المساعد الشخصي الرقمي

مشاهدة النسخة كاملة : كمال الاجسام بناء صالة حديد بسيطه في المنزل ..


العشق الازلي
27-09-2012, 06:34 PM
معلومات المتقدم بالاستفسار :
العمر : 25 , الجنس : ذكر

الطول :173 متر
الوزن : 75 كيلوجرام

نسبة الدهون : 20

و الاستفسار كالتالي :
السلام عليكم ورحمة الله وبركاته

اعضاء المنتدى الكرام ..

راح اسوي صالة جيم بسيطه في المنزل بصراحه مدري وش اشتري ، فياليت تشاركوني ارائكم

يعني مثلا وش اللي احتاجه من بار متعرج ومستقيم واوزان وعقله مدري اذا فيه نواقص ياليت تخبروني وكم راح تكلفني تقريبا ..

وهل ممكن القى اجهزه مستعمله وفين ، طبعا انا من الرياض

شاكر لكمً تعاونكم ..
Booyaka
27-09-2012, 07:22 PM
وعليكم السلام ورحمة الله وبركاته

كم الميزانية عندك ؟؟ وش هو هدفك تلعب حديد ، تنزل وزنك ، الخ اذكر هدفك بالضبط .

لي رجعة لموضوعك ...
EVIL MIND
27-09-2012, 07:46 PM
اشتر لك عقله
كرسي بنش
بار مستقيم يجي معه اوزان
بار متعرج
دامبلز يجي معه اوزان
واشتر لك اوزان 10 كيلو
هوم جيم اذا الميزانيه تساعد
هذولا نفس اللي عندي.... بالتوفيق
العشق الازلي
27-09-2012, 08:12 PM
الهدف ضخامه ولله الحمد لي سنتين مشترك بنادي وعندي فكره عن اللعبه بالنسبه للميزانيه مو مهم الاهم تكون معقوله وبدون تكلف
Booyaka
27-09-2012, 08:42 PM
طيب بالاول اخذ لك جهاز هوم جم مثل اللي بالصورة .

355083


2- خذ لك البنش تبع الصدر

355084

- ملحقات : بار مستقيم ، بار متعرج ، دمبل عدد 2 ، اوزن متعددة ( 2.5 كيلو ، 5 كيلو ، 10 كيلو ) وتاكد انه الاوزان تركب على البار والدمبل ،
العشق الازلي
27-09-2012, 09:21 PM
مشكور يابطل ماقصرت ، طيب ياليت تعطيني فكره عن متوسط الاسعار ، كم راح تكلفني ووين القى الانواع الكويسه ..
Booyaka
28-09-2012, 02:30 AM
^ ^
بالنسبة لجهاز الهوم جم في نوع رخيص منه بحدود 120 دينار بحريني اما اللي جبته لك بالصورة شوي أغلى لانه 100 كيلو وفيه اجهزة زيادة بس اعتقد انه مايتجاوز 250 دينار

بالنسبة للبنش تبع الصدر سعره بين 50 - 60 دينار بدون بار او اوزان

ومع الملحقات كاملة بيطلع السعر مو اكثر من 400 دينار يعني 4000 ريال سعودي ، انا اكلمك عن الاسعار عندنا فمو عارف الاسعار عندكم بالضبط ان شاء الله باقي الشباب مابيقصرون معاك .
العشق الازلي
28-09-2012, 11:16 AM
يعطيكً العافيه اخوي ماقصرت ..

بانتظار إفادة باقي الاخوان ..
بن غانـم
29-09-2012, 11:10 AM
هلا استااذي

عندنا في الامارات الاسعار كالتالي:-

البار 95 - 100

البنش 150 و فوق

هوم جيم 900 او 1000 و طالع

الاوزان تنباع عندنا الكيلو بعشر دراهم يعني 5كيلو = 50 درهم

تقريبا الاسعار متشابهة فدول الخليج و مثل ما قالك الكابتن عيسى حول 4000 ريال
العشق الازلي
29-09-2012, 12:52 PM
المشكله اني رحت ساكو ( الرياض ) لقيت عنده هوم جيم شكله يمشي الحال بـحدود ١٣٠٠ ريال ، ياليت يدلونا اهل الرياض على محل متوفره عنده اشكال حلووه ومو مشكله بالاسعار ...
العشق الازلي
02-10-2012, 09:33 PM
http://www.alibaba.com/product-gs/587038070/GB8309_new_multifunction_home_gym_fitness.html?s=p

ياخوان انا ان شاءالله ابجيب هالجهاز من الصين ياليت الكباتن يدخلونً الرابط ويعطوني رايهم بالجهاز ومواصفاته هل يستاهل او فيه الافضل منه وشكرا
Booyaka
03-10-2012, 12:35 AM
^ ^
مضبوط نفس الجهاز اللي عطيتك صورته ، افضل جهاز ممكن تشتريه للبيت لانه شامل ، طبعا في اللي أغلى من كذا لكن هذا هو الاحسن وسعره منه وفيه .
العشق الازلي
03-10-2012, 07:30 AM
طيبً اخوي اغلى ماهو مشكله بس وين القاه ياليت تنزلي صورته او من نفس الموقع ، في انتظار ردك يابطل
mr.dark.gym
03-10-2012, 02:18 PM
بخصوص الدامبل والبار

الافضضل تشتري الي تقدر تزيد وتقلل الوزن عليه ..

كذا بتوفر على نفسك شراء أكثر من دامبلين وأكثر من بار
العشق الازلي
03-10-2012, 06:14 PM
مشكوور اخوي ، بالنسبه للبار والدنابل راح اشتري بإذن الله النوعيه اللي اركب عليها اوزان افضل ..