المساعد الشخصي الرقمي

مشاهدة النسخة كاملة : كمال الاجسام ترهل العضلات خلال فترة بسيطة !!!!


hdb
25-11-2012, 10:33 PM
معلومات المتقدم بالاستفسار :
العمر : 18 , الجنس : ذكر

الطول :164 متر
الوزن : 67 كيلوجرام



و الاستفسار كالتالي :
السلام عليكم ..
صار لي شهر تقريبًا مداوم بالنادي ..
وخلال هالشهر كان فيه تحسن وتقدم ملحوظ بجسمي ..

المشكلة إني تركت النادي تقريبًا 4 او 5 ايام فقط !!
وخلال هالايام انعدم جسمي بشكل مو طبيعي ..
يعني جاني ترهل في العضلات وأحس العضلة صارت غير مشدودة ابدًا !
مع إن الفترة اللي تركت فيها النادي بسيطة ....

ياليت لو احد مرت عليه هالمشكلة أو يعرف لها حل يدلني علييه !
لأأأن بصراااحة جاني إحباط وحسيت جسمي من النوع اللي ينعدم بسررعة
ويمكن الحديد ما يصلح لي بسبب تركيبة جسمي ...
Omarb
25-11-2012, 11:44 PM
أولا يا أخي شهر واحد لك بالحديد يدووب يطلع فيه نص كيلو عضل يعني لسا ماعندك المكسب الكبير عشان تحكم وثانيا أنا لي حاليا سنة بكمال الأجسام وببعض إجازات الأعياد أقطع عن النادي مايقارب 10 أيام وجسمي مثل ماهو بس طبيعي إنه بأيام التمرين تحس العضلة مشدودة أكثر وحجمها أكبر لكن مويعني إنو لو تركت حق أسبوع بتصير مترهلة هذا مستحيل !!!!!!!!
hdb
26-11-2012, 12:28 AM
أولا يا أخي شهر واحد لك بالحديد يدووب يطلع فيه نص كيلو عضل يعني لسا ماعندك المكسب الكبير عشان تحكم وثانيا أنا لي حاليا سنة بكمال الأجسام وببعض إجازات الأعياد أقطع عن النادي مايقارب 10 أيام وجسمي مثل ماهو بس طبيعي إنه بأيام التمرين تحس العضلة مشدودة أكثر وحجمها أكبر لكن مويعني إنو لو تركت حق أسبوع بتصير مترهلة هذا مستحيل !!!!!!!!


أنا ألعب حديد من فترة طويلة ..
لكن البداية الفعلية والإلتزام بالتمرين كان من شهر لما دخلت النادي ..

وأنا أدري بأن الفترة البسيطة هاذي ماتخلي العضلات تترهل .. وهذا اللي أنا مستغرب ومقهور منه !!
يعني فقط 4 أيااام كيف جسمي انعدم ..!!
Booyaka
26-11-2012, 12:38 AM
أرجع رتب نفسك مع التمارين والاكل وراح يرجع جسمك مشدود ، هو صحيح في اجسام تخسر وزن بسرعة واجسام تكسب وزن بسرعة لكن انت عليك انك تعود جسمك على نظام معين وتمشي عليه .
Mohd01
26-11-2012, 05:13 AM
ماعتقد ان اللي تشوفه ترهل

كل القصه ان ايام التدريب تكون عضلاتك شاده اغلب الوقت فتحس انها كبيره .. لكن بما انك مريح فاكيد فيها خمول لكن مو ترهل ابد
جرب ارجع تدرب وبتتاكد كلامي صح والا لا
عاشق الباي
26-11-2012, 07:06 AM
زي ماقال مملوح بالسكر صدقني ماهو ترهل
FinalFantasy9
26-11-2012, 10:04 AM
زي ماقال مملوح بالسكر صدقني ماهو ترهل
اول شي استغربت من ردك .. اقول شلون يعني العضله مملوحه بالسكر مب مترهله هههه ..

نفس ما قالوا الشباب .. ترى انا جسمي كمثال "يـنـفـش" بسرعه بس يرجع بسرعه وهي تعتمد على طول فترة التمرين وصلابة العضله والماي بالجسم وهو شي طبيعي ان شاء الله ..

بس لا تقيس بفترة بسيطه مثل شهر في النادي حتى لو كنت تتمرن قبل .. لان تمرين النادي مركز ونتائجه افضل .
عاشق الباي
26-11-2012, 07:31 PM
^

مملوح بالسكر العضو الي رد قبلي :أفكر: