استفسار بخصوص التخسيس + استخدام مكملات

[hisham0101]

معلومات المتقدم بالاستفسار :
العمر : 33 , الجنس : ذكر

الطول :184 متر
الوزن : 94 كيلوجرام



و الاستفسار كالتالي :
السلام عليكم ..

يا شباب أنا صار لي ألعب سويدي في الصالة 5 أسابيع تقريبا ..

كنت 95 ونزلت كيلو واحد فقط , بس عندنا في الصالة المدرب يسوي قياسات لمنطقة البطن + الأرداف كل اسبوعين , وعندي القياسات صارت أقل تقريبا أكثر من 3 سم في منطقة البطن و 2 سم في منطقة الأرداف , بس في نفس الوقت مثل ما تشوفون مافي نزول في الوزن الا كيلو واحد فقط , فهل هذا شئ طبيعي يعني والا وش السالفة ؟

مع العلم اني قبل سنتين تقريبا كان وزني 128 كجم , ونزلت الى 86 , ثم لعبت حديد وصار وزني 93 , وبعدها انقطعت أكثر من سنة ونص ..

الاستفسار الثاني , يا ليت اللي عنده خبرة يفيدني هل أحتاج ألعب حديد بتكرارات أعلى وأوزان قليلة بعد السويدي أو قبله ..

هل أحتاج آخذ مكملات مثل الواي بروتين أو غيره , والا راح تزيد وزني اذا استخدمتها ؟؟

وشار لكم مقدما :) ..

[sami1989]

^^^^ اهتم اكثر شي بتمارين الكارديو ... الجري والبايسكل وغيرهن وبلنسبه للفتنس فاوزانك خليهن معتدله لان الضخامه حاليا مراح تنفعك بشي

التزم بلتغذيه الصحيه وهذا اهم شي ومارس تمارين الكارديو بانتضام وتقدر بعد تمارين الكاريدو تتمرن باوزان خفيفه وتكرارات عاليه يعني مثلا 15 في 4 وهكذا

بلنسبه للمكملات عندك حوارق الدهون وفي انواع كثيره وفيتامينات تقدر تاخذهن ورح يفيدنك مع كورسك

اما بلنسبه للبروتينات فالي ينفعك بروتين صافي كل ايزو لايحتوي على كاربوهيدرات ولا سكر

وبلتوفيق

[hisham0101]

^^^^ اهتم اكثر شي بتمارين الكارديو ... الجري والبايسكل وغيرهن وبلنسبه للفتنس فاوزانك خليهن معتدله لان الضخامه حاليا مراح تنفعك بشي

التزم بلتغذيه الصحيه وهذا اهم شي ومارس تمارين الكارديو بانتضام وتقدر بعد تمارين الكاريدو تتمرن باوزان خفيفه وتكرارات عاليه يعني مثلا 15 في 4 وهكذا

بلنسبه للمكملات عندك حوارق الدهون وفي انواع كثيره وفيتامينات تقدر تاخذهن ورح يفيدنك مع كورسك

اما بلنسبه للبروتينات فالي ينفعك بروتين صافي كل ايزو لايحتوي على كاربوهيدرات ولا سكر

وبلتوفيق

يعطيك العافية أخوي سامي على ردك الجميل ..

طيب بالنسبة للحوارق والبروتين , ممكن تعطيني أسامي محددة آخذها لأني والله ما عنده خبرة فيها وفي أنواعها ..

بالنسبة للحديد بأوزان خفيفة , هل أخليه قبل تمارين السويدي والا بعدها ؟؟

ولك جزيل الشكر :) ..

[hisham0101]

يا ليت اللي يقدر يفيدني في استفساراتي ما يبخل علي يا شباب !!

[StronGest]

ياعزيزي السويدي اذا كان حصص لياقة مع المدربين ماينفع تلعب بعده حديد .. تقدر تمشي بعدها على السير او شويه سباحه او سيكل . عشان تدعم حرق الدهون
ايام الحديد خلها ايام مافيها حصص سويدي عشان تقدر تشيل اوزان ممتازة وترفع نسبة العضل اللي بالنهاية يساعد على الحرق .. اذا اكلك يغطي احتياجك اليومي من البروتين اللي هو تقريبا 200 غرام بروتين باليوم .. مايحتاج مكمل بروتيني اذا ماتغطية خذ لك بروتين واي قولد ستاندر او ايزو 100 ووزعها بين الوجبات ... بالتوفيق يابطل

[مشتاق للرياض]

اخوي وزنك وطولك نفسي بالظبط اول شيء عطني هدفك ايش تبغى بالظبط هل انت لاعب حديد ولديك عضلات ودهون او سمين تحاول تنحف عشان اقدر اجاوبك

[hisham0101]

ياعزيزي السويدي اذا كان حصص لياقة مع المدربين ماينفع تلعب بعده حديد .. تقدر تمشي بعدها على السير او شويه سباحه او سيكل . عشان تدعم حرق الدهون
ايام الحديد خلها ايام مافيها حصص سويدي عشان تقدر تشيل اوزان ممتازة وترفع نسبة العضل اللي بالنهاية يساعد على الحرق .. اذا اكلك يغطي احتياجك اليومي من البروتين اللي هو تقريبا 200 غرام بروتين باليوم .. مايحتاج مكمل بروتيني اذا ماتغطية خذ لك بروتين واي قولد ستاندر او ايزو 100 ووزعها بين الوجبات ... بالتوفيق يابطل

والله اخوي انا اشوف اللي معي في السويدي أغلبهم بعد السويدي يلعب حديد بأوزان قليلة يعني وقرأت في أكثر من مكان انه راح يساعد على الحرق , علشان كذا سألت ..

ومشكوور على ردك أخوي :)

[hisham0101]

اخوي وزنك وطولك نفسي بالظبط اول شيء عطني هدفك ايش تبغى بالظبط هل انت لاعب حديد ولديك عضلات ودهون او سمين تحاول تنحف عشان اقدر اجاوبك

هلا أخوي ..

أنا عندي ترهلات في منطقة البطن والخصر وأبي أتخلص منها وبعدها ممكن أركز على الحديد ..

كان وزني قبل سنتين 128 ونزلت الى 86 وبعدها استمريت على الحديد 5 أشهر تقريبا بس انقطعت الى الآن وخلالها حصلت هذي الترهلات ..

اليوم ان شاء الله راح أبدأ في برنامج P90X واذا حسب انه فادني أكثر من الصالة والسويدي راح أستمر فيه ال 3 أشهر الأولى وبعدها أشوف ..

انت وش رأيك أخوي ؟