جسمي مناسب لكن ضعيييف تكفوووون شوفو لي حل ):

[abadiy]

معلومات المتقدم بالاستفسار :
العمر : 19 , الجنس : ذكر

الطول :178 متر
الوزن : 65 كيلوجرام



و الاستفسار كالتالي :
السلام عليكم ورحمة الله وبركااته
شباب قسم بالله نفسيتي زفت اليوم وانا خارج من صلاة التراويح لقيت ولدين يضربون أخوي الصغير واحد قدي بس متييين زي جسمي مرتين وواحد صغيير وجيت بساعده وهنا المصيبه
اكتشفت اني ضعييييييف العب كمال اجسام لي 6 شهور متقطعه العب اسبوعين واتركها اسبوعين وارجع 3 ايام وعلى هالحاله
المهم جسمي مره تمام لكن ليش الضعععععف هذا مادري حتى تمارين الضغط ماوصل 10 !!! والاثقال يوم امرن الباي يدي تهتززز مره
ماهي متحمله مع اني الاكل عندي تمام والوجبات السريعه مبتعد عنها بس اني يوميا اشرب غازيات هل السبب منها !!!
شباب تكفون لاحد يطلع بدون مايرد والله النفسيه مااش تكفون ترى تكفى تهز الرياجيل -_-

[Booyaka]

خخخخخ هونها وتهون يارجال ،

بالنسبة للعبة ، لازم تواصل تمارينك وماتقطع لان هذا الشيئ يؤثر على مستوى تطور العضلة من ناحية البور ونموها و اوزانها مرن كل عضلة مرة بالاسبوع على اوزان عالية و أبنيها طوال ااسبوع هذه هي القاعدة لو طبقتها صح راح تبني جسمك صح و جرب تاخذ مكملات تساعدك في بناء جسمك ..

[نجر العتيبي]

وعليكم السلام
الا . ..... انت اللي تكفى خل عنك البزوطه . ايش اللي جالس تتمرن أسبوعين وتقطع زيها وتقول أني ضعيف . وعليها بعد عادة شرب الغازيات سعرات حراريه زايده بدون فايده .

والضعف اساسه عادات الأكل السيئه وقلة الحركة وعدم تمرين عضلات الجسم ولو بأدنى حاجه اللي هو السويدي .

اذا بغيت وضعك يتغير اتبع الإرشادات التأليه فورا .
١ - غير من عاداتك الغذائيه السيئه .
٢ - انتظم في التمارين الرياضيه بأنواعها وكمال الاجسام بوجه الخصوص وتستطيع الالتحاق بأحد الفنون القتاليه .
٣ - خذ الموضوع بجديه ولا تغفل أساسيات اللعبة من راحه ونوم وتغذيه واصبر على النتائج .

[C.L.A.S.S.I.C]

تبغى الحقيقة انت نحيف ويحتاج لك زيادة وزن لازم يكون وزنك 77 كلغ وفوق
اهتم بتغذيتك وتمرينك ونومك وامورك طيبه
والتمرين تسحب اسبوعين ومدري ايش هذا اسمه كلام فاضي مو حديد
اللعبة يبغالها استمرار وصبر
تحياتي لك

[صارم]

وعليكم السلام ورحمة الله وبركاته

هلا بأخوى , برأى ان تلعب أحد فنون القتال , مادمت

بكمال الاجسام لم توفق , وايضا وزنك وطولك

ممتاز للعب بفنون القتال , ولا يمنع ان تلعب يومين او ثلاث

تشد به عضلاتك ياوحش .

الاهم التؤكل على الله ثم الصبر والعزيمة .

[بردان1]

وعليكم السلام
اخوي اذا تبي تلعب كمال اجسام أعط اللعبة حقه

لعبك مهو لعب للان انت مابديت اذا هذي طريقتك
وغيير عادات اكلك السيئة الغازيات اهمها ومعروف تأثيرها على العظام
اخوي لما اقول خل اكلك صحي مو بس تاكل صدور دجاج او بيض
اهتم بالفيتاااااامينات فواكه خضار يوميا مع الاكل الصحي والحليييييييب ومشتقاته لازم

وبالاخير عندك خيارين وكل واحد ورغبته
اما فنون قتال مثل ماقالوا
او كمال اجسام مع اني احب هالخيار اكثر
لكن ايما اخترت من هالخياريييييييين تعطيييييييييييييه حقه

موفق

[abadiy]

يعطيكم العافيه شبااب بالعكس والله اني احب كمال الاجسام لكن المشكله ماعندي تشجييع ماعندي من جماعتي واحد يلعبها عشان كذا
والشي الثاني انا ابغى اقوي جسمي يعني اشد العضل واحجره واخليه جسم جامد مو لازم ابنى عضل خاارق زي الوحوش اللي بالمنتدى اقدر ولالا-_-
يعني جسم فرنسي بالأصح هل يساعدني ولا
ومشكووووريين والله ماقصرتم

[abadiy]

وشي ثاني شباب ماعليكم امر وش الاكل اللي يفيدني غير الفواكه والخضروات والحليب

[صارم]

هلا بالبطل .

خلاص مادام أنك تحبها تؤكل على الله ..

وشد حيلك , وبإستطاعتك إن شاء تحصل على الجسم الذي تريده , ولكن يبيلك صبر واصرار .

وبخصوص الاكل سأذكر بعضها ويجب عليك ان تثقف نفسك باللعبه .

1. صدووور الدجاج ( مسلوقه أو مشويه )
2 الاسماك ( مشويه خاصه ) والتونه
3 الاجبان والالبان قليلة الدسم
4 الكربوهيدرات قبل التمرين وتمنع بالليل .

مؤفق ياوحش , وخذ لك فره على المواضيع المميزة بالمنتدى .
ستسفيد كثــــــــــــير بإذن الله .

[abadiy]

لا الحمدلله مثقف نفسي واموري بالسليم ان شاء الله والله يعطيكم الف عافيه وببدى من اليوم ان شاء الله بظبط اوضاعي :wink2:
مشكوووورين والله ماقصرتم

[دحوم المطيري]

موفق خيررر شد حيلك وامش على كلام الشباب

[FinalFantasy9]

اكتشفت اني ضعييييييف العب كمال اجسام لي 6 شهور متقطعه العب اسبوعين واتركها اسبوعين وارجع 3 ايام وعلى هالحاله
المهم جسمي مره تمام لكن ليش الضعععععف هذا مادري حتى تمارين الضغط ماوصل 10 !!! والاثقال يوم امرن الباي يدي تهتززز مره
شكلك عندك ضعف في التغذيه مأثر على التمرين وقوتك .. ووزنك قليل وليس جيد مثل ما انت تعتقد، المفروض يكون اكبر بحوالي 10 كيلو ..

كبداية تقدر تاخذ فيتامينات (ملتي فايتمن) من الصيدلية تمشي امورك وتركز في اكلك مثل ما قالك الاخ صارم .. وانصحك تروح المركز الصحي وتسوي فحص دم يشوفون الفيتامينات عندك والكالسيوم لان ممكن يكون عندك ضعف حاد ويعطونك حبوب او ابر لتعديل هالانخفاض وبتلاحظ الفرق بإذن الله .

يعطيكم العافيه شبااب بالعكس والله اني احب كمال الاجسام لكن المشكله ماعندي تشجييع ماعندي من جماعتي واحد يلعبها عشان كذا

حاول تتعود بنفسك لانه امتع بكثير من شخص يكون معاك .. اما انه يسولف وايد ويخرب التمرين او يتفلسف وايد ويملغ عليك .