تسجيل الدخول

مشاهدة النسخة كاملة : كمال الاجسام ليبو 6 بلاك - أعراض جانبية


بندروزا7
02-03-2013, 11:37 PM
معلومات المتقدم بالاستفسار :
العمر : 29 , الجنس : ذكر

الطول :172 متر
الوزن : 77 كيلوجرام

نسبة الدهون : 21

و الاستفسار كالتالي :
السلام عليكم

اخواني الاعزاء .. ارجو الافادة للأهمية

انا هدفي تنشيف كبداية لاجل اتخلص من نسبة الدهون العالية عندي مقارنة بوزني
واول مرة اخذ حارق دهون
اليوم بديت اخذ الليبو 6 بلاك بالجرعات التالية : حبة قبل الافطار بنصف ساعة
و حبة قبل الغداء بنصف ساعة

و حسيت بالاعراض التالية :
في الصباح حرارة بالمعدة و نشاط ذهني و انفاس باردة مع وجود شعور غريب

بعد الغداء بساعتين مارست تمريني وما قدرت اكمل نص التمرين
وحسيت بالاعراض التالية :
الم باسفل البطن - دوخة - غثيان - تعرق بشكل كبير - تزايد نبضات القلب

علما باني امارس رياضة كمال اجسام مع الكارديو لمدة 4 شهور مع نظام غذائي
وبالنسبة للمكملات اخذت بروتين بودرة لي شهر
و اضفت ال كارنتين لي اسبوع حبة على الريق فقط

ولله الحمد لا اعاني من اي امراض مثل الضغط و القلب و غيره

فهل هذه الاعراض طبيعية في البداية ام لا ؟
وهل يتعارض الليبو 6 بلاك مع ال كارنتين ؟

افيدوني جزاكم الله كل خير .. لاني انتظر اجاباتكم بحيث اني بناء عليها استمر على المنتج او لا
وشكرا
رادوي اليامي
03-03-2013, 01:25 AM
من رائي المتواضع ان لكارنتين حارق وليبو سكس حارق قوي جدا مايصلحون مع بعض
مفروض تخلص من لكارنتين وتريح مده وتستخدم ليبو نظره شخصيه فقط انتظر الكباتن ياوحش وموفق
بندروزا7
03-03-2013, 01:31 AM
مشكور على إفادتك اخوي
فعلا واضح انه منتج قوي خصوصا انه ألترا
يحتوي على 60 حبة
بينما ال كارنتين كان جداً طبيعي و بدون اثار
Mr.Lka3h
03-03-2013, 04:17 AM
حبيب قلبي انا خذيته من هنا بامريكا اقرى التعليمات كاتبين طريقة استخدامه ممنوع انك تاخذ حبتين في خلال اربع وعشرين ساعه لا الليبو قوي جدا جدا جدا

كذا راح ياثر على صحتك فقط خذ حبه وحده على الريق

من اعراضه التعرق ورجفه خفيفه باليدين اول ماتاخذه واحيانا العصبيه على اتفه الاشياء
بندروزا7
03-03-2013, 07:53 AM
حياك يا غالي
صدقت مكتوب حبة وحدة باليوم

ولكن مكتوب بالتعليمات : لنتائج افضل تؤخذ حبة الصباح قبل الوجبة بنصف ساعة و حبة الظهر قبل الوجبة بنصف ساعة !!
Mr.Lka3h
03-03-2013, 09:34 AM
ما اايد بصراحه تاخذ حبتين اهم شي الصحه وانا اخوك ولاتستعجل تراه قوي حبه وحده على الريق مفعولها قوي

لاتنسى شي ترى الحبتين راح يزود عندك ادرار البول واخراج الفضلات وانت بكرامه وهالشي ممكن يسببلك التهابات مستقبليه انت بغنى عنها
بندروزا7
03-03-2013, 10:59 AM
اجل بخليها حبة وحدة باليوم

لكن بالنسبة ل ال كارنتين
هل اقدر أخذه معاه بدون اي إشكالية ؟
واذا اقدر كيف أوزع جرعاتهم ؟

ومشكور اخوي على إفادتك و متابعتك للموضوع
ما قصرت
Black Volcano
03-03-2013, 03:09 PM
وفر الكارنتين لكورس اخر خسارة الوزن بسرعه كبيره تعرض جسمك لمشاكل انت بغنى عنها
والليبو ممتاز وقوي وان شاء الله راح تلاحظ النتائج من حبه وحده في اليوم واتباع نظام غذائي مرتب مع ممارسه الرياضه
تأكد انه خسارة الوزن السريعه يصحبها بعد فتره ارتفاع في الوزن بسرعه في أول فرصه يجدها الجسم لتخزين الدهون
فالأفضل تكييف الجسم على حرق الدهون والأكل الصحي مع ممارسه الرياضه الدائمه
بالتوفيق
بندروزا7
03-03-2013, 09:23 PM
مشكووووور يا غالي
على ردك الرائع
والشكر لجميع من أفادني بهذا الموضوع
و اسأل الله ان يجعلها في موازين حسناتكم
abdulla91
04-03-2013, 06:20 PM
انا استخدمت الاثنين كلهم في نفس الفتره مكان عندي المشكلة الي عندك بس كان الكارنتين الي عندي شراب 1500 مهب حبوب

ما شفت اي مشكلة بس اوال ما تشربه ( يمشي البطن ) بس ما اشوف انها مشكلة لاني اذا خففت الكمية يصير كل شى تمام

نزلت وزن ممتاز بس لازم تاكل لا تحرم نفسك من الوجبات الرئيسية ولاكن تكون صحية ( لاني لاحظت اذا ما اكلت ما ينزل الوزن بسرعه )
بندروزا7
04-03-2013, 06:56 PM
اذا مافيه تعارض بينهم عند الاستخدام
اجل بخلي الليبو في الصباح لانه يحتوي على كافيين وما يسهرني
وال كارنتين في الظهر
وال كارنتين اللي عندي حبوب 500

وبالنسبة للأكل فانا ماشي على نظام غذائي متنوع مكون من 5 وجبات باليوم
بالاضافة الى التمارين بمعدل 6 مرات بالأسبوع

اللي قاهرني نسبة الدهون العالية مع ثبات الوزن وشكل البطن و الجوانب ما تحسن

مشكور اخوي عبد الله على مرورك
طموح لامحدود
04-03-2013, 09:13 PM
يعطيك العافيه اخوي وان شا الله توصل لهدفك انا مثلك تمامن بس استخدم اوكسي ليت برو وشغال ممتاز الحمدلله من يخلص راح استخدم ليبو بلاك و٥ وجبات شي ممتاز اصراحه بس نصيحه من بعد الساعه ٧ ليلا حاول تقطع الكارب لنتايج افضل وكثر منها ع الصباح عشان تعطيك الباور اللازم لليوم كامل مثلا كورن فلكس يمدك ب ٤-٦ ساعات ويحسسك بشبع وزين لتخسيس

وبالنسبه للاعراض اللي واجهتك اعتقد بسبب الجرعه الزايده المفروض تستخدم تدريجي يعني اول ٣-٤ ايام حبه فقط،،، وبعدين تزيد عشان ماتفاجئ الجسم باشيا غريبه تدش الجسم بكميات هائله هذا راييئ

بس اخوي ممكن ترفع لي صوره من
ال كارنتين اللي تستخدمه؟ راح ادخله مستقبلا ان شالله

وموفق باذن الله ،،
بندروزا7
06-03-2013, 10:48 PM
حياك يا غالي
بالنسبة ل ال كارنتين بحاول اصوره لكن عموما انا أخذته من جي ان سي و لون العلبة بنفسجي

وبالنسبة لكلامك صدقت
الان لي خمس ايام و الأعراض خفت تدريجيا لكن فيه شي أقلقني
لاحظت وجود انكماش في الخصيتين معظم الوقت أكرمك الله و القراء
قريت عن اعراض هذا المنتج و ما لقيت الشي ذا !

موفق يا اخوي و ان شاء الله توصل لاهدافك
طموح لامحدود
07-03-2013, 05:38 PM
حياك يا غالي
بالنسبة ل ال كارنتين بحاول اصوره لكن عموما انا أخذته من جي ان سي و لون العلبة بنفسجي

وبالنسبة لكلامك صدقت
الان لي خمس ايام و الأعراض خفت تدريجيا لكن فيه شي أقلقني
لاحظت وجود انكماش في الخصيتين معظم الوقت أكرمك الله و القراء
قريت عن اعراض هذا المنتج و ما لقيت الشي ذا !

موفق يا اخوي و ان شاء الله توصل لاهدافك

والله غريبه هذه من اعراض الليبو والله اعلم بس اللي اعرفه فقط فالاوكسي ليت يحدث فيه الانكماش اكرمتو لان ضخ الدم مايوصل فعشان كذا يحددث انكماش!!
عن تجربه بعد ماخلصت الاوكسي رجع كل شي طبيعي وواصل يابطل