المساعد الشخصي الرقمي

مشاهدة النسخة كاملة : التغذية الــــبـــــــــــــاور !!


احمـد العتيبـي
25-10-2012, 12:09 AM
معلومات المتقدم بالاستفسار :
العمر : 23 , الجنس : ذكر

الطول :171 متر
الوزن : 71 كيلوجرام

نسبة الدهون : 15

و الاستفسار كالتالي :
السلام عليكم ورحمة الله ...


يا جماعة .. انا مشكلتي مشكله مع الباور .. كل ما اشتري باور ما احس بأي شي اطلاقا !!
جربت Nano Vapor ما فادني بشي ..

جربت Assault بعد ماسمعت كلام كثير عنه .. خذيته وقعدت " أثــــاوب " !!! وماحسيت بأي شي :(


وانا ابي باور .. ومابي اقط فلوسي جذي عالفاضي .. انا عارف على حسب الجسم ممكن المكمل مايشتغل
بس يمكن لها علاقه بفصيلة الدم ؟ .. انا فصيلة دمي A+

في احد نفس فصيلة وجرب مكمل باور اشتغل معاه ؟ ..


اي نصايح يا جماعة الخير
King Of Coffee
25-10-2012, 12:27 AM
وعليكم السلام ..

من المعروف بأن منتج الباور ما يشتغل إلا على معده شبه فارغة . ولازم تكون تغذيتك بالأصل جيدة مو لخبطة...
جر ب النوكسبلود الكل يمدحه ...


الله يوفقك يا كابتن .. وانتظر اراء الشباب
fahod70
25-10-2012, 02:08 AM
عندك النو اكسبلود او سي 4

راح تشيل وزن اكثر
talalahmed
25-10-2012, 06:57 AM
انا اتذكر جربت نو اكسبلود خشيت تمرين ظهر حملت ضعف الاوزان بدون تعب لكن ساعات يشتغل وساعات لايشتغل
احمـد العتيبـي
25-10-2012, 04:51 PM
راح اجرب النو اكسبلود .. ان شاء الله يشتغل ..
يعطيكم العافيه
لاعب متقدم
25-10-2012, 05:52 PM
انا انصحك تبعد عن مكملات الباور و ما تعتمد عليهم اعتمد على التغذيه الطبيعيه و خذ وجبه كربوهدريات قويه قبل التمرين احسن من مكمل البور
iMut3b
25-10-2012, 06:02 PM
اخوي

اذا باقي عندك من الاسولت

خلي اخر وجبة قبل التمرين بساعتين
وخذ نص اسكوب او حتى ربع قبل التمرين بنص ساعة

لما تقول تتثاوب وماتحس انك مرتاح معناته ان جسمك ماتقبل الكمية الكبيرة من الكافيين

وبعدين مو شرط تشيل اوزان كبيرة .. الكلام على انه تعطيك تحمل كبير بحيث تكمل التمرين لاخر جلسة من دون تعب وهذي هي الفائدة القصوى

انا نفس فصيلة دمك والاسولت مسوي شغل كبير معي الحمدلله
mr.dark.gym
26-10-2012, 12:34 AM
عندك الجاك ثري دي أو نفس ما تفضلو الكباتن ان او أكسبلود
Mamadoo.xp
26-10-2012, 04:05 PM
سيم سيم مشكلة :D

انا جربت جاك 3 دي - ان او اكسبلود - انيمال بمب - اساولت

كلهم ما نفعوني

خلاص يئست من هذي المنتجات انها تنفعني

وفصيلة دمي +O
EVIL MIND
26-10-2012, 04:14 PM
انا مثلك جربت سوبر شارج ونو شت قن ونو اكسبلود مانفعوا
بس جربت سي 4 اكستريم اول اسبوعين كنت اخذ اسكوب ثم بعدين بديت اخذ اسكوبين بصراحه تفاعل معي وحسيت بباور غجيب بس مااكذب عليك تجي ايام مااحس بشي وافقد الباور بسرعه مدري عشاني مااكل زين او شي ثاني الله اعلم .. :)
.hamad.
30-10-2012, 02:14 AM
انا جربت الاسولت وفعلاً ماحسيت بفارق كبير معاه

وارشح الاكسبلود لانه منتج قوي ومعاه راح تشيل ضعف اوزانك الحالية بس لو ماجاب معاك سكوب حط 2 او 2 ونص ماعندك مشكلة

وراجع هالموضوع وان شاء الله يفيدك

الطــاقة القصــوى (http://www.montada.com/showthread.php?t=743494&highlight=%C7%E1%D8%C7%DE%C9+%C7%E1%DE%D5%E6%EC)