التخسيس واللياقة قصتي مع التخسيس مع الصور بالبرنامج اللي مشيت عليه :) [الأرشيف]

مشاهدة النسخة كاملة : التخسيس واللياقة قصتي مع التخسيس مع الصور بالبرنامج اللي مشيت عليه :)

Ahmed gym

11-01-2013, 11:43 PM

أولا يا جماعه أنا إسمي أحمد نجاتي .. من القاهره - الهرم أو فيصل (( الطالبيه )) عمري 24 سنه ..
طبيعه جسمي تكتسب الدهون بسهوله جدا ووزني كان 130 كيلو وكنت يائس جدا من الحياه واهي صورتي
356079
طبعا كان باين عليا الإكتئاب ومربي دقني لإن زياده الوزن جابت ليا حاله نفسيه وحشه وكانت اي حاجه قدامي كنت بأكلها سواء كنت جعان أو مش جعان لحد ما قلت كفايه ولازم اخس وكلمه كفايه قلتها وانا بعيط وانا لما حالتي النفسيه بتكون وحشه كنت بأكل
:silly:
وبالفعل اتبعت نظام غذائي ومشيت واحده واحده واحده لحد ما وصلت وزني من 130 ل 120

356080
وكفائت نفسي بإني لازم اطلب اكله وطلبت ساعتها وجبه كنتاكي + بيتزا وبيبسي 2 لتر وسنكرز .. يعني عملت حفله في البيت بس تاني يوم وزنت نفسي لقتني زدت 2 كيلو والاهم من كده ميأستش وكملت واستمريت على نظام الرجيم والدايت لحد ما بقيت 110
356081
وكنت فرحان جدا ان الهدوم بدأت تكون واسعه وملاحظين من الجناب وحلقت دقني وعملت دجولاس :09:
ومرت الايام ومشيت واحده واحده وتاتا تاتا وانا استمر واستمر واعافر وشويه يأس على إحباط على زهق على اكل يكون قدامك والإنسان دعيييييف بدأت افهم الدنيا ماشه ازاي لحد ما نزلت ل 100 كيلو
356082
ونزلت جبت ليا شويه اطقم بدلع نفسي بيها وبدأت أحس إني إنسان بمعنى الكلمه ومقاسي اختلف من 44 او 46 ل 40 وساعات 38 بالعافيه .. وكملت الدايت وجات عليا فتره نزلت بقى مع الإمتحانات بيكون اكلي قليل وشرب كافين عالي وصلت لحد 95 كيلو
356083
والفتره دي بدأت الناس تأخد بالها مني ومن جمالي :biggthump
لحد ما اتشجعت وكملت لحد 85 كيلو واخدت عين جامده اوي وعملت حادثه

356084
الفتره دي تعبت بقى وكلي متجبس حتى الحمام اصحابي كانوا بيدخلوني الحمام .. مكنتش عارف البس او اهرش حتى .. فزاد وزني تاني ل 90 كيلو ! :bigeyes: وهنا خلصت كليه وأصريت بعد الكليه وانا داخل عالجيش ! إني أكمل دايت في الجيش !

356085
قعدت تقريبا شهرين في الجيش مكمل وبعتمد على الاكل اللي في الجيش اللي مش بيتخن واصحابي كانو مستغربين اني مش باكل اوي بالرغم من التمارين والمجهود الجبار اللي كان بيحصل فينا كجندي في الجيش بس كان عندي عزيمه واصرار
356086
ولسه دلوقتي في الجيش بس إتنقلت لحته اقدر اروح واجي كل يوم الحمد لله واخر صوره نزل وزني ل 75 كيلو

وإستمريت تاني لحد ما لقيت وزني وصل ل 70 كيلو بس شكلي تحس إنه معنديش إكتاف وواقع خالص (( هحط الصور بكره إن شاء الله )) ومن هنا دخلت المنتدى وقريت وفهمت وعرفت ولقيت إن لازم انزل جيم واروح اهتم بشكلي وبالفعل اشتريت علبه ليبو سكس بلاك الترا وعلبه امينو وكارنتين وشاي اخضر للقضاء على الترهلات والحمد لله مبقاش في ترهلات خالص (( بقيه الصور غدا عشان ورايا جيش بكره :) )) والحمد لله هكمل عالنظام ده لحد يوم 25 الشهر الحالي مع العلم إن وزني زاد ل 75 أي تقريبا زياده عضل من 70 ل 75 وفي زياده في الوزن بس إنحضار في الدهون وكمان هكمل في التنشيف او الشد للقضاء تماما على الترهلات والحمد لله مع الرياضه او الجيم عامه حسيت ان جسمي اتشد اوي مع العلم اني بقعد من ساعتين ونصف إلى 3 في الجيم .. ! واليوم اللي خلاني اعمل الموضوع اني قست نسبه الدهون عندي ولقيتها 13 % بس مفيش عضلات بارزه مع العلم إن جسمي إتشد كله معادا منطقه اسفل البطن بسبب عضلات البطن السفلي كنت اهملها اوي (( مش بديها حقها)) بكروتها وللموضوع بقيه وارحب بأي إستفسار أو أي كلمه أو أي حاجه سواء هنا او على الفيس !
ahmed reda sewilam
سوال للخبراء
هل الكورس ده هيفدني إن شاء الله ؟
كرياتين (ess لا يعمل ماء على العضله)) + كارنتين + جلتومين إس أر + واي بروتين + امينو
وهو فيه حاجه ناقصه في الكورس ؟
الهدف بناء عضل صافي :)

غدا بقيه الصور + البرنامج

Ahmed gym

11-01-2013, 11:44 PM

محجوز :silly:

الناعسي

11-01-2013, 11:58 PM

ما شاء الله عليك يا احمد شغل ممتاااز جدا

واكيد زي ما كان عندك العزيمه عشان تنحف راح تبني عضل وتصير وحش باذن الله

AGV

11-01-2013, 11:59 PM

ماشاء الله الى الأمام وبالتوفيق , وبصراحة أهنيك على الأنجاز .

بالنسبة لسؤالك ::
كرياتين (ess لا يعمل ماء على العضله)) + كارنتين + جلتومين إس أر + واي بروتين + امينو

تستطيع الاستغناء عن الكارنتين واستبداله بالملتي فايتمين والأوميغا3 . والأهم جدول تغذية مناسب لجسمك من أجل المكتسب العضلي والحد من الدهون .
واذا تبغى تمشي صح زيد عليهم بروتين كازيين ليلا .

تقبل مروري

مشاري الرياض

12-01-2013, 07:00 AM

ماشاء الله فرق صراحه بين الصور شد حيلك وموفق

* ملاحظه : الصوره اللي فيها الدخان اتوقع لو ماكانت موجده افضل

D.D.S

12-01-2013, 10:39 AM

وحش يا احمد ... :)

بس سؤال و الجلد الزائد ؟

واصل والله يسهل دربك باذن الله : )

u turn

12-01-2013, 01:52 PM

‘
ماشاء الله تبارك الله

فرق شاسع بين صورتك الأولى والاخيرة ...

من 130 إلى 70 كم شهـر ؟

رآئــع وآصل يابطل .. موفق

adel1992

12-01-2013, 06:02 PM

رائع ياوحش استمر وان شاء الله تحقق اللى في بالك

Ahmed gym

12-01-2013, 06:46 PM

وهنا الصوره لما قلت ليكم إن إكتافي وقعت ولقيت نفسي خسيت زياده عن اللزوم اوي وشكلي بقى وحش والفتره دي تقريبا كنت قاطع الأكل بمعنى الكلمه وكنت عايش على عصير تانج بدون سكر وبس !
356098
والصوره اللي جايه لما بدأت ألعب جيم واهتم بأكلي وبنفسي وبصحتي مع الإعتماد على وجبه كارب عاليه قبل التمرين وباقي اليوم بروتينات فقط وتم زياده وزني من 70 إلى 75 خلال شهر من الجيم وشغال تنشيف أو شد الجسم ..! وطبعا الدهون كانت تقريبا شبه معدومه !
356099

وأخر صوره بتاريخ اليوم وأنا في الجيم ورحت قست نسبه الدهون والحمد لله طلعت من 12 ل 13 % وناوي اكمل عالنظام ده لحد يوم 25 الشهر الحالي وبعدين اخش ضخامه على نضافه ..
356100

وهي دي قصه حياتي بإختصار شديد جدا والرد القادم هيتضمن الجدول الغذائي وتمارين ونصائح والأدويه إللي إستعملتها وكل شي ..! :) والردود عالشباب هتكون في الأخر لتنسيق الموضوع ^_^ ..

Ahmed gym

12-01-2013, 11:58 PM

مفيش غير 3 بس إللي ردو ! :blackeye:

والرد التاني ولا حد شافوا :33:

Leaner

13-01-2013, 05:59 AM

ماشالله تغيير كامل، موفق ان شالله

Booyaka

13-01-2013, 11:24 AM

الله يوفقك بمسيرتك وتقدمك رائع ..
بالنسبة لترتيب الموضوع محتاج انك تعطي تجربتك العملية كيف كانت يعني تعطينا معلومات عن جدولك الغذائي جدولك التدريبي وتمارينك هنا الاعضاء راح يستفيدو من موضوعك بشكل أكبر ، وأنت كثرت صور مالها داعي اعتقد الصورة الاولى و الاخيرة تكفي لتبين الفرق قبل وبعد .
وشكرا لك .

شقاوي غير

13-01-2013, 06:19 PM

متماز ما شاء الله عليك
والى الامام انجاز وعزيمه جباره
بس ياليت تعطينا جدولك مع الوجبات وبالنسبه للترهلات في منطقه البطن هل هناك تحسن كبير

كل الشكر لك

Ahmed gym

13-01-2013, 06:50 PM

بسم الله الرحمن الرحيم
أولا هبدأ أقول كم حاجه كده وبعدين نقول على النظام اللي مشيت بيه ..
من خبرتي او مع كفاحي اكتشفت او أدرجت إن في نوعين من التخسيس وهو اول نوع تخسيس بدون ترهلات وتخسيس بترهلات .. بإختصار لو واحد عاوز يخس بدون أي ترهلات وجسم مشدود لازم يعمل دايت مع رياضه لكن واحد عاوز يخس بس كده ويكون في ترهلات يعمل دايت بس وده اللي عملته واديني مفحوت في الجيم بسبب الترهلات والحمد لله تقريبا مش موجوده غير اسفل البطن بس ومع الوقت وهتروح :) نيجي اوي حاجه لنظام الأكل .. قعدت تقريبا فوق الشهر ونصف اعمل رجيم كميائي وكنت ممشيه كل 5 ايام مش يومين او 3 وبعدين قعدت فتره تانيه اعتمد بس على البروتينات واكل وجبه واحده في اليوم مع إن ده غلط وقعدت اخر فتره اللي هيا كنت بشرب عصاير بس وبدون سكر .. معلش انا عارف النظام الغذائي اللي كنت بعمله غلط بس انا كنت مليان وكان ده مسبب ليا حاله نفسيه وحشه بس بنصح الإهم من ده كله ممارسه الرياضه يا جماعه ونلخص الأتي بكلمتين
شهر ونصف رجيم كميائي
شهر ونصف بروتينات فقط
شهر عصائر فقط !
والأن في الشهر الخامس بعمل شد لجسمي في الجيم ! :)
وكنت بأخد باكت واحد قبل النوم شاي رويال للرجيم
وفي شهر الجيم للقضاء على الترهلات وشد الجسم بأخد ليبو 6 بلاك ألترا + حبوب الشاي الأخضر + كارنتين + ملتي فايتمن + أمينو
وأي أسئله في خدمتكم :)

طيار خاص

13-01-2013, 07:54 PM

نظامك قاسي جداً وصعب اتباعه الله يعينك ، بس بالنسبة للايبو ٦ ماسببلك ارق ورعشة وقت النوم ؟

Ahmed gym

13-01-2013, 09:46 PM

نظامك قاسي جداً وصعب اتباعه الله يعينك ، بس بالنسبة للايبو ٦ ماسببلك ارق ورعشة وقت النوم ؟
الليبو

الليبو لو اخدته بعد الضهر مع فنجان قهوه كده أضمن إني ما راح انام اليوم !
فساعات مكنتش بشرب قهوه مع الليبو مع العلم انها مع الجيم بتعمل شغل عالي اوي
فظبطها مع نفسك وشوف كده وجرب كوبايه قهوه او نسكافيه بلاك قبل الجيم بنص ساعه !:09:
والرعشه بتكون موجوده وانا بلعب جيم بس اخلص جيم واستحما بتروح :)
وأي إستفسار تاني لعيوني ^_^

Ahmed gym

13-01-2013, 09:47 PM

نظامك قاسي جداً وصعب اتباعه الله يعينك ، بس بالنسبة للايبو 6 ماسببلك ارق ورعشة وقت النوم ؟
الليبو

الليبو لو اخدته بعد الضهر مع فنجان قهوه كده أضمن إني ما راح انام اليوم !
فساعات مكنتش بشرب قهوه مع الليبو مع العلم انها مع الجيم بتعمل شغل عالي اوي
فظبطها مع نفسك وشوف كده وجرب كوبايه قهوه او نسكافيه بلاك قبل الجيم بنص ساعه !:09:
والرعشه بتكون موجوده وانا بلعب جيم بس اخلص جيم واستحما بتروح :)
وأي إستفسار تاني لعيوني ^_^

Ahmed gym

13-01-2013, 09:49 PM

متماز ما شاء الله عليك
والى الامام انجاز وعزيمه جباره
بس ياليت تعطينا جدولك مع الوجبات وبالنسبه للترهلات في منطقه البطن هل هناك تحسن كبير

كل الشكر لك

نعم هناك تحسن كبير جدا فمع ممارسه الرياضه كل شي بيتظبط بس المشكله الصبر والصبر والصبر لاني جت فتره كنت يائس وخايف ان الترهلات ما تروح غير بعمليه بس مع التمارين والصبر والتغذيه السلميه اهوه قربت تروح من عندي ويا مسهل ^_^

Black Volcano

14-01-2013, 01:36 AM

ماشاء الله تبارك الله يا احمد
ممتاااااااااااااااااااز جدا شغلك الصلاه على النبي فرق كبير
كنت حارم نفسك من الضحكه الحلوه هذي لما كنت سمين بس بصراحه نظامك جدا صعب وخطر بنفس الوقت لكن الحمد لله نتائجك كانت ممتازه
يالله شد حيلك يا وحش واستمر حتى تصير بطل ان شاء الله
بالتوفيق

PODYABADY

14-01-2013, 04:03 AM

برنس والله ياحمد

انا كنت 110 ونزلت لـ84 بس بدون رجيم اخدت تلات شهور جري لمدة 20 دقيقة كل يوم وتمارين سويدي
طبعا الجسم كان كله دهون روحت الجيم عشان اظبط الجسم من فوق واشد دهون البطن والكلام ده والحمدلله بقيت اققل دهون وازيد عضل

ربنا معاك يامعلم واستمر

عرين الشقاء

14-01-2013, 09:59 AM

kazamiza22

14-01-2013, 11:11 AM

ابومريم15

14-01-2013, 11:22 AM

ماشاء الله تبارك الرحمن
ايه الجمال ده
استمر ياوحش
ومتفكرش ترجع للاكل اللي يسبب السمنه وخاصه الوجبات السريعه

Ahmed gym

14-01-2013, 04:35 PM

جميل جدا نزولك ربنا يباركلك

وياترى طولك كام لانه مش باين اوي انك 130 بالصورة الاوى والتانية

انا بشوف الي وزنهم 130 شكلهم مختلف تماما يعني صورتك الاولى والتانية ممكن تبقا 90 بالكتير ..دا مش تشكيك ابدا لكن مجرد استغراب

والف مبروك واستمر

الله يبارك فيك أخوي وطولي من 172 ل 175 :)
وكان الطخن مديني قصر مش طبيعي وكل واحد يشوفني يقولي اني قصير اوي !
لكن لما خسيت فرق تماما :)
وأي إستفسار انا في خدمتك :)

Ahmed gym

14-01-2013, 04:41 PM

ما شاء الله عليك يا احمد , مثل يحتذي بيه بجد
بجد انت تغيرت بنسبة 360 درجة انسان تاني , الواحد نفسه والله يبقي عنده ارادتك ديه ولو نصفها بس

كان عندي استفسار يا احمد باين من الصورة الثانية الثانية ان كان في عندك تراكم دهون في منطقة الصدر عالي و انا بعاني من الجزئية ديه
فازاي انت قدرت انك لما تخس الدهون الي في منقطة البنش ديه تروح و ميبقاش في ترهلات كده ؟

بص اولا الموضوع محتاج صبر شديد جدا جدا وتاني حاجه في بدله بتتباع اسمها بدله السونا .. البدله ديه عملت معايا احلى شغل مع الليبو خصوصا في الجري السريع وكمان كنت بلبسها فوق بدله تخسيس ومع الليبو والجري هتشوف نتيجه تبسطك لإن الليبو بيعتمد على الحركه السريعه مش التنشيف .. فأنصحك لو عاوز تعمل حاجه صح تلبس دي
356112
وبعدين فوقيها ديه
356113

صدقني هو ده اللي جاب معايا نتيجه لإني مكنتش مقتنع إن عمليات الجراحه هي الحل للترهلات !! والأهم من كده شوف فين مكان ترهلاتك يعني لو واحد عنده ترهلات عند البطن يلعب بطن كتير ولو عند الصدر يلعب ضغط وتمارين الصدر في الجيم كل يوم !! شوف نقطه ضعفك فين وركز عليها والصبر والاهم من ده كله تحفز نفسك بنفسك وتشجع نفسك بنفسك وتحط قدامك صور كتير لناس قبل وبعد وتحدد هدفك وتعمل جدول قياس اسبوعي لنفسكك وخد يوم فري بمعنى الكلمه كل 10 ايام مش 7 وأي إستفسار تاني أنا في خدمتك :)

zagurity

15-01-2013, 12:20 AM

مشالله مشالله تبارك الرحمن واصل و لا توقف

نووبي 99

15-01-2013, 01:12 AM

يعني الحين اللي يربي الدقن يصير مكتأب الله يفتح ع قلبك

abo nayef

15-01-2013, 03:54 AM

Ahmed gym

15-01-2013, 06:19 PM

مع ان طريقة نزولك خاطئة لكن تدل على قوة الارادة
والاهم هو المحافظة على المكتسبات ومثل ما يقال الوصول للقمة سهل لكن المحافظة عليها اصعب
انا نزلت من 100 الى 72 ثم عدت الى 95
والان مع الدايت والرياضة وصلت لـ 83 , اهم شي تكتسب عادات غذائية جديدة مثل الاكل ببطأ والمضغ الجيد وتصغير اللقمة والابتعاد عن المقليات والحلويات قدر الامكان وليس الحرمان النهائي

نعم صعب الحفاظ عليها خصوصا متابعه الرياضه لازم تشجيع سواء من الأهل او الاقارب أو الاصدقاء وصدقني المضغ الجيد ومتابعه الأكل الجيد والتغذيه السليمه ولله الحمد اغنتني عن ادويه الحموضه وادويه الهضم وادويه حاجات تانيه كتير .. كفايه بس تحس انك راضي عن نفسك .. ونصحتي ليك خش كورس تخسيس كمال اجسام افضل .. بتلاقي وزنك نزل وجسمك قسم في نفس الوقت يعني مثلا خد لك ليبو سكس بلاك أو أنمال كت + جلتوماين + واي بروتين وانت بتشوف نتيجه بترضيك اوي :)

بردان1

16-01-2013, 09:17 AM

يعطيك العافية على نقل تجربتك
ومجهود رائع وبطل

موفق بإذن الله

Loismand

19-01-2013, 09:34 AM

بالتوفيق يابطل ..
وعزيمتك حلوة ماشاء الله ..
بس برأيي .. لازم تتغذى كويس بنظام غذائي يحتوي على جميع المكونات الغذائية بعيدا عن الدهون ..
الى الامام

abady6

11-06-2013, 11:20 PM

السلام عليكم
اخوي ممكن تعطيني رجيمك الكيميائي اللي كنت تستخدمه وشكرا

جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .