ابغى ابدأ صح يا شباب , رأيكم يهمني

[فهد سرور]

معلومات المتقدم بالاستفسار :
العمر : 24 , الجنس : ذكر

الطول :167 متر
الوزن : 69.3 كيلوجرام

نسبة الدهون : 19.8

و الاستفسار كالتالي :
سلام الله عليكم ورحمة منه وبركاته


أخبار الأحبة هنا من مفيد ومستفيد بارك الله فيكم جميعاً
قست بياناتي بالصيدلية اليوم وهذي نتائجي فوق بالإضافة إلى أن وزن الدهون بالجسم عندي 13.7
أنا محتار شباب ودي أبدأ صح أنا نيتي أضخم عضل صافي بإذن الله ولكن ما زالت نسبة الدهون في نظري مرتفعه
أبغى رأيكم هل استمر في تنزيل نسبة الدهون إلى كم بالضبط وبعدها أبدأ شغل الوحوش
أنا ماشي نظام الحين كارديو يوم واليوم الثاني سويدي في الحي والبيت .. يعني باقي ما دخلت نادي ولا استعملت مكملات
و بخصوص المكملات هل احتاج شيء منهم الحين وإلا تغذية صحيه فقط
وإلا بعدين يجي دور المكملات مع النادي والإنضباط

وهل فيه تمارين معينه بخصوص تقوية الأعصاب ؟

[omar joseph]

وعليكم السلام
استمر في تنزيل نسبة الدهون الى ان تصل 10% او اقل
تقدر تضيف مكمل يساعدك على حرق الدهون لما توقف نسبة الدهون من النزول وتعاني معها
الأعصاب = قوة التحمل = سترنجث = strength
التمرين بشكل عام يقويها وخصوصا لعبة الحديد اذا كنت تلعبها صح

[فهد سرور]

هلا أخوي عمر أشكرك على تجاوبك
أنا نزلت نسبة دهون الحمد لله حلوه لكن بالمقابل جالس أخسر عضل فأخاف لو استمريت على هالحال أصير جلد على عظم ..
يعني ينفع و أنا في نظامي الحالي أخذ واي بروتين حبيب قلبي

[فهد سرور]

رفع الله يرفع قدركم

[omar joseph]

في غلط بنظامك الغذائي اذا تخسر عضل !
ضيف اكستند احسنلك من الواي بروتين

[فهد سرور]

بالنسبة للنظام الغذائي أواجه صعوبه وما أقدر أتأقلم بنظام غذائي ممتاز و أكون ماشي عليه أنا عزابي ولوحدي فصعب شوي الموضوع علي
لكن أحاول قدر الإمكان إني أوزع الوجبات من 4 إلى 5 وجبات باليوم وتكون دجاج وحليب وفول سوداني وما إلى ذلك من مصادر البروتين ..
لكن قلت إذا فيه مكملات معينه ادعم نفسي بها وأنتم أهل خبره هنا وأستفيد منكم ..
يعني ما احتاج الواي بروتين أخوي ؟؟
و الأكستند هذا حق ايش بالضبط ما عندي علم فيه وكيف طريقة استخدامه ؟؟
لاهنت يالغالي تحملني شوي بالأسئلة ..

[omar joseph]

اذا نسبة الكربوهيدرات في نظامك معدومة فهذا سبب خسارتك للعضل, كل كربوهيدرات بنسبة متوسطة عشان تمدد جسمك بالطاقة وبأخر اليوم تكون حرقت دهون بنفس الوقت
ما تحتاج واي بروتين من وجهة نظري اعتبر الواي بروتين عبارة عن هدر اموال لا اكثر, لكن اغلب الشباب ياخذوه
الاكستند عبارة عن اهم ثلاث عناصر امينو للعضلة وجلوتامين وفيتامين بـ12 , يعني من الآخر خلطة تساعدك على الحد من خسارة العضل خلال التنشيف
تاخلك سكوبين مع ماء وتمزمز عليهم خلال الكارديو والتمرين
في مكملات اخرى للحرق مثل ماقلتلك بس انصحك تصبر لما يوقف جسمك الحرق الطبيعي بعدين تفاجئ الجسم بمكملات حرق الدهون.

[jassser]

عمر اخوي مني تقدر تتقيد بها او تتركها انا لي 5 سنوات في الحديد ولا عمري اخذت مكملات غذائيه ولله الحمد اقطع بالشهر والشهرين والسته ولا يتاثر جسمي لو يتاثر قليل ويمكن ما يذكر
بس انا بقولك ابدا طبيعي وكثر في التمارين وابتعد عن المكملات الغذائيه الي تحتوي على نسبه دهون كثيره وحافظ على الكارديو والحديد وحاول انك كل اسبوع تزيد وزن شيلك قد ما تستطيع راح يكون جسمك جميل وانيق وتكون راضي على نفسك وتمشي بالطريق الصحيح لي اجمل تحيه والله يوفقك
:wink2:

[omar joseph]

عمر اخوي مني تقدر تتقيد بها او تتركها انا لي 5 سنوات في الحديد ولا عمري اخذت مكملات غذائيه ولله الحمد اقطع بالشهر والشهرين والسته ولا يتاثر جسمي لو يتاثر قليل ويمكن ما يذكر
بس انا بقولك ابدا طبيعي وكثر في التمارين وابتعد عن المكملات الغذائيه الي تحتوي على نسبه دهون كثيره وحافظ على الكارديو والحديد وحاول انك كل اسبوع تزيد وزن شيلك قد ما تستطيع راح يكون جسمك جميل وانيق وتكون راضي على نفسك وتمشي بالطريق الصحيح لي اجمل تحيه والله يوفقك
:wink2:

1- المكملات مواد كيميائية ما تضر اذا مشيت عليها صح وفي مواد لا يمكن استخراجها من الاكل الطبيعي مثل الكرياتين الا اذا انت وحش وتاكل خمسة كيلو سمك باليوم :33:
2- جمال وضخامة الهرمون ولاعمرهم يتقارنوا مع الجمال والضخامة الطبيعية !!
كل واحد وله رأي خاص, وانا احترم رايك يا كابتن :)

[fahod70]

^^ الانسان عدو ما يجهل :)