محتاجه وقفتكم جداً

[Depression]

معلومات المتقدم بالاستفسار :
العمر : 20 , الجنس : انثى

الطول :163 متر
الوزن : 73 كيلوجرام



و الاستفسار كالتالي :
السلام عليكم ورحمة الله وبركاته
كيف الحال ؟ امم بصراحه ماادري كيف ابدا

انا وحده من 9 سنين يعني من عمري 12 وانا صراع مع السمنه
اعلى وزن وصلت له 86 تقريباً قبل 3 4 سنين كذا
اقل وزن وصلت له 56 وماتهنيت فيه ع طول انتفخت نفخه مو طبيعيه
طبعاً نزول وزني بطيئ هذي مشكله الطامه ان رجوع يفجع

المهم ياخوان انا ترهل جسسمي وماودي بعمليات وبطني قاهرتني مره
ودي اشوفها ممسسسوحه احسه شيء مستحيل
والرياضات مثل ماانتم عارفين تختلف اهدافها
رياضات للحرق ورياضات لتكبير العضلات ورياضات لشد وووو

^ هذا اللي كتبت موضوعي عشانه
اني ضايعه ! انا الجانب الوحيد اللي اهملته بسنين الحرمان هذي هو الرياضه
بسبب الكسل اللي اثر عليه مرض الاكتئاب * ماقاعد ابرر للنفسي بس لتوضيح
+ عدم الاستقرار من بيت لبيت الله يفرجهاا < طبعاً ممكن البعض يقول وش دخلنا ؟
لا بس هذا لتوضيح اني فاهمه اهمية الرياضه كويس وندمانه جداً اني مامارستها

المهم يااخوان اللي اتمناه منكم تساعدوني بجدول يناسب قدراتي
بحكم اني ناقصه 4 كيلو من العضل ع حسب كلام الدكتور السنه اللي فاتت
فانا اتعب من اقل شيء اللي الناس الطبيعين يسونه عادي انا اتعب منه

يعني مختصر الكلام اني محتاجه رياضه لـ شد الجسم + بناء العضل
وبصراحه ماادري اذا احتاج متابعه ؟ اقصد منكم
لاني حاطه ثقتي فيكم بعد الله

*
ملاحظه : ممكن البعض بينصحني امارس الرياضه بأشراف مدربه
المشكله النوادي اغلبها فيها موسيقى + اساساً وضعي الان مايسمح لي ابداً اروح نادي

كل شيء اقدر اسويه سويته واتمنى اتمنى اتمنى
تلثجون صدري بوقفتكم معي ="(
واعذروني لو طولت حاولت اخصر قد مااقدر

الله المستعان .

[جده ستي]

فيه حل انك تشتري سيدي تدريب من امريكا مع المعدات حقته وتتدربي في البيت البرنامج ماخذا شعبيه كبيره واذا تبيه ادقدر اوفرها للك بخصووص التدريب في البيت وكل الوقت ساعه الشاي الثاني راح تستخدامي شاهي اخضر وحارق دهون
الشي الثالي راح نركز على الاكل في الخضروات والزبادي والبرنامج المنصوح بها بحالتك واذا ارتدي انا تكون حاسم على الامر انا تحت امرك والجميع ماراح يقصر

[زحمة حكي]

هلا بك ي اختي
ان شاء الله بنفيدك ونعاونك

اول شي بخصوص نقص الوزن بعدها حصل انتفاخ وزياده
هذا الله يسلمك يبغى لك تراجعين دكتور اخصائي يشوف هرموناتك لان فيه مشكله ف الهرمونات عندك
فيه ناس يخف وزنهم بعدها يسمنون
ولا كأن صار شي لان المشكلة في الجينات والهرمونات

ثاني شي بما انك قلتي انو نتنقل من بيت وبيت
والظاهر والعلم عند الله انو فيه مشاكل والدليل الاكتئاب اللي فيك
واعتذر ع هالكلمه لكن هذا اللي فهمته

عموما برضو النفسية اللي انتي فيها مهمه وتلعب دوور كبير ف الرياضه يعني لازم تكون نفسيتك
مرتاحه وموب زعلانه

ما اطوول عليك ي خيتي
اذا بغيتي تشدين جسمك وتبعدين الترهلات ولا تبين ناادي وحااطه في بالك هالشي

فيه برنامج P90X
فايدته يساعد على شد الجسم وفيه تمارين قرابة الساعه لكل تمرين
وهذا رابط الموضوع اللي يخص هذا البرنامج
http://www.montada.com/showthread.php?t=666773

او اشتري لك جهاز جري وكل يوم اجري من نص ساعه الى ساعه وبعدها سوي تمارين بطن مع مراعات التغذيه
ابتعدي عن الدهون والكاربو هيدرات
الخبز الابيض والرز الابيض والدهن وهالاشياء
البطن يبدا التغير فيه من شهر الى ثلاثة او اربعة اشهر وربما يزيد على حسب تمارينك وتغذيتك
اهم شي خلي اكلك صحي
سلطة خضرا مع زيت الزيتون
ورز اسمر
وخبز اسمر
جبن خالي الدسم من شركة " بريزدنت "
زبادي خالي الدسم من شركة المراعي او اي شي
صدر دجاج مشوي او مسلوق
بطاطس مسلوق
بياض البيض
عدس وفول وفاصوليا بس بزيت الزيتون
تونه اللي تجي موية وملح من شركة قودي


اشتري لك amino 2222 tablest
عباره عن احماض امينية
وفيه 2 جرام بروتين فالحبه
وفيه ماده تساعد على حرق الدهون
ولا يأثر على الجسم اذا ما عندك مشاكل في الكلى لا سمح الله

حنا اخوانك ونفيدك مثل ما نفيد غيرك وان شاء الله تتيسر امورك وتخفين وتوصلين لهدفك

واي شي تحتاجين له لا يردك الا الكيبورد

[Depression]

جده ستي
زحمة حكي الله يسعدكم يارب

ايه والله احس اني محتاجه متابعه وودي اكتب لكم وش يصير معي بحكم ان لكم خبره بهالمجال
بالنسبة لتمارين انا محمله عندي كم سيدي ، وودي اشتريهم بشكل رسمي
لكن مشكلتي مثل ماذكرت ابي اضمن ان التمارين تنمي لي العضل + تشد الجسم وهذا اهم شيء
لان ماودي اتمرن تمارين ماتناسبني وادمر جسمي اكثر من كذا

اخوي زحمة حكي
انا فعلاً ذكرت موضوع مرضي واني مو مستقره مش اشتكي بس اوضح لان هذا له تأثير كبير ع جسم وع النظام
والله انا ودي بنادي وكد اشتركت بس مااستمريت لاني اتضايق جداً لاطلعت من البيت وع طول بالبيت
حللت الغده حمدلله سليمه ، لكن فيتامين دال ناقص جداً 8 تخيلوا !
نبهتني لمسألة الهرمونات خاصه اني يوم نحفت بالمتوسط سمنت 25 كيلو في ظرف سنه ! مع اني مااكل لدرجه هذي

طيب حلو الحين بشاوركم باللي اسويه
1- احمل السيدي اللي نصحني فيه زحمة حكي الله يسعده
2- اشترك بدايت وتشرز

والله عارفه اني مفروض اعتمد ع نفسي بمسالة الاكل بس 9 سنين ماهي سهله كسرت ظهري
نفسيتي والشكوى لله يعني بس ماعاد فيني افكر وش اكل ع فطور وش اسوي ع غداء ؟
لكن برضوا ابي رايكم ، ليش اخترت دايت وتشرز لاني حسيتهم امنين شوي من ناحية الاكل
لان دايت سنتر عندنا الكل يشكي منه عكس فالكويت ماشاءالله فأعتقد ان المسأله مسألة امانه
واتمنى اني اطيح بناس كويسين

طبعاً انا اشاوركم بالبرنامج الان ع اساس اطبقه اذا طلعت من البيت اللي انا فيه
لان بيت مو بيتك ماتقدر تاخذ راحتك فيه صح بطلع لبيت حد 2 بس شيء اهون من شيء حمدلله

ووالله مو عارفه كيف اشكركم او وش اقول مالي الا ادعي لكم
وانتظر برضوا مزيد من النصايح الله يسعدكم .

[زحمة حكي]

حياك الله ي خيتي

بالنسبة للبرنامج اللي ذكرته لك
ممتاااز جدا ولو تفتحين اليوتيوب بتشوفين وش يسوي مع الناس
فكرة البرنامج 90 يوم تمارين
وبيشد جسمك بإذن الله
انتي شوفي وش اللي يناسب لك وسويه
ومسألة وش تفطرين ووش تتغدين
ووش تتعشين هذي امرها سهل لكن التطبيق هو الصعب
اذا تبين جدول غذائي
بلغيني وبإذن الله بتحصلين اللي يسرك
انتي سوي اللي قلت لك عليه ونزلي البرنامج
واشتركي بشي ينفعك ويمدحونه الناس وبإذن الله تتحسنين
اكتبي اي شي تحتاجينه ترى حنا ف خدمتكم
وبالتوفيق

[iMut3b]

حل مشكلتك بسيط جدا بس يبي له همه عالية

برنامج insanity وتقدرين تحملينه من التورنت او دوريه بالنت اكتبي بقوقل وبتحصلينه

والتغذيه اشتراك في دايت سنتر ١٧٠٠ ريال مع التوصيل ٣ وجبات يوميا مع وجبتين سناك

بس يبيلك همه ورغبة قوية وصدقيني بتوصلين للي تبينه

شوفي هذا الرابط
http://www.vb.eqla3.com/showthread.php?t=1120600

بالتوفيق

[Depression]

زحمة حكي
عز الله انك ماقصرت ياخوك
بس بسألك عن البروتينات تنصحني فيها ؟
بحكم اني ناقصه عضل ؟ والالم الرياضه
لاني مره سويت كم حركه بسيطه
جلست 4 ايام بدون مبالغه العضلات مشدوده وتعبتني
وانا ودي استمر تنصحني بشيء ممكن استخدمه كريم معين مثل ؟

اخوي متعب
انا حملت البرنامج بس هو فعلاً مثل اسمه جنون
واحسه ماينفع لي حالياً احسه قوي علي شوي ؟
ولا انتوا وش تشوفون ؟

يعني انا والله احترت ماادري وش اللي بيبني لي عضل عشان اقدر امارس الرياضه زي العالم
هل اشتغل ع تمارين خاصه ببناء العضل تعطوني اياها ولا ابدا بالبرامج الرياضيه ع طول ؟

وع فكره اخ متعب البرنامج هذا حلم من احلامي
اقدر امشي عليه واوصل للياقتهم ماشاءالله
وبالنسبة للرغبه موجوده من سنين وكان عندي اراده قويه
بس الحين اليأس لاعب بالموضوع
والله يعطيكم العافيه ويحقق لكم ماتتمنون .

[Depression]

-

تنبيه بسيط يااخوان
انا شفت فيكم حب الخير يعني ماشاءلله
ماتوقعت هالردود شرحت صدري
واللي تسونه شيء جميل ومحمود الاهتمام بأجسامكم
لكن اتمنى انكم تختارون السيديات اللي مافيها حريم
ادري يمكن مافيه سيدي مافيه حرمه !
بس فيه فكره ، تشوف السيدي مره وحده وتركز ع مدرب
وتكتب حركاته وكم مره بتسويها
لان والله حب الله يستاهل نضحي بكل شيء عشانه
ماهو مخلوق اللي يستاهل اغضب ربي عشانه

اتمنى انكم تتقبلون نصيحتي بصدر رحب
لان مايحسسني بأن الدنيا بخير وامان مع هالبلاوي جرائم وفتن
الا اللي يغض البصر ، اعذروني طلعت برا الموضوع
لكن خوف وحرص ع اخواني .

[زحمة حكي]

واجبنا ي خيتي

بخصوص البروتينات
ما انصحك بها حاليا لانك ما تتمرنين
حديد ولا تشيلين اوزان كبيره

انصحك ب amino 2222 tablest
احماض امينيه وفيها بروتين
وبرضو فيه ماده حارقه للدهون

بالنسبة لي هذا المكمل هو رفيق دربي

وبرضو عندك مكمل اسمه مالتي فيتامين خاص للنساء
هذا تستخدمينه اذا ما تاكلين
خضار او فواكه كثير

وفيه مكمل يخص الام المفاصل
بس ما يحضرني اسمه اذا بغيتيه
بلغيني عشان اجيب لك اسمه

عموما بغيت انبهك انو البرنامج
اللي عطيتك اسمه ما يبني عضلات
هذا يحرق الدهون ويشد جسمك
وتراه ممتاااااااااز

وفترة تنشيف الدهون وخاصة اللي مثل
حالتك ما يصلح يبنون عضل لانهم
مع التنشيف راح يخسرون العضل اللي
في جسمهم عشان كذا اذا بغيتي يكون
جسمك متناسق نشفي وبعدها شدي
وأبني عضل

اذا بغيتي تستخدمين حوارق دهون
عندك كذا نوع بس ترى ما ينفع للي
عندهم مشاكل في الكلى او الضغط
وكذا شغله

يعني انتبهي ثم انتبهي ثم انتبهي
ومن الافضل تنشفين جسمك من
الدهون بعدها تشدين بطنك

وبالتوفيق

[Depression]

اخوي زحمة حكي
راح اسجل هالمكملات عندي
بس مااعتقد اني راح استخدم تبع الالم المفاصل
لان الالم بالعضل فقط

صدق العضل ينزل !! اللي اعرفه انو اذا الشخص
محافظ ع بروتين والرياضه العضل ماينزل منه لان العضل ماينزل
الا اذا في نقص بالاكل فـ بتالي تؤخذ الطاقه من العضل

طيب كم المفروض تكون نسبة الدهون بجسمي ؟
وقصدك بالتنشيف اللي هو تخفيض نسبة الدهون صح؟
معليش اعذرني بس هالمصطلحات ماعرفتها الا من هالمنتدى

وبالنسبة لشد ضروري اشد جسمي لان لو نحفت راح يترهل اكثر من كذا =(

[زحمة حكي]

بخصوص خسارة العضل
انتي عندك دهون واذا حابه يكون
يكون جسمك متناسق لازم تنشفين
الدهون يعني تخففين من الدهون
اللي فيك بعدها تبنين عضل
اما اللي يستخدمون بروتينات
هذولي الله يسلمك يلعبون حديد
ويحرقونه في شيل الاوزان
وفيه انواع للبروتينات شي ينفع
للتنشيف وشي ينفع للضخامه
لا تفكرين فيها ابد لانك ماراح تشيلين
حديد ولا تصلح لك ..
فكري فالدايت والجري والكارديو
حاليآ لازم تنقصين 10 كيلو
بحيث يكون متساوي مع طولك
وبالتوووفيق

[Depression]

يعطيك العافيه اخوي زحمة حكي تعبتك معي
الله يكتب لك الاجر

صحيح الاخوان ماقصروا لكن مازلت محتاجه المزيد
خاصه بموضوع الترهل مضايقني جداً السي دي اللي نصحني فيه اخوي للحرق
طيب والترهل ؟ ماابي انحف واقعد فيها وتستفحل الحاله عندي
الاثقال اللي اعرفه انها هي اللي تدعم العضل
فهموني ألية عملها ، وايش التمارين اللي ممكن تناسبني كبنت
والتمرين كم مره اكرره ومتى اعرف ان هالتمرين ماناسبني ؟

والاثقال اخليها قبل تمارين السي دي ولا بعدها ولا معها ؟
وهل الرياضه تحفز الكولاجين ؟


تعبتكم معي عارفه =(
بس وش اسوي مابي العب بجسمي ><"
وانتوا اهل خبره ماشاءالله .

[iMut3b]

اختي معليش

انتي دخلتي الرابط اللي حطيته لك ؟
ادخلي شوفي تجارب البنات لانه موضوع نسائي وكيف شدت اجسامهم وتقوت عضلاتهم
بعد ما تخلصين هالبرنامج اللي هو 60 يوم راح تحسين ان عضلاتك تقوت بكثير ونحفتي وانشد جسمك

بالرياضة مستحيل مستحيل تنحفين بدون شد ع الاقل شد خفيف وفي ناس كثير كثير نحفوا وشدوا اجسامهم بالرياضة

الشباب كتبوا الكلام ما قصروا ووصلتك الفكرة ومو ناقصك الا التطبيق خلاص .. الاستفسارات الزايدة ماراح تحصلين منها الا وجع الراس والتفكير والقلق ! عندك التمارين وعندك غرفتك توكلي على الله وابداي ببرنامج انسينتي واظبطي اكلك وانا اضمن لك اسبوعين بس وتبدين تلاحظين النتائج وادعي لي

ممكن كلامي قوي شوي بس صدقيني لمصلحتك .. كثر التفكير يخليك تترددين وكلنا نعرف ان البداية صعبه بس لما تكملين شهر رياضة مستمرة ماراح تتخيلين حياتك بدونها

ننتظرك بعد شهر ان شاء الله :)

[جده ستي]

هذا كريم لشد التراهل بلجسم وحرق الدهون مع الدايت والبرامج
http://www.amazon.com/Ideal-Marketing-Concepts-Advanced-Cellulite/dp/B00300CK0U/ref=lh_ni_t?ie=UTF8&psc=1&smid=A3C7ZQYCNVJWSO

[Depression]

اختي معليش

انتي دخلتي الرابط اللي حطيته لك ؟
ادخلي شوفي تجارب البنات لانه موضوع نسائي وكيف شدت اجسامهم وتقوت عضلاتهم
بعد ما تخلصين هالبرنامج اللي هو 60 يوم راح تحسين ان عضلاتك تقوت بكثير ونحفتي وانشد جسمك

بالرياضة مستحيل مستحيل تنحفين بدون شد ع الاقل شد خفيف وفي ناس كثير كثير نحفوا وشدوا اجسامهم بالرياضة

الشباب كتبوا الكلام ما قصروا ووصلتك الفكرة ومو ناقصك الا التطبيق خلاص .. الاستفسارات الزايدة ماراح تحصلين منها الا وجع الراس والتفكير والقلق ! عندك التمارين وعندك غرفتك توكلي على الله وابداي ببرنامج انسينتي واظبطي اكلك وانا اضمن لك اسبوعين بس وتبدين تلاحظين النتائج وادعي لي

ممكن كلامي قوي شوي بس صدقيني لمصلحتك .. كثر التفكير يخليك تترددين وكلنا نعرف ان البداية صعبه بس لما تكملين شهر رياضة مستمرة ماراح تتخيلين حياتك بدونها

ننتظرك بعد شهر ان شاء الله :)

ايه اخوي عندي فكره عن الموضوع اللي حطيت رابطه
وقريت ردود كثييره وهي اللي خلتني اجزم ان هالبرنامج ماينفع لي حالياً ابدا
مقدر اقارن نفسي ببنات اساساً نحيفات او انهم مليانات بس اجسامهم مشدوده ولا اقدر اقارن نفسي
ببنت العضل عنها مش ناقص 4 كيلو زيي !
+ ياخوي انا شهدت انهم ماقصروا وماقاعده اضيع وقتي بالتفكير ولاني حابه اثقل عليكم
بس فعلاً فيه اشياء مهمه ماعرفتها عشان كذا استفسرت وانت تعتقد اني ادور بدائره مغلقه
وان كل شيء مفهوم وبس محتاج تطبيق لاياخوك انا جيت اكتب هنا عشاني محتاجه معلومات ومابحصلها الا هنا
الاخوان ماقصروا بالجدول اللي حطوه لي لكن فيه لسى اسئله مالها رد



ننتظرك بعد شهر ان شاء الله


ليتها شهر ، الا بعد مالله عالم ، ماعندي مكان ابداً امارس فيه الرياضه
لكن متى ماتسهلت وكملت البرنامج الرياضي برجع اكتب لكم إن شاءالله .



*

جده ستي الله يسعدك ياخوك
بس الكريمات مجرد سحب فلوس للاسف
مابيفيد الا الرياضه ورياضه معينه
لان زي ماذكرت بداية موضوع كل رياضه
ولها غرضها زي مانت عارف اكيد
شاكره لك تفاعلك معي .

[جده ستي]

الكريم مفيد عن ترجبها انتي اشتري برنامج p0x مع الادوات وحوارق الدهون والكريم وبرنامج غذايى صارم

[heme]

تنمية عضل (تقسيم) وشد جسم = السباحه واذا صار معها مشي تكون نتائج خياليه
وكجهاز منزلي السير الكهربائي والاوربت تراك وفي الاخير والاهم الاكل