Burger King بدأت تبيع ماكدونالدز ؟

[DreaM]

اللي موجودين في الخليج .. راح يشوفون اعلان عن ساندويش جديد من برجر كينج , و اللي هو بيج كينج تاور
و اللي دائما يشترون من ماكدونالدز راح يشوفون وجه الشبه بينه و بين بيج ماك
حتى مع تجربتي لمذاقه فما فيه فرق كبير جدا .. حتى اكاد اتخيل بانه بيج ماك !!
فبالنسبة إلى فرق السعر بين الاثنين .. فعلى حسب علمي أن برجر كينج تبيعها بسعر اقل من التي تبيعها ماكدونالدز ( بفارق ريال ) و هذا قد يسحب زبائن ماكدونالدز

و هذه صورة للوجبة الجديدة

http://i.imgur.com/i1riQ70.jpg


فيدور في مخيلتي سيناريو .. ان ماكدونالدز يمكن ترفع قضية على برجر كينج بسبب تشابه الوجبتين ..
مثل ما ابل رفعت قضية على سامسونج لتشابه جهاز الـ iPhone مع الـ Galaxy SII

فايش رايكم بالموضوع ؟ تتوقعون يكون هناك جدل أو يمرقونها ؟
و على جانب آخر .. فيه احد منكم مدمن على الوجبات السريعة ؟

إذا كنت منهم .. فهذا الفيديو لك !


http://www.youtube.com/watch?v=DuW5o5gw69s

[Karazhan]

السلام عليكم

انا بما ان حلقي كبير حبتين عشان اكل الاطفال بس اعتقد ان مااقدر اكل التاور هذي بسهول , مبين ان يبيلها حلج راهي . اي نفس حلوج التجار اللي يكفي ياكل خروف كامل بلقمه

بس رفيجي بندر مدمن ماكدونالدز , تعرف رفيجي بندر ؟ اي اهو اللي يقول التدخين سر المرجله المجنون , مو صاحي

المهم ان ذكي , يروح ماك يطلب وجبه بيج ماك , اللي تجي دبل برجر , ويطلب سندويشه بس ثانيه بيج ماك , يعني تصير عنده وجبه كامله و سندويشه

يروح ويفصل السندويشتين , يعني بدل ماتكون دبل برجر يخليها برجر عاديه , و الثانيه نفس الطريقه و بالحاله هذي يطلع 3 سندويجات برجر , فهمت الفكره او لأ

يعني الحين مو البيج ماك سندويشه وحده فيها برجرتين ؟ قول اي

حلو

يفتحها وياخذ منها الخبزه اللي بالنص و برجر وحده ويسكرها , تصير شنو ؟

تصير كأنها سندويشه برجر عاديه عدل ؟ قول عدل

ويسوي الشي هذا مع السندويجه الثانيه , يشيل الخبزه اللي بالنص و برجره وحده ويسكرها , تصير شنو ؟ تصير سندويجه عاديه

الحين شنو عنده ؟ عنده سندويشتين برجر عاديات و بره عنده برجرتين و خبزتين عدل ؟ قول اي صح

يروح ويحطهم البرجرتين بالخبزتين الزايدين وياكلهم , طبعا بدون السلطه , طماط , مخلل , بصل , خس

بس يكون فيهم مايونيز و كتشب , اهو هني عنده حلين , اما ان ياخذ شوي سلطه من السندويشتين الرئيستين , يعني يقص من الطماطه شوي و الخس شوي والمخلل ياخذ شريحه

او انه ياكلها صرف بدون شي , اهو شنو يقولي ؟ قول شنو

يقولي اول شي اكل البرجرتين بدون خس وبدون اي سلطه . يقول جذي لما اكلها احس ان ناقصها شي , بس ما يهم طالما ناطريني سندويشتين فيهم كل شي . يعني هذي تسخين بس و اعبي فيها ربع بطني ولما اخلص ابلش بالسندويشتين اللي فيهم كل شي واعوض النقص

ملاحظه

اذا كان حده جوعان يخليهم 4 سندويشات بدل 3 . بس بشرط يكون ببيتهم عشان يحرر خبزه و يحط فيها برجره , او يروح يشتري خبز برجر من الفرع اللي عندنا

واذا كان ببيتهم يكون افضل عشان يستعمل كتشب و مايونيز و طماط وخس

الشرح طويل ولد عمي , اذا تبي اي شي انا حاضر

يعني مثلا شلون تطبخ الدجاجه للغدا و تسوي ريشها مخده

شلون تشتري خروف و تطلع منه 3 خرفان غيره وتاكلهم غدا عشا ريوق

شلون بدل تتريق بيضه اخليك تتريق بيضتين من بيضه , يعني تفصل البياض عن الصفار و تطبخهم على حده

بعد شنو

بس

اما تقولي شلون تخلي ال10 دنانير 20 دينار هذي مااعرف للأمانه

[Arashi]

ما اظن ماكدونالدز بتسويها سالفه لأن معظم المطاعم تقلد بعض

بالنسبه للفيديو...وععععععععععععع XD
بس فعلا لاحظت اني لما اشتري بطاطا من ماكدونالدز احس كأني اكل بلاستيك...شي من الاساس كأنه بايت ويابس
ومره نسيته في الثلاجه ايام ولا تغير شي
عكس بطاط المعاصر وحتى هارديز مثلا...تلاقيهم يتغيرون من اليوم الثاني
بسبب هالشي قطعت ماكدونالدز من زمان
بس بعد برجر كينج وهارديز وربعهم مب ثقه 100% بس عندي اهون من ماكدونالدز >_>


يروح ويفصل السندويشتين , يعني بدل ماتكون دبل برجر يخليها برجر عاديه , و الثانيه نفس الطريقه و بالحاله هذي يطلع 3 سندويجات برجر , فهمت الفكره او لأ

ههههههه والله عجيب XD
يعني بدل ما يطلب 3 سندويتشات عشان يترس بطنه يروح يقسم الوحده لثلاث سندويتشات :09:

[Karazhan]

طلع انتي اللي يبيلج توضيح

اي صح نفس الفكره بس مو وحده , يشتري 2 ويخليهم 3 , وحده من ال3 تكون دبل برجر او اذا كان بالبيت يحرر خبزه و يقص طماطه وبصله وكتشب ومايونيز و جبنه سلايس

شوفي هذي الصوره

356503

كم خبزه و كم برجره ؟

3 خبزات و برجرتين صح

طيب

356503 + 356503

جم خبزه و جم برجره ؟

6 خبزات و 4 برجرات عدل

الحين خلينا نفرد فيهم

اذا نبي 3 سندويجات شنو نحتاج ؟

نحتاج 6 خبزات لأن راح يكونون 2 + 2 + 2 = 6 خبزات واللي هم 3 سندويجات

جم برجره نحتاج لل3 سندويجات ؟ راح نحتاج 3 برجرات , واحنا عندنا 4 , يعني وحده زايده

نسوي ال3 سندويجات و الزياده نضيفها مع اي سندويجه عشان تصير جذي

356504


طبعا اذا انتي بالبيت ضبطيها , يعني اكيد عندكم خس و طماط , و جبن شرايح , حطي جبنه بينهم وحطيها شوي بالمايكروفين او الفرن عشان تذوب

بالحاله هذي شنو صار الناتج القومي لمصروفاتج

صار الله يسلمج انج رحتي ماكدونالدز و شريتي وجبه بيج ماك ب 10 ريالات , كم سعرها عندكم ؟ بالكويتي دينار و نص

و شريتي سندويجه وحده ب 750 فلس يمكن بدون وجبه طبعا

ورحتي البيت طلعتي منهم سندويجتين عاديين و وحده دبل برجر , او اذا عندكم صمون برجر بالبيت هم يفي بالغرض مع شويه تضبيط , كلها شريحه طماطه و قطعه خس و جبنه و كتشب ومايونيز واذا تحبين الماسترد

هذا اذا كنتي جوعانه يعني و ماعندج الا دينارين ونص

356505 + 356503 = 3 سندويجات وحده منهم دبل برجر


او تقدرين تسوين

356506


انتي حره بكل الاحوال , اهم شي اقعدي بالبيت بروحج و شوفي شنو تبين بالضبط , يعني لاتسوينها بالمحل


























طولتها ها

يلا باي