ابي منتج طاقة لرفع الاوزان

[الحر وضآح]

معلومات المتقدم بالاستفسار :
العمر : 27 , الجنس : ذكر

الطول :164 متر
الوزن : 63 كيلوجرام

نسبة الدهون : 18

و الاستفسار كالتالي :
شباب صار لي 4 شهور العب بالنادي نفس الجدول كان وزني 79 سويت رياضه ورجيم ونزل لي 63 حاليآ وانا بحاول انزل نسبة الدهون من جسمي ,,

لاكن المشكله عندي ما اقدر اشيل اوزان تعبت حدي اوزان خفيفه حيل وانا ودي اغير الجدول واشيل اوزان .. كل ما اسأل الشباب اللي يبيعون مكملات كل واحد يقولي شي نصابين بس يبون يبيعون لا اكثر ,, وابي خبرتكم تكفون

انا خذيت كرياتين ولا فاد معاي
اخذ حاليا sizon نسبة البروتين فيه 19 بالميه والسكر صفر ولا فاد معاي بالوزن

جدولي اول يوم صدر + باي
ثاني يوم بيطان + رجول
ثالث يوم اكتاف + مثلثات + تراي

وبين هالجدول اسوي معده لان المطلوب تقسيم البطن سكس باك وتقليل نسبة الدهون بالجسم

والحين قاعد اخذ كبسولات ثيرمو للتنشيف


تكفون شباب ابي منتج قوي جدآ ويخليني اشيل اوزان ,, لان حدي وزن بتمرين الصدر 10 كيلو او بالكثير والتعب 15 بمساعده بعد ..

افيدوني الله يرضالي عليكم شنو المكمل رقم واحد لزيادة الاوزان بلعب كمال الاجسام

وشاكر لكم

[.hamad.]

هلا فيك اخوي الحر

لقد تم تعديل العنوان ليناسب فحو الموضوع ونرجو منك كتابة عنوان يناسب الموضوع فالمرات القادمة ياكبتن ..

بالنسبة لطلبك فالافضل تضيف منتج اسمه بيتا الانين

وان شاء الله بتلاقي مردود طيب منه

بالتوفيق اخوي

[Sukhoi 35]

c 4 ممتاز حق البور 351868

[الحر وضآح]

الله يعطيكم العافيه عالردود الطيبه

طيب شرايكم بمنتج نو اكسبلود + جاك ٣

[WLD AL5UBR]

http://www.montada2.com/showthread.php?t=746130\

انصحك بهذا المنتج ،، قوه رهيبه اثناء التمرين ، عن تجربه احد الاشخاص الخبيرين في مجال كمال الاجسام لسنين طويله و هو قد جرب الكثير من منتجات القوه وينصح بهذا المنتج

[.hamad.]

اخوي انت داش دايت وتبي تنزل نسبة الدهون وهاذي المنتجات كلها تزيدك سوائل وتعبي جسمك

[الحر وضآح]

ماعندي مشكله بزيادة الكتله العضليه لاكن مابي ازيد دهون ابد ابد ,,

طيب شنو تشوف ياكابتن لاني العب حديد ومحتاج بور مايزيدني دهون او سكر ,, الدب الروسي تعتقد ممتاز لاني ابي ضخامه عضليه وتقسيم بطن بدون زياده بنسبة الدهون ,, مع اني يوميا امشي اقل شي 30 دقيقه ومابينها هروله وركض سريع ومشي سريع ..

افادتك تهمني اخ حمد

[toa20006]

اخي الكريم في كثير من المنتجات الممتازة
انا بالنسبة لي افضلها C4
هيمو راج
وجاك 3دي
و سوبر شارج

[بردان1]

ماقصروا صراحة الكباتن

لكن اول شي اخي حدد هدفك
خل هدفك واضح
اما تخسيس يعني يهمك نزول الوزن
او تضخيم
وطبعا لو دخلت تضخيم وتبي تشوف نتايج طيبة لابد تكون هناك زيادة دهنية ولو كنت حريص راح تشوف ع الاقل شي خفيف

وطبعا لكل واحد نظام واكيد راح تتعب بشيل الاوزان لاصرت بنظام تخسيس لان الاكل بيكون قليل فيه الكارب وكله يروح حق الجري وغيره


حاليا انصحك كمل تخسيس ولاتهتم لشيل الوزن كثر ماتهتم انك تجي للنادي وتحرك وتخسس اكثر ولامانع من ال الـكارنتين + بيتا الانين مثل ماقال الكابتن حمد

وبعد ماتنزل بوزنك وتكون مستعد للتضخيم تبدا تزيد اكلك وتزيد كمية الكارب ومباشرة راح تشوف تغير تخلص ساعه ونص وانت ماتعبت

موفق