عضله الباي + هل الجدول الغداء ممتاز

[Diego GEM]

السلام عليكم ورحمه الله وبركاته

الطول : 171
الوزن : 61

شباب عندي مشكله في عضله الباي سيبس

مب راضيه تكبر ، ولين اشد اليد اتكون مكوره صغيره

بالنسبه للجدول الي اللعب عليه :

السبت : صـدر
الاحـــد : ظـــهر
الاثنين : راحـه
الثلاثاء : اكتـاف
الاربعاء : بـاي × تراي
الخميس : رجـول
الجمعه : راحـه

تمرين البـايسيبس :

بار واقف EZ واسع / 12-10-8-6
بار واقف EZ ضيق / 12-10-8
تكوير دانبـل / 10-10-10

+ نظام الاكل

الصباح : 2 خبز اسمر + بيضه بصفار + 3 بياض البيض + كورن فلكس

الغداء : نص دجاجه على الفحم / صدر + فخذ + رز ابيض وعصير

سناك : مكسرات كاجو او البستق + حليب او 7 حبات تمر وحليب

الساعه 4 اروح النادي اتمرن


وبعدين عقب النادي : شوارمتين دجاج على الفحم او تونه كبيره او سندويش بيض

والاخيره لبن وروب او سلطه فواكه

ابي حل يا اخواني للعضله الي احس فيها ماتتطور

[meetal]

وعليكم السلام

اخي البار المستقيم افضل بكثير من المتعرج للتضخيم والمتعرج افضل للتكوير

ركز في تمارينك على البار المستقيم وان شاء الله راح تكبر

[بردان1]

وعليكم السلام

اولا قسها على الفترة الي انت تمرنت فيه

ثانيا مثل ماقال الاخ استعمل البار المستقيم بالنسبة لي اشوفه افضل
ثالثا لاتمشي على نظام واحد
عدل وبدل بالنظامات وتمارين الباي كثيييرة
كل اسبوع تمرن 3 تمارين عادتا يكون البار المستقيم واحد منهم
وبعد كذا ركز على ان تمرين من الثلاث يكون عن طريق الكيابل , الكيابل دائما افضل للتركيز لانك ماتقدر تغش فيها نفسك
اخيرا الغش , انتبه منه , ارفع بيدك بشكل سليم وقوي وتركيز على الباي , وانت نازل انزل ببطء الى اخر نقطة ثم كرر وهكذا


وان شاءالله موفق

[Mr.Puma]

أشد على كلام أخوي ميتال انه البار المستقيم افضل للتضخيم ..

الشي الثاني لاتضحك على نفسك وتشيل أوزان فوق قدرتك خذ الوزن اللي تأدي فيه التمرين بشكل سليم مثل ماقال أخونا بردان

ابعد ياخوي عن الماشينز الجاهز ,, ابقى على الاوزان الحرة والكيبل .. ومرن يدك مرتين في الاسبوع مافي مشكلة كل ثلاث ايام مثلا

قاوم مقاومة العضلة للبناء يعني امسك واسع وضيق وتكرار سريع وتكرار بطيء خلي العضلة يعني ماتعرف حيلتك ( ترى الجسم والعضلات لئيمة تفهم أحيانا ) وصعب على كثير يفهم المراد هنا

فيه برامج كثيرة للذراع .. اتمنى لك التوفيق ياصاحبي

[Diego GEM]

يعطيكم العافيه شباب

بس استفسار هل كل جدول جديد اغير البار المستقيم
او في كل جدول اخليه في الجدول

+

هل اذا لعبت بايسيبس يومين في الاسبوع عادي
ولا اخسر العضله

وهل العبها :

ظهر + باي
باي + تراي

+

افضل لعبه للباي للتطويل البار المستقيم ؟

شاكرلكم على الرد شباب

[مبتدأ حديد]

افضضضل تمرين لطاله العضله هي البار المستقيم والتكوير المتعرججج ..

انا اشوف اللي يناسبني اكثر المتعرج لنهه يضرب العضله مباشره ...
اخر تمرين العب بار مستقيم ابعد من المسكه الواسعه وجرب كيف يقص العضله عندك ..

[C.L.A.S.S.I.C]

وانا من رأيي انك تعدل في الجدول كتالي


السبت : صـدر + باي ( العب ثلاث تمارين باي )
الاحـــد : ظـــهر + تراي ( العب ثلاث تمارين تراي )
الاثنين : راحـه
الثلاثاء : اكتـاف
الاربعاء : بـاي × تراي
الخميس : رجـول
الجمعه : راحـه

واهتم بتغذيتك ونومك وانشالله بتشوم نتائج مرضية