المساعد الشخصي الرقمي

مشاهدة النسخة كاملة : كمال الاجسام استفسار ؟لأهل الخبرة في المكملات


MOOKA
28-04-2013, 01:46 AM
معلومات المتقدم بالاستفسار :
العمر : 26 , الجنس : ذكر

الطول :174 متر
الوزن : 81 كيلوجرام

نسبة الدهون : 22

و الاستفسار كالتالي :
السلام عليكم ورحمة الله وبركاته
كيفكم يا وحوووش من زمان عنكم بس يعلم الله اني من فتره لفتره اخش اقراء مواضيع
ونقاشات تفيدني واخذ بكم عهد

الزبده اني من زمان ما نزلت موضوع او استفسار وحبيت استشير اهل الخبرة
بالنسبة للمكملات المناسبه لي فتره التنشيف
وصلت وزني ورفعته لين 85 لكن للاسف كومه دهون فوق العضل الحاصل
اني حاليا لي اسبوعين وانا قاعد انشف لكن احترت في المكملات بكل اماانه لو على خبرتي من هالمنتدى ما بكون احترت لكن كل واحد يعطيني معلومه اما من اخوياي او المدرب الممهم الموضوع تعقد وقلت لازم ارجع لكم واشوف رايكم في الموضوع

طبعا الهدف اللي ابي اطلع به خلال فتره التنشيف انو انزل نسبة الدهون الى 11 او 10 واذا ممكن اقل بس بدون ما اخسر كمية عضل كبيره

بالنسبه للتمراين تمام

التغذية

كوب واي على الريق مع حليب
بعدها نص ساعه 3 حبات بياض البيض وقطعه توست اسمر مع نص علبة تونه
بعدها بساعه ونص مويه مع جولتامين
الغداء علبة تونه كامله او صدر دجاج مشوي او مسلوق شويت سلطه

سناك تفاحه خضراء

قبل التمرين M5 ب 45 دقيقة
وثلاث حبات امينو 2222

بعد التمرين سكوب واي مع مويه + 3 حبات امينو

العشاء
صدر دجاج مشوي + عشر ملاعق رز ابيض او اقل

بعدها بساعه مويه مع جولتامين

خلاصه الموضوع
مكملاتي متنوعه ولا عرفت وش اخذ في هالفتره
المدرب يقلي وقف بروتين وخليك على الامينو وانمال كاتس والجولتامين

وانا ماني مقتنع الواي ضروري
وبالنسبه للM5 اتوقع في فتره التنشيف يبيلي اتركه

على العموم ابي اهل الخبره يسعفوني هذي صوره بالمكملات
اتمنى تعطوني الجدول الكامل ب وش استخدم ومتى وكم
تحياتي
Booyaka
28-04-2013, 02:20 AM
أهلا بك أخي الكريم بالمنتدى ، عندي بعض الملاحظات على المعلومات المذكورة أعلاه :

1- بالنسبة للجدول الغذائي لو تخلي صحن الرز الابيض مع وجبة الغداء افضل علشان تحرق الكارب بالتمرين
اما لو خليته بوجبة العشاء وكان وفت نومك قريب من هذه الوجبة يعني الكارب راح يتحول لدهون وماراح ينحرق .

2- بالنسبة للجلوتامين أجعل الجرعات 5 جرام بعد التمرين مباشرة مع الاحماض الامينية ، وقبل النوم 5 جرام .

3- الامينو 2222 كابسولات من شركة ابتيموم يحتوي على جيلاتين مستخرج من الخنازير وأنت بكرامة
فالحمد لله انك للحين ماستخدمته فتقدر ترجعه وتاخذ بداله bcaa 2200

4- بالنسبة للأنيمال كات و m5 الاثنين يحتوون على الكافيين فأنت خذ بس الانيمال كت ووفر الـ m5 لكورس ثاني .

5- اشوف مكمل قينر مع المكملات وش قصتـه بكورسك :)

وبالتوفيق عزيزي ... :wink2:
MOOKA
28-04-2013, 02:53 AM
هلا بك اخوي
المعذرة الصورة لكل المكملات اللي عندي :D مع ان بعضها باقي جديده ما استخدمت والقنر منها
1- اتفق معك لكن عندي نقطه ممكن تبرر موقفي اللي هيه في الجدول موزع النشويات في وجبة الافطار وبعد الغداء وبعد التمرين خصوصا لان مثل انت عارف العضله محتاجه كارب وهيه نسبه بسيطه للمحافظة على العضله فقط
2- شورك وهداية الله
3- :bigeyes: نسفت العلبة الاولى وتوني شاري الثانيه وانا على بالي اني ماخذ التابلتس اللي ما يحتوي على جلاتين على حسب علمي الله يغفر الذنب والله توني انتبه يوم قلت لي وتاكدت من العلبه حسبي الله عليهم من بكره بروح اخذ اللي ذكرته ولا باخذ التابلتس اذا صحيح ما فيه جلاتين
4- بالنسبه للانمال كانت للامانه ما قد جربته وتوه جديد فقلت بخلص الM5 باقي فيه شويتين وادخل على الانمال
اخيرا ما ذكرت شئ على الواي هل انت مع كلام المدرب ولا لا
والف الف شكر
Booyaka
28-04-2013, 03:26 AM
مافي مانع من أستخدام الواي بروتين بفترة التنشيف ، حنا نلعب حديد من اجل الحصول على جسم متناسق فقط
اما اللي يوقفون البروتين السائل بفترة التنشيف هم اللاعبين المحترفين المقبلين على بطولة علشان تكون حساباتهم دقيقة جداا وهم يعوضون البروتين بالاحماض الامينية وهذا يفسر ليش هم ياخذون حبوب الاحماض بكثرة .
StronGest
28-04-2013, 01:15 PM
وعليكم السلام
مثل ماقال اخونا اعتقد هالوقت انت تحتاج البروتين لانه دايم وقت التنشيف تكون دايت قوي فصعب توصل كميه البروتين اللي محتاجها الجسم ..الى اذا بتاكل 3 علب تونة باليوم بدل الواي ... وكثير اسمع منهم هالنظرية ان البروتين حتى الزيرو كارب يمسك موية بالجسم ..الانيمال كت اشوف انك توفرة لين تقرب من هدفك عشان يرسم لك الجسم صح .. وعموما نتيجته ماتكون حلوة الى اذا خفت نسبة الدهون كثير ...بالتوفيق ياوحش