المساعد الشخصي الرقمي

مشاهدة النسخة كاملة : كمال الاجسام استفسار حول اختيـار افضل كـورس لبنـآء جسم افضل ~شـآركونا يا ابطـآل


آبـو جـآسم
06-10-2012, 02:00 AM
معلومات المتقدم بالاستفسار :
العمر : 18 , الجنس : ذكر

الطول :180 متر
الوزن : 85 كيلوجرام



و الاستفسار كالتالي :
السلام عليكم جميعا ،،



اخواني ما اطول عليكم

نبذه : عن حياتي في كمال الأجسام ..


لاعب كمال اجسام لمده سنتين ..

حاليا مريض بجرثومه بالمعده .. وتعبان شوي ارجع الاكل .. وخسرت وزني

من 92 .. لي 85

حاليا خلصت كورس العلاج .. والحمدالله تحسنت وعندي فحص لـلجرثومه للتاكد من انها اختفت .. بعد 3 اسابيع


فـ فكرت مجرد ما اخلص من العلاج .. بدخل بكـورس

عضل صافي

كنت حاط براسي

بريمو + اكابويز

بروتين جآمبو

امينو 5400 عندي
وجلوتامين

وليبو سكس للقصات فيني شوي شحوم وعندي بطن



وابي رايكم بالكورس ..


ملاحضه : راح ادخل مع استشاره : أستشـاري هرمونات

وانا مخطط ان الدكتور راح يعطيني مضادات للكبد .. للوقايه من الضغوطات عليها للكبد + الكلى

من تآثير المكملات الي باخذها + الكورس

-------------------

وبعدين سوال اخر .. نفرض لو جت اعراض جانبيه مثل
حبوب الشباب .. تقل المناعه .. الخ

هل الأاعراض الجانبيه هذي .. تكون بس بفتره الكورس .. ولا شلون ؟

شكرا للجميع ،،،

بأنتضـار الردود
نجر العتيبي
06-10-2012, 06:18 AM
وعليكم السلام
لاعمرك ولا نسبة دهونك ولا خلفيتك عن الهرمون ولا طريقة كورسك تسمحلك وتؤهلك لاستخدام الهرمون ، حتى لو باشراف طبي .
ابتعد عن هالاشياء والعب طبيعي افضلك .
Micheal Jackson
06-10-2012, 07:14 AM
أخوي اول شي ألف سلآمه ومآ تشوف ... وثآني حآجه نصيحه أخويه مني لك أبتعد عن الهرمونآت بكل أنوآعهآ وقد يحصل مآلآ يحمد عقبآه في ألمستقبل
شو تبي في الهرمونآت .. وين بتروح بتشآرك في بطوله مثلاً .. تخسر صحتك وتظر نفسك وجسدك علشآن تبني جسـم !!
خلك على المكملآت أحسن وأضمن لك وركز في الأكل والتمرين ورآح يتحسن جسمك 180 درجه .. تبني جسم طبيعي أحسن من الهرمونآت اللي تنفخك تخليك مثل الكبت !!
لو تعطيني مليون مآدق أبره هرمون ... نحن نستخدم الكريآتين والمكملآت وإيدنآ على قلبنآ ...مع إنهآ آمنه وغير ضآره لو أستخدمت بآلشكل الصحيح .. فمآ بآلك بآلهرمونآت !!
في شآب الله يرحمه توفى بسبب الهرمونآت هآذي وتقدر تشوف الموضوع في القسم ... أنآ نصحتك لآني أبي لك الخير وفي النهآيه انت حر وأدرى بمصلحـتك... أنآ لو كنت مرآقب المنتدى أي موضوع فيه استفسار عن الهرمونآت رآح اغلقه مبآشرةً : )
abdulla91
06-10-2012, 03:44 PM
الشباب افادوك عن الهرمونات لاكن اتوقع نسو انك كاتب ليبو 6 ( وانت عمرك 18 وهو الحد الادنى 21 سنه !! )

ابتعد عن الاحبوب لانك توك في بداية عمرك

عليك بلاشياء الطبييعه

مثال لحرق الدهون ( شاي اخظر - عصير انناس مع كيوي - الامتناع عن الحلويات - استخدام سكر غير مصنع ( سكر اسمر او سكر فواكه ... الى اخره

ولاتنسى البطن اغلبته دهون من الاكل السريع و البيبسي

نسيت اقولك الف سلامه عليكم :)
Be Alone
07-10-2012, 06:41 PM
عمرك 18 انت اصلا جسمك بحالة انفجار هرموني استغل الفرصة غيرك يموت وتجية مرحلة البلوغ مرة ثانية
ركز على التمرين والتغذية انت الحين بكورس هرموني رباني