فترة تضخيم للجسم والعضلات

[rshoody]

معلومات المتقدم بالاستفسار :
العمر : 29 , الجنس : ذكر

الطول :173 متر
الوزن : 69 كيلوجرام



و الاستفسار كالتالي :
السلام عليكم ورحمة الله وبركاته ،، مساكم الله بالخيررر ،، اخباركم وعلووكم عساكم بخير .

العذر والسموحة يالربع اشغلناكم بالمواضيع ،، لكن ماحبيت اضع استفسارات داخل موضوع واحد عشان ماتتشتت المواضيع وفضلت فتح موضوع جديد .

هالحين ياشباب انا كنت بصراحة اتمرن تمارين ماخذها من المنتديات وماكنت استخدم مكملات او مساعدات ابد ماعدى ( برو كمبلكس العادي ) ،، فكنت مرتب جدولي كالتالي :

السبت / صدر + باي
الاحد / ظهر + Triceps
الأثنين / سباحه أو راحه او كارديو
الثلاثاء / الكتف + Traps
الأربعاء / Triceps + باي
الخميس / الارجل
الجمعه / راحة

هذا كان جدولي وكنت ابي ضخامة ،، وكنت اضع صور متحركة في الجوال واطبق عليها ،، وبصراحة المجموعات على حسب يوم 4 مجموعات ويوم 3 ،، على حسب الوقت ،، لكن ما أزيد التمرين عن ساعه ابد على حسب كلام المدرب .

فالمهم يالاخوان أبي من يوم السبت القادم أبدا بنظام جديد وجهد جديد ،، ونيتي ضخامة ،، وشاهدة هالموضوع للاخوان في المنتدى /
http://www.montada.com/showthread.php?t=668073

فمدري هل تنصحوني بالجدول الموضوع في الموضوع ؟؟ وهل هو للضخامة ؟؟

ايضا في نفس الموضوع مكتوب الشخص يحتاج للضخامة ثلاث اشياء :
1- مكملات
2- كرياتين .
3- أمينو


ممكن تفيدوني أنا احتاج شنو ؟؟ وهل الجدول اللي واضعه انا مناسب او الموجود في الموضوع ؟؟ وهل تنصحوني بمكملات وكرياتين وامينيو ؟؟

أرجو منكم الافادة ،، مع العلم للي حاب يشوف صورتي يشاهدها في هالموضوع :
http://www.montada.com/showthread.php?t=756819&highlight=


أشكركم مره اخرى على اهتمامكم ومساعدتكم لنا ولكم جزيل الشكر .

بالتوفيق

[نجر العتيبي]

السلام عليكم ورحمة الله وبركاته ،،، اخباركم وعلووكم عساكم بخير .

وعليكم السلام ورحمة الله وبركاته ، بخير من فضل الجواد الكريم .

هالحين ياشباب انا كنت بصراحة اتمرن تمارين ماخذها من المنتديات

اخوي رشودي ، بحكم انك لاعب مبتديء ، فتمارين المنتديات ، لاتتعامل معها الا من باب المعرفه والعلم وكيف ترتب جداولك الرياضيه في المستقبل . اما انك تجي .... وتقراء .... وتطبق على طول دون ان تكون تحت نظر مختص يعدل عليك الطريقه ويظبط ايقاع وتكنيك تمرينك بالطريقه اللي تستفيد منها ، كذا تضيع وقتك وجهدك .

فكنت مرتب جدولي كالتالي :

السبت / صدر + باي
الاحد / ظهر + Triceps
الأثنين / سباحه أو راحه او كارديو
الثلاثاء / الكتف + Traps
الأربعاء / Triceps + باي
الخميس / الارجل
الجمعه / راحة

رشودي افندي ، اتمنى قراءة هذه المشاركات على الرابط التالي بتمعن وخصوصاً الرد رقم ٤ .
http://www.montada2.com/showthread.php?t=756805&highlight=
وبناء على ماتقراءه ضع تصور نهائي لجدول تمارين يناسب وضعك وراح ان شاء الله نحط عليه اللمسات الاخيره مع الاخوان .

وبصراحة المجموعات على حسب يوم 4 مجموعات ويوم 3 ،، على حسب الوقت ،، لكن ما أزيد التمرين عن ساعه ابد على حسب كلام المدرب

قصدك للتمرينه الواحده من اصل كذا وكذا للعضله الواحده ..... او عدد التمارين كاملة للعضله الواحده ؟




قبل ماننتقل للمكملات على موضوعك السابق http://www.montada2.com/showthread.php?t=758296 ، خلينا نقفل ملف الجدول اولاً ... بعد ماتحط تصور نهائي بعد التعديلات النهائيه .

[rshoody]

دايم سباق للمساعدة دكتور نجر الله يعطيك الف عافية .

بخصوص التمارين اللي ماخذها ،، هي صور متحركة مثل الفيديو فيها شرح ونا في النادي من خمس اشهر ،، ماقول اني متمرس لكن الشباب يساعدوني ويوجهوني اذا ماعرفت شي حتى المدرب فصرت اطبق نفس اللي اشوفه منهم ونفس الجدول اللي معي اللي اخذته من المدرب ،، فقط اطبق نفس الجدول ونفس التمارين ماستعمل تمارين جديده علي ابد الا بتوجيهات المدرب .

يعني ابدل في الاقسام ،، مثلا في يوم الظهر الاسبوع الاولى ابدى في العلوي والاسبوع الثاني ابداء في السفلي وهكذا .

بخصوص الجدول بصراحة كنت استخدم الجدول اللي بالرابط اللي مسوينه الشباب حق الضخامة ،، وحسيت انه ضعيف وخليت المدرب يعطيني الجدول اللي كتبته لك والتسميات والاسامي ماعرفها مثل بار وسيع وضيق وتكوير ومدري شنو هههههههه ،، اعطيك اسامي العضلات ايه لكن اسامي التمارين نفسها ماعرف لذلك لا تسالني عن الجدول :02: .

فياليت تفهمني يالغالي شلون اضع جدول تمارين يناسب وضعي ؟؟؟ أنا ابي ضخامة وعضل وابيكم تساعدوني في ايجاد الجدول المناسب لي لتحقيق رغباتي ،، وتساعدوني لايجاد المكملات المناسبة لي ،، وتساعدوني لترتيب الوجبات الغذائية لي ،، واكون لكم من الشاكرين .

بخصوص العدات انا اقصد ان لكل تمرينه ثلاث مجموعات وكل مجموعة مثلا 10 عدات ،، يعني مثلا اذا اليوم الظهر أتمرن خمس تمارين للظهر بكافة مواقعه لكل تمرين ثلاث مجموعات وهكذا .

اشكرك مره اخرى يادكتور نجر على اهتمامك ،، ومنتظر ردك .

[rshoody]

للررررررررفع

[نجر العتيبي]

للررررررررفع

رفع الله قدرك اخوي رشودي ، المعذره يمكن اتاخر عليك شوي . بس خليك حماسي هاه ..... لاتفتر ... شد حزامك خلك مثل الذيب اللي مايسري الا بعشاه .

[rshoody]

ههههههههه الله يعطيك العافية

خذ راحتك طال عمرك ،، نبي ننتظرك وناخوك ومعذورر يالنشمي .

[نجر العتيبي]

دايم سباق للمساعدة دكتور نجر الله يعطيك الف عافية .

يعافيك ربي مستر رشودي

فياليت تفهمني يالغالي شلون اضع جدول تمارين يناسب وضعي ؟؟؟ أنا ابي ضخامة وعضل وابيكم تساعدوني في ايجاد الجدول المناسب لي لتحقيق رغباتي ؟؟؟

اليوم الاول /

1- تسخين ( باي + تراي + كتف امامي + سواعد )-------->4 جلسات اوزان خفيفه عدات كثيره + اخر جلستين زيد الوزن .

2- صدر علوي ( بار + مره تفتيح ومره بول اوفر ) ل 4 اسابيع + ( دنابل + مره كيبل من الاسفل الى الاعلى ( اسال عنها المدرب ) ومره جهاز دفع ) ل 4 اسابيع وعاود الكره .

3- صدر مستوي ( بار + مره تفتيح ومره كيبل ) ل 4 اسابيع + ( دنابل + مره جهاز دفع ومره تفتيح دنابل ) ل 4 اسابيع وعاود الكره.

4- راحه من 5 - 7 دقائق .

5- اكتاف امامي ( بار امامي - فتره ضيق وفتره واسع - + مره دنابل امامي دفع لاعلى فردي مع فترة البار واسع او رفرفه امامي دنابل تبادل او بالبار رفع للامام مع فترة البار ضيق ) -------> ( الفتره = 4 اسابيع ) .

6- باي ( بار w ضيق على الكرسي + دنابل تبادل - مطرقه - + جهاز واسع او كيبل ) ل 4 اسابيع وارجع خلي الضيق واسع والواسع ضيق والمطرقه بدلها ل راحة الكف لاعلى + تمرين w خليك واقف .

اليوم الثاني /

1- تسخين ( كارديو 20 دقيقه - متوسط الحده + قطنيه + ارجل امامي و خلفي على الجهاز ).

2- بطن علوي + سفلي ( على الاجهزه ).

3- ارجل امامي ( سكوات او جهاز نتر - مره ومره - + جهاز دفع مره اقدامك على شكل 11 ومره 7 ) .

4- ارجل خلفي ( جهاز خلفي ).

5- بطات ( مره بار ومره جهاز ).

6- راحه من 5 - 7 دقائق .

7- قطنيه ( بار او جهاز - مره ومره - ).

اليوم الثالث /

1- تسخين ( تراي + كتف خلفي و جانبي + سواعد + ترابيس ) ------> نفس نظام اليوم الاول بس خلي كل وحده قبل تمرينها ماعدا التراي قبل الكتف الخلفي .

2- كتف خلفي ( بار خلفي + دنابل رفرفه خارجي مع وضعية الانحناء ) لمدة 4 اسابيع + ( دنابل خلفي دفع لاعلى او جهاز + سحب جهاز للخلف ) ل 4 اسابيع

3 كتف جانبي ( دنابل رفرفه + كيبل او جهاز - مرتين + مره ) ل 4 اسابيع + ( دنابل فردي مع وضعية الاستناد على الحائط ميولاً + كيبل او جهاز - مرتين + مره ) ل 4 اسابيع وعاود الكره .

4- تراي ( كيبل مسطره واسع + بار w على الجبهه بوضع الاستلقاء على البنش + دنبل فردي خلف الرقبه ) ل 4 اسابيع وارجع بدل المسطره و العبها 8 ، والبار w خليه من وضعية الاستلقاء الى الجلوس من خلف الرقبه والدنبل بدله الى كيبل بالحبل ( تراي خارجي ).

5- ترابيس ( بار + جهاز ) ل 4 اسابيع + ( دنابل + كيبل - سحب من الاسفل للاعلى لحد الدقن والنزول - ) ل 4 اسابيع وعاود الكره.

6- سواعد ( علوي + سفلي ) عندك البارات + الكيابل + الاجهزه - نووع لكل عضله تمرينين مختلفين عن كل اخر جلسه -

اليوم الرابع /

كارديو + بطن جوانب بالجهاز او كيبل + سباحه .

اليوم الخامس /

1- تسخين ( كارديو 20 دقيقه - خفيف - + باي و سواعد + ظهر كيبل - سحب راسي وافقي + قطنيه) اوزان خفيف عدات عاليه .

2- 5 تمارين للظهر ( خلي المدرب يسويلك توليفه استمر عليها 4 اسابيع وغيرها ) + تسخين ( تراي + كتف امامي ) والعب صدر سفلي ( بار + جهاز او متوازي ، واذا المتوازي صعب عليك خليها كيبل - من الاعلى الى الاسفل - يشرحها لك المدرب ) .

اليوم السادس /

راحه تماماً ( اطلع البر وشب نارك ووسع صدرك ) .

اليوم السابع /

كارديو + سباحه

وتساعدوني لايجاد المكملات المناسبة لي ،،وتساعدوني لترتيب الوجبات الغذائية لي ،، واكون لكم من الشاكرين .
ستجد ماسيرك بحول الله على موضوعك القديم http://www.montada2.com/showthread.php?t=758296&page=2&p=7423863&posted=1#post7423863

اشكرك مره اخرى يادكتور نجر على اهتمامك ،، ومنتظر ردك .
العفو مستر رشودي .

[rshoody]

جدول واضح لا غبار فيه يالذيب ،، جاري النسخ في الجوال .

وبسأل المدرب عن الاسامي اللي ماعرفتها .

ألف شكر لك دكتور نجر دايم نشمي كعادتك مع المبتدائين ،، وان شاء الله خلال شهر من بكرا اشوف النتائج واعطيكم اياها ،، مع الصور اذا امكن هههههه .

كفييييت وووفييت:biggthump