سؤال من مبتدئ في كمال الاجسام ومحترف كونغ فو عن كورس مكملات وجدول تغذيه

[Mohamed Ar]

معلومات المتقدم بالاستفسار :
العمر : 27 , الجنس : ذكر

الطول :190 متر
الوزن : 110 كيلوجرام

نسبة الدهون : 22

و الاستفسار كالتالي :
السلام عليكم ورحمة الله وبركاته

انا سني 27 سنه

طولي 190

وزني 110

عملت قياس نسبة دهون طلع 22 % وتركيز 70 من الدهون في منطقه البطن والاجناب

نسبه العضلات 40 % والحد الاقصي بالنسبه لوزني كان 42 % والادني 35 % ودي طبعا الحدود المثاليه

انا كنت لاعب كونغ فو لمده 7 سنين متواصله وكنت علي درجه عاليه جدا جدا من اللياقه والسرعه بس كان اخر علاقتي بالكلام ده وانا عندي 17 سنه

وبعد كده تركت الرياضه خالص وبدات ازيد في الوزن وكنت بروح جيم كل اربع شهور مثلا حوالي شهر او شهر ونص

ومحافظ علي اوزان معينه بلعب بيها

يعني بلعب مثلا تراي ب 15 كيلو

بلعب بنش بار مسطح ب 20 كيلو

ودي اوزان انا مرتاح بالعب بيها يعني بقدر اجيب 3 مجموعات بيها كويس

دلوقتي انا اشتركت في جيم وعاوز ابدئ العب باحترافيه وابدئ اخد مكملات عشان اوصل لنتيجه بسرعه

انا هدفي جسم رياضي مشدود وعضلات صافي بنسبه دهون قليله ( اللي هي موجوده اصلا عندي دلوقتي )

لان انا تقريبا مفيش دهون علي عضلات البنش او الذراعين لدرجه ان ضلوع القفص الصدري بتبان عندي في بعض الاوضاع

المشكله كلها في البطن والاجناب

السؤال الاول انا لو بدات اخدت مكملات من دلوقتي وانا لسه مكملتش شهر علي اللعب المتواصل والتحميل علي العضله ممكن متجبش نتيجه معايا

انا هاخد ملتي فيتامين اوبتيمن opti men

http://sa.bodybuilding.com/store/opt/men.html;jsessionid=9F577E1C7FF56D245A93702D436BC275

وبروتين combat من شركه مصل فارم

http://sa.bodybuilding.com/store/musclepharm/combat.html;jsessionid=9F577E1C7FF56D245A93702D436BC275

وكرياتين من مصل فارم برده

http://sa.bodybuilding.com/store/musclepharm/creatine.html

وعلي قدر خبرتي المحدوده دول مش هيدوني دهون كتير بالعكس هيزودوا نسبه العضل والاوزان اللي هقدر اشيلها ويعوضوا جسمي بالفيتامين المطلوب

وانا بحثت كتير اوي وقارنت بين المنتجات دي ومنتجات شركه اوبتمم وبصراحه لقيت مصل فارم اعلي من حيث المكونات

واللي هيسالني انت ليه مستعجل علي المكملات هقله لاني بزهق بسرعه وكمان انا بقالي فتره كبيره محافظ علي قدر معين من عضلاتي مبقلش عنها فمحتاج ازودها

يعني انا اتوقع \\ ممكن شكل جسمي يتغير في خلال شهرين بالحاجات دي ولا برده مش هينفع ؟؟؟؟؟

السؤال المهم هنا انا محتاج جدول تمرينات طبقا لحالتي اللي انا عرضتها دي وجدول المكملات اللي هخده

وكمان جدول غذائي لاني عرفت اني المفروض اكل 5 وجبات يوميا

ياريت لو الاعضاء الخبراء هنا يدوني نصايح عامه ولو امكن يكتبولي الجداول دي او لو هي موجوده في المنتدي يدوني لينك الموضوع وانا اشوفه

وانا طبعا بلعب كارديو يوميا تقريبا حوالي ساعه ( جري وعجله وتمارين بطن مكثفه وايروبكس ولياقه عامه)

اسف جدا علي الاطاله بس ياريت اكون عرفت اشرح حالتي بالظبط

وفي انتظار اي نصيحه او معلومه من اي عضو اكثر خبره مني