بآلصور -- الضخامه خلال 11شهر

[mr:protein]

العمر 19 سنه

الطول 176

الوزن 76






السلام عليكم جميعآ

حبيت تكون اول مشاركة لي في هذا المنتدى الرآئع باخذ اآرائكم وانتقاداتكم--

نبدا باول صوره بعد التمرين باسبوعين تقريبا :

الوزن تقريبا 60
353562


بعد 3 شهور بدون (بروتين) طبيعي

الوزن 65

353563353564


بعدها استمريت شهرين تقريبا بدون بروتين لانه كنت خايف منه كثيرا من كلام الناس ويسبب مرض الكلى الخ ....لاكن قلت بجرب البروتين والله يكتب اللي فيه الخير

وبديت بالواي بروتين وجلست على العلبه شهرين تقريبا لانه كنت اخذ في اليوم سكوب او نصف سكوب فقط لانه كان يجيني الام في البطن والمعده



الان بعد 6شهور تقريبا

الوزن 67

353565


بعد الواي بروتين وقفت 15 يوم عن البروتين ورجعت بس قلت خل بنجرب البروكومبلكس

هذا المنتج اللي صدمني بنتايج رهييبه جدا انصح اللي يبي عضل صافي لا يتعداه





بعد 11 شهر من التمرين قبل اسبوع ونصف

353570

- 353566353567353568




ماشاء الله --


للمعلوميه ي شباب الجدول التدريبي م استمرعلى شي معي وكل 3 اسابيع اغير طريقة التمرين والتغذية

انصح المبتدئين في هذه الرياضه التركيز في التغذية السليمة والتعامل مع البروتين كمكمل غذائي فقط --

استخداماتي للمكملات :

اول خمس شهور طبيعي بعدها واي بروتين شهرين-ومن بعده البروكومبلكس شهرين ونصف وكلها على علبة وحده لاني كنت م استخدمه كثير -

الاحماض -جربت علبة وحده امينو 3000وكان جيد نوعا ما

البور - جربت 1mrوكان رهيب جداا جداا لاكن كان يعملي مشاكل في المعده وخليته بعد اسبوع من الاستخدام

بعدها جربت النو اكسبلود وكان جيد نوعا ما لاكن اكتشفت اخر شي ان اللي عندي لك عليه مضروب او تخزينه سئ وانصح اللي يبي يشرس النواكسبلود يفتحه عن البائع ويتاكد انه الاصلي

اما الان باول اسبوع لي من الكورس الجديد والله يكتب اللي فيه الخير

نيتروتيك -سيلتيك امينو 2222-منتج بور اسولت الاول على موقع بدي بلدنق-



عندي استفسار بسيط -- اول صوره عضلات البطن داخلات على عضلات الصدر والى الان المشكلة وعجزت افصلهن واقسم الصدر فهل في تمرين مخصص لهذا التقسيم وشكرا --
انتظر تقيماتكم وارائكم

[C.L.A.S.S.I.C]

ماشالله تبارك الله مستوى حلو جدا ولكن يبيلك زيادة ضخامه اشوي يعني حاول توصل ٨٢ وبتصير تحفه
باذن الله ما يوصل عمرك ٢٠ الا وانت وحش اهم شي لا تفكر يوم من الايام تستخدم هرمون
شد حيلك وعقبال ما نشوفك وحش من وحوش المنتدى

[دحوم المطيري]

ماشاء الله عليك وحش 6 باك + ضخامه عضليه من الصعب الحصول عليها بـ 11 شهر فقط
طريقتك صحيحه 100% ركز وجتهد اكثر موفق اخوي

[humax2007]

ماشاء الله جسمك خيالي وناشف
بس كم وزنك الان هل هو 76

[mr:protein]

اخوي كلاسيس الله يكفينا شر الهرمون جميعا والله يبعدنا عنه واحب انا اللي يطلع جسمه بيده وبتمرينه

اما بخصوص الوزن ان شاء الله بحاول اجيب 82عضل صافي مع الكورس الجديد لاكن عندي مشكلة في الباي والتراي م احس يتضخمن ويتطورن زي الصدر والظهر وباقي العضل
شكرا لك

اخوي دحوم المطيري الف شكر

[mr:protein]

اخوي هيوماكس الان 76ثابت

[C.L.A.S.S.I.C]

اخوي كلاسيس الله يكفينا شر الهرمون جميعا والله يبعدنا عنه واحب انا اللي يطلع جسمه بيده وبتمرينه

اما بخصوص الوزن ان شاء الله بحاول اجيب 82عضل صافي مع الكورس الجديد لاكن عندي مشكلة في الباي والتراي م احس يتضخمن ويتطورن زي الصدر والظهر وباقي العضل
شكرا لك

اخوي دحوم المطيري الف شكر
اخوي انا من رأي تلعب الباي مع الصدر والتراي مع الظهر وايضا تخلي يوم باي وتراي
وفيه محفزات هرمونات جيده مثل الانيمال ستاك والانيمال ام ستاك راح تعطيك عضل زياده باذن الله اقرا عنهم في المنتدى وبتفيدك

[mr:protein]

اخوي ممكن تشرحلي لايش بالضبط الانميال ستوك واللي معه

[fouad.10]

ماشاء الله تبارك الله ..

والله ياخوي انت جسمك الصلاه ع النبي احسه تقبل اللعبه وبقوه ..

لدرجة حسيت انك ضربت هرمون مو مكملات هههههه ماشاء الله تبارك الله ...

استمر يا مان ..

[مشاري الرياض]

ماشاء الله تبارك الرحمن

جسمك تغير مررره والترابيس حلوووهـ اعجبتني

شد حيلك ولاتوقف

[شموخ المملكة]

أولا يعطيك الف عافيه على الاصرار والعزيمة اللي عندك
وثانياً حبيت أهنيك على المستوى الاكثر من رائع اللي وصلت له ويمكن غيرك ما قدر يوصله خلال فترة اطول وأن هذا الشيء فيدل على اصرارك وعزيمتك القوية على أنك تحقق شي جميل ومنسق

واتمنى لك المواصلة والوصول لمستوى أفضل وأفضل بس اهتم بعضلة الصدر يبيله شوي تبرز اكثر عشان مثل ما تقول أنها متداخله مع عضلات البطن فلو ركزت في تمرينها راح تبرز وتعطيك شكل اجمل رأئي

وتقبل تحياتي

[صارم]

ماشاء الله

وحش ياخوى ....

شغلك مضبوووط الله يحميك .

[Strong Muscle]

ما شاء الله لا قوة الا بالله ...

استمر يا وحش

[Booyaka]

ماشاء الله عليك شغلك عدل ، وباين جسمك متقبل اللعبة ، وفورمة جسمك وايد حلوة مستواك جداا ممتاز وعجبتني انك مااستعجلت وخذيت مكمل قينر واعتمدت على زيادة العضل الصافي وباين جسمك ناشف اهنيك الصراحة

[mr:protein]

الف شكر للجميع --\

ان شاء الله نستفيد منكم ي وحوش

[باسكور]

ما شاء الله جسمك حلوو وفي فتره قصيره .. انا تقريبا مثلك او قبلك و جسمي مافيه امل يتقبل اخذت بروتينات وامينو وسيلتك واكلت وكل شي وللحين تشوفني تعطيني اربع خمس شهور تمرين :(

افكر اوقات خلاص اسحب لان احس جالس اصرف فلوس ع الفاضي بس ما يحمسني الا العيال اللي معاي

ماشالله علييك استمر انشالله زياده ست شهور سنه بالكثير وتصير وحششش

[ياضلوم]

ما شاء الله وحش ..استمر

[KiToOoOo]

ما شاء الله تمرينك وجدولك كانو متظبطين علشان كده شوفت نتايج سريعه استمر ان شاء الله تبقا زى رونى كولمن

وعجبانى اوى عضلات كتفك ما شاء الله ;)

[buraydawi]

ماشاء الله تبارك الرحمن
الله يزيدك ويبارك لك

[manhattan ks]

ماشاء الله ماشاء الله تبارك الرحمن
جسمك جداً رائع الله يحفظك

بس لو تكتب لنا تمارينك لعضلات البطن وكم يوم تتمرنها أتوقع راح تفيد :33:

استمر ولا توقف بس عندك الصدر اهتم فيه وأشوف لو تثبت جسمك كذا احس افضل :33:

[ossama3131]

مدهش ما شاء الله

[mr:protein]

ماشاء الله ماشاء الله تبارك الرحمن
جسمك جداً رائع الله يحفظك

بس لو تكتب لنا تمارينك لعضلات البطن وكم يوم تتمرنها أتوقع راح تفيد :33:

استمر ولا توقف بس عندك الصدر اهتم فيه وأشوف لو تثبت جسمك كذا احس افضل :33:


الله يخليكك

تمارين البطن ي بعدي موقف عنها لي 3 شهور طبيعة كذا بجسمي ماشاء الله وقبل كنت العبها يوم ورا يوم وخاصه بالبيت اول م تقوم حط رجلينك تحت السرير وافجر البطن فجر ههههههه:32:

اماا بخصوص الصدر صراحه م لقيت شي م سويته خل بعده يوم راحه وغيرت التمارين وسويت كل شي ولاكن الحجم ثابت والشيل بالمستوي 70 كيلو وعجزت اطور مستواي --

[C.L.A.S.S.I.C]

اخوي ممكن تشرحلي لايش بالضبط الانميال ستوك واللي معه

هي يبغالها شرح طويل لكن بعطيك الزبده
اجسامنا بتفرز هرمونات لكن بشكل قليل المحفزات الي ذكرت لك اسمها راح تخلي جسم يفرز هرمونات بشكل اكبر وبالتالي جسمك يبني عضل وتزيد صلابته وراح تكسب كم كيلو انشالله
لازم تفرق بينها وبين الهرمونات المحفزات مافي منها ضرر بأذن الله
طبعا اشهر ثلاث مكملات عندنا بالمنتدى هي animal stak , animal m-stak , animal test لكن الانيمال تست في الغالب للي اعمارهم فوق 25 سنه
وانا الحقيقة ما استخدمتهم ولكن ناوي على الاستاك والام ستاك بعد رمضان

اعتذر عن تأخري في الرد

[متعطش]

انت استخدمت برو كومبلكس العادي ولا الجينر ؟
حبذا لو تكتب جدولك التدريبي واسامي التمرين .. عشان نستفيد

[mr:protein]

هي يبغالها شرح طويل لكن بعطيك الزبده
اجسامنا بتفرز هرمونات لكن بشكل قليل المحفزات الي ذكرت لك اسمها راح تخلي جسم يفرز هرمونات بشكل اكبر وبالتالي جسمك يبني عضل وتزيد صلابته وراح تكسب كم كيلو انشالله
لازم تفرق بينها وبين الهرمونات المحفزات مافي منها ضرر بأذن الله
طبعا اشهر ثلاث مكملات عندنا بالمنتدى هي animal stak , animal m-stak , animal test لكن الانيمال تست في الغالب للي اعمارهم فوق 25 سنه
وانا الحقيقة ما استخدمتهم ولكن ناوي على الاستاك والام ستاك بعد رمضان

اعتذر عن تأخري في الرد

الظاهر اغلبها للي فوق 25 سنه لانه دامك تحت ال20ليه تاخذ محفز والهرمون في جسمك يصير في افضل احواله وافرازاته --

فيه تمارين تغنيك عنهن زي الديد ليفت والاسكوات -- تساعد على تحفيز الهرمون--

شكرا لك

[mr:protein]

انت استخدمت برو كومبلكس العادي ولا الجينر ؟
حبذا لو تكتب جدولك التدريبي واسامي التمرين .. عشان نستفيد



استخدمت اللي مافيه فات م ادري وش اسمه بالضبط


الجدول التدريبي غير ثابت-- يعني مره السبت صدر الاسبوع اللي بعده السبت ظهر

الصدر مثلا اول تمرين مستوي المره الجايه دنبل عالي وهكذاا

شاكر لك مرورك

[ابو خطاب الشهري]

جميللللللللللللللللللللل الله يوفقك

[متعطش]

ماتدري.؟ خخخ

[mr:protein]

ماتدري.؟ خخخ

قلتلك اللي مافيه فات والظاهر انك تفهم خخخ :32:

[متعطش]

ايه عرفته .. البروكومبلكس العادي فيه فقط 1 جرام فات .. شكراً لك وبالتوفيق

[Rashid.S]

ما شاء الله تبارك الله ..

جسم جميل وبنية قوية .. حاول تتقدم أكثر وأكثر لأن جسمك من افضل الاجسام لهذه اللعبة

واصل للامام يا بطل

[M.H.R.D]

ماشاء تبارك الرحمن

اخوي ياليت تخبرنا عن جدولك الغذائي

[mr:protein]

الله يعطيكم العافيه جميعآآ


اخوي ام اتش
الجدول الغذائي اركز على صدور الدجاج والبيض و4 وجبات رئيسيه و3 خفافيه زي التونه وموز بالحليب وزبادي والخ

[M5Q]

ماشاءالله عليييك ، وتقدم واضح ، وملحوظ .. واصل يا وحشش :)

[أبوريــ مـهــنـــد ـــان]

مشاء الله عليك وجسم سامبتيك

[mr:protein]

الله يعطيكم العافيه جميعآ

منورين الموضوع وشكرا على المرور

[Hesham83]

ما شاء الله بطل
شد حيلك ولا تتوقف

[OBLIVION MAN]

ماشاء الله
دايما نقول اهم شيئ في اللعبة دي الاستمرار
عساك علي القوة

[mr:protein]

يعطيكم العافييييه جميعا ي وحوش نورتووونا

[without heart2]

ههههههههههههه حلو جدا
بسألك كم كورس هرموني اخذت
مع احترامي ماصدق مسألة الطبيعي ^_*

[mr:protein]

ههههههههههههه حلو جدا
بسألك كم كورس هرموني اخذت
مع احترامي ماصدق مسألة الطبيعي ^_*


اعوذ بالله يعني اكذب عشان حديد --

بحلف ونا صايم والله م اخذت ولا كورس والله يشهد --ولا همني تصدق ولا ما تصدق من انت ؟؟؟ :)

الله يكفينا شر الحساد --

[ggzzz]

ههههههههههههه حلو جدا
بسألك كم كورس هرموني اخذت
مع احترامي ماصدق مسألة الطبيعي ^_*

انا مستغرب ان الموضوع وصل لـ 5 صفحات ولا طلعو اصحاب هالعقليات السطحيه !:33:
# نووورت الموضوع :)

- أول شي الرد من اوله واضح وهو الزبده ! يعني احد يضحك ع موضوع صور وضخامه وبرنامج كامل مكمل مع الشرح والخ !! :أفكر:
- ثاني شي كم كورس !! كيف تجي هاذي يعني بياخذ اكثر من كورس و بيوصل للضخامه هاذي بس ؟! :boggled:
- ثالث شي مسالة انك ماصدقت ! آمممم احس الرجال مانام الليل الا انك تصدقه :09:
- رابع شيء الرجال تشجع ونزل اكثر من صوره له وكتب برنامجه .. ((ننتظر موضوع الكورس الهرموني بالصور))

صصراحه ردك يستفز اجبرني ارد عليك .. ممتابع للمنتدى من فتره وهاذا اول رد :jap017:

[الغوريللا]

ماشاء الله تبارك الله انا مشكلتي في شي واحد وهو الصدر ما ينرسم مثل اللي عندك ماشاء الله الصدر مرسوم ررسم الله يوفقك ويزيدك ويبارك لك امين

[la leggenda]

كلام كبيررررررررر ماشالللله تبارك الله

لو منك ما افكر بالضخامه اكثر من كذا

جسم فرنسي درجة اولى

[المحلوه]

سبحان الله وكئانك ماخذ قروث :bigeyes:


مشاء الله عليك تستاهل كل خير وشكرك على الموضوع المميز :)

[رادوي اليامي]

ماشاء الله تبارك الرحمن جسم فتنس خيالي .. عقبال ماتطمح للوصول اليه ان شاء الله

[كوكب زحل]

ماشاء الله عليك .. مستوى ممتاز جداً ..الاجسام تختلف .. بعضها تطلع فيخ النتايج بسرعه وبعضها ماتبان فيه ولو بعد سنتين

[ابغى اعضل]

بالتوووووووفيق حبيبي واصل مشوارك واتمنى لك التوفيق جسمك رهيب فتنساوووي

[شموخ المملكة]

الف شكر على الموضوع
وأهنيك على التطور الواضح والملاموس في جسمك واتمنى لك دوام التوفيق والتقدم لمستوى أفضل وأفضل

[ent7ari]

اخوي انا صارلي العب سنتين وصراحة مو مستفيد واشيل اوزان لابأس فيها

ابغى نصايحك

ايش استخدم غير البروتين والامينو

[بحريني 14]

ماشاء الله

اتمنى صاحب الموضوع يضيف لنا اخر الطورات ولوين وصل

الله يوفق الجميع

[TIME4WAR]

تجارب مفيدة ورائعة وتشجع على مواصلة الطريق

[Mohamed Diya]

شكرااااااااااااااا

[مدمن بيرة]

اتوقع صاحب الموضوع انضرب عين ههههههههههه

ماشاء الله تبارك الله:wink2:

ياشباب ترا ذكر الله زين

[Loismand]

ماشاء الله .. لاحول ولا قوة الا بالله .. وتبارك الله ..
الله اكبر..

الصرآحة شي جميل .. وطريقة كويسه وعلى مهلك دام وصلت الى هنا ..