هل قابلت أو تتمنى مقابلة شخص من النت؟ (مشاركة جماعية ^^)

[Arashi]

http://i1183.photobucket.com/albums/x467/ryoma33/salam11.gif


الموضوع واضح من عنوانه وهو انك تكتب قصة لقاءك بأحد أصدقائك من النت http://www.cute-factor.com/images/smilies/samwoo/1226385262.gif
مب شرط يكون من المنتدى...ممكن تعرفت عليه في الفيس بوك او التويتر او منتدى ثاني http://www.cute-factor.com/images/smilies/samwoo/1819624417.gif

راح أضع أسئله ممكن تساعد http://www.cute-factor.com/images/smilies/samwoo/1819624393.gif

1-من قابلت؟
2-كم مضى على صداقتكم في النت إلى ان تقابلتوا؟
3-كم فارق السن بينك وبينه؟
4-في أي موقع تعرفتوا؟
5-كيف ووين تقابلتوا؟
6-شلون عرفتوا بعض؟ كان في علامه مميزه اتفقتوا عليها؟
7-كيف كان اللقاء الأول؟ ايش سويتوا وايش قلتوا؟ وهل كان الشخص كما تخيلت؟
8-كم مره تقابلتوا بعدها؟
9-هل لالزتوا تتقابلون؟ وهل صداقتكم مستمره إلى اليوم؟
10-من تتمنى تقابل ولم تقابله بعد؟

ملاحظه: اللي ما جرب يقابل أحد فممكن يجاوب عالسؤال 10 اولا وثم يجاوب على 2و3و4

[Arashi]

عندي مجموعه من التجارب ببدأ اليوم بكتابة الاولى :biggthump

كنت في منتدى اسمه كارتون ستارز وعرفت عضو بنفس ميولي تماما....بعد ماضفته عالمسنجر اكتشفت انه بنت بس داخله باسم ولد ههههه :09:
مب قاصده تخدع احد بس انا ماعرفت انها بنت :silly:
هي اكبر مني بسنه...وتقريبا تحب نفس الانيمي والالعاب اللي احبها...هي من الامارات وانا طبعا من قطر
مره قررنا نسافر دبي...فقلت لها وقالت لازم نتقابل :bigeyes:
تبادلنا ارقام جوالاتنا...وتقريبا مر على صداقتنا في النت 6 شهور عالاقل
في الامارات اتفقنا نتقابل في صحارى بما انها من راس الخيمه وهالمكان اقرب عليها :33:
وكانت علامتنا في يدي مانجا X/1999 بما ان انا وهي (ومعانا يامي) نمووووووووووت على هالمانجا :o
اتصلت علي وانا واقف انتظر في يدي المانجا واشرت علي...كانت مع امها واحنا مع امنا عشان يتطمنون
طلعت ما شاء الله طويله...حسبتها بتكون في طولي ههههه بس الفرق 10 سم :p
قعدنا في مطعم وسالفنا عن كل شي نحبه
بعدها ماقدرنا نتقابل...وانقطعت العلاقه لأنها انشغلت...لكن ليلحين أتذكر ذاك اليوم :أفكر:

الحين أتمنى أقابل itachi lover - the princess - wolf soul - look up - dark heather - myblackeyez - نعومة الاحساس - blue rose

وولف ولوك وبرينسيس يامي قابلتهم في الكويت بخليها تكتب قصتها :wink2:


وهاذي كانت التجربه الاولى...الثانيه بكتبها بعدين والثالثه اكثر شي تضحك بخلي لها يوم خاص :silly:

[رعبه]

وعليكم السلامه ورحمه الله وبركاته ^^
فكره الموضوع جميلع لكن فعلن راسي مصدع بشده الحين -__-"
مذكر انى قابلت احد من النت الا قروب لصديقات اختي مو لي خخخخخخخخخ
كنت المرافق لها عشان امي تتطمن
يومها بلشت بولد وحده من ام بنت من البنات اللى قابلتهم اختي << مشوار الوصف لحاله يدوخ XD
الام الله يهديها كانت مهمله بشكل غريب والولد شكله متعود على اهمال امه
ويجيني ويطلبني بطلبات تتطرين انك تنفذينها لانها ما تتطنش <_<"
بالعربي كان يوم ممل بس عشان اختي نفذته ^^"
ثانكيو اروشع
ربما يكون لي باك ^.^

[Arashi]

^^^
ههههههههه عاد أكبر بلشه لما يطيح في جبدج ولد مدلل XD
انا اللي مثل هاليهال ماعطيهم ويه...والنوع اللي طوّل لسانه كف على طول عشان الام تتأدب :silly:
بس زين سويتي عشان اختج...حلو الخوات يكونون متعاونين :o
في انتظار عودتج باك :biggthump

[Blue Rose]

وااااااو موضوع رااائع اروش

دايما افكارج جهنميه ^ ^

و نااايس تجربتج :أفكر:


الحين أتمنى أقابل itachi lover - the princess - wolf soul - look up - dark heather - myblackeyez - نعومة الاحساس - blue rose



ثاانكس اروش و انا بعد اتمنى اقابلج ^ ^

و بصراحه انتي من الاشخاص ألي عجبتني شخصيتهم من اول دخولي المنتدى مع العلم اني مو بسرعه يعجبني احد

-من قابلت؟

للاسف ما قابلت احد من النت http://s269.photobucket.com/albums/jj72/myem0/03/pink-mushroom-005.gif

لكن بجاوب على الاسئله المناسبه

و الاعضاء ألي اتمنى مقابلتهم

ايرس , همسه , وولف سول , لوك اب , ذا برنسيس , اراشي , ربيكا , هيميكا , باشون , ليال المرح , يامي , رعبه , يوري , ماي بلاك ايز

و المنتدى مليان بالاعضاء العزيزين على قلبي و كلنا من بلدان مختلفه و جمعتنا هذي الشاشه الصغيره و يسعدني لو اقابلهم

و اذا ما جمعنا الدنيا تجمعنا الجنه ان شاء الله ^ . ^

-كم مضى على صداقتكم في النت إلى ان تقابلتوا؟

امممم تقريبا من اول ما دخلت المنتدى :أفكر:

-كم فارق السن بينك وبينه؟

اممم تختلف اعمارنا عن بعض بس مو وايد :ponder:

-في أي موقع تعرفتوا؟

منتدى المنتدى :o

....................

ميرسي على الموضوع الرائع اروش ^ _ ^

[dro]

قابلت عضو واحد فقط من منتدى آخر عشان اشتري منه لعبة RPG نادرة للـ PS3 .. بعدها ما شفت وجهه xD

[Arashi]

ثانكس بلو ^.^
يس في عضوات وايد ودي أقابلهم...بس كتبت الاسماء اللي كانت فرص لقاءهم أسهل حالياً ^^
ان شاء الله نتقابل لو احنا زرنا الكويت او انتوا زرتوا قطر ^^

-----------------------------------------------

شكرا عالمشاركه درو ^^
هههههه أهم شيش استفدت من لقاءك بالشخص XD

[Gin113]

موضوع رائع
و عودة قريبة

[THE ROCK IS THE BEST EVER]

الله يعطيك العافية اراشي على الموضوع الرائع



-من تتمنى تقابل ولم تقابله بعد؟



اتمنى اقابل dro و جاك



-كم مضى على صداقتكم في النت إلى ان تقابلتوا؟


تقريبا اول ما دخلت المنتدى



-كم فارق السن بينك وبينه؟



تقريبا اعمارنا متقاربة



4-في أي موقع تعرفتوا؟


منتدى المنتدى

[ام ابـراهيم]

لم يحصل لي الشرف ان قابلت احد .
اتمنى ان اقابل الكثير لكن ساترك الامر للصدفة .
موضوع طيب الله يعطيك العافية .

[Gin113]

قابلت صديقي العضو waleedovic

فترة موقتا

العمر مادري

منتديات رزدنت ايفل

عدد مرات 2

مدة صداقة لم تأخذ وقت طويلا

اتمنى اقابل العضو نمسس



ص ك

[Arashi]

THE ROCK IS THE BEST EVER (http://www.montada.com/member.php?u=55016)

أهلا ذا روك ^^
ان شاء الله تقابل اللي في بالك في أقرب وقت ^__^
ماعرفت جاك :bigeyes:

----------------------------------------

ام ابـراهيم (http://www.montada.com/member.php?u=812257)

ان شاء الله يوما ما نجمتع احنا بنات المنتدى عالواقع
أتخيل بس لما نسوي عصابه XD

----------------------------------------



(http://www.montada.com/member.php?u=843067) ليون 2007 (http://www.montada.com/member.php?u=843067)

ان شاء الله تتقابلون من جديد
النمسيس كثيرين يتمنون يقابلونه..كان فعلا اسطورة المنتدى @@

[Arashi]

المقابله الثانيه


هي وحده تعرفت عليها من نفس المنتدى اللي تعرفت فيه على اول وحده قابلتها
مدة الصداقه سنتين...وهي أصغر مني بسنتين ^^
سافرنا مره لدبي وهي تعيش هناك...فقلنا نتقابل
وفعلا اتصلنا عليها وجات عندنا الفندق مع امها
لما امها جافت ان احنا بنات (انا ويامي) وتطمنت لنا اسمحت لها تدخل غرفتها (طبعا الاهل طلعوا يتسوقون وخلونا ناخذ راحتنا)
كان يوم حلو وسالفنا عن وايد أشياء
وتبادلنا الهدايا...اذكر اني اشتري لها بجامه نفس اللي عندي عشان نطقم مع بعض
فلما وحده تلبسها فينا في بلادها تتذكر الثانيه XD
وعطتني صورتها وهي صغيره ولحد اليوم موجوده في غرفتي ^__^

بعدها بكم سنه دخلت تخصص صعب فانشغلت وماجفتها بعدها :(

[Akihiko]

عليكم السلام ورحمة الله وبركاته

موضوع لطيف، تسلم الأيادي ;)


1-من قابلت؟
~Snake~

2-كم مضى على صداقتكم في النت إلى ان تقابلتوا؟
ما ادري 3-6 شهور يمقن :33:

3-كم فارق السن بينك وبينه؟
3 سنوات اعتقد

4-في أي موقع تعرفتوا؟
المنامة :rambo: او لازم اقول المنتدى :silly:

5-كيف ووين تقابلتوا؟
اتفقنا وصار اللي صار :09:

6-شلون عرفتوا بعض؟ كان في علامه مميزه اتفقتوا عليها؟
هو بدا يسولف في البروفايل :o

7-كيف كان اللقاء الأول؟ ايش سويتوا وايش قلتوا؟ وهل كان الشخص كما تخيلت؟
لقاء عادي سوالف بسيطة، امممم ما ادري كأن غير بدون النظارة

8-كم مره تقابلتوا بعدها؟
1

9-هل لالزتوا تتقابلون؟ وهل صداقتكم مستمره إلى اليوم؟
يس بس على الواتسب مافيه لقاءات واجد

10-من تتمنى تقابل ولم تقابله بعد؟
واخيرا السؤال اللي احبه Yami Past :08: او Dark Side والكثير الكثير من الأسامي :09:

[Arashi]

هههههههههههه
أذكر لما كنت أقرا مخططاتكم عالزوار XD
يس تقريبا كنتوا مكملين 3 شهور لين تقابلتوا
حلو ان قدرنا نشهد جزء من الحدث وهو الاتفاق في المنتدى << لقافه :09:

وان شاء الله تقابل يامي باست ودارك سايد مستقبلا ^^

[mario 64]

شكرا انا كان اخوي موجود المنتدى شارك في منتدى فاينل فنتسي وطلع
اما الي اتمنى اقابلهم هو
..





اسكول صنديد واحمد

[Arashi]

^^^
منو كان اخوك؟

ان شاء الله تقابل اللي في بالك ^^

[المقاتل ليون]

موضوع جميل جدا

لم اقابل احد من الذينا تعرفت عليهم في النت
واتمنى ان اقابل جميل اعضاء المنتدى

[الفتاة السطورية]

لا و لا اتمنى اقابل احد و كل شخص يفكر في انه يريد مقابلتي يضاف فورا الى قائمتي السوداء هع

[NiN RevO]

موضوع جميل ^_^ ..

امممم انا قابلت شخص واحد الي هو The Last Lombax وكان في معرض TGxop وهو معرض للالعاب تابع لشبكة ترو جيمنج
مر على صداقتنا تقريبا 2-3 سنوات ..
كنت اتمشى في الصاله والمكان زحمه شوي الا اشوف واحد يناديني بإسمي وبصراحه ما عرفته لأني ما توقعته قصير xD

الي اتمنى اقابلهم تقريبا كل الشباب الي في المنتدى وانا على تواصل مع الكثير مهم على التويتر

اما البنات اتمنى اقابلهم في الجنه ان شاء الله .. الله يرزقنا واياكم الجنه يارب

شكرا اروش على الموضوع :)

[Arashi]

المقاتل ليون

ان شاء الله تقابل اللي في بالك ^^

--------------------------------------

الفتاة الاسطورية

يا شريره XD

---------------------------------------

NiN RevO

TG اظن يسوون يمعات شبابيه كل شهر تقريبا...حلو انكم تحصلون فرص جذي تتقابلون ^_^
يارب كلنا نتقابل في الجنه...في أعلى درجه @.@

[White Knight]

موضوع جميل


من منتدى ( متخصص بالأنمي ) بدون ذكر إسم المنتدى وذلك قبل 8 سنوات
- قابلت شخص إسم عضويته هاراقانا وكان لقائنا بسبب تبادل الأنميهات حيث أني سابقا كنت مدمن أنمي أكثر من الفيديو جيمز وتصادقنا وصرنا نزور بعض أسبوعيا
- من نفس المنتدى كانت هناك فتاة إسم عضويتها كادي تريد مني مجموعة أنميهات وأنا رفضت مقابلتها لكن خبرتها أن أقابل أخاها إذا أرادت شي مني وقابلت أخاها وصار من أعز أصدقائي حيث
كان هو الوسيط بيني وبينها في تبادل الأنميهات وإلى الأن علاقتي به ممتاز والفتاة تزوجت :09:

من منتدى المنتدى قابلت شخص واحد فقطأيضا بخصوص الأنمي وذالك قبل 8 سنوات حيث كانت بدايتي هنا
وكان عضويته سكوربيون وهو من أعز أصدقائي من بعد المقابلة حيث أصبحت إهتماماتنا بخصوص الجيمز فقط دون الأنمي

من منتدى البوابة قابلت العديد من الأشخاص من دون صداقات فقط مجرد بيع ألعاب ps3

-------------------------------------

أشخاص لم تسنح لي الفرصة لمقابلتهم
كاسح : كنا على وشك المقابلة حيث كان يريد شراء لعبة مني لكن لظروف ما لم نوفق

وتسلمي على الموضوع ^^

[Arashi]

كان هو الوسيط بيني وبينها في تبادل الأنميهات وإلى الأن علاقتي به ممتاز والفتاة تزوجت :09:


ما شاء الله XD
استفدت من عملية التهريب وتعرفت على صديق :biggthump


وكان عضويته سكوربيون وهو من أعز أصدقائي من بعد المقابلة حيث أصبحت إهتماماتنا بخصوص الجيمز فقط دون الأنمي

أظن أعرف العضويه....ماذكر قريت له وايد مشاركات لكن مريت على ملفه او جفته داخل المنتدى مره :33:


كاسح : كنا على وشك المقابلة حيث كان يريد شراء لعبة مني لكن لظروف ما لم نوفق

أذكر اني حلمت فيكم حلم غريب ولما قلت لك عنه جبت لي طاري المقابله اللي ما صارت XD
اكت بسبب لعبة ريسونانس اوف فيت صح؟

وشكرا على مشاركة التجارب ^^

[The Princess]

حلووه الفكره .. يبيلي اشاارك عن قريييب *تسجيل حضور*


نبذه عن ردي القادم " قابلت وولف سول و يامي " :love:

[Arashi]

^^^
يالله المكيروفون عند برينسيس :09:

https://encrypted-tbn0.gstatic.com/images?q=tbn:ANd9GcT6ZAszJY7CEKhfRoDr3hg243Y3mkHs9j9vwxow7P8mbprEZNU5Yg

[The Princess]

بسم الله الرحمن الرحيم
السلام عليكم ورحمه الله و بركاته


شلووونكم ؟! عساكم بخير
ادري انقطعت عن المنتدى بس والله لهينا شي و ماقمنا نفتح اللابتوبات للاسف xP
بكلمكم اليوم عن الاشخاص اللي قابلتهم ...


1-من قابلت؟
وولف سول و يامي
2-كم مضى على صداقتكم في النت إلى ان تقابلتوا؟
وولف تعرفت عليها في سنه 2009 .. إلى أن تقابلنا في بدايه 2011
يامي تعرفت عليها من سنتين و تقابلنا في في شهر فبراير 2012 ..
للاسف كنت اتمنى اشوف اروش بس ان شاء الله مره ثانيه ^_^

3-كم فارق السن بينك وبينه؟
بيني و بين وولف "سنه"
و بيني و بين يامي "6سنوات"

4-في أي موقع تعرفتوا؟
وولف .. في الكليه اللي ندرس فيها
يامي .. مجمع الافنيوز و كذلك وولف معانا

5-كيف ووين تقابلتوا؟
كلهم عن طريق الهاتف هههههه كنت متصله على وولف و قابلتها عند بوابه الكليه
اما يامي كنت اتمشى بالمجمع و اكلمها في الواتساب الى ان لقيتها :09:

6-شلون عرفتوا بعض؟ كان في علامه مميزه اتفقتوا عليها؟
حددنا المكان و تجمعنا فيه و اهم شي وصفنا شنو لابسين و الجناط اي لون xD

7-كيف كان اللقاء الأول؟ ايش سويتوا وايش قلتوا؟ وهل كان الشخص كما تخيلت؟
ههههههههههههه اصعب لحظه بالنسبه لي *اتنح و لا اعرف اتكلم رغم ان بيننا ميانه و ضحك عن طريق الواتساب*
انا عن نفسي ما تخيلت الشكل .. الكل سألني هالسؤال و ماحصل اجابه خخخ

8-كم مره تقابلتوا بعدها؟
وولف .. اصادفها احيانا في الدوام
اما يامي فاتمنى ازورهم في قطر لان ماحصل لي اقابلها مره ثانيه [ عااد هاا ابي غرفه ببيتكم كييفج :09: ]

9-هل لالزتوا تتقابلون؟ وهل صداقتكم مستمره إلى اليوم؟
مع وولف بالصدفه نتقابل و نسولف عالسريع و بعدين الكل يروح لمحاضرته
اتمنى نتجمع كلنا ع يوم *يااااارب*
و لله الحمد الله يدوم علينا المحبه و لا يفرقنا :heart:

*و في اليوم اللي قابلت فيه *يامي و وولف* بمجمع الافنيوز ..
قعدنا نسولف مع بعض في "شيك شاك" .. و عطونا لستة المشروبات ...
حزتها كان شتاء و برد و نبي نشرب شي ساخن .. فما لقينا اللي نبيه ..
و رحنا لـ "ستاربكس" و طلبنا و شربنا و سولفنا ..
و الفاتوره احتفظت فيها يامي بسس مادري وينها الحين xD
اااااخ ودي هالموقف ينعااد والله ..

10-من تتمنى تقابل ولم تقابله بعد؟
اروش - لوك اب - و كثير من العضوات :love:



عسى ردي ما عور عيونكم xP

و بسس :$

شكراً ام ابراهيم ^^



اقتبست هذا الكلام من يامي :09:
هذا اللي صار بيننا ... استمتعوا




ثاني يوم رحت مجمع أفنيوز واتفقت مع The princess و Wold Soul اني
اشوفهم هناك

كنت متحمسه ومتحرمصه طول الوقت لووووووول متشوقه اجوفهم عالواقع

اتفقنا نلتقي عند مطعم شيك شاك

عالوتس اب كنا نتكتب حق بعض <<<< فاتورتي طلعت 400 ريال لوول

the princess : يامي انا وصلت وينج ؟

يامي: انا قريبه الحين بييج شلون بعرفج ؟؟

the princess: انا لابسه ابيض ومعاي امي واخوي

انا هديت اهلي ورجعت صوب شيك شاك ومثل المينونه ادور واطالع فالناس

يامي: ماجوفج @@

ودور ودور جان اجوف وحده بعيده ماعطه ظهرها ولابسه ابيض

جدّمت شوي وقلت لها التفتي وراج <<< لوول مشهد درامي

يوم التفت سويت لها باي باي بيدي <<< كنت خايفه اتفشل وماتطلع هي لوول بس اشوه

يامي و the princess : يااااااااااااي xD

وسلمنا على بعض وامي عقب يات وسلمت عليها وعلى امها

قعدنا عقب في شيك شاك ننتظر الانسه wolf

المشكله احنا 24 ساعه هذره عالوتس اب بس لما جابلنا بعض السوالف مب راضيه تطلع @@

لازم نسأل السؤال المقدس

يامي: توقعتي شكلي يكون جذي ؟

the princess: هممم انا ماحط في بالي الاشكال عادي ^^

يامي: انا بعد لو بحاول ماعرف اتخيل

* اروش الدبيبه ما يات معانا عندها فوبيا من الطياره لوول

الفلبينيه الي في شيك شاك يات وسألت اذا نبي نطلب شي وقلنا لها بننطر العروسه << اقصد وولف لوول
بس لا شدعوه ماقلت عروسه ههههههههه

تقول الفلبينيه: اكيد تيون هالمجمع وايد بس اول مره لكم تجربون شيك شاك

قلت لها: اصلا اول مره ايي الكويت

اشتطت تقول لي:* من وين انتي ؟

انا ماعندي سالفه اقول لها احزري

عبالها اني من السعوديه xD عقب قلت لها اني من قطر هع وبشرتني ان بيفتحون شيك شاك فقطر
وفعلا سمعت ان فتحوه

ماقعدنا فالمطعم غيرنا لان ماعندهم مشروبات حاره

ووصلت العروس وولف سول

وكلنا: يااااااااااااااااي xD

قالت لي وولف: ماتوقعت جذي شكلج يامي غييييييييييير

يامي : انا تقريبا تخيلت جذي شكلج...

اختها لوك الدبيبه مايات >_> كنها متفقه مع اروش لوول

كنت خاشه الفاتوره الي دفعت فيها الهوت تشوكليت حقي وحق the princess <<< يس نصبت عليها
وهي لاهيه بالجوال دفعت وخليت الفاتوره ذكرى عندي بس ضاعت ):

قمنا وايد نسالف بس ماتذكر شقلنا وthe princess ماقدرت تطول اخوها سندرنا يبي يرجع البيت لوول
وتمينا انا وولف تحجينا فالسياسه شوي كااك خذت راحتي دوله ديموقراطيه XD <<< تعيش الكويت

[ام ابـراهيم]

رد خفيف على القلب الله يديم المحبة بينكم.

[Arashi]

اول شي بدافع عن نفسي هههههه...ترى مب عشان فوبيا الطياره ما سافرت...كانت عندي مشكله ثانيه وعفست خطتي :09:

يس اتذكر السالفه عدل ههههه بس اهم شي جفتوا صورتي....عالاقل عرفتوا كشتي :ee2:
عاد المره اليايه لما انزل من الطياره ابي زل احمر...تدرون هذا انجاز لو اكمل ساعتين على قيد الحياه :silly:

لا صج والله يبي له...ربعي في الكويت ودي اقابلكم كلكم....وحتى ربعي في الدول الثانيه :cray:

[ام ابـراهيم]

أنا كما سبق الذكر لم اقابل اي شخص .
بس كنت اتابع شيخ باحد المواقع و كان ممنوع من تونس بس بعد الثورة تم بحمد الله زيارة تونس .
لكن شاءت الصدف ان لا احضر محاضرته على عين المكان لأنني أنا بدوري لم اكن بتونس .
بس أحببت أن أشوفه مباشرة .

[TiTaN]

-من قابلت؟

كتير والله ، بس معظمهم ما أعتقد لا يزالو يشاركو في المنتدى ^^
منهم سكوال 9 -عضو نشيط سابق في منتدى البلايستشن او مراقب والله اعلم :p - (اكتشفت انه جاري و الوالد يعرف ابوه P:)
و مشاري مراقب سابق للترفيهي :o(طلع معايا في نفس المدرسة لول )
و البعض ممن كان لنا تواصل مكثف في الماسنجر الين جات فرصة و اتقابنا :p

3-كم فارق السن بينك وبينه؟

متقارب جدا مع معظمهم ، ما عدا واحد كان شايب :09:

5-كيف ووين تقابلتوا؟

تجمعات شبابية مال امها داعي :p ( مقاهي وصالات بولينج / بلياردو و أحيانا في وسط الشارع :09: )

7-كيف كان اللقاء الأول؟ ايش سويتوا وايش قلتوا؟ وهل كان الشخص كما تخيلت؟

عادي ، زي ما يسووا اي شباب يتقابلوا (نجلس سوا هروج و حكاوي و يمكن بلوت :) )

9-هل لالزتوا تتقابلون؟ وهل صداقتكم مستمره إلى اليوم؟

مع البعض نعم و لله الحمد ، و البعض اختفى :p

10-من تتمنى تقابل ولم تقابله بعد؟

يوما ما سأقابل الدايركتر الأخضر :أفكر: :p

[Arashi]

منهم سكوال 9 -عضو نشيط سابق في منتدى البلايستشن او مراقب والله اعلم :p - (اكتشفت انه جاري و الوالد يعرف ابوه P:)
و مشاري مراقب سابق للترفيهي :o(طلع معايا في نفس المدرسة لول )


احلى شي هالصدف XD
ذكرتني بسالفه..صادوني بنتين طلعوا ماي في الجامعه..وحده منهم معاي في نفس القسم :p


يوما ما سأقابل الدايركتر الأخضر :أفكر: :p

خبّرني قبلها أعطيك شي توصله له :ds005:

http://www.deviantart.com/download/187668979/bomb_explosion_gif_by_tonkonton-d33qeb7.gif

:silly::silly::silly:


تسلم عالمشاركه...والله يخلي لك أصدقاءك ^^

[Dark Heather]

هلا اروش الصراحة موضوع خطير

انا كثير اعرف بنات كان نفسي اقابلهم XD






10-من تتمنى تقابل ولم تقابله بعد؟










طبعا ابغى اقابلك يا اروش انتي ويامي
طبعا بالعطلة كنت على وشك اقابلكم لكن الظروف ما خلتني اقابلكم ان شاء الله المره الجايه






2-كم مضى على صداقتكم في النت إلى ان تقابلتوا؟










يمكن 6 سنين او 5 على صداقتنا XD




3-كم فارق السن بينك وبينه؟






كبير يمكن 8 او 9 خخخخخ






4-في أي موقع تعرفتوا؟










بالنسبة لي تعرفت على اراشي ويامي من منتدى المنتدى
بس في منتدى ثاني خخخ نسيت اسمه كان هالمنتدى بيننا التعارف الرسمي ^^
وطبعا وقتها عزمتهم على منتدى اخوي وكان بيننا التعارف الاكبر XD

[ringo164]

لم يحصل لي الشرف ان قابلت اح

[Ada Wesker]

للاسف بحياتي ماقبلت صديقه من النت تعرفت عليها مع ان كثير ارقامهم عندي وودي اقابلهم صراحه لكن الضروف ماسمحت لي

[J O K E R]

1-من قابلت؟


أخي وصديقي وزميل الدراسة العضو AZPC



2-كم مضى على صداقتكم في النت إلى ان تقابلتوا؟


شهر تقريبا .. كنا ثاني ثانوي وعم نحكي بموضوع الو علاقة بالكومبيوترات وبالصدفة جكينا عن المنتدى وطلعنا منعرف بعض عالمنتدى



3-كم فارق السن بينك وبينه؟


بنفس العمر



4-في أي موقع تعرفتوا؟


المنتدى في نصف العام الدراسي لكن كنت اعرفه منذ بدايته على أرض الواقع



7-كيف كان اللقاء الأول؟ ايش سويتوا وايش قلتوا؟ وهل كان الشخص كما تخيلت؟


هههههههههههه اتضحكنا على الصدفة الغريبة وصرنا نهاجم بعض بالمشاركات على سبيل التسلية



8-كم مره تقابلتوا بعدها؟


بقينا أصدقاء حتى خلصنا ثانوية بعدين رجعت على سوريا وهو بقي في قطر



9-هل لالزتوا تتقابلون؟ وهل صداقتكم مستمره إلى اليوم؟


للأسف لا ونادرا نحكي مع بعض على النت .... ظروف الحياة ومشاغل وكل واحد ببلد

[Sara Kennedy]

هاي اروش.. والله موضوع روووعة..للاسف ما حصلي الشرف ولا راح يحصلي لان ابوية طال الله عمره ما يخليني اخطي عتبة الباب!! عاد اني اطلع و اروح لصديقة من النت!! هو اصلا ما يعرف عندنا نت ههههههه..
لكني حقا اتمنى ان اقابلك و الاخت ايدا ويسكر و بلو روز و جيل فلنتاين 97 اتوقع هذا رقمها ههههههه و الاخت بايوكوين ولكن من اريد حقا وانا مستعدة للاستقتال من اجل ان القاها هي اختي وغاليتي وعزيزتي و اول صديقة لي و اول من شاركني و اكثر من يفهمني و اكثر من يشبهني حبيبتي اختي الكبيرة sherry x لمعزتها الغالية على قلبي.. و الكل لهم معزة اكيد لكن ليس مثلها.. رجاءا بلا زعل!!