اخوي ورطني في بروتين غريب + الم في مفصل الركبة

[مستعمل]

معلومات المتقدم بالاستفسار :
العمر : 29 , الجنس : ذكر

الطول :180 متر
الوزن : 82 كيلوجرام



و الاستفسار كالتالي :
السلام عليكم

اخبار الكباتن

ابي اسالكم عن بروتين واي بروتين من eas

العلبة البنفسجية

اليوم قلت لاخوي وهو جاي من الجامعة مر على ارمال وجيب لي واي بروتين اوبتمم
الظاهر نسى اوبتيمم او الفلبيني نذل
المهم جاني بعلبة واي بروتين من eas ومفتوحة كمان

اقوله وين البروتين الاوبتمم قال هذا الموجود

طيب ليه مفتوح فتحوه الشباب مع الطريق

وش السوات ياكباتن ادق فيه ولاادور اوبتيمم
وربي ب400 ريال 2.27 كيلو

http://www.allstarhealth.com/f/eas-100_percent_whey_protein.htm

هذا هو نفس اللي ع الرابط (سوري ماصورت اللي عندي الوغلاف مشقق حسبي الله عليهم)

2)
شباب اخوكم هاليومين يدق تمارين قددم في الشباب في الاستراحة

المهم اعاني بعد الوضول للمنزل من الالم في مفصل الركبة واحس ان العضم ضعيف في اي لحظة ممن ينكسر


ر ايكم وش السبب + هال هناك تقوية للمفاصل خصوصا الركبة

[بردان1]

وعليكم السلام والرحمة

من وجهة نظري ماله داعي القلق وشركة eas شركة محترمة فا اشوف انك تستخدمه وان شاءالله مايفرق كثيير

اما بالنسبة للمشكلة الثانية ان شاءالله الاخوان يفصلون لك الاجابة
لكن لازم تلتزم بالعناصر الغذائية كاملة من فيتامينات وكالسيوم ومعادن ودهون مفيدة
وايضا تقدر تستعين بالجوينت كير من الصيدلية بـ 80 ريال استعمال شهر جدااااا رائع للمفاصل وانا حاليا استخدمه ومن اروع مايكون كانت عندي الام والحمدلله خفت بشكل كبير

[Booyaka]

بالنسبة للبروتين انا ما ابيك تعصب زيادة بس سعره جدااا مبالغ فيه وقصو على أخوك ، عندنا بالبحرين الاسعار حدود بين 19 للقينر و 22 دينار يعني 220 ريال للواي بروتين والايزو شوي اغلى عنهم لكن مو لهذه الدرجة انها توصل لـ 400 ريال .

اما عن الام الركبة ان شاء الله الكباتن بيفيدونك اكثر مني من هذه الناحية .

[Booyaka]

عمر ردينا بنفس الوقت .. :o

[ALSHESHAN]

اول شي ماتشوف شر ان شا ءالله

انا بتكلم لك عن اعراضك شوي وهي حاجه بسيطه


بالنسبه لالم المفاصل احتمال يكون من ارتفاع اليوريك اسيد وغالبا هذا يجي من الاحماض الامينية انا اتكلم لك عن تجاربي انا لاني كم مره عانيت ولين اكتشفت ان الاحماض الامينية هي المشكله



وبالنسسبه لهشاشة العظام هالحالة قد جتني العام حتى الى درجه مابي احد يمزح معي يمسك يمدي اخاف تكسر اصابعي وبعد الكشف لقيت فيتامين d ناقص مره وهذا عادي اغلب الناس تجيهم



سوي تحاليل ان طعت شور اخوك والامور بسيطه جدا جدا جدا لاتخاف :)


وترا الطبيعي للرجال اليوريك اسيد من 3 الى 7 لكن موب شرط فيه ناس تترسب عندهم الاملاح على 4 :)


توكل على الله

[Abdul latif]

هو في ناس للحين تشتري من ارمال ؟

ياخي في القيمة هذي اجيب علبتين

[C.L.A.S.S.I.C]

هو انضحك عليك يعني اخذت علبة بسعر علبتين
لكن استخدمه والله يعوضك بالخير

[الهايـم]

^
^^
بعض الناس يبي يضمن يكون اصلي

[Rashid.S]

البروتين ماله دخل بالمفاصل وجربته ومايأثر لكن نكهاته خايسه وما عجبني مفعوله كثير وغثيث
خلصت العلبة بالغصب .. يمكن صادف ضربة ركبتك ما وقت الأستخدام أقطع البروتين أسبوع وشوف إذا خف الالم يعني من البروتين

[humax2007]

البروتين ممتاز مافيه مشكله
المشكله بالسعر فقط
ب 400 ريال
تجيب علبتين واي من صابر :)