تجمع SERVER STORMSCALE

[Shiny Ditto]

السلام عليكم

شباب هذا الموضوع للأعضاء اللي يلعبون في سيرفر Stormscale

للمناقشة و التواصل

أنا في السيرفر و اسمي : Shinyditto

[Karazhan]

ضفتك وانت الحين في WoE

هههههههه

[The One 1]

شنو اسمك في اللعبة و شنو WOE

[Shiny Ditto]

يالربع كل واحد خليه يكتب اسمه عشان اضيفه و ممكن انساعد بعض أو على الأقل انسوي ريد

يعني من هالكلام

وشكرا على اضافتك karazhan بس اكتب اسمك في اللعبة عشان اضيفك :D

[Karazhan]

WoE هذا دنجن جديد نزل مع باتش الدث ونق

انا ياجماعه مو قاعد العب لكن مشغل بوت يلعب عني

يعني ما تستفيدون مني شي لأن مشغله و مادري عنه ابنوب

ولا حتى لي مزاج العب

لكني بنفس السيرفر اللي انتوا فيه و حبيت اتحرش


وان شاء الله لما تعطوني اصواتكم

وافوز بالمسابقه راح ارسلكم 500 جولد حساب الذبيحه والمشروبات

[Shiny Ditto]

شنو بوت يلعب عنك :33:
و على العموم إذا لعبت حياك الله

[Karazhan]

بوت اهو برنامج اشغله ويلعب عني ووركرافت

له عده استخدامات , منها على سبيل المثال

يلعب pvp ويجمع نقاط وانا اكون نايم او طالع , اهو من نفسه يدخل ويلعب ويقتل ويسوي كل شي واذا انتهى الباتل جراند يطلع ويسجل من جديد , ويستمر الى ان اشوف جمعلي 4 الاف نقطه , اوقف البوت واروح اشتري بالنقاط جير وارجع اشغله يكمل

او استخدمه يجمع جولد , يعني اروح للمدرب واتعلم منه وظيفتين الmining و الherb وبعدين اشغل البوت و اهو من نفسه يطير و يدور بالمدينه اللي انا احددها و بعدين احط راسي وانام او اسافر او اطلع

اهو يظل يطير ويبحث عن الماينق و الورود ويجمعهم 24 ساعه 7 ايام بالاسبوع , ولما الشنط عندي تصير full يروح اقرب بريد ويرسل الاغراض لشخصيه انا احددها , وكل شخص يستخدم الطريقه هذي يكون مسوي شخصيه لفل 1 و حاطها قريب من الاكشن هاوس والبريد

انا شخصيا مسوي لفل 1 وحاطه في undercity و ارسلت له جولد عشان يشتري bags له و للبنك , والشنط خاصه للماينق , وبالطريقه هذي اوفر على نفسي التعب والوقت اللي يعطل شغلي

بدل ما تنترس الشنط واروح المزاد اعرضهم وارجع اكمل تفريم , وفرت على نفسي و عملت اللفل 1 هذا وارسله كل شي من خلال البوت و ارجع اكمل شغل , ووقت اكون فاضي ادخل بالشخصيه لفل 1 واشوف البريد , راح اشوف مئات من الستوكات اللي دازهم من الشخصيه اللي مشغل البوت فيها

وابدأ بعرضهم بالمزاد كلهم , واذا خلصت ارجع للشخصيه لفل 85 واللي اشغل عليها البوت و اكمل شغل , بس مااسوي الحركه هذي الا لما ارسل كميات كبيره , بحيث ان اقل شي يدخلي منهم 15 الف جولد

والبوت بعد يلفل شخصيات , يعني احطه بوضع التلفيل و اسوي شخصيه لفل واحد واختار شكلها و كلاسها وكل شي وبعدين اشغل البوت , وراح يلعب البوت من لفل 1 الى لفل 85

هذا اذا مافصل النت عندي او صار شي وقف اللعبه , راح يلعب من لفل 1 الى 85 , يعني يتحرك ويروح ياخذ كويستات ويخلصهم وياخذ الجوائز و يتعلب حركات جديده من المدرب وكل ما تتخيله يسويه

في طريقه ثانيه بالتلفيل اللي اهي grind واللي عباره عن انك تحط الشخصيه في مكان معين و تشغل البوت ويقعد يذبح ويعتمد على الذبح للتلفيل , وهذي الطريقه بطيئه عشان تلفل

وله استخدامات اخرى بعد لكن انا استخدمه للجولد

[Abady Elfe]

بس راح يجي بند للأكاونت حقك إنتبه !!!!

[Shiny Ditto]

صج يصكوني باند :cray: عيل ماكو فايدة من البوت

[eGyMeDo]

ممكن اسم البوت وهل ينفع مع السيرفرات الخاصه ولا لا وشكرا ليك ولمعلوماتك الجديده دائما

[Karazhan]

اهلا اخي و عزيزي و حبيبي ميدو

انا تكلمت عن البوت من زمان وتقدر تشوف الموضوع هنا (http://montada.com/showthread.php?t=698688)


لكن الموضوع قديم شوي و حصل تغييرات في موقع البوت و تغييرات في الاشتراكات واعتقد ان حاليا لايوجد عندهم اشتراكات مدى الحياه

وكان قديماََ ماتقدر تستخدم ال fly mount الا اذا كنت مشترك معاهم life time اللي اهو مدى الحياه , ولكن الان الاشتراكات سنويه و تقدر تستخدم مونت الطيران عادي

بالحقيقه انا ماعندي فكره اذا كان البوت يشتغل على السيرفرات الخاصه ولكن اعتقد انه مايشتغل عليها

وهذا الاعتقاد حسب ما شفت من خلال عشرتي معاهم سنين , لأن البوت مرتبط في موقع المبرمجين

يعني مثل صفحه الماسنجر , تكتب العنوان والباسوورد وتدخل , هذا البوت بالضبط نفسه و لما تدخل البرنامج يربطك مع موقع البوت نفسه

والشي الثاني اخي الفاضل ميدو ان البوت يدعم اخر نسخ اللعبه , بمعنى ان كل باتش patch ينزل جديد من بليزرد يقوم اصحاب البوت بتطوير البوت على الباتش الجديد

لأن من خلال استخدامي للبوت , كل مره ينزل باتش جديد يتعطل البوت ولا يعمل , فأضطر اني اروح موقع البوت وانزل النسخه الجديده التي تدعم الباتش الجديد

لذلك : معروف ان السيرفر الخاص او البرايفت عاده يكون على باتش قديم شوي , واذا حاولت تشغل البوت عليه مااظن راح يشتغل لأن البرمجه اللي فيه للباتش الحالي

الا اذا عندك باتش معين و عندك نسخه من البوت المتوافقه معاه , مع اني استبعد هذا الشي لأن اصحاب البوت قبل كم شهر وضعوا بالبوت خاصيه جديد الا وهي تطوير البوت على اخر اصدار دون الحاجه للذهاب لموقعهم

يعني اول تشغيلك للبوت تطلعلك رساله تقولك في نسخه جديده متوفره حاليا للبوت , اضغط موافق للتطوير



و اسف على الاطاله

[Shiny Ditto]

انا نزلت برنامج البوت لكن ما عرفت اركب البرمجة فيه لان في بعض الأشياء مبهمة

فمثلا :
اول شي ادخل هذا الرابط http://www.thebuddyforum.com/honorbuddy-forum/plugins/free/uncataloged/19003-[plugin-gb2]-gbprofileloader-load-convert-gb-profiles-gb-2-a.html (http://www.thebuddyforum.com/honorbuddy-forum/plugins/free/uncataloged/19003-[plugin-gb2]-gbprofileloader-load-convert-gb-profiles-gb-2-a.html)

ونزل منه برمجه خاصه حق بوت التفريم getherbuddy وبعد ماتنزل الملف او البرمجه اخذها وحطها في ملف
Plugins

الرابط مو شغال !!

بعد ماتنزل الملف افتحت الضغط عنه وادخل على الملف الموجود داخل وحاول انك ماتدخل اكثر من اللازم , يعني يمكن تصادف ملف ولما تدخل تشوف ملف ثاني ولما تدخل تشوف البرمجه فيه , انت انسخ الملف الثاني مو الاول وروح لملف اللي تكلمنا عنه بالبدايه اللي اهو CustomClasses وحط في الملف مال الكلاس اللي نسخته ونزلته وطبعا بعد ما تمسح الملف القديم

و هذا الكلام مو واضح يحتاج الى شرح أوضح

في بعض النقاط يحتاج اتوضحها عدل عشان انعرف شلون انركب البوت

[FaneY]

ظيفوني Mt.Lv.Sm.Arabic.Practitioner هذول شخصياتي الاكتف

[Karazhan]

انا قلتلك ان الموضوع قديم و موقع البوت تغير

الحين اذا تبي البوت ادخل و نزله من موقعهم وبعدين اشترك و تحط اسمك و باسووردك بالبوت ويشتغل

بعدين عاد نجي على البرمجه وهالسوالف

لكن ترى ان طاحوا عليك بليزرد تروح فيها

او اذا احد فاضي و شافك مشغل بوت يروح يبلغ عنك

اغلب التبليغات تصير من ناس يستخدمون البوت

يعني عندي انا مثلا , لو اشوف اي شخص جدامي اعرف اذا مشغل بوت او لأ

واذا كنت حقير اروح ابلغ عنه عشان يصكونه باند و يصفالي الجو اقعد افرم على راحتي

لأن انا كلاعب شرير ما ارضى اني ابلغ عن لاعب شرير اخر , في بينا عهود و التزامات