رحت للمستشفى وعندي نسبه الدهون والاملاح والمعادن ! خبرتكم

[جنون ابوظبي]

معلومات المتقدم بالاستفسار :
العمر : 19 , الجنس : ذكر

الطول :170 متر
الوزن : 75 كيلوجرام

نسبة الدهون : 12

و الاستفسار كالتالي :
السلام عليكم ورحمه الله وبركاته


اليوم رحت للمستشفى واخذت تفاصيل لكل الي في جسمي وطلع كالتالي !!


الوزن : 75
الطول : 170
نسبه الدهون : 11.5

المشكله في الباقي الي تحت !


معدل المياه في جسمي : 45.5 !! < مكتوب الطبيعي من 37.5 لـ 39.8 !
الاملاح او المعادن في جسمي : 4.3 !! < مكتوب الطبيعي من 3.7 لـ 3.8 !
وكذلك البروتين في جسمي : 13.3 !! < ومكتوب الطبيعي 10.2 لـ 11.5 !



واخواني انا فيني كرش اسفل الكرشه ,, ونسبه الدهون قليله يعني اكتشفت انها كلها املاح ومعادن ومياه !


الحين لو حاب اقلل من معدل المياه فجسمي شو اسوي بالظبط ؟
+ ولو بقلل من الاملاح والمعادن في جسمي شو اسوي ؟


بانتظاركم خبرتكم لاني مااعرف شو اسوي بالظبط لاني ناوي اقضي على الكرشه باذن الله

[ياضلوم]

كثر شرب ماي 4 الى5 لتر ماي بليوم .. على شان جسمك يتخلى عن الماي الحبوس

[جنون ابوظبي]

يعني لو شربت ماي كثير بتقل نسبه المياه المحبوسه في جسمي ؟

[ياضلوم]

نعم .. بس لا تتوقع تشوف نتيجه بسرعه ..موفق

[humax2007]

نسبة الدهون اشك فيها
مستحيل 11 %

[جنون ابوظبي]

اخوي نسبه الدهون اهي الي طلعت معاي في النتيجه :)


انزين اخواني في منتجات تساعدني على تقليل من نسبه الماي في الجسم ؟

بانتظاركم :)

[StronGest]

انيمال كت يساعد في انزال السوائل. وكثر شرب الماي مثل ماقالك اخوي ياضلوم. بالتوفيق

[oOhimaOo]

عليكم السلام ورحمة الله وبركاته

اخوي حاول تقلل من الملح قدر المستطاع
وروح للصيدليه وخذ مياه معدومة الصوديوم [للاطفال] ..لان المياه العاديه مليانه صوديوم وهو السبب الرئيسي في تخزين السوائل
وراح تشوف نتيجه بالذات اذا قللة الملح

[.hamad.]

عادي اخوي

النسب طبيعية جداً بالمقارنه في رياضتك اللي تلعبها

لاعب كمال الاجسام شي طبيعي تكون عنده هالنسب مرتفعة بسبب عوامل كثيرة

لان العضلة كل مازاد حجمها تزيد نسبة الماء فالجسم ويرتفع معدل البروتين

وهذه الامور طبيعية

ان كان عندك مشكلة مع دهون البطن فلا علاقة بهذه النسب فالموضوع

فقط رتب اكلك وشد على تمارين البطن وراح يتحسن الوضع

[جنون ابوظبي]

تسلمون اخواني ماتقصرون



عندي بس سؤال , واتمنى من الكابتن حمد الرد علي ! وعلى من من يعرف الاجابه


الدهون طلعت 12% ! وعندي كرشس بسيطه اسفل الكرش

كيف ؟ والله اني مستغرب
نسبه الدهون قليله والكرش موجود بهالطريقه ؟

[ياضلوم]

اخوي عادي ..شي مش غريب .. اذا كانت نسبة الدهون 8 او 9 وكعندك كرش هذا اللي مش طبيعي ... بس مثل ما قال لك الكبتن حمد ركز على تمارين البطن ..والدايت..موفق

[.hamad.]

اخوي عادي ..شي مش غريب .. اذا كانت نسبة الدهون 8 او 9 وكعندك كرش هذا اللي مش طبيعي ... بس مثل ما قال لك الكبتن حمد ركز على تمارين البطن ..والدايت..موفق

+1

واحتمال يكون نقطة تجمع الدهون بجسمك هي البطن فتكون وقتها آخر منطقة يحرقها الجسم .

الموضوع يحتاج صبر وجهد منك ياكبتن

وفقك الله