Anadrol ومخاطره

[fahod70]

السلام عليكم


لي بالنادي 7 شهور تقريبا

واستعملت بروتينات كثيره

وعندي الان ترو ماس وامينو2222 وزيت السمك ونو اكسبود وعندي Aandrol

الصراحه نصحني فيه واحد من الشباب وشريته

بحثت عنه بالنت ولقيت انه الاقوى والاخطر


فياليت لو تنصحوني بأي نصيحه عنه وطريقة استخدامه

[fahod70]

عمري 24
طولي 160
وزني 49

[نجر العتيبي]

اخي فهود . وزنك ناقص 6 كيلو تقريباً . تقدر تزيده بامر الله بعيداً عن ماقد يضرك وبالطرق المعروفه + 7 اشهر قد تكون قليله مع من يواجهون صعوبه في زيادة اوزانهم ، فلا تظلم نفسك باستخدام مواد ماتلبث برهه الا وعادت حليمه لعادتها القديمه . فالماده المقترحه لاتصلح للباحثين عن الوزن فقط ، وذلك ليس لخطورتها فقط بل لعدم دوام نتايجها لفتره قد تغري اللاعب باستخدامها . ناهيك على انه لايستخدمها الا المتقدمين في اللعبه لما تحتاجه بان يكون اللاعب وصل مرحلة جيده في دفع الاوزان وتطبيق برامج غذائيه مناسبه وعلى علم ودرايه بمخاطر هذه الماده وكيف يتعامل مع اثارها الجانبيه وذلك كله من اجل بطولات لا من باب مجرد زياده في الوزن وخلاص .

[fahod70]

شكرا لردك يا اخي

لي 7 شهور واستعملت انواع المكملات مازاد

وانا اشتريت الشغله هاذي خلاص وراح استعملها ان شاء الله

وابغى اجازف

فياليت لو تنصح بأشياء مفيده لي بعد ما استعمله

بعد ما ينتهي راح اكمل نفس التمارين والاكل وان شاء الله تثبت


بس هل احتاج الى مضادات للكبد اثناء اكلها ؟

انا عتيبي مثلك وعنيد واللي براسي اسويه ههههه :silly:


والشخص اللي عطاني الشغله هاذي,, له سنتين بالنادي ماشاء الله
وجسمه مقارب لصورتك

وقالي يوم استعمله ويوم لا لمده اسبوع
بعدين اكل حبه كل يوم قبل التمرين

وهذي صوره لجسمي في فندق بعد سفر 16 ساعه باطياره
يعني بدون تمارين لمده يومين

http://im19.gulfup.com/2012-08-26/134597527093.jpg (http://www.gulfup.com/show/Xs8nrpabig1wgc)

[نجر العتيبي]

شكرا لردك يا اخي

لاشكر على واجب مستر فهود .

لي 7 شهور واستعملت انواع المكملات مازاد

والله شوف يارفيقي . اذا وضعك الصحي ( نسب الايض في الحدود الطبيعيه ) سليم ، وانشاء الله هو كذلك . فالتعويل على المكملات في زيادة الوزن وعدم الاكتراث بالتغذيه الشامله من المصادر الاخرى + التمرين الجيد + النوم والراحه الكافيه ، لن تؤتي اؤكلها . فابحث علومك وتفقد عمرك وانت ابخص .

وانا اشتريت الشغله هاذي خلاص وراح استعملها ان شاء الله

اذا المقصد انك ورطت فيها ، يمداك ترجعها لصاحبها ولاهو عجزان عن تصريفها .

وابغى اجازف

بعض المجازفات عواقبها وخيمه وانا اخوك . الله يعطيك خيرها ويكفيك شرها .

فياليت لو تنصح بأشياء مفيده لي بعد ما استعمله

حط معاه تيست بروبايونيت ١٠٠ ملجم / المل يوم بعد يوم ولعدد ١٢ ضربه . ولاتتجاوز ال ٤ اسابيع في استعمال الانادرول بمعدل نصف حبه كل ١٢ ساعه + ٢ ليقالون ( من الصيدليه ) كل ١٢ ساعه + حبه نولفاديكس يومياً طول فترة استخدامه وضاعف الجرعه الى الضعف ( حبه كل ١٢ ساعه ) بعد اخر جرعة انادرول بيوم ولمدة ٢١ يوم + حبه كلوميد كل ١٢ ساعه بعد اخر جرعة انادرول بيوم ول ١٠ ايام و الى نصف حبه واحده في اليوم لل١٠ ايام التاليه + ابرة بريجينايل ( من الصيدليه ) بقوة ١٥٠٠ وحده دوليه تبداها مع اخر ضربه تيست بروبايونيت ولعدد ٦ ضربات بالترتيب التالي ، كل يومين للثلاث الضربات الاولى وكل ثلاثه ايام للثلاث الضربات الاخيره مع مراعاة مضاعفة اول ضربه لتكون بقوة ٣٠٠٠ وحده دوليه + ١٠٠٠ ملجم فيتامين ( ها ) تبداها من اول ضربه الى بعد اخر ضربه ب ٣ ايام .

بعد ما ينتهي راح اكمل نفس التمارين والاكل وان شاء الله تثبت

قابلني .

اتمنى لك ذلك والله العظيم . ولكنها الحقيقه المره .

بس هل احتاج الى مضادات للكبد اثناء اكلها ؟

اكيد ، وقد تم التعليق .

انا عتيبي مثلك وعنيد واللي براسي اسويه ههههه :silly:

والنعم والله فيك و في كل القبايل .

والشخص اللي عطاني الشغله هاذي,, له سنتين بالنادي ماشاء الله
وجسمه مقارب لصورتك

المساله ماهي بالمده ولا الشكل . كم هناك من ابطال عالميين XXXL وتنصدم يوم تجد اللي تدربه عجوز منقطعه جايها الموت ، لا .... وتخش معاه اوزان .

وقالي يوم استعمله ويوم لا لمده اسبوع
بعدين اكل حبه كل يوم قبل التمرين

طريقه خاطئه . ولا عاد تسمعله حتى في طريقة المكملات .

وهذي صوره لجسمي في فندق بعد سفر 16 ساعه باطياره
يعني بدون تمارين لمده يومين

ماشاء الله . جسمك ممتاز بس يبيله شوية ضخامه تقدر تجيبها اذا ظبط امورك صح ، للحصول على هذه الزياده دون الجؤ الى الهرمونات .

http://im19.gulfup.com/2012-08-26/134597527093.jpg (http://www.gulfup.com/show/Xs8nrpabig1wgc)


استخير الله يابن عمي . وانا مازلت مصر على شوري لك . انك لاتاخذه فقط لمجرد الزياده السريعه في الوزن اللي تقدر تحققها بدون استخدامه .

والسلام .

[fahod70]

^^ اخوي الضربات تقصد ابر ؟؟

اذا الدعوه وصلت للأبر فا اتوقع اني بوقف

لان الصراحه الشغلات اللي ذكرتها انت جدا تخوف .. وانا مقبل على زواج .. الله يعافيك ماقصرت والله

واستفدت من كلامك لاني مستمر ان شاء الله بالشغله وخصوصا اني ادرس برا والشعب كله يحمسك للحديد

[نجر العتيبي]

ايوه اخوي ." الضربات " مقصود فيها ابر .

والظاهر انك ماتملك خلفيه عن الهرمونات . فانحش احسلك عروسك تبغاك .

وويش هالشغله اللي حتستمر فيها ؟. واللي نصحك فيها من ربعنا ولا من برا ؟ .

[fahod70]

لا اقصد المكملات بشكل عام

واخطر شي استعمله no xplode لانو يوصل ضربات القلب الى 180
فما ادري طبيعي ولا

[Booyaka]

لا اقصد المكملات بشكل عامواخطر شي استعمله no xplode لانو يوصل ضربات القلب الى 180فما ادري طبيعي ولا

من قال هذا الكلام ...

===========

أخوي أسمع كلام الدكتور نجر ، وأترك عنك هذه السوالف ، لانه اللي قاعد تسويه هذا طيش شباب وراح يجيك يوم تتحسف عن اللي فعلته فالخيار لك ، وماعليك من كلام صاحبك تره الصاحب ساحب سواء للخير او للشر بالنهاية هو ساحبك معاه .

[نجر العتيبي]

...

===========

أخوي أسمع كلام الدكتور نجر ، وأترك عنك هذه السوالف ، لانه اللي قاعد تسويه هذا طيش شباب وراح يجيك يوم تتحسف عن اللي فعلته فالخيار لك ، وماعليك من كلام صاحبك تره الصاحب ساحب سواء للخير او للشر بالنهاية هو ساحبك معاه .


+ 1
والمكملات انشاء الله مافيها شي اذا اخذتها بالطريقه الصحيحه وخصوصاً الحوارق والمحفزات ومنتجات البور .

[الناعسي]

مقبل على زواج وجسمك كذا بسم الله ما شاء الله عليك الله لا يضرك

والله انه حلمي ان اوصل لجسمك لكن على وزني انا

ريح راسك ولا تحط نفسك في دوامه والله لا لك فيها لا ناقه ولا جمل

[fahod70]

الله يعافيكم على النصايح .. بالنسبه لنو اكسبود انا جربته

اخذت سكوبين قبل التمرين بساعه

وجلست على البايك وقست نبضات القلب مرتفعه

[الناعسي]

اول مره تستخدم الاكسبلود ؟

اذا اول مره فترا الشباب يبدون من نص سكوب ويزيدون كل ما خف تاثيره

وزيادة النبض شي طبيعي لان فيه كافيين يزيد من نبضات القلب

المهم خلك على الاستخدام السليم لا تزيد فتتضرر

[fahod70]

الله يعافيك

بس كم الحد الاقصى لنبضات القلب؟

والطبيعيه كم ؟