نصائح هامة لمن يريد انقاص الوزن او التنشيف

[twohaibi]

بسم الله الرحمن الرحيم

الكل يا اخوان يبي ينقص وزنه ويبي يقلل من نسبة الدهون وفيه مليون برنامج غذائي واغلبها برامج انا اعتبرها فاشلة وخطرة وحتى لو ادت الى نقص في الوزن راح يرجع وزنك اكثر من اول بمجرد رجوعك الى طريقة اكلك السابقة
تبون تعرفون ليش؟
لان برامج التغذية الغير سليمة والغير مكتملة للعناصر الغذائية ستسبب لك نقص في الدهون (الشحوم) ونقص في العضلات ايضا وهذا الشي الخطير
تقولون لي ليش خطير انا اعلمكم والمعلومة هذي مهمه جدا جدا جدا
الحين قبل لا تسوي ريجيم كان عندك عضلات اكبر والحرق في جسم الانسان يقدر بحجم العضلات اللي عنده انت يمكن ماتلاحظ مع نقصان الوزن انك نقصة عضلات وتعتقد ان كل اللي نقصته شحم
اشرح لكم اكثر قبل لاتسوي ريجيم كانت عضلاتك تحرق 2000 سعره باليوم
بعد ماسويت الدايت اللي مدري من قالك عليه صغرت عضلاتك وصرت تحرق 1400 سعره باليوم
الحين انت صرت مبسوط وحسيت ان جسمك ضبط وخلص مثلا اشتراك النادي وقل افكها شوي واريح من الدايت
وترجع لنفس اكلك الاول راح تلاحظ ان وزنك يرتد ويزيد اسرع من اول و راح تحطم الرقم القياسي السابق حقك لان جسمك ما عاد يحرق زي اول
اتمنى انها اتضحت الصورة
طيب راح تسالوني وش نسوي وش ناكل طيب؟
الحل يا اخوان انك تتبع برنامج غذائي متوازن مكتمل العناصر الغذائية
يعني الوجبات يكون فيها نشويات وبروتين ودهون
بدون ماتحذف احد العناصر هذي
مثلا الغداء يكون صدر دجاج و ربع او نص خبز بر وسلطه او ايدام خضار مطبوخ بزيت الزيتون لانه من الدهون المفيده
هذه الوجبه حققة الثلاث عناصر وهذا شي مهم عشان ياخذ الجسم طاقته من الدهون والكربوهيدرات (النشويات) بينما العضلات تستفيد من البروتين
طيب لو اكلت صدر دجاج وسلطه بدون خبز اسمر او نشويات وش راح يصير؟؟؟
اللي راح يصير طال عمرك ان جسمك راح يستخدم البروتين كمصدر طاقه يعني ماراح يستفيد العضل منه

وايضا النصيحة هذي للاخوان اللي يرغبون بالتنشيف لازم يا اخوان تدخل كربوهيدرات ودهون مفيده مع برنامجك عشان تستفيد من البروتين وخصوصا اللي يستخدم مكملات غذائية وي بروتين مثلا
ويعمل ريجيم قاسي كذا بتخسر فلوسك اللي شرية فيها البروتينات على الفاضي راح يحرق الجسم البروتين للحصول على طاقه

بالنسبه للدهون المفيده زيت الزيتون واللوز وزيت السمك اوميجا 3

تحياتي لكم واي سوال في التغذية انا حاضر واتمنى اني اقدر افيدكم بخبرتي المتواضعة بالتغذية

[ahmad1733]

كل الشكر والتقدير لك اخوي على الكلام الجميل وصراحة ان هذا من اهم المواضيع الي تتعب كثير من الشباب وهي التغذية والله ان الواحد يشوف كل تمارين الحديد في النادي بسيطة عند موضوع ضبط الاكل .....

اخوي صراحة حاب تشوف جدولي في الحمية وتقول رائيك فيه



برنامج غذائي للحمية



( أول ما تصحى من النوم مباشرة)
حبة ليبو 6




5 بيضات مسلوقة ( بياض بيض ) + حبة بطاطس مسلوقة + كاس عصير برتقال
5 أمينو + 1 ملتي فيتامين



تونة ( ماء وملح ) + سلطة خضراء + تفاحة خضراء



سكوب بروتين الساعة 11:30



صدور دجاج مسلوقة + 10 ملاعق رز مسلوق



تونة + سلطة + تفاحة خضراء



( قبل التمرين )
2 ليبو6 + 5 حبات امينو



( بعد التمرين )
سكوب بروتين + 5 حبات أمينو



250 جرام لحم + شربة + تفاحة خضراء



10 ملاعق رز + سلطة خضراء + تونة ماء وملح



حبة زيت السمك قبل النوم + حبة ملتي فتامين

[twohaibi]

هلا اخوي العفو وما كتبت الموضوع الا لاني اشوف ناس كثير تعاني وانا مرة على فترة عانيت ايضا من زيادة الوزن
ومهما اطلع الواحد وقرأ عن التغذية الا انه يكتشف حاجات جديدة كل يوم

مثلا اعطيك المعلومة هذي يقولك يجب ان يكون في كل وجبة بروتين وكارب وخصوصا للشخص اللي يبني جسمة لان الكربوهيدرات اكتشفوا انها تحفز خلايا الجسم لاستقبال البروتين بشكل اكبر

بالامكان كل شخص يسوي لنفسة جدول تغذية ولكن يفضل انه تعرف مقدار العضلات عندك وكم جسمك يحرق من سعره في اليوم
والشي هذا يتم عن طريق جهاز صار متوفر بالنوادي والصيدليات
وعلى فكره كمية السعرات اللي راح يعطيك اياها الجهاز هي اللي راح يحرقها جسمك بدون اي مجهود حتى لو انت نايم 24 ساعه
فمثلا لو قالك انك تحرق 2000 سعره
ونشاطك البدني من رياضة ومشي ودوام يحرق ممكن 1000
يعني راح تحرق باليوم 3000 لو سويت لك برنامج غذائي يعطيك 2000 سعره باليوم يعني في الف سعره راح ياخذها من جسمك يوميا
واذا برنامجك الغذائي سليم غالبا 1000 سعره هذي راح تؤخذ من الشحوم
ويفضل كل شهر تقوم بقياس وزنك بنفس الجهاز بالنادي او الصيدلية وتشوف النقص اللي عندك هل كان في العضل ام في الدهون
فاذا كان النقص في العضل كبير وفي الدهون قليل فهناك خطا في اكلك
ويجب عليك تغيير البرنامج الغذائي تبعك
يفضل انك تقيس بنفس الجهاز وماتكون ممارس رياضة قبل يعني تقيس وانت بارد وشارب موية كويس لقراءه ادق

بالنسبة لبرنامجك اخوي احمد شكلك تبي تنشف وصامل بالموضوع ماخذ ليبو:)
اشوف برنامجك نسبة البروتين عاليه فما اعرف وزنك هل تحتاجها او لا
تاكد كم جرام بروتين تاخذ باليوم لا تزيد عن 2 جرام لكل 1 كيلو
يعني وزنك 90 لا تزيد عن 180 جرام بروتين باليوم
ومادامك تبي تنشف انصحك تترك العصيرات الطبيعي والغير طبيعي
وبالنسبة لزيت السمك ما ادري اي نوع تاخذ بس اقرا على العبوة بعض الزيوت الحبة صغيرة وتحتاج 4 حبات باليوم وبعضها اكثر



برنامج غذائي للحمية


( أول ما تصحى من النوم مباشرة)
حبة ليبو 6



5 بيضات مسلوقة ( بياض بيض ) + حبة بطاطس مسلوقة + زبادي منزوع الدسم
5 أمينو + 1 ملتي فيتامين + حبة او حبتين زيت سمك


تونة ( ماء وملح ) + سلطة خضراء (رشة زيت زيتون) + ربع خبز اسمر او حبة توست اسمر


سكوب بروتين الساعة 11:30


صدور دجاج مسلوقة + 10 ملاعق رز مسلوق


تونة + ربع خبز اسمر او حبة توست اسمر + تفاحة خضراء


( قبل التمرين )
2 ليبو6 + 5 حبات امينو


( بعد التمرين )
سكوب بروتين + 5 حبات أمينو


250 جرام لحم + شربة + زبادي منزوع الدسم + 5 ملاعق رز


5 ملاعق رز + سلطة خضراء رشة زيت زيتون
+ تونة ماء وملح


حبة زيت السمك قبل النوم + حبة ملتي فتامين

لو حسيت ان اكلك واجد وحبيت تستبعد شي استبعد السلطة او التفاح
اي برنامج تتبعه سوي فحص بالجهاز اللي قلت لك بعد شهر وتعرف انت ماشي صح او لا


وتحياتي لك

[عمر 1]

طيب اخوي يعني لو شربت بروتين بعد التمرين او بين الوجبات ما رح استفيد منو لو كان البروتين زيرو كل شي ولا يعتمد على حسب نظامي الغذائي

[twohaibi]

لو عطيت جسمك احتياجه من السعرات الحراريه راح يستفيد جسمك من البروتين وماراح يستغله كطاقه
بالنسبة لي انا اخذ كميه قليله من الكارب مع اي بروتين
اشوف الخبز الاسمر والشوفان والبطاطا الحلوة افضل انواع النشويات وايضا فيه معكرونه بر تحصلها في اقسام الدايت بالسوبر ماركت الكبيرة
الغريب اني حصلت كثير مدربين اجانب بالنت مركزين على البطاطا الحلوه ورحت ابحث عنها وجدت انها افضل من البطاطس العادي ويقولون انها تساعد على حرق الدهون
وبالنسبة للبروتين اهم وقت لازم تشرب فيه البروتين هو بعد التمرين مباشرة

[عمر 1]

طيب اخوي يعني اشرب البروتين واكل معو كارب ولا لا صراحه ما فهمت انا اشوف كثير ناس يشربو البروتين فقط بدون أي كارب بعد التمرين وفي الصباح

[O.X.Y.G.E.N]

يعطيك العافيه يا غالي
بس لتوضيح كم شغله
شي عادي خسارة العضل مع التخسيس ( مو مع التنشيف ) يا بسبب قلة البروتين او قلة الكارب
وسبب رجوع الوزن هو بطئ عملية الايض ( التمثيل الغذائي )
واللبس اللي يقع فيه كثيرين وهو في حالة نقص الكارب جسمك يتجه للبروتين مباشرة
يعني لو تمرنت بدون ما اكل زين او شربت بروتيني بدون كارب جسمي راح يستخدم البروتين للطاقه
هذا الكلام غير صحيح ابدا .. ثاني مصدر للطاقة هي الدهون
وما يتجه الجسم للبروتين الا بعد استخدام الدهون المخزنه او بعد اتباع دايت قليل الكارب قليل فات عالي بروتين لمدة اسبوعين او ثلاثه متواصله راح توصل لدرجة توهم جسمك ان البروتين هو مصدر الطاقه مثله مثل رجيم البروتين او بعض الشباب اللي ينشفون
عشان كذا اذا مشيت على دايت معين خربه يوم واحد في الاسبوع عشان جسمك لا يتعود عليه

ويعطيك العافيه يا وحش :wink2:

[twohaibi]

هلا اخوي عمر مو شرط انك تاخذ البروتين مع كارب بنفس الوقت لو قبل او بعد مو مشكلة
فيه مدربين اجانب ينصحون باخذ فاست كارب مع البروتين مرتين باليوم فقط اول ماتصحى من النوم وبعد التمرين
راح تسالني وشي الفاست كربوهيدرات باختصار ( السكر و العسل والتمر ) تحتوي على فاست كارب

اخوي
O.X.Y.G.E.N

ما تلاحظ ان في كلامك ناقضت نفسك والا ما انتبهت
في بداية كلامك تقول شي عادي نقص العضل ويكون بسبب نقص الكارب او البروتين
ثم قلت يعني لو تمرنت بدون ما اكل زين او شربت بروتيني بدون كارب جسمي راح يستخدم البروتين للطاقه
احب اقولك عزيزي ان نقصك للعضل هو دليل على ان جسمك استخدمها كطاقة ولا وين راحت
:wink2:


وكلامك اخوي صحيح الدهون هي المصدر الثاني للطاقة في الجسم وانا يمكن ما وضحت بكلامي وهو ان الجسم في حال نقص الكارب راح يتجه للاثنين معا الدهون والبروتين فاذا كان برنامجك يحتوي على البروتين فان شاء الله ماراح تخسر عضل كثير ولا خسارة العضل مع انقاص الوزن لابد منها ولو شي بسيط

وطبعا مافيه قاعده ثابته الاجسام تختلف فيه ناس اجسامها ناشفه ماتخزن دهون كثير

وفيه نقطه تقول فيها سبب رجوع الوزن هو بطئ عملية الايض ( التمثيل الغذائي ) ؟؟ هذا كلام عام ممكن تشرحة عشان الناس تستفيد



وبعدين وش اللي بطى عملية الايض اذا الواحد يسوي رياضة ودايت وينحف ثم يترك الرياضة والدايت ويرجع وزنه اكثر من اول ... اشرحلي كيف وهو نحيف صارت عملية الايض عنده ابطا من اول وهو سمين؟؟؟

الجواب هو انه الحرق عنده نقص بسبب نقص كبير في العضلات

وذكرت ايضا انه (وما يتجه الجسم للبروتين الا بعد استخدام الدهون المخزنه) بصراحة اتمنى ان يكون كلامك صح كان ما احد بلش

ابي اضرب لك مثال شخص كان وزنه 98 نقص الى 86 في شهرين نقص حوالي 13 كيلو طبعا الرجال ما كان يمارس رياضة ورجيمة قاسي
بس ما راح تصدق لو اقولك انه 11 كيلو من اللي نقصهم عضل و2 كيلو دهون وارتفعت عندة نسبة الدهون الى 25%
هذا دليل انه الجسم ممكن ياكل من العضل اكثر من الدهون

وتحياتي لك

[twohaibi]

الكارب نوعين يا اخوان

بطي وسريع الهضم
Carbohydrate Choices
Low-glycemic (slow-digesting): These carbohydrate sources enter your blood system slowly, causing less of an insulin spike. Low-glycemic carbs are ideal throughout the day, and include fruits, whole grains, oatmeal, whole wheat bread, whole wheat pasta, and sweet potatoes.
High glycemic (fast-digesting): Fast-digesting carbs hit your blood stream quicker, causing insulin to spike. Fast-digesting carbs are ideal after a workout. Fast-digesting carbs include white bread, white potatoes, sugars, candy, gummy bears, Pixy Stix, and Swee Tarts. Tropical fruits are also typically fast-digesting.

When you're not actively training, you want a carbohydrate that is not only going to provide you a slow and long-lasting energy source, but isn't going to spike insulin, either. Any time you spike insulin, you increase your chance of storing body fat (except after a workout). To stay lean while you build muscle, most of your carbs should be slow-digesting.
Fast Times
1. First thing when you wake up: You've been fasting all night long. Glycogen (the storage form of carbohydrates in your liver) decreases overnight, and your body begins consuming muscle tissue for fuel. Drink a whey protein shake and fast-carb food for breakfast to stop muscle breakdown and encourage protein synthesis.
2. Right after you work out: You deplete glycogen levels while you train, so you need to restore glycogen levels with fast-digesting carbs. Spiking your insulin at this key time won't cause fat storage, but will enhance muscle growth.


بالنسبة للكارب سريع الهضم ينصح باخذه بعد فترة صيام مثل تكون توك صاحي من النوم او بعد التمرين مباشرة وهذي فرضة للي يحب ياكل سكر (حلويات) او تمر او عسل بس بمقدار بسيط عشان ترفع الانسولين عندك وتوقف هدم العضل
والكارب البطيء تاكلة اي وقت وهو معروف من خبز اسمر و غيره

تحياتي

[O.X.Y.G.E.N]

هلا حبيبي twohaibi
انا يعجبني الموضوع لا صار فيه نقاش واخذ عطى
في ناس لو تقوله غير كلمة شكرا ويعطيك العافيه واثريتنا وموضوعك احسن شي زعل عليك
الناس اصلا ما تستفيد الا من النقاش وانا احييك على هالشي



اخوي
O.X.Y.G.E.N

ما تلاحظ ان في كلامك ناقضت نفسك والا ما انتبهت
في بداية كلامك تقول شي عادي نقص العضل ويكون بسبب نقص الكارب او البروتين
ثم قلت يعني لو تمرنت بدون ما اكل زين او شربت بروتيني بدون كارب جسمي راح يستخدم البروتين للطاقه
احب اقولك عزيزي ان نقصك للعضل هو دليل على ان جسمك استخدمها كطاقة ولا وين راحت


في البدايه يا غالي الاقتباس اللي بالأزرق هو اللي اقصد فيه كلام الناس
يتبع للكلام اللي قبله .. والرد في الكلام اللي بعده
"واللبس اللي يقع فيه كثيرين وهو في حالة نقص الكارب جسمك يتجه للبروتين مباشرة
يعني لو تمرنت بدون ما اكل زين او شربت بروتيني بدون كارب جسمي راح يستخدم البروتين للطاقه
هذا الكلام غير صحيح ابدا .. ثاني مصدر للطاقة هي الدهون "



وكلامك اخوي صحيح الدهون هي المصدر الثاني للطاقة في الجسم وانا يمكن ما وضحت بكلامي وهو ان الجسم في حال نقص الكارب راح يتجه للاثنين معا الدهون والبروتين فاذا كان برنامجك يحتوي على البروتين فان شاء الله ماراح تخسر عضل كثير ولا خسارة العضل مع انقاص الوزن لابد منها ولو شي بسيط
الدهون اولا ثم البروتين في حالات معينه
ومثل ما قلت خسارة العضل لا بد منها ولو شي بسيط





وفيه نقطه تقول فيها سبب رجوع الوزن هو بطئ عملية الايض ( التمثيل الغذائي ) ؟؟ هذا كلام عام ممكن تشرحة عشان الناس تستفيد



وبعدين وش اللي بطى عملية الايض اذا الواحد يسوي رياضة ودايت وينحف ثم يترك الرياضة والدايت ويرجع وزنه اكثر من اول ... اشرحلي كيف وهو نحيف صارت عملية الايض عنده ابطا من اول وهو سمين؟؟؟

الجواب هو انه الحرق عنده نقص بسبب نقص كبير في العضلات


شوف يا غالي
العضلات لها دور في الحرق كلام صحيح
لكن
ليش تشوف ناس تاكل كثير وما تمتن
وليش تشوف واحد يسوي دايت شهر وينقص 2 كيلو وواحد ثاني ينقص 8 كيلو
ليش كل ما تقدم الشخص بالعمر يصير معرض اكثر للسمنه


يوجد هرمون يفرز من الغده الدرقيه هو المسؤول عن سرعة احتراق السعرات الحراريه
هذا الهرمون يأثر عليه الوراثه والأدويه وعوامل خارجيه
من العوامل الخارجيه هي الدايت
كل ما زادت السعرات الحراريه اللي تتناولها يزيد افرازه فوق الطبيعي بشكل بسيط
لكن مو شرط بنفس القدر الكافي لحرق كل السعرات اللي تتناولها
استجابة هذا الهرمون بطيئه شوي
يعني لما يكون يفرز بكميه كبيره ويحرق بسبب تناولك للسعرات الحراريه بشكل كبير وتسوي دايت منخفض السعرات يستمر هو بنفس القدر لمدة اسبوع الى اسبوعين تقريبا ( وعشان كذا تلاحظ اكثر فترة تنزل فيها هي اول اسبوعين ) ثم يقل بعدها بالتدريج للحفاظ على مستوى الدهون
ولهذا السبب يقولك لازم يكون عندك يوم تخربه فالأسبوع عشان ترجع هالهرمون لمستواه اللي كان عليه
بعد 3 شهور مثلا من دايت صارم صار الهرمون يفرز بكميه بسيطه .. مجرد ما ترجع لأكلك السابق يطير وزنك لأن سرعة الايض عندك صارت بطيئه بالتالي تخزين الدهون صار اكبر
وعشان كذا تسمع في ناس عندهم حالات مرضيه مثل خمول الغده الدرقيه واوزانهم عاليه




وذكرت ايضا انه (وما يتجه الجسم للبروتين الا بعد استخدام الدهون المخزنه) بصراحة اتمنى ان يكون كلامك صح كان ما احد بلش

ابي اضرب لك مثال شخص كان وزنه 98 نقص الى 86 في شهرين نقص حوالي 13 كيلو طبعا الرجال ما كان يمارس رياضة ورجيمة قاسي
بس ما راح تصدق لو اقولك انه 11 كيلو من اللي نقصهم عضل و2 كيلو دهون وارتفعت عندة نسبة الدهون الى 25%
هذا دليل انه الجسم ممكن ياكل من العضل اكثر من الدهون

وتحياتي لك

هذي حاله غريبه
يبغالها دراسه

[عمر 1]

شكرا لك على الموضوع وانا تعجبني فكرت الوجبات الصحيه المتوازنه من كارب وبروتين ودهون مفيده

[wiz ahmed]

موضوع مفيد والنقاش أفيد صراحة تسلموا:biggthump

[twohaibi]

السلام عليكم
بالنسبة اخواني لنقص الوزن يكون اكبر ببداية الدايت والسبب تخلص الجسم من الاملاح والماء وبعض السموم فالبعض يعتقد انه كل النقص في اول اسبوعين دهون ولكن للاسف غير صحيح
اما موضوع انه يكون النقص عالي اول اسبوعين بسبب ارتفاع هرمون الغدة الدرقية (الثايروكسين)اللي يقوله اخوي اكسوجين بصراحة اول مرة اسمع بالاستنتاج هذا واتمنى اذا كان عندك مصدر للكلام هذا تزودني فيه سواء كتاب او موقع على النت .
اي نعم فيه حالات مرضية يكون عندهم ارتفاع او انخفاض في هرمون الغدة الدرقية واعرف ناس بالامراض هذي وفيه ناس تاكل وماتسمن مو بسبب ارتفاع هرمون الغده الدرقيه عندهم السبب مجهول الى الان ولكن هذي حالات نادرة ولا يقاس عليها.

[twohaibi]

اخوي اوكسجين بحثت عن اسباب نقص هرمون الغدة الدرقية ووجد اسبابه امراض المناعه والاورام ونقص اليود وبعض الادوية

Thyroxine (http://www.wisegeek.com/what-is-thyroxine.htm) levels may be influenced by many factors, both internal and external. Autoimmune diseases, tumors, a deficiency of iodine (http://www.wisegeek.com/what-is-iodine.htm) and some medications may cause either an increase or decrease in thyroxine levels

http://www.wisegeek.com/what-factors-affect-thyroxine-levels.htm

سبب بطي عملية الايض او الحرق هو نقص العضلات وهذا موقع يقول نفس الكلام

Muscle MassYour muscles account for approximately 20 to 30 percent of your resting metabolic rate, according to Dr. Fahad Javed and colleagues in an April 2010 article published in the "American Journal of Clinical Nutrition." With severe calorie restriction, muscle proteins may break down to generate needed energy. Loss of muscle mass may lead to an unwanted reduction in your metabolic rate. Steps to help prevent this development include not restricting your caloric intake excessively, consuming a sufficient amount of dietary protein and participating in regular physical activity. Weight lifting and other types of resistance training are particularly good options for preventing loss of muscle mass and a dramatic reduction in your metabolic rate.


Read more: http://www.livestrong.com/article/442165-does-dieting-increase-or-decrease-metabolic-rate/#ixzz2SmwjgDrC


بس انا فهمت انت وش قصدك الظاهر انت تقصد (نظرية المجاعة) اللي هي انك اذا سويت ريجيم قاسي وتحس بالجوع كثير يقوم المخ بتقليل حرق السعرات الحرارية خوفا عليك من الهلاك (ملقوف ذا المخ) لانه يحسب انك في مجاعة ويبيك تعيش لاطول وقت ممكن
اتوقع هذا قصدك انت وتقول خرب الدايت مرة بالاسبوع عشان تكسر مرحلة المجاعة.
ولكن عزيزي انا موضوعي مو بس عن اللي يعمل ريجيم قاس ويجوع نفسة فيه ريجيمات ما تجوعك ولا تدخلك بمرحلة المجاعة ولكن تؤدي الى نقصان كبير في حجم العضل
اتمنى ان الصورة اتضحت هذا شرح مبسط تحت عن نظرية المجاعة

Starvation ReactionWhen you diet, you probably want to lose weight as quickly as possible. Restricting your caloric intake too drastically, however, may sabotage your weight loss by triggering a starvation reaction. As an innate survival mechanism, your body responds to extremely low caloric intake by reducing your metabolic rate to conserve energy. If you were indeed starving, this response would be a potentially life-saving metabolic adjustment. Going into starvation mode while dieting, however, makes it more difficult to lose weight. The reduction in metabolic rate associated with a starvation reaction is significantly greater than what would be expected from the loss of body mass caused by your weight loss.


Read more: http://www.livestrong.com/article/442165-does-dieting-increase-or-decrease-metabolic-rate/#ixzz2Smz8FE89

نظرية المجاعة هذي كان ودي اسويلها موضوع مستقل لانها نقطة مهمة يغفل عنها كثير من الناس وخصوصا الناس اللي تجوع نفسها ولا اللي ما ياكل الا وجبة او وجبتين باليوم ويقول وزني ما ينقص كثير مع اني ما ااكل شي السبب يالحبيب ان مخك تلقف وقام يقلل الميتابولك ريت او حرق السعرات عشان ماتفطس :)
فالحل يكون باكل وجبات كثيره 5 الى 6 وجبات موزعة على مدار اليوم ممكن يكون منها 3 وجبات رئيسية و3 سناك
فيه كتاب اعجبني كثير تحصلونه في مكتبة جرير اسمة حمية ال 3 ساعات ( المؤلف جورج كروز)
في هذا الكتاب يتكلم عن كيفية انك تجعل نسبة الحرق عندك على اعلى مستوى طوال اليوم ويتكلم عن حاجات اخرى ونصايح غذائية وكذا
لاكن اعطيكم الزبدة يقولك اذا تبي ترفع الحرق عند لاعلى مستوى لازم تدخل شي الى المعده كل 3 ساعات (تقديم او تاخير ربع ساعه مايضر) لو ما كان وجبة رئيسية ممكن تاخذ اي شي تفاحة قطعة بسكوت اي شي يدخل المعدة ويفضل يكون الشي صحي مو جنك فوود
ويقولك مهم جدا تاكل خلال اول ساعه من يوم تصحى يعني مايمر ساعه الا انت افطرت او دخلت شي للمعده وفي اخر اليوم قبل النوم ب 3 ساعات لا تاكل شي
هذا بعض ما جاء في الكتاب وسلامتكم

[O.X.Y.G.E.N]

هلا يا كبتن

قرأت المقال
اعرف ان كل ما زادت كمية العضلات عندك كل ما زاد حرق السعرات الحراريه من ناحية المجهود
يعني زادت العضلات فزاد المجهود
لكن مسألة انها تزيد من سرعة الايض فهذي معلومه جديده انا اشكرك عليها



وبالضبط الكلام اللي كتبته عن المجاعه وهو اللي اقصده لكن ما اقصد انه يوصل الى درجة المجاعه
مهمة الدماغ انه يحافظ على حياتك
يعتبر ان الدهون مصدر بقاءك وطاقتك .. وعشان تحرق فأنت تاخذها منه بالحيله
ما همه انت بتنحف او تمتن او بتعضل !!
وعشان اثبت لك نزول نسبة الدهون من 10% الى 5% اصعب بكثير من نزولها من 20% الى 10%
مع انه في الحالتين يمكن يكون عندك نفس كمية العضل
يبدأ جسمك في الحاله هذي بالذات بالتمسك بالباقي من الدهون
فاللي انا اقصده انه من تبدأ تخسر دهونك يبدأ دماغك بشغله "البقاء" والمحافظة على اكبر قدر من الدهون
عن طريق هرمون الغده الدرقيه اللي هو المسؤول عن عملية الايض

اما عن حمية الثلاث ساعات فهذا برضو شي يهمله كثير ناس
مهم لو كنت تخسس او تنشف انك كل شويه تاكل اكل خفيف
والمقصد من هذا هو المحافظة على نسبة السكر في الدم وتوازن الانسولين


وتشكر يا وحش :biggthump

[تي كوفي]

والله كل واحد داقله فتوه من راسه

لاادله ولا براهين كله كلام من الراس

[twohaibi]

بعض الناس ودك ان عنده انترنت بدون كيبورد :)

[Heartbeat]

والله كل واحد داقله فتوه من راسه

لاادله ولا براهين كله كلام من الراس


^_^

.................

[شقاوي غير]

يعطيك العافيه طيب لو تم الاعتماد على البروتين فقط معناة كذا الجسم راح يتوجه للبروتين والدهون مع بعض واللي اعرفه ان الجسم ما يخزن البروتين ياخذ حاجته منه والباقي يتم اخراجه طيب كيف الجسم في حاله الجوع يتوجه للبروتين كمصدر طاقه المفروض يتوجه للشحوم الموجوده في الجسم تحيتي لك

[twohaibi]

في نوعين بروتين 1 البروتين اللي في عضلاتك 2 البروتين اللي في تغذيتك
افضل مصدر للطاقة للجسم واسهلها طبعا الكارب
يجي بعده الدهون
ثم البروتين
اترك الكارب خلينا على الدهون والبروتين لو كانت نسبة الدهون كبيرة فوق 45% وسويت دايت (غير صحي) راح ياخذ جسمك الطاقة من الدهون اكثر من البروتين اللي في العضلات لان تفكيكه للدهون اسهل ولكن ايضا راح ياكل من العضلة ولكن نسبة اقل
لكن لما تكون نسبة الدهون معقولة 25 الى 30% هنا بعض الاجسام تحتفظ بالدهون ويصير تنقيصها صعب حتى بالرياضة (في المرحلة هذي) ممكن جسمك ياخذ من بروتين العضلات اكثر من الدهون اذا كانت تغذيتك غير جيدة
اتمنى ان الفكرة وصلت

[ابوسليمان2013]

نقاش رائع جدا استفدت منه كثيرا,,شكرا للجميع