نقاش ببناء الاجسام

[ابيها حديد]

اسعد الله مسائكم يا شباب ,,,

http://www8.0zz0.com/2013/05/04/10/891731940.jpg (http://www.0zz0.com)


افتتاحيه للموضوع الي شاغل بالي هاليومين وتفكير وتعصير مخ وللاسف قررت اشارككم فيه لعلا وعسى احد يفيدني

انا يا شباب متعاون في الاتحاد السعودي للرياضة للجميع فيه عندنا صالة حديد تعتبر متواضعه لكن فيها الاساس انك تبني فيها واشتراكها رمزي جدا 3 شهور بــ 150 ريال

المهم انا صارلي موظف هناك قرابت ال 5 سنوات مروا علي أشكال والوان من الاعضاء ونسبة كبيره منهم اجانب ( الهند - با كستان - الدول العربي )

طبعا زمان ثقافتي في كمال الاجسام شييييل حديد وعضلات يعني صفر من كل النواحي الان الحمد الله خبرتي حلوه وافهم واعرف وقريت !!! طيب ،،،

في الصالة الي عندنا كل القريت عنه والي سمعته والي شفته في صالتنا غلط !! أوضحلكم اكثر

انا اسجل العضو 3 شهور اشوف جسمه مهرقل عادي جدا حلوين ،، بعد ثلاث شهور ياخي يطلع خورافي طيب وشلون

قررت اتابعهم في الصاله تحمست يا ناس ادخل اشوف كيف يتمرن طبعا زميلي ( تركي المعيوف ) مسؤول الصاله وللاسف ما استفدت منه لكن لحقت عليه

المهم اشوف دخل يسخن حلوين تمام سخن ومشى على السير واوزان بالدنابل عاديه سخن وخلص ما شاء الله دخل صدر وشيييييييل يا عيني خلص حلو راح للظهر وشيييييييييل

يا حبيبي يلعب 6 الاف عضله باليوم !!! ومعليش يعني الله ما شفناه بالعقل عرفناه 70% من اعضاء النادي ذو الدخل المحدود لا تقلي هرمونات مكملات ولا شي

تمارينه غلط اكله ما ادري عنه يجي يوميا وكل شغله شييييييييل شيييييييييل اخر شي جسم خورافي شوف عيني لا الموضوع فيه غلط

كل الي قريت عنه والي شفته وموضوع ريح العضله ولا تخلط بين عضلتين بتمرين وهذا يوم وهذا يومين واكلك ما اشوفه عندهم !!!

يا ناس افتر راسي بالله احد يحل هالمعضله :28:

[ابيها حديد]

طبعا الزميل تركي منبلف زيي وهو مو مقصر بالصاله كمدرب ويهتم بالاعضاء الي يحرصون على الشغل الصح الي نعرفه

اما الاجانب اخص ( الهند - باكستان ) نظام شيل وفكرا نا ما في معلوم لحالهم :09:

[O.X.Y.G.E.N]

اذكر اول ما بديت ألعب حديد كنت اتمرن 3 ساعات
كنت في الثانويه وسبحان الله كان فيني نشاط ذيك الايام لكن الحين شيبنا
ساعه ويالله الخراج
اذكر اول ثلاث شهور النتيجه كانت "صفر"
لين عرفت بعدين انه "الكرف" اللي كنت اسويه غلط
عشان كذا انا مقتنع بالفكره هذي

عشان نفهم الموضوع
ودي اعرف وش تقصد بـ "خورافي"
كان متين ونحف؟ شد جسمه؟ تقسم وعضلات بطن ؟ صار جاي كتلر ؟
يعني قد ايش درجة التحول اللي شفتها ؟

[Bright Side]

بالظبط ياليت تحدد معنى كلمة خورافي بالنسبة لك ..

[ابيها حديد]

خورافي تعبير مجازي للاعضاء المهرقلين طبعا لا طلع روني كولمن ولا بطل اولمبيا

بس تغير ملحوظ بالجسم من الصدر والاكتف والباي وبعضهم الي مستمرين عندنا اجسامهم كبيره وبنفس الوقت تمارينهم غلط هذا الي مجنني

[BeaUnkill]

في كمال الاجسام فيه قاعدة ان المبتدئين يبنون كتلة عضلية بسرعة تضاعفية لكن تقل مع الوقت. هذا من جهة, من جهة ثانية فيه فئة عمرية استرجاع الحيوية عندها سريع ولا تحتاج فترات راحة طويلة عشان ترجع تكرف من جديد. صدقني الجسم البشري مذهل في تأقلمه وتحمله الضغط والمشقات, بس تأمل الي يعيشون في اماكن نائية كيف يتكبدون عناء ما يعلم به الا ربك. اما رأيي الشخصي في فكرة الجداول وتقسيم التمارين حسب العضلات هذا اشوفه مفيد لما يتقدم الشخص في الرياضة ويصل الى مرحلة تكون زيادة الكتلة العضلية صعبة, ويكون حدة التمارين عالية وقتها يحتاج وقت اطول للراحة, لكن انا اشوف اول سنتين كثير ناس ممكن تنجز بفعالية. واهم شي في اي رياضة: الانضباط والاستمرارية. هذي النقطتين ممكن تغطي على نقص في حدة التمارين, النقص في التغذية, النقص في الراحة. لانه على المدى البعيد الاشياء الصغيرة تصنع فرق.

[humax2007]

يمكن اختلاف جينات

فيه بعض الناس عندهم استشفاء العضله بسرعه

بس ترا شيء عادي باول ثلاث شهور الجسم يتغير بسرعه لكن بعد سنه يصل لمرحلة ثبات ولازم تسوي تنويع بالتمارين + اساليب تمارين جديده علشان تفاجئ العضله