ابغى استخدم بروتين لكن ما ادري وش المناسب لي

[Egramm]

معلومات المتقدم بالاستفسار :
العمر : 24 , الجنس : ذكر

الطول :166 متر
الوزن : 57 كيلوجرام



و الاستفسار كالتالي :
السلام عليكم
انا لي 3 شهور مسجل بالنادي
وابغى استخدم بروتين لكن ما ادري وش المناسب لي
حيث ان طولي 166 ووزني 57 وعمري 24
مسجل بنادي وقت اللياقه بتبوك
بس للحين ما اشوف تحسن ملحوظ بجسمي
وافكر اشتري الاجهزه واتمرن بالبيت
اعطوووني رأيكم

[Egramm]

وش السالفه ماودكم تعلموني المشكله اشوف المشاهدات 16 ولا احد رد

[Egramm]

:cray: كالعاده اللي عنده خبره يتجاهلنا

[سراب العالمي]

افضل شئ قريت عنه للمبتدئين هو الواي بروتين

[بردان1]

بالنسبة للبروتين
الاهم نظام اكلك وماراح تفرق نتايج الحين او بعد البروتين اذا ماحسنت نظام اكلك

مبدئيا عندك عدة خيارات اذا ماتبي زيادة دهوون عندك :
واي اوبتمم , سينثا 6 , بروكمبلكس , نيترو تيك ,

اذا تبي وزنك يزيد وعادي عندك تزيد دهون
عندك السيريس ماس او السوبر ماس قينر او الترو ماس

موفق

[Booyaka]

مسجل بنادي وقت اللياقه بتبوك
بس للحين ما اشوف تحسن ملحوظ بجسمي
وافكر اشتري الاجهزه واتمرن بالبيت
اعطوووني رأيكم



المشكلة ليست بالنادي او التمرين بالبيت
المشكلة مثل ماقال الاخ عمر نظامك الغذائي سيئ يعني ثلاث شهور مازدت فيها شيئ
فشيئ اكيد انك مخربط بالاكل ، ضبط لك جدول غذائي واثبت عليه وخذ بعض المكملات لتساعدك شوي مثل مكمل قينر + كرياتين + bcaa

[حسموو]

سيرياس ماس يا مان وادعيلي بس لو ما حتاكل كويس لا اشوفك ههههه :p

[Egramm]

يعطيكم الف عافيه
بس مارديتوا علي بخصوص الجدول التمريني
وابغى الكلام الاكيد في المكملات الغذائيه
لأن ماعندي اي خبره فيها ومدرب النادي زعل عشان قلت بأشتري المكمل من برا
وقال اسأل اللي بتشتري منه
والله يعطيكم العافيه ياكباتن:wink2:

[Egramm]

وابغى طريقت استخدمها الله يخليكم

[Booyaka]

يعطيكم الف عافيه
بس مارديتوا علي بخصوص الجدول التمريني
وابغى الكلام الاكيد في المكملات الغذائيه
لأن ماعندي اي خبره فيها ومدرب النادي زعل عشان قلت بأشتري المكمل من برا
وقال اسأل اللي بتشتري منه
والله يعطيكم العافيه ياكباتن:wink2:

شيئ طبيعي أنه يزعل 80 % من ربحهم بالنادي هي المكملات وليس سعر التسجيل بالنادي

بالنسبة للمكملات مثل ماقالولك الاخوان ، بالنسبة لتجربتي مع مكملات القينر
السيرياس ماس هو أكثر مكمل زادني وزن ، واستخدمت كذا نوع اذكر منهم الدب الروسي ميوتنت ماس الترا ماس من بينهم السيرياس عجبتني نتائجه اكثر .

وولتحصل على نتائج افضل خذ كرياتين صافي و Bcaa

[Egramm]

الله يعطيكم الف عافيه وماقصرتم وانشاء الله راح ابلغكم بالتفاصيل بعد التطورات

[Egramm]

بس اخر شيء شوفوا لي جدول يناسبني

[بردان1]

وش الايام الي تمرن فيها ووش الايام الي تريح فيها

وابشر ان شااءالله

[Egramm]

اتمرن 3 ايام
السبت والاثنين الاربعاء

ما ادري هو مناسب ولا لا

وودي تعلموني كيف اقسم التمارين
زي اول يوم صدر وباي الــــخ

[S16]

انا انصحك في بروتين الدب الروسي .. يعطيك نتايج في 7ايام تلاحظ الفرق في العضلة

طبعا هوة يزيدك وزن عشن كذى لازم تسوي رجيم خفيف او مثلا تخلي اكلك مافيه اي نسبة من الدهون

يعني اكلك يكون مشويات و اشياء طازجة وعشاك خفيف وكذى ما بتزيد وزن لكن عضلاتك بكتبر و تطلع لك صااافية

[بردان1]

والله لو قدرت تزيد يوم افضلل

كذا اتوقع انسب شي لك تلعب

صدر وتراي
ظهر وباي
اكتاف وارجل

مع اني ما اايده ابد الجدول الي فوق لكن فيه ناس يلعبون عليه ومرتاحين

وفيه جدول براسي مادري اذا الاخوان لهم تعليق عليه , اتوقع انسب

4 تمارين صدر + تمرينين كتف + تراي سيبس
4 تمارين ظهر + تمرين كتف خلفي + باي سيبس + ترابيس
وبعده أرجل + بطن


اكرر اذا عندك مقدر تزيد يوم افضل
ويكون
صدر + تراي
ظهر + باي
اكتاف وترابيس
أرجل

موفق

[Egramm]

السلام عليكم
ياكباتن شريت سوبر قينر+كرياتين+bcaa
بس لو سمحتم ابغى اعرف طريقة استخدامها

[Egramm]

يعطيك الف عافيه كابتن بردان
وانشاء الله بألعب 4 ايام
بس ما ادري من ناحية البطن اقدر اتمرن يوميا ولا يوم تمرن ويوم راحه بالنسبه للبطن

[Booyaka]

السلام عليكم
ياكباتن شريت سوبر قينر+كرياتين+bcaa
بس لو سمحتم ابغى اعرف طريقة استخدامها

السوبر قينر : اول ماتصحى من النوم على الريق سكوب واحد مع 300 مل حليب ، الحليب يكون بارد وبعد ساعة تاكل فطورك
لو حسيت انه ثقيل وسد نفسيتك عن الفطور تقدر تاكل فطورك بالاول وبعده بساعتين ونصف تاخذ البروتين .

ومرة بعد التمرين بنصف ساعة ، بعد التمرين مباشرة تاخذ 5 جرام كرياتين مع bcaa
وياليت تعطيني اسم الكرياتين اللي عندك ووش نوعه و نفس الشيئ للـ bcaa هل هو كبسولات او بودرة وإذا كان بودرة هل هو على نكهة معينة
علشان لو في امكانية نخلطهم مع بعض بشيكر واحد ، هذه التفاصيل مهمة علشان اخبرك الطريقة الصحيحة للاستخدام .

بالنسبة للجدول اللي عطاك عمر :

هو جيد بس تدخل بينهم ايام الراحة علشان الريكافري ، يعني يكون كالتالي

- صدر + تراي
- ظهر + باي
- راحة
- أكتاف + ترابس
- ارجل + بطن
- راحة
- راحة

بالنسبة للتراي بيوم الصدر لو حسيت انك مو قادر تلعب التراي على اوزان كبيرة والعضلة مرهقة عندك تقدر تبدل التراي وتخليه بيوم الظهر و الصدر يكون معاه الباي
وسبب الارهاق انه الصدر شغاله معاه التراي فلين بتجي تلعب تراي بالاخير تلعب تمرين واحد ولا تحس انه العضلة هلكت معاك .

بالنسبة للبطن اللعبه بيوم الارجل على أوزان علشان تضخم معاك العضلات اربع جلسات كل تمرين كل جلسة قد ماتقدر .
وتقدر تضيف يومين تلعب البطن سويدي بس باعد من بينهم .

[Egramm]

يعطيك الف عافيه اخووي بوووووووي والله ماقصرت يالغالي وماراح انسى لك جميلك

[Egramm]

باانسبه للكرياتين بودره والبي سي كبسول

[Egramm]

بس ياليت تعلموني كم عدد التكرار وكم مجموعه وهل ازيد بالاوزان مع كل مجموعه ولا اثبت نفس الوزن
واشكررررركم جزيل الشكر ع وقفتكم معاي

[Egramm]

وش السالفه ماعاد بتكملوووووووووووون الردووووووووووووود هنا:28:

[Booyaka]

باانسبه للكرياتين بودره والبي سي كبسول

لازم أسم المنتج كامل او على الاقل حط صورة واضحة له للكرياتين و البي سي اي اي كذلك .


بس ياليت تعلموني كم عدد التكرار وكم مجموعه وهل ازيد بالاوزان مع كل مجموعه ولا اثبت نفس الوزن
واشكررررركم جزيل الشكر ع وقفتكم معاي

العضلات الكبيرة مثل الصدر الكتف الفخذ الظهر : اربع جلسات كالتالي 12 - 10 - 8 - 6 تبدأ بوزن خفيف وتزيد تدريجيا

العضلات الصغيرة مثل الباي التراي البطات السواعد : ثلاث جلسات 10 - 8 - 8 تبدأ بوزن خفيف وتزيد
اما السواعد 3 جلسات العدات قدر الامكان بوزن خفيف ثابت بكل الجلسات .

[Egramm]

356612

هذي هي ياكابتن

[Egramm]

وياليت تردون علي سريع عشان ابدأ استخدمها

[Egramm]

وفيه مشكله بعد وين احصل الكوب حق البروتين عشان اقدرر اوزن

[Booyaka]

هلا أخوي

شوف الكرياتين اللي عندك هو المنوهيدرات ، واختيارك جيد له :
عموما طريقة الاستخدام أول خمس أيام التحميل يكون 20 جرام باليوم مقسمة على أربع مرات كالتالي :

1- على الريق مع كأس ماء
2- قبل التمرين بنصف ساعة مع كأس ماء
3- بعد التمرين مباشرة مع عصير عنب
4- قبل النوم مع ماء

كل جرعة 5 جرام ويوجد داخل العلبة سكوب صغير لين مليته على الاخر يعني هذا خمسة جرام

من سادس يوم وطالع تتمة الشهر :

1- قبل التمرين بنصف ساعة مع ماء
2- بعد التمرين مباشرة مع عصير العنب .
فقط

0000000000

اما عن البي سي اي اي ، دام انك مافتحته روح رجعه للمحل اللي شريته منه ، هذا المنتج مستخدم فيه جيلاتين خنازير ( وانت بكرامة )
المحلات كل همهم انهم يبيعون وبس ، اما لو كنت تبي منتج بي سي اي اي كبسولات عندك Bcaa max منتج امن من شركة sport pharma او خذ لك تابلت bcaa 2200

[Egramm]

الله يعطيك الف عافيه ياكابتن ومشكوووووور ع وقفتك معانا

[sioorx]

استخدم الواي بروتين = صافي عضل ..
وبالنسبة لكلامك 3 شهور وماشفت تحسن !!
طبيعي لو بتجلس 3 سنوات ماراح تشوف فرق يعجبك !
بس 3 شهور الجايه ! حاول تقسم وقتك ! كل 4 ساعات ، كل لك وجبه خفيفه !
اعيد واكرر خفيفه ! ( تونه - بيض - قطعه لحم - مكسرات - كم حبه موز - )
حاول تكون اغلب وجباتك فيها كميات بروتين غذائي !
وموفق

[Egramm]

يعطيكم الف عافيه
بس انا الحين بدأ يتغير الجسم عندي بس اشوف اعلى الصدر واخر جزء في البطن زي ماهي مو راضي يتغير اي شيء عشان يخليني اتحمس وامرنها اكثررررررر
ولا ادري وش الحل

[Egramm]

ومانستغني عن مساعدتكم

[Booyaka]

يعطيكم الف عافيه
بس انا الحين بدأ يتغير الجسم عندي بس اشوف اعلى الصدر واخر جزء في البطن زي ماهي مو راضي يتغير اي شيء عشان يخليني اتحمس وامرنها اكثررررررر
ولا ادري وش الحل

العب الصدر العلوي بالدمبل وبعده تفتيح علوي بالدمبل كذلك
بالنسبة لتمارين أسفل البطن ابحث باليوتيوب بتحصل تمارين كثيرة لهذه المنطقة اختر تمرينين فقط لهذه الجهة واضيفها ليوم البطن