الوزن ثآ‘آإأآإأإأآبت لآيقل ولا يزيد !؟!؟!؟!؟!؟!!؟!!؟

[الزعيم 3395]

معلومات المتقدم بالاستفسار :
العمر : 16 , الجنس : ذكر

الطول :166 متر
الوزن : 76 كيلوجرام

نسبة الدهون : NONE

و الاستفسار كالتالي :
اول شي قررت اوقف مكملات
لاني شفت ان حرام استهلكهم وانا ابغي اخف وزني
فـ قلت اخليهم لين مآنزل وزن افضل

- لي اسبوعين ويومياً بعد الحديد كارديو 20 إلى 30 دقيقه ( دقيقتين سريع ودقيقه اخف وعلى هذا المنوال )
والوزن في هالأسبوعين لا خف ولا زاد بس يتراوح بين الـ 75 و 76 لاهو ينزل ولآهم يحزنون
مع اني منظم أكلي زين ومآفـ الأكل دهون بس بروتين وكآرب
وانا كنت نآوي آخف وزني كم كيلو قبل رمضان بس حسافه
شكلي فـ رمضان بقطع حديد لان مآفي فآيده دآمني مشحم وفيني دهون
وبخلي يومياً 45 دقيقه كارديو بعد الترآويح

لان صراحه كرهت مسألة الوزن الثابت هذا !!!

اللي عنده اقتراح لآيبخل يآخواآآن

[omar joseph]

ايش نظامك الغذائي ؟
ولا تقطع حديد عادي كمل العب قبل الفطور حديد وبعد الفطور بساعتين, ثلاث، او اربع والعب ساعة كارديو

[مشعل320]

الزعيم



طاب مساءك بكل خير


ليش زعلان ياغالي ترا اغلب اللي يدخلون زور المنتدي يعني يتصفحون ويمشون والشباب مايقصرون انشالله




بالنسبه لموضوعك بتكلم لك عن نفسي امر بنفس مشكلتك اقعد اسبوعين عشر ايام وزني ثابت ولكن اسدح لنا نظامك الغذائي وكم وجبه تاخذ وامورك في الاكل


بعطيك حل بسيط حاول تخفف اكلك وزيد من الكارديو شوي ونوع بين الاجهزه

اتبع نظام الفواصل في المشي مهم جداً مشي دقيقه هروله دقيقه ركض دقيقه او دقيقتين ونوع سيكل مشي اي جهاز يعتمد ع دقات القلب راح يفيد لا تضيع وقتك ووزنك مو ذاك الكبر عشان ينزل بسرعه الواحد


اذا قرب من الوزن المثالي يصعب النزول لكن اللعبه لعبه صبر وانا اخوك



وفي حل ثاني بيفيد اذا كانت فتره تدريبك الصباح او العصر حاول قبل النوم تطق لك ساعه مشي غير تدريبك هذي مجربها


وصدقني سالفه ثبات الوزن اسبوعين شبه طبيعيه تختلف الاجسام


ممكن تاخذ كارنتين ٥٠٠ حبيتين قبل التمرين بنص ساعه او ساعه بتساعدك شوي


لا تحطم وانا اخوك وشد حيلك وصدقني فجاه بينرل كيلو كيلووين بس تحمل



لا للارزلا للغازات لا للخبز الابيض لا للمقالي ولا ولا ولا للمطاعم

اي استفسار اسدحه هنا وتحصل العون ا شاءالله

[Rashid.S]

شف المرايا .. اذا تغير شكلك والوزن ثابت

هذا عادي جدا لأنك في البدايات تنزل شي بسيط دهون وتزيد شي بسيط عضل .. تقريبا راح تلاحظ هالشي بأول شهر فقط

وفي رمضان خل الحديد يوم لعب ويوم ترك بعد الحديد ألعب كارديو خفيف لمدة 20 د
وأيام الراحة ألعب كارديو بتنويع ومجهود أعلى وممكن توصل لمدة 30د - 40د

[الزعيم 3395]

اخواني بخصوص النظام الغذائي تقدرون تقولون مب ثابت
لاكن الغدا يكون عيش شي بسيط وصدر دياي مشوي
الفطور يكون 3 بياض بيض او سندويج من سب وآي ويكون دآيت
العشاء يا كورن فلكس بـ حليب قليل الدسم مع شوية عسل أو سندويشتين توست بر مع بياض بيض وجبن خآلي من الدسم
بعد التمرين آخذلي عصير تفاح فرش

طبعاً مآشرب الا بعد الأكل بفتره
ويكون مآي او عصير تفاح فرش

حبيت اعرف عن الفراوله . . هل اضرار او هل له فوائد ؟

[الزعيم 3395]

شف المرايا .. اذا تغير شكلك والوزن ثابت

هذا عادي جدا لأنك في البدايات تنزل شي بسيط دهون وتزيد شي بسيط عضل .. تقريبا راح تلاحظ هالشي بأول شهر فقط

وفي رمضان خل الحديد يوم لعب ويوم ترك بعد الحديد ألعب كارديو خفيف لمدة 20 د
وأيام الراحة ألعب كارديو بتنويع ومجهود أعلى وممكن توصل لمدة 30د - 40د

أخوي كل اللي الاحظه فالمرايا هو شد الصدر شوي و بروز بعض عضلات السوآعد و شد عضلات اليد بشكل كآمل + عضلة الترابيس

اما من ناحية الوزن نفسه والكرش نفسه

اللي اعرفه واللي قريته ان اساساً آخر مرحله فالتخسيس هو ان الكرش يروح آخر شي
والمرحله الأولى هو ان يبين عالوجهه انه تخلص من الدهون
انا الحمد لله وجهي مو ذاك الزود لان وزني مىيعتبر زىيد بشكل كبير لآكن يبقى مآتغير ولاخف حتى لو شوي

أخوي انا كنت آخذ كارنتين بس مآجاب فآيده
الحين شاري Green Tea Extract من شركة NOW من الصيدلية لان شفت اغلب فيديوهات التحديثات للأجانب في اجسامهم يستعملونه في نقص الوزن

[oOhimaOo]

لا تقلق يالغالي طبيعي جداً لان وزنك قريب للوزن المثالي فـ تبقى كتل دهون يصعب على الجسم تفتيتها وتاخذ وفت [مو كثير لكن يبغالها صبر]
في المرحله ذي لا بد تبدى تشد على نفسك شويه وتقحم نفسك في حصص اللياقه لانها تستهدف كل الجسم
وهذا نظامي الغذائي رغم اننا داخلين على رمضان لكن بيفيدك وان شاء الله رمضان له برنامج ثاني

- 3 بيض مسلوق [بياض فقط] + شريحة توست اسمر او ثلاث ملاعق شوفان مع زبادي منزوع الدسم + حليب منزوع الدسم مع نسكافيه
- حبة تفاح اخضر
- بطاطس مسلوقه [بحجم قبضة اليد] + صدر دجاج مشوي او مسلوق او ثلاث شرايح ديك رومي [مرتديلا] + سلطه خضراء مع ملعقة زيت زيتون
- تونه بالماء والملح [مغسوله طبعاً] + سبانخ واذا ماتستسيغ طعمه عليك بالسلطه الخضراء ونص ملعقه زيت زيتون < وجبة بعد التمرين
- علبة زبادي [تقدر تضيف له سكر قليل السعرات] + حبة خيار
__
لاتنسى المويه حاول تكثر منها
وفي حالة انك حسيت بجوع شديد ..تمره تفي بالغرض
واكثر من الاستغفار ولا تعصب بسرعه بسبب نقص السعرات

والله يوفقك لما يحبه ويرضاهـ

[الزعيم 3395]

مشكور أخوي هيمآ
النظام اللي الحين اوكي بس ابغي منك نظام لرمضان لان عالأقل ابغي اخف 3 كيلو فيه وحتى لو آكثر :32:

[oOhimaOo]

والله اخوي صعب اوعدك بالنظام الغذائي في رمضان .. بالنسبه لي تقليل الكارب اهم ما في الدايت وكثرة الالياف من الخضار والدهون الصحيه
لكن في رمضان الامر يختلف والكلام سهل لكن وقت الجد صعب وصعب مره في رمضان في ظل المغريات الموجوده لكن ان شاء الله انك صاحب عزيمة قويه

- 3 حبات تمر + كاسين ماء [والشرب على دفعات وعدم التسرع في الشرب]
- شوربة [شوفان] مع صدر دجاج او لحم حاشي + حبتين سمبوسه بالجبنه القريش [اريش] في الفرن << كسرة نفس هههههه + عصير برتقال طبيعي
http://9yana.net/upload/uploads/images/domain-8cd47f2f1f.jpg
- نص حبة بطاطس مسلوق او بطاطا حلوه [جزر يماني] + علبة تونه او صدر دجاج + سلطة خضراء نص ملعقة زيت زيتون
- علبة زبادي منزوعة الدسم مع ربع ملعقة بذور الكتان + حبه شابوره [بر]
___
شد حيلك بالتمرين
ولا تنسى ان رمضان شهر تزيد فيه الطاعات والعباده ومش مشكله لو قدرت تثبت وزنك ولو نقص 2 كيلو اعرف انك مسوي انجاز
وتقدر تضيف كارنتين و CLA
واعذرني لو فيه اي غلط

[humax2007]

الافضل تجرب تقطع الريجيم
ثم ترجع له بعد رمضان
لان جسمك تعود على النظام الغذائي الصارم ويبغيله تغيير روتين ثم تفاجئه

[senan3]

^^^
صح صح
انا سويت ريجيم مليون مرة ودايما يوقف وزني من ثاني اسبوع بس اول ما يثبت ازيد كمية الاكل شوي في يوم واحد يعني اذا احط مغرفة رز على الغداء اخليها مغرفة ونص وازيد فطوري من سندويشة الى 2 بس طبعا سندويشات خبز اسمر واكل ثلاث حبات موز موزعين على اليوم
واليوم اللي بعده رح تشوف زيادة خفيفة بوزنك يمكن 0.5 كيلو او ممكن ينقص او يضل زي ما هو بس تأكد انو وزنك مشى وكمل على نظامك القديم

[C.L.A.S.S.I.C]

استمر على الحديد ولا تلعب بأوزان عالية العب اوزان متوسطه وزود الجلسات والعدات وبع الحديد العب كارديو قد ما تقدر
وليه الكارب مدام تبغى تنزل وزنك لازم حمية غذائيه
التزم بالحمية والتمارين وبينزل وزنك بالقوة