3 شهور وخليك قوي واصرار وعزيمه وراح توصل ان شاء الله لهدفك مثل ماقلتلك نظم اكلك الي هو اهم شي اهم من المكملات واهم من التمررين بعد الدايت حقك لازم يكوون هدفه انك تنزل دهون وتحرق وتكسب عضل بدالها وان شاء الله مافي شي مستحيل ناس اخس والعن من حالتك نجحو ووصلو للهدف المطلوب وصدقني راح توصل للهدف المطلوب بس خليك وحش وقوي وشوف المنتدى راح تحصل برامج تغذيه منوعه مفيده لك ونظملك جدول منها والله يوفقك