حصو بالمرار

[مشاري الرياض]

معلومات المتقدم بالاستفسار :
العمر : 28 , الجنس : ذكر

الطول :173 متر
الوزن : 73 كيلوجرام

نسبة الدهون : -

و الاستفسار كالتالي :
السلام عليكم

كيف الحال شباب

يمكن الموضوع خارج القسم بس اللي عنده معلومه يفيدني اكون له شاكر


شباب اللي يعرف علاج او طريق للتخلص من الحصو اللي بالمراره مجرب

يعطيني خبر لاهتم لان اخر شي ودي بالعملية لشخص عزيز علي


* اذا المووضوع مخالف يرجى الحذف مع الاعتذار لكم
مشكورين

[daughtry]

مشاري توكل على الله وقوله يسوي العمليه
ما تاخذ اكثر من ساعتيـن على بعضها يقعد اليوم بالليل وباجر الصبح بالعمليه واشوي حاله يصير اوك بنفس اليوم يطلعونه
ولد عمي توه مسويها وقبل يومين طلع من المستشفى وانا كنت وياه
العمليه بسيطه جدا , يقومون بفتحه صغيره وبمنظار جهاز يطلع كل شي

ولد عمي وياه 20 حصوه وتعب =)
وعندي صور لهم لو تبيني احطهم واخليه يشوف ويحمد ربه على النعمه الى فيها عطني خبر


قوله لا يخاف وعمليه بسيطه والله

[صارم]

وعليكم السلام
ابشر اخوى مشاري
انا رئيسي اخصائي مسالك بوليه بالقسم. واخي استشاري جراحه عامه
غدا الصباح بإذن الله ساجعل احدهم يجاوبك .
سلامات. لصديقك ومايشوف بأس
تحياتي

[مشاري الرياض]

daughtry (http://www.montada2.com/member.php?u=810847)

الله يعطيك الف عافيه الموضوع مو خوف المووضوع اكثر منه ان المستشفيات الحكوميه ولله تاخذ وقت ورحت لاهلي قالو لي مابين 12 الى 16 الف وصراحه مبلغ كبير شوي


هلا اخوي سعيد ولله تسوي فيني خير ولا انساها لك صراحه

والموضوع لشخص اغلى من الصديق ( أم دلع ) الله يحفظها يارب احرص لي ع المووضوع لاهنت مشكور

[صارم]

ابشر ياخوي وانت تأمر على الرقبه ،
ولكن هذه فرصتك لموضوعنا حق البارحه ههههههه
نخلص عليها هههههه
موعدنا بإذن الله غدا الصباح.
اسأل الله تعالى ان يشفيها ويشفي مرضى المسلمين.

[مشاري الرياض]

ههههههههههههههههه

هاهـ ولله كنت افكر بالموضوع بس قلبي رحيم مانقدر بعدين مستفيدين منها حافز ع قولتهم واخذ حافز وسافر للبحرين للشهر الثاني هههههههههه

مايامر عليك ولا على من يعز عليك ظالم وجعل هالراس مرفوع ولايهنه يارب


الله يجزاك خير

اللهم امين يارب

تسلم :)

[صارم]

السلام عليكم

اخوى مشاري
سألت الدكتور ، وقال اذا كانت فيه الالم لابد من عمل العمليه ،، واذا كان لا يوجد الالم تتركها. وقال لا يوجد شي غير العمليه لها ،،،
المهم قال ان العمليه سهله وتكون بالمنظار ،،
ولو اردت ان تتصل عليه ارسلك رقمه.
الله يشفيها ويعافيها. ....
تحياتي وتقديري..

[مشاري الرياض]

بيض الله وجهك يالغالي ولا يهينك

تعبتك معي ع هالصبح تسلم

شكلها مالها الا عملية والله يسهل ويرزقنا بالموعد القريب

مشكور من كل قلبي

[صارم]

الله يرفع قدرك ابو دلع.
وما عملنا شي خدامينك.
تحياتي،،

[shombeh]

السلام عليكم
اخوي يمدحون الحلبة عشان الحصوة والله يشفيها

[مشاري الرياض]

امين تسلم

جزاك الله خير

[hussain alamodi]

اخوي والله في حل للحصوه ومجرب باذن الله

شرب البيره الشعير اذا تعرفها
موسي شعير تشرب في اليوم على قد ماتقدر 5 حبات او 6 حبات وبالكثير انشاء الله 4 ايام الا والحصوه طالعه مع البول اكرمكم الله

واذا زاد الالم الحين العمليه صارت تصير بالليزر يفتتون الحصوه بالليزر وتخرج مع البول اكرمكم الله

[Booyaka]

والله يا مشاري انت طيحت قلبي من مكانه ، يوم شفت كلمة حصو بالمرار و العضو اللي كاتب الموضوع مشاري الرياض
خفت عليك والله ، اما عن سوالك والله كلش ماعندي فكرة عن هذا اللشئ لكن ماعلينا إلا الدعاء للمريض ..

[3bdurhman]

انا اشعاعي و انصحك بطريقة التفتيت بالموجات الصوتية

[مشاري الرياض]

اخوي والله في حل للحصوه ومجرب باذن الله

شرب البيره الشعير اذا تعرفها
موسي شعير تشرب في اليوم على قد ماتقدر 5 حبات او 6 حبات وبالكثير انشاء الله 4 ايام الا والحصوه طالعه مع البول اكرمكم الله

واذا زاد الالم الحين العمليه صارت تصير بالليزر يفتتون الحصوه بالليزر وتخرج مع البول اكرمكم الله
الله يعطيك الف عافيه وان شاء الله تجيب فايده


والله يا مشاري انت طيحت قلبي من مكانه ، يوم شفت كلمة حصو بالمرار و العضو اللي كاتب الموضوع مشاري الرياض
خفت عليك والله ، اما عن سوالك والله كلش ماعندي فكرة عن هذا اللشئ لكن ماعلينا إلا الدعاء للمريض ..


هلا حبيب القلب عيسى الله يسلمك ويخليك لا ابشرك انا بخير الله يجزاك خير

انا اشعاعي و انصحك بطريقة التفتيت بالموجات الصوتية

مشكور يالغالي

[Staleen]

اخي استخدم السوائل كثيرا أوالليمون على الريق ..اوالمته أواغلي شراب البقدونس لتدويب الحصى

[مشاري الرياض]

صراحه البقدونس بدينا فيه وان شاء الله الباقي وربك كريم ويسهل الامر

مشكور يالغالي

[Staleen]

وفي زهرة الالماسة ايضا انشاء الله بالشفاء العاجل ..