المساعد الشخصي الرقمي

مشاهدة النسخة كاملة : مشاكل صحية دوخة غريبة بسبب الليبو بلاك ! بعد العلبه الأولى ..


Mizo Robben
16-07-2012, 03:49 AM
معلومات المتقدم بالاستفسار :
العمر : 23 , الجنس : ذكر

الطول :172 متر
الوزن : 68 كيلوجرام

نسبة الدهون : ..

و الاستفسار كالتالي :
السلام عليكم .. يا شباب أنـا وزني الحمدلله ممتاز لكن عندي نسبة الدهون زائده جدا وكنت أستخدم ليبو بلاك .. وخلّصت العلبه الاولى والنتيجه جدا كانت مرضيه وكنت ناوي أكمّل .. !!

الغريب إني أخذت علبه ثانيه لكن مو نفس اللي قبلها .. الأولى كانت العلبه الكبيره 120 حبه ..
الثانيه علبة صغيره 60 حبه .. نفس الشي لكن إختلاف بسيط جدا في الشكل اللي مرسوم على الحبه !

المهم الموضوع إني وقفت تقريبا إسبوع وشويه وبعدين بدأت بالعلبه الثانيه .. ولاحظت إني لمن آخذ الحبوب .. تجيني زي الرعشه في يدي .. ودوخه .. وأحس نفسي كأني سكران وماني على بعضي .. !! التركيز عندي يصير (( صفر )) أحس كأنه واحد ضااااغط على راسي من الجهتين

ما أدري ليش ! رغم إن العلبه الأولى كانت ماشيه معايا زي الحلاوه .. ! إيش السبب !!!

ممكن لأني قطعت أكثر من إسبوع ورجعت أخذت 3 حبات على طول !!!! ؟
أو في سبب ثاني أحد منّكم حصل معاه ؟!
بردان1
16-07-2012, 05:09 AM
وعليكم السلام
اخوي لازم تكون اكثررر حرص

الليبو بلاك الي معك هو الجديد
وهذا اقووووووووى من السابق
وعليه تحذير بعدم اخذ اكثر من حبة واااحدة فقط

تأككككد الله يحفظك ويبعد عنك كل مكروه
:da7om:
16-07-2012, 07:36 AM
الله يعطيك العافيه

ما اتوقع لانك وقفت اسبوع خصوصا انه لازم تاخذ فترة راحه بين كل علبه من اسبوع الى 10 ايام

انا استخدمت علبتين ووقفت بينهم اسبوع تقريبا والحمد لله مافيه دوخه أواي شيء

انت تقول اختلاف في العلبة ممكن لان الكميه اقل .. بس اختلاف في شكل الحبه ما اتوقع
اتوقع مثل ما قال بردان يمكن انت تسخخدم نوع ثاني ..
فالافضل ترفق صورة العلبتين عشان نفيدك اكثر
بالتوفيق
humax2007
16-07-2012, 09:52 AM
زي ماقال الاخ بردان
اللي معاك الليبو الجديد الترا مفعوله اقوى وهو يجي 60 حبه فقط
واحمد ربك انك حي
لان المفروض ماتاخذ اكثر من حبه
Mizo Robben
16-07-2012, 11:25 AM
جزااااااااااااااااااااكم الله ألف خير .. !!! أخواني برادن ودحوم وهيوماكس ..

والله دوبني أنتبه .. من جد .. العلبه الصغيره مكتوب عليها ( ألترا ) .. ومكتوب في التعليمات إني آخذ حبّه وحده بس .!!!

وأنـا ماشي ومطفّي النور .. وآخذ 3 حبات أول ما أصحى ! و3 قبل التمرين !!! :ponder:

الحمدلله بس ما صارلي شي !!!

وألف شكر لكن على التنبيه .. :)
نجر العتيبي
16-07-2012, 11:37 AM
طيب الحمد لله على السلامه وتصدق لوجه الكريم فالصدقه تتدفع البلاء بإذن الله
وحاليا وقف المنتج على الاقل حتى تطمئن على نفسك وبعدين ارجع ولو ترجع للعايدي x أفضلك .
:da7om:
16-07-2012, 11:41 AM
اعتبر هذا درس لك ..
لا تأخذ اي شيء ما تعرفه من دون ما تسأل عنه أو تقرأ التعليمات الموجوده على المنتج

الله يحفظك وايانا من كل سوء
Mizo Robben
16-07-2012, 12:13 PM
الله يستر عليكم والله .. وجزاكم الله خير .. :)

وشكلي والله بأرجع للقديم .. لأنه حتى حبه وحده .. شايفها قويه برضو ..

وأرجع أكرر شكري لكم .. :wink2:
خيماوي كلاسيك
16-07-2012, 04:52 PM
على طولك ووزنك حرام انك تاخذ حارق دهون
ممكن تزيد معدل حرق الدهون بعد التمرين تاخذ لك ريع ساعه عالسيكل
وان شاء الله تلاقي الي تبغيه بدون ماتضيع فلوسك على منتج انته في غنى عنه
Mr.FiT
16-07-2012, 04:57 PM
اخوي في عدة مكملات وقفو بيعها في امريكا من ضمنها الليبو بلاك والجاك ثري دي انصحك انك تغيره
Yass.jed
16-07-2012, 08:03 PM
والله ربنا سلمّك !!
Mizo Robben
17-07-2012, 06:43 AM
على طولك ووزنك حرام انك تاخذ حارق دهون
ممكن تزيد معدل حرق الدهون بعد التمرين تاخذ لك ريع ساعه عالسيكل
وان شاء الله تلاقي الي تبغيه بدون ماتضيع فلوسك على منتج انته في غنى عنه

يالغالي .. معاك حق لو قارنت الوزن بالطول .. لكن لو عرفت نسبة الدهون بتغيّر رأيك .. لو تلاحظ بداية الكلام إيش قلت :
((( السلام عليكم .. يا شباب أنـا وزني الحمدلله ممتاز لكن عندي نسبة الدهون زائده جدا )))

وأنـا أتعمّدت أذكر النقطة هذي بداية كلامي عشان تعرفوا ليش أنـا أستخدم حارق دهون
والله يسعدك إن شاء الله ويعطيك العافيه .. :)


اخوي في عدة مكملات وقفو بيعها في امريكا من ضمنها الليبو بلاك والجاك ثري دي انصحك انك تغيره

الله يبارك فيك يالغالي .. وإن شاء الله ألقى بديل أفضل ..
الله يعطيك العافيه .. :)


والله ربنا سلمّك !!

إي والله .. حمدت الله بعد ما عرفت الموضوع !!
المفروض حبتين في اليوم .. وأنـا آخذ 6 حبّات !!
ربنا ستر ..