المساعد الشخصي الرقمي

مشاهدة النسخة كاملة : التخسيس واللياقة عندي كشف طبي وخايف ما اقبل من الكرياتين.


السلطان..
23-06-2012, 12:43 AM
معلومات المتقدم بالاستفسار :
العمر : 19 , الجنس : ذكر

الطول :___ متر
الوزن : ___ كيلوجرام



و الاستفسار كالتالي :
السلام عليكم ورحمة الله وبركاته..


شباب ابي فزعتكم تكفون.
انا سجلت في جامعه الملك سعود في تخصص التربيه البدنيه وقالوا فيه اختبار يوم 18و19 من شهر8 وفيه كشف طبي واختبار لياقه ومقابله شخصيه بعد.
انا استخدم كرياتين منوهيدرات وبروتين وخااااايف جدا من الكرياتين اخاف يفحصوني ويلقون بدمي كرياتين وما انقبل طبعا البروتين عارف انه عادي وماضني بيقولوا فيه شيء الاهم الكرياتين

ياشباب هل الكرياتين اذا فحصوا بيلقونه بدمي وما انقبل؟؟ولا عادي؟؟
علما اني موقف عنه اكثر من شهر وتوي راجع له يمكن لي يومين من رجعتي له.والجرعه 5 قرام يوميا فقط يعني الى الان 10 قرام.



وعندي سؤال عن اختبار اللياقه...
انا لياقتي ضعيفه بعض الشيء وما العب كارديو الا نااااادر جدا واسخن يوميا 5 دقائق وابدا حديد.
ابي اضبط لياقتي وارفعها واصير مرن قداامي تقريبا 16 يوم على الاختبار ووان شاء الله يوميا هروله وركض ولو فيه تمارين بتنفعني بالاختبار وتخليني انجح ياليت تعطونيها...


واسف على الاطاااله.بس والله محتااااج جدا جدا.
بردان1
23-06-2012, 01:12 AM
وعليكم السلام ورحمة الله

والله اخبر ايام قبولي بالجامعه
يعطونك ورقة وعلى المستشفى
تروح للمستشفى او اقرب مستوصف
يراعيلك الدكتور تعاني من مرض ولا شي تقوله لا يختم لك ويقول تفضل
ماخبر احد حللوله شين
وحتى لو ماراح يأثر ان شاءالله على قبول الجامعه
ولاتاخذ بكلامي لو تبي تقطع الشك باليقين انتظر احد الخبراء بهالمجال هل فعلا الكرياتين يغير مجرى التحليل او لا ؟

وبالنسبة للياقة اطلع الصبح للنادي اجر 30 دقيقة : ) او على اقرب ممشى
.hamad.
23-06-2012, 01:39 AM
وعليكم السلام

اولا مبروك القبول فالجامعة والله يوفقك

توكل على الله ولا مشكلة من موضوع الكرياتين فالفحص ولا تحاتي محد بيسالك عن شي :)
Booyaka
23-06-2012, 01:50 AM
هلا سطام .. اشوفك مطول الغيبة ..

ان شاء الله مافيها شيئ بخصوص تحاليل الدم وحتى لو شافو في شيئ فهو امر عادي يعني وش بيسوون كلها قبول بجامعة يعني مو ألعاب ألومبية مثلا حتى يتم استبعادك :أفكر:
LEMONed
23-06-2012, 01:50 AM
الكرياتين نقدر نحصلة فلحوم
لايكون تحسب الكرياتين حاله حال المنشط
لاتحاتي يالغالي
الناعسي
23-06-2012, 02:01 AM
ما قصرو الشباب

اما من ناحية اللياقه فانا نفس وضعك لاني مقدم على الكلية الامنيه وفيه اختبار لياقه لفتين على مضمار تقريبا ولاادري حتى كم طوله . قاعد ازيد لياقتي بالجري المتواصل نص ساعه يوميا فيالبدايه تسخين 5 دقايق وبعدها اخذ كم لفه على مضمار حول بيتنا ولا اوقف الا منقطع نفسي وامش شوي بعدها ابدا جوله ثانيه واضغط على نفسي لاقصى حدودي . معك حوالي اسبوعين الله يستر على شوي العضل اللي موجود عندك لكن الامر يستاهل
فاكرو
23-06-2012, 04:47 AM
عن موضوع الكرياتين ما قصروو الأخوان


وبالنسبة للياقة ... عندك كثير من التمارين

اجري 30 دقيقة والعب سويدي مثل البوش اب و العقلة .. والعب سيكل وسباحه كل هذي التماربن تمارين لياقه


موفق
Heartbeat
23-06-2012, 05:32 AM
مثل ما قال لك فاكرو
الجري وتمارين السويدي , لأني اعتقد ان اختبار اللياقه ليس جري فقط بل ضغط وبطن ايضا ولا اعرف ان كان هناك غيرها
18 و 19 من شهر 8 يعني اخري يومين او ايام رمضان :)
الوقت كافي شهرين تقريباً

ركز على السويدي من اجل مرونة الجسم
وعلى تمارين البطن والضغط

السويدي 3 ايام بالاسبوع كافي
الجري 4 او 5 ايام بالاسبوع كافي

بالتوفيق ان شاء الله
abusamara
23-06-2012, 11:53 AM
نصيحه مني انا قد سويت فحص قبل فتره والحمدالله مافي اي شي بس اللهم الانزيمات مرتفعه بالكبد وهذا شي عادي جدا للاعبين كمال الاجسام فاروح انت سوي فحص عادي لك شخصي يعني مو للجامعه وتأكد واذا تمام سوي حق الجامعه وان شالله ربي يوفقك والف مبروك وعقبال العاطلين

:) والكيراتين مانه تأثير سألت كثير دكاتره
السلطان..
23-06-2012, 07:59 PM
الله يبارك فيكم
الله يعطيكم العافيه ياشباب والعذر والسموحه على الانقطاع من المنتدى لان ماعندي نت وادخل من فترة لفترة..

وابشركم الاختبار الي قلت لكم عنه طلع الاعلان حق السنه الي فااتت :pيعني مافيه اختبار الا في الفصل الدراسي الثاني.سألت بأحد المنتديات وقالوا الفصل الثاني...

ونقول ان شاء الله ننقبل بالجامعه>الله يعين على السنه التحضيريه :)ويوفق الجميع
daughtry
23-06-2012, 08:17 PM
السلطان الله يوفقك منت اول واحد ولا اخر واحد ينقبل بالجامعه وثق تماما فيه قبلك ناس عندهم ظروف او اشياء تمنعهم وواصلو

خذ الامر سهالات ولا تتعمق فيه
والى كاتبه ربك يبي يصير
الله يوفقك