المساعد الشخصي الرقمي

مشاهدة النسخة كاملة : التغذية استفسار عن استبدال المكمل البروتيني بـ لتر من الحليب ...


fouad.10
20-05-2012, 01:51 AM
معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 73 كيلوجرام

نسبة الدهون : 20%

و الاستفسار كالتالي :
السلام عليكم ورحمة الله وبركاته ..



ياخوان انا مقطوع من البروتين البودر حاليا ..

وقاعد اشرب قبل التمرين بساعه لتر حليب المراعي فيتال ولتر بعد التمرين فيه تقريبا 32 جرام بروتين ,

1310ملجرام كالسيوم , و 420 كالوري , وفيتامين أ , وفيتامين د3 ..


طبعا اكيد البروتين بودر زي الي كنت استخدمه الي هو البروكمبلكس مليان معادن وفيتامينات مارح يجي زيه ..

بس سؤالي هل هذا يفي بالغرض الين تنفرج واجيب البروتين ؟

سؤالي الثاني هل الكالسيوم ما يأثر لو اخذته بهذي الكميه ؟ وكم المفروض كالسيوم يدخل للجسم ؟

وشكرا يا وحوش ..
WLD AL5UBR
20-05-2012, 11:36 AM
الحليب بكميه كبيره لتر دفعه واحده مضر لك و ممكن ما تستفيد من كل هذه الكميه

وما يغني عن المكمل ، و خطأ تاخذ حليب قبل التمرين بساعه ، قبل التمرين بساعتين وجبه كارب مثل البطاطس والرز و قبل التمرين مباشره موزتين كارب سريع

لانك محتاج باور قبل التمرين وليس بروتين ، البروتين مباشره بعد التمرين مع كارب سريع امتصاص مثل الموز والتفاح
Yass.jed
20-05-2012, 11:37 AM
طيب ليه يا اخي ما تاكل قبل التمرين الحليب ممكن يعوض عن بروتين الكاسين لكن ك قبل النادي لازم وجبة بروتينية وفيها كارب ونسبة دهون
fouad.10
20-05-2012, 06:40 PM
الحليب بكميه كبيره لتر دفعه واحده مضر لك و ممكن ما تستفيد من كل هذه الكميه

وما يغني عن المكمل ، و خطأ تاخذ حليب قبل التمرين بساعه ، قبل التمرين بساعتين وجبه كارب مثل البطاطس والرز و قبل التمرين مباشره موزتين كارب سريع

لانك محتاج باور قبل التمرين وليس بروتين ، البروتين مباشره بعد التمرين مع كارب سريع امتصاص مثل الموز والتفاح


مشكور على التعقيب اخوي ..

بس انا اعرف اني احتاج باور قبل التمرين, واعرف انو بعد التمرين يحتاج الجسم كارب سريع الامتصاص مثل العسل والموز وغيره , واعرف برضو انو الحليب مستحيل يجي زي المكمل ..

يا كبتن مين قالك انو خطأ الواحد ياخذ بروتين قبل التمرين بــ 45 دقيقه او ساعه !!

الشي الثاني بارك الله فيك ممكن تفسرلي ليش الجسم ماراح يستفيد من الكميه هذي كلها ؟

وكان فيه سؤال عن الكالسيوم كم المفروض يدخل الجسم في اليوم الواحد , عشان ما ازيد الكميه وتصير بدال ما ينفعنا الكالسيوم يضرنا ..!!!!

شكرا ..
fouad.10
20-05-2012, 06:43 PM
طيب ليه يا اخي ما تاكل قبل التمرين الحليب ممكن يعوض عن بروتين الكاسين لكن ك قبل النادي لازم وجبة بروتينية وفيها كارب ونسبة دهون


والله يا صاحبي انا هذا الي قاعد اسويه الان , قاعد احاول اعوض المكمل بالحليب , من ناحية الكارب ياخوان اانا متـفــق معاكم جدا جدا جدا وانا اعرف الواحد يحتاج بور قبل التمرين ..

شكرا يا عزيزي ..
السلطان..
20-05-2012, 08:17 PM
تبي صلابه بالعضل+ممكن يغذي جسمك بدال المكمل البروتيني.

عليك بالتووووونه الي بالماء+خيار بعد التمرين.>كلام الكابتن حمد الله يوفقه ويعطيه العافيه يقول خلال اسبوع راح تحس بفرق من ناحيه الصلابه لكن انا اقولك استمر عليها اسبوعين وشوف الفرق ورد لنا خبر.
وراح اسألك بالخاص ان شاء الله اذا كنت بتجربها.أتمنى أفدتك
fouad.10
20-05-2012, 08:27 PM
تبي صلابه بالعضل+ممكن يغذي جسمك بدال المكمل البروتيني.

عليك بالتووووونه الي بالماء+خيار بعد التمرين.>كلام الكابتن حمد الله يوفقه ويعطيه العافيه يقول خلال اسبوع راح تحس بفرق من ناحيه الصلابه لكن انا اقولك استمر عليها اسبوعين وشوف الفرق ورد لنا خبر.
وراح اسألك بالخاص ان شاء الله اذا كنت بتجربها.أتمنى أفدتك

الله يجزاك خير يا خوي سلطان ..

بس ياخي تصدق اني دورت عليها تونه الي بالماء مالقيتها ما دري لو تعطيني اسم المنتج التجاري عشان ادور عليه مزبوط في الهايبر ..

والشي الثاني هل تقصد استخدم التونه بعد التمرين مباشره ؟

يعني بدال الحليب او بدال البروتين ؟
السلطان..
20-05-2012, 10:32 PM
ايه بدال البروتين كنت تاخذه.
انا دائما اشوف الي بالماء بس والله ناسيها روح اقرب هايبر بنده وراح تلقاها مليوووووون بالميه.احلى سوبر ماركت القا فيه اكلات غرييبه وحلوة
ولا تنسى اخذ لك كميه عشان مو كل يوم تروح وتطق مشاوير.
ديزل ديزل
20-05-2012, 10:38 PM
التغذيه السليمه تغنى عن اى شى وجبه قبل التمرين خد بطاطا او بطاطس مسلوقه بدون ملح مع موزه وبعد التمرين لزم تاخد سوائل لسرعه الامتصاص عصير قصب او عصير عنب نص كيلو لبن بسكويت بالبلح لتعويض الجسم بعد الهدم وبعدها خد الوجبه بتاعتك بروتين تونه مع مكرونه او ارز معا صدور
fouad.10
21-05-2012, 12:38 AM
التغذيه السليمه تغنى عن اى شى وجبه قبل التمرين خد بطاطا او بطاطس مسلوقه بدون ملح مع موزه وبعد التمرين لزم تاخد سوائل لسرعه الامتصاص عصير قصب او عصير عنب نص كيلو لبن بسكويت بالبلح لتعويض الجسم بعد الهدم وبعدها خد الوجبه بتاعتك بروتين تونه مع مكرونه او ارز معا صدور


كلامك سليم 100% , مشكور على المرور اخوي ديزل ..


بس يا جماعه استفساري عن لتر حليب بدال المكمل البروتين بودر ينفع والا ما ينفع , ومقدار الكالسيوم الي بيدخل جسمي منه ؟!!!!!!!!!
O.X.Y.G.E.N
21-05-2012, 12:39 AM
الحليب يوفر لك بروتين الكاسيين اكثر وهو بطيئ الامتصاص
يعني بروتين بودر او الحليب هو كله نفس الشي بروتين .. لكن الفرق في سرعة الامتصاص
بس اشوف لتر قبل التمرين ولتر بعد التمرين كثيره صراحه
مو عن كمية البروتين لا .. عن الحليب نفسه
الحليب هضمه صعب وينفخ البطن.. اذا ما لاحظت الحين بتلاحظ بعدين
وانت سألت عن الكالسيوم ترا راح تكون الكميه بهالشكل كبيره وممكن تضرك
عموما اشرب نص لتر قبل التمرين بساعتين مثلا مع وجبة الكارب
وبعد التمرين كل كارب بسيط و تونه مثل ما قالك اخونا السلطان على نصيحة الكبتن حمد
والتونه بالماء تلقاها في بنده علب كبيره وماركتها بنده لونها ازرق قيمتها 4 ريال ونص اعتقد ومتوفره بكثره

اذا ما كنت تقدر توفر بروتين البودر بكميات كبيره سو زيي لا تاخذه الا بعد التمرين سكوب الى سكوب ونص
علبة الـ 5 باوند تجلس معي 3 شهور
ديزل ديزل
21-05-2012, 01:09 AM
حبيبى الفرق مش كبير العبر فى المكمل انك بتاخد من المكمل بروتين صافى بيستفاد الجسم بالكميه كلها اللى دخلت الجسم من المكمل عكس اللبن الجسم بيستفاد بجزء وبيستغنى عن جز غير اللبن بيدخل بروتين وسكريات ودهون والجسم مش بيستفاد بالقيمه كمله علشان كده لو بصيت للواى بروتين هتلاقى بيتكون من مصل اللبن المعزول يعنى اللبن بينزع من اللكتوز والدهون وبيتبقى الشرش هو ده الاهم ولو عايز الطريقه وتعملو فى البيت انا ممكن اقولك بجد والله
fouad.10
21-05-2012, 01:27 AM
اخ اوكسجين بارك الله فيك , اي والله ان نفخة البطن موجوده مو عشان كذا قاعد احاول اخذ الحليب قبل التمرين بأكثر وقت ممكن يعني ساعه او ساعه ونص عشان الامتصاص لأني حاسس انه ثقيل بشكل غير طبيعي , وبالنسبه للتونه ان شاء الله بدور عليها وبجيبها , اما الكالسيوم عشان كذا انا سألت اتوقع راح يكون مضر لأن كميات كبيره ادخلها , لكن االله يعين , ومشكور يالغالي على الرد , وفقك الله ..

اخ ديزل حياك الله يالغالي .. والله لو عندك الطريقه والله اكيد بتكون روعه الطريقه ,, بس خليني اروح اقضي مشوار سريع وراجع ان شاء الله ..

شكرا على اهتمامك اخوي ديزل بارك الله فيك ..
.hamad.
21-05-2012, 09:27 AM
بس يا جماعه استفساري عن لتر حليب بدال المكمل البروتين بودر ينفع والا ما ينفع , ومقدار الكالسيوم الي بيدخل جسمي منه

لا ماينفع لتر حليب مكان مكمل البروتين لان لتر الحليب فيه سعرات حرارية تعادل مكمل الجنر ومايصير سعرات بهذا الحد تؤخذ دفعة وحدة وايضاً الكارب عالي فاللتر

قبل التدريب خذ خبز اسمر او 4 ملاعق شوفان مخلوطة مع 100 ملي حليب

وبعد التدريب خذ علبة تونة بماء فقط

وبعدها بساعتين كل وجبة ثانية تكون متكاملة من البروتين والكارب ..
غامدي الشرقيه
21-05-2012, 01:03 PM
اخوي بالنسبه للتونه عندك تونه قودي بماء وملح فقط

موفق
fouad.10
21-05-2012, 03:26 PM
لا ماينفع لتر حليب مكان مكمل البروتين لان لتر الحليب فيه سعرات حرارية تعادل مكمل الجنر ومايصير سعرات بهذا الحد تؤخذ دفعة وحدة وايضاً الكارب عالي فاللتر

قبل التدريب خذ خبز اسمر او 4 ملاعق شوفان مخلوطة مع 100 ملي حليب

وبعد التدريب خذ علبة تونة بماء فقط

وبعدها بساعتين كل وجبة ثانية تكون متكاملة من البروتين والكارب ..

الله يعطيك العافيه كابتن حمد ..

وان شاء الله اليوم بجرب الطريقه هذي ..

شكرآ ..
fouad.10
21-05-2012, 03:27 PM
اخوي بالنسبه للتونه عندك تونه قودي بماء وملح فقط

موفق

إن شاء الله بروح بعد العصر ادور عليها ..

اللف شكر يا غامدي وجزاك الله خير ..