هل المكملات مناسبة ؟

[bo.hamad]

معلومات المتقدم بالاستفسار :
العمر : 28 , الجنس : ذكر

الطول :177 متر
الوزن : 72 كيلوجرام

نسبة الدهون : ..

و الاستفسار كالتالي :
السلام عليكم ورحمة الله

شعلوم الكباتن
عندي استفسار لصاحبي بخصوص مكملاته وغرضه من الفترة التنشيف مع تقسيم مع البروز العضلي
والبيانات اللي فوق له

وهو يستخدم
أوبتي من + واي بروتين قولد + أمينو انابوليك + نون ستوب + هايبر شيرد من شكرة بي اس ان

وشفته من يومين إلا المدرب اللي بصالتهم قايله عن حبوب ممتازة ورهيبه على حسب كلامه وانا مالي خبره فيها لاني كنت اظنها منشطات
وهي حبوب استنازول و حبوب انفار

والحين صصاحبنه استلمها وبدأ يستخدمها بالإضافة للي فوق
وأنا قلت باسألكم إن كان في تعارض في الكورس
وهل حبوب الاستنازول وانفار تحتاز مضاد أو تنظيف

ولكم جزيل الشكر

[نجر العتيبي]

تحتاج الى مضاد للكبد الليقالون 70 من الصيدليه حبتين مرتين في اليوم . وجرعة ومدة التنظيف يحددهما مدى تضرر ال HPTA التي تختلف باختلاف الاجسام ومدة الكورس وجرعات المواد نفسها وقد لاتحتاج مع هكذا مواد وخصوصاً اذا كانت بجرعات صغيره ومده قليله ، ولكن في كل الاحوال لازم يجري تحليلاً لهرمونات التوتال تيستاستيرون وال LH و FSH حتى يحدد جرعة ومدة التنظيف ان وجد هناك تضرراً لهذه الهرمونات .

ملاحظه / ان كان اخذها عشان ينزل من وزنه ، نصيحه لله خليه يلغي هالفكره من راسه . لانها ماراح تفيده كثر البرنامج الرياضي الكارديو والتغذيه القليلة السعرات الحراريه .

[bo.hamad]

رايتك بيضة دكتور وسلمت
وانا الصراحة أبد مالي بالمنشطات والتنظيف ومافهمت عليك عدل وباوصل له الكلام
احنى على المكملات والمحفزات وبس

مع العلم انه داخل برنامج تغذيه ممتاز ويعمل كارديو بشكل طيب وقوي مع الحديد
طيب النون ستوب مايخزن ماي

[نجر العتيبي]

رايتك بيضة دكتور وسلمت

سلم غاليك بو حمد .

طيب النون ستوب مايخزن ماي

هالمنتج ماقد مر علي ، على كل حال اعطيني الرابط حقه اشوف ويش طبيعته .


مسالة تخزين الماء تتحكم فيه طبيعة الجسم وبدرجات مختلفه تختلف بحساسية الماده الماخوذه سؤاً مكمل كرياتيني او هرمون .