استخدام سيريس ماس وأمينو2222

[F P I]

معلومات المتقدم بالاستفسار :
العمر : 21 , الجنس : ذكر

الطول :174 متر
الوزن : 64 كيلوجرام



و الاستفسار كالتالي :
السلام عليكم ورحمة الله وبركاته

بديت العب حديد لمدة شهر وقطعت فتره ولي اسبوع راجع

الموضوع و مافيه .. قريت كثير في النت وأستشرت أحد الاصدقاء

وقال لي عشان تزيد وزن وتبني عضل عليك بـ سيريس ماس و امينو2222
وصديق اخر قال لي جرب Muscle Fulel بدل سيريس ماس وصراحه للحين محتار

سؤالي , هل الامينو والسيريس ماس , راح تزيد وزني وخصوصا اني ابغى ازيد 10 كيلو
وهل راح الاحظ فرق في حجم العضلات وفي جسمي في 3 -4 شهور ؟؟

وقريت في النت أنه مع السيريس ماس مافيه امل تشوف السكس باك , لانه يطلع كرشه
طيب إذا كنت مواظب على تمارين البطن هل ماراح تطلع لي كرشه وراح اشوف السكس باك!!

الطول 174
الوزن 64

ملاحظه : ماعندي وقت أكل 4 وجبات في اليوم .. وجباتي احيانا فطور وعشاء ,, لاني مشغول بالجامعة
واحيانا غداي يكون وجبات سريعه اما في الليل يكون في الغالب وجبتي رز ودجاج <- عزوبي :"((
ونومي في الليل قليل حيث اني من النوع اللي يسهر كثير

واخيرا اي نصيحة تقدمها لأخوك بما انه مبتدأ , سواء كان في البروتين أو في نوع التمارين او نصيحه بشكل غام

شكراً
أخوكم زياد ..

[بردان1]

وعليكم السلام ورحمة الله وبركاته


قبل كل شي اخوي
سؤالي لك
انت عندك هدف انك تبني عضل وتحصل على جسم فتنس او جسم عضلي جميل ؟
اذا الجواب نعم
ترا هالشي مستحيل وانت تقول ماعندي وقت اكل اربع وجبات , ولو ماذكرت هالجملة كنا راح نقولك كل 6 الى 7 وجبات مهو بس 4 !

ممكن اكون صعبته عليك لكن ماعليك , كلنا كذا بالبداية وكلنا ماعندنا وقت , لكن كلنا لقينا حلول حسب الظروف الي نواجهها

انا والله اروح للجامعه 8 الصبح وارجع 4
واقوم متاخر واروح مستعجل
ومع ذلك محافظ على وجباتي ,


اهم شي في اللعبة صدقني هو نظام اكلك ,, ممكن تكون صاحب جينات تستقبل اللعبة وتلقى نفسك باول ثلاث شهور تتطور بدون اكل لكن صدقني مستحيل تستمر معاك النتايج .

الحين بس بينتلك الفكرة لكن هالشي مايمنع انك تبدا الان تلعب حتى لو كان بالوجبتين هذي بس , وتكون حاط ببالك ان هالشي خطأ وتحاول تصلحه تدريجيا

بدايتا على الاقل ابدا بهالشكل كا نظام غذائي
الصبح اول ماتقووم 5 بيضات ( اربع بياض فقط ووحدة كاملة ) + يفترض حليب بالشوفان اذا ماعجبك تقدر تاخذ 3 شرايح خبز اسمر او اسهل شي لك حاليا تاخذ كورن فلكس دايت

وبعد كذا بين الفطور والغدا يعني ع الساعة 11 راح تاخذ مكملك البروتيني أيا كان مع حليب ووممكن تضيف له لوز او حبة فاكهة او لحاله كما تحب

الغداء تقليدي وعادي رز وصدوور دجاج , كما تشتهي وخذلك علبة لبن قليل الدسم وصحتين وعافية

بعد الغداء بساعة ونص يكون موعد تمرينك
اول ماترجع من التمرين بروتينك

بععد كذا العشاء , تقدر تاخذ نفس الغداء ماعندك مشكلة او صدور دجاج مع بطاطسة مسلوقة او علبة تونة او سمك مشوي والخيارات كثيرة .

قبل النوم كوب حليب كبير



يعني هالشي تقريبي تقدر تعدل عليه على الي يناسبك بس لازم مبدئيا ثلاث وجبات غنية بالكارب والبروتين والفيتامينات

وصدقني مع الوقت راح تتفاجئ بالتغير وتشوف نفسك لا اراديا كل ثلاث ساعات تبحث عن وجبة
ووالله انا مثلك للأن ماتجاوزت مرحلة باللعبة للان ببداياتي لكن عانيت بالبداية مع الاكل , والان لو اكون برا البيت او طالع مكان كل تفكيري باكلي وليش ماكليت وانا تجاوزت الثلاث ساعات
وهكذا , الحمدلله هذا بعد ما ايقنت وشفت بعيني شلون النتيجة راح تفرق معاك اذا ضبطت اكلك او خبصت

واي اسفسارات عن الاكل وكيف تجهز اكلك وانت عزوبي ووش الافكار الي تساعدك انك تبقى محافظ على اكلك , بالخدمة اذا تبي اجاوب عليها



نجي لموضوع المكملات
المكملات من اسمها لتكميل اكلك ( الحين تقول غثنا بالاكل :silly: ) وماراح تطلعك المكملات لحالها
السيريس ماس مكمل كويس لكن مثل ماسمعت عنه راح يزيدك دهون ومحافظتك على تمارين البطن ماراح تمنع الدهون
لو حبيت تبدا بعلبة سيرياس ماس وتحكم على النتايج تقدر
انا بالنسبة لي انصحك تبدا بمكمل الترو ماس اشوفه انسب لك حيث انه فيه كارب مناسب ودهون مناسب

وبعد فترة بعد مايزين نظام اكلك اقطع مكملات القييييينر نهائيا ( مكملات القينر الي فيها كارب ودهون )


وبالنسبة الى انا انك تبي تزيد وزنك عشر كيلو بثلاث اشهر ومع ذلك تبي تشوف السكس باك هذي جدا مستحيييييييييلة
ابي اقولك شي حطه براسك , مستحيل تزيد اكثر من كييييلو واحد فقط عضلات في الشهر الواحد
اما مايزيد عن الواحد كيلو فهذا ددهون عشان كذا اقولك مستحيل تشوف السكس باك بهالسرعة


اللعبة لعبة صبر ولعبة ممارسة ووطويلة جدا
كل ماعليك انك تبدا , وبإذن الله راح تحب النتايج الي بتلقاها


اسفين ع الاطالة اخي وانصحك تاخذ فرة بقسم المواضيع االمميزة ان شاءالله بتفيدك , واي استفسار بنبقى بالخدمة


ودي ,