مشاهدة النسخة كاملة : 77 صوره لغدانا اليوم 20\4\2013 "زبيدي"
Karazhan
20-04-2013, 05:37 PM
السلام عليكم
كيف الحال ان شاء الله كلكم بخير اعضاء و زوار
اليوم طبختنا زبيدي , سمكه من افضل انواع الاسماك عندنا بالكويت , حاليا احنا بالمزرعه و متفقين على زبيدي يكون من طبخ ايديه وحياه عينيه
نبدأ بالمقادير الى ان ننتهي بالتقديم
ارجوا عدم الرد الى ان انتهي من الموضوع
شكرا لحسن تعاونكم
-------------------------------------------------------------------------------------------------------------------------------------------------
زبيدي
356918
كزبره مطحونه , بهار سمك , كركم
356919
كزبرة خضرا , شبنت
356920
بصل و ثوم , اللحشو داخل السمك و فوق العيش
356921
زبيديه , صوره للذكرى
356922
نقطع البصل "بصلتين او 3 ونحطهم بالمقله , ولاحظ القدر اليسار فيه 4 حبات طماطم قاصهم من فوق مثل الزائد و حاطهم بالماء عشان يفك القشر عنهم "للدقوس"
356923
نقلب البصل مع الزيت دقيقه
356924
نضع ملعقه من بهار السمك و الكركم ونقلب ونحط شوي ملح ولومي اسود مطحون "ليمون اسود"
356927
هذي حبات الطماط صوره شخصيه
356925
طبعا انا مازلت لم اضع اللومي او الفلفل , فقط البهارات
356928
هني حطيت اللومي والفلفل الاسود وتركته شوي يتشوح بالزيت
356929
356930
انتهى التشويح , ما نخلي البصل يحترق , يعني مو اسود من الحرق وانما من الفلفل الاسود واللومي , البصل لو مو المكونات كان شفتوا لونه مثل الشفاف , يعني ان فكرتوا تسوون الحشو هذا لا تخلونه يحترق , شوفوا الملعقه وشوفوا البصله اللي عليها شلون لونها لأن ما حاشها بهار كثير
356931
قطعنا الخضره "كزبره و شبنت" مثل ماانتوا شايفين , البصل ضربناه بالخلاط مع الثوم , نص البصل اللي فوق لحشو العيش بالسكين , باقي البصل مع الثوم بالخلاط لحشو السمك
356932
بعد ان بدأ الطماط يتقشر شلته من النار و بدلت الماء بآخر بادر و بدأت بتقشيره , الخلاط بعد ما ضربت البصل والثوم فيه , هذي البقايا اللي فضلت من البصل حطيت عليهم الطماط بعد تقطيعه قطع كبيره
356933
شوي من الكزبره والشبنت مع البصل والطماط
356934
واضرب بالخلاط وكانت النتيجه
356935
اخذنا المكونات و حطيناهم بالقدر اللي كنا نسلق الطماط فيه و ولعنا النار وتركناه الى ان يتبخر شوي ماءه
356936
نحط شوي بهار السمك و فلفل اسود و ملح
356937
----
ارجوا عدم الرد
للموضوع بقيه
Karazhan
20-04-2013, 06:19 PM
نكمل باقي الطبخه مع بعض اعزائي العزوبيه
----
بعد ان بدأ يفوح الماء "يغلي" حطيت علبه معجون طماطم
356938
ونبدأ نقلب الى ان يذوب المعجون مع الصلصه
356939
الحين نروح للحشوه اللي للسمك وهي عباره عن كزبره و شبنت و بصل مفروم مع ثوم ونضيف عليهم بهار السمك والكركم و هيل مطحون
356940
نقلبهم مع بعض مضبوط ونحط الملح شوي ونقلب الى ان تتداخل كل المكونات ببعضها
356941
نشوف الدقوس اذا بدأ يفور مثل الصوره هذي نحط فلفل مثل اللي بالصوره او كما يطلقون عليه بالسعوديه حبحر "عدل او غلطان"
طبعا تذوقون الدقوس ان كان الملح مضبوط او لأ
356942
نبدأ بالزبيدي الحين
356943
حبتين
356944
اخذت سمكتين فقط و نظفتهم , قصيت الظهر و طلعت الاحشاء
356945
حطيت الجدر و فيه زيت
356946
اخذت من الحشوه اللي ذكرناها سابقا وحطيتها بالزيت , مقدار ملعقه تقريبا , لتشويح السمك فيهم
356947
نحوس شوي
356948
ونقلب شوي لما يبدأ الزيت يحتر
356949
نحط السمكتين فقط , مو كل السمك ياجماعه سمكتين وراح اقولكم ليش
طبعا رشه ملح عليهم و هم بالجدر
356950
هذا العيش "الرز" منقع ومغسول وناطرني
356951
و بعد ما تركنا السمكتين بالجدر على الزيت دقيقه بس اضفنا الماء الساخن , استخدموا الماء الحار من السخان مال الشاي او غوري عندك تسخنون فيه ماء عشان ما يطول الطبخ
نضيف الماء للمستوى هذا بدايه الامر
356952
هذي الزبيديه اوريكم التنظيف شلون كان , اقص الزعانف اللي فوق وتحت و على الاجناب والذيل , رفيجي يقول لاتقص شي ابك هذا زبيدي ماينقط منه شي
المهم ان رفيجي الحين في مطعم الجميعه
356953
اشقها من الظهر و انظفها
مازلنا نستعمل الجرايد بالطبخ
356954
نرجع للسمكتين اللي حطيهم بالجدر وصبيت فوقهم ماي
الحين طلعتهم لما اقعدوا دقيقتين او اكثر شوي , عشان شنو ؟ عشان نخلي العيش عيش مطبق , يعني الماء اللي راح اطبخ فيه العيش يكون فيه نكهه السمك
356955
نحط العيش الحين بالجدر والماي اللي طبخنا فيه السمك
356956
نحرك العيش عشان يتسوى , بس اول شي نقلب العيش لما تحس ان كل حبه عيش تمشي لوحدها مو لازقه مع حبه ثانيه وبعدين نساوي العيش
356957
------------------
ارجوا عد الرد , للموضوع بقيه
Karazhan
20-04-2013, 06:57 PM
رجعنا لكم مره اخرى لتكمله التقرير الخاص في غدانا , من طئطئ لي سلام عليكم
---------------------
ماكنت اعرف اني مصور وانا اقلب العيش وقلت بالمشاركه السابقه انكم تقلبون العيش بحيث كل حبه تكون لوحده
هني وانا اقلب العيش
356958
هذي حركه طرت علي وقلت اسويها واصورها , مشهوره عند المصبنه انهم عشان يعرفون اذا الماي قياسه مضبوط او لأ
356959
هني مصور الماجي , ماجي خضروات مو دجاج
دير بالك لاتحط دجاج عشان ما تنطرد نفس رفيجي اللي الحين بالجمعيه طالب برياني دجاج
قطعتين ماجي خضروات قطع فيهم وقطهم بالماي
356960
هذا السمكتين اللي حطيتهم بالماي قبل العيش
على بالكم انتهى استخدامهم وبقطهم ؟؟ تبون ارد البيت مشي
356961
نترك العيش بدون تغطيه الى ان يبدأ العيش يبين مثل ماانتوا شايفين
356962
الحين السمك
356963
بس قلت خلني اشوف العيش , ولما شفته قاعد يشرب الماي حطيت الكزبره والشبنت فوقهم و تركته بدون تغطيه
356964
نرش على السمك كركم و نوزعه على السمكه كلها و الحشوه قريبه مني
356965
نحشي السمك بهذا الشكل
356966
لما بدأ العيش يبين , قصر على النار اقل درجه و غط الجدر بأحكام
356967
انا من اللي يغطون الجدر بالقصدير , احسن عندي واذا في تنسيم احط الغطاء فوق القصدير وينتهي الامر
356968
ابدأ بأول سمكتين حطيتهم بالجدر و اقليهم , شرايك يعني تشويهم
356969
والجهه الاخرى
356970
الصوره مشابهه لكن اختلاف بسيط حبيت انوه عليه , قلبت اول سمكه وانقلبت معاي , الثانيه حاولت اقلبها لقيتها لازقه بالمقله
اذا حصل و لزقت معاك السمك لاتحاول ترفعها بالعافيه , اتركها وكل شوي شوف اذا تقدر ترفعها او لأ , اذا مثلا ترفعها وانت تدري ماراح تتقطع معاك اقلبها , وهذي اذا كانت السمكه لازقه من مكان واحد , مو كلها لازقه , اذا كلها لازقه اتركها وكل شوي شوف اذا تتحرك او لأ
ماكو شي بالعافيه مع السمك , انا قلبت الاولى وانقلبت مع شي بسيط من المقاومه لكن لاحظوا انها ما تقطع اللحم , الثانيه ماقدرت اقلبها الا وتتقطع معاي فتركتها , لاحظوا صارت بنيه اكثر من الثانيه بالصوره تحت
هذا مايضر شي , اللحم مازال طري وانما الجلد اهو اللي يلزق , وان صار الجلد مقرمش تكون اطيب , يعني ماكو خوف بأذن الله
356971
بعد الانتهاء من القلي ومثل ماقلت لاتقلبها الا لما تشوفها سهله بالقلبه , واذا لازقه يعني يبيلها شوي بعد
بعد ما استوى فتحت القصدير و حطيتهم فوق العيش وسكرت القصدير
356972
حطيت سمكتين من اللي تبلناهم بالكركم و الحشوه الداخليه . مو بأسنانهم في بطنهم
356973
تتذكرون الحشو ؟ هذا اهو بعد الاستواء غطيته وتركته بالفرن , الفرن مطفي مو شغال
356974
الحين نفتح الجدر مره ثانيه و نحط الحشو جنب السمك
356975
سمكتين و حبتين
356976
جايكم الدور
356977
نكمل باقي الطبخه مع بعض اعزائي العزوبيه
--------------
للموضوع بقيه
واعتقد والله اعلم انها اخر الصور و ننجب العيش
Karazhan
20-04-2013, 07:32 PM
نكمل باقي الحلقه لكن نسيت اذكر بعض الامور
الدقوس ياجماعه بعد ان طبخ و حطيت معجون الطماط و صار خاثر ضفت شوي من الماء , يعني عينك ميزانك , تشوف الدقوس يكون بالوسط لاهو ثقيل ولا هو خفيف
الخفيف يكون مرق سمك وان شاء الله باجر اسوي مرق شعوم اذا يعني شفت الظروف تسمح , لكن الدقوس غير عن المرق , يكون شوي خاثر مثل الحليب , شفت شلون الحليب مو خفيف ولا ثقيل
عاد مو مشكلتي يااخي تصرف , بضيع وقت المشاهدين اعلمك شنو مرق وشنو دقوس اللي ينطحك
نرجع لمحور حديثنا
---------
مازلنا نقلي السمك و كل حبتين يخلصون نفتح الجدر ونحطهم فوق العيش
356978
نضغط عالخفيف عالسمك عشان الجهه كلها تكسب اللون الذهبي
ترى مو حاط طحين
356979
رفيجي ولد بطنها الاصلي قصص السلطه ماقصر , شغل طيب
356980
نفس هذا الشكل , نحط كل سمكه تخلص فوق العيش و الزاويه حاطين الحشو , عشان العيش يكسب النكهه , لما ينزل عليه زيت السمك مع مذاق الحشوه
356981
اخر سمكتين , الدقوس فوق مقصدر و طافيه النار عليه , قبل انجب اشعل النار و اسخنه واهو يعني ساخن مايحتاج
356982
اضغط
356983
ونقلب للجهه الثانيه
356984
اخيرا
356985
بعد ان خلصنا قلي حطينا السمك كله فوق العيش بهذا الشكل و سكرنا القصدير و حطيتنا المغطاء فوق و تركناهم عالنار اقل من 5 دقايق
356986
الدقوس نشب النار عليه
356987
ولما فاح نشيله ونحطه بالصحون المخصصه
356988
يومنا واقف على هالجدر , داخله السمك والعيش والحشو
اي هذا انا والمصور الملك ابو السلطه
قالي عيونك لاتطلع
356989
سألني ها متى يخلص
قريييييب دقيقه بس
356990
بعد ان خلص فتحنا الجدر و شلنا السمك والحشو بصحن بروح و نجبنا العيش و حطينا السمك فوقهم و حطينها الحشو دار مدار السمك
356991
وهذا عالسفره مع الدقوس والخضره والسلطه والمعبوج
356992
-------------------------
انتهى التقرير بحمدالله
ادري السالفه طويله لكن بما ان ماعندكم شغل طالعوا شوراكم
طبعا في صور يمكن راح تطلع بالمرفقات لأن صارت اخطاء كثيره , وصور الملك وباقي الشباب لكن لما اعرفوا اني بحطهم بالمنتدى ارفضوا وقالوا لا تحط صورنا . ورانا اهل ومو ناقصين فضايح
هم لما الحين على بالهم ان في ناس تاخذ صورهم و تركبها على اجسام اللي خبركم , انا بايعها اخذوا صوري حطوهم على اللي تبون
----
لا يسعني الا ان اشكر الجميع و اسمحولي على القصور ان كانت هناك اي قصور و ايضا على الاطاله , بحدود 77 صوره , لو كاتب تقرير عن النحل كان مااخذوا مني 20 صوره
شكرا على كل حال و مع السلامه
Karazhan
20-04-2013, 07:41 PM
اتمنى ماتصدقون وتاخذون صوري
انا وراي اهل و عيال , مو حلوه ابونا بالنت على مايوه
خصوصا فاينل فانتسي اللي اخذ صورتي و مادري شنو عمل و دزلها لي بدون شنب , اسبوعين ماطلعت من البيت على بالي انتشرت والناس شافوها
الستر زين
شكرا ومع السلامه
اخوكم
مندوب مقصص السلطه ولد بطنها اللي عروقه بالماي
التلميذ كرزان , ولد بطنها التقليد
Blue Rose
20-04-2013, 11:13 PM
و عليكم السلام
وااااااااااااو اخي كرزان موضوع رائع
ما شاء الله طلعت مو اي طباخ طلعت طباخ درجة اولى
عجبتني الحشوه ألي بالسمج تشهي و طريقة الدقوس مختلفه عن طريقتي
http://www.montada.com/attachment.php?attachmentid=356992&d=1366474402
يااا سلاام :D
______
تسلم ايدك اخي كرزان و يعطيك العافيه على الموضوع الرائع
شكرا على مجهودك و يسعدني انك شاركتنا باحدى وصفاتك ^ _ ^
Karazhan
21-04-2013, 06:13 PM
ياهلا بالاستاذه بلو روز
مادري عن الطرق الاخرى للدقوس لأن اعرف اكثر من طريقه و مكونات مختلفه , لكن انا احب يكون مو بعيد عن السمك والمكونات اللي اضيفها , مثل احط كزبره و طماط طازج اللي نسميه حدج و بهارات سمك . دقوس المموش طبعا نفسه لكن غير بالمكونات
و انا اسمع ان الطبخ فن , والفن معناها ان كل شخص يتفنن او يخترع طرق جديده بالطبخ , وانا هني مو للتحدي او اكون افضل شخص يطبخ وانما لمشاركه الاعضاء المهتمين بالطبخ و تبادل الخبرات
شكرا على الاطراء احرجتيني :)
JaimeOwess
14-12-2019, 12:39 AM
This theme is simply matchless :), it is pleasant to me)))
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .