جدول تمارين + مكملات غذائية لإنقاص الوزن

[CoRTeZ]

معلومات المتقدم بالاستفسار :
العمر : 26 , الجنس : ذكر

الطول :170 متر
الوزن : 100 كيلوجرام

نسبة الدهون : 36

و الاستفسار كالتالي :
السلام عليكم ورحمة الله وبركاته

أخواني محتاج مساعدتكم بطريقة مناسبة و فعالة لإنقاص وزني مثل مو مكتوب 100 كيلو إلى أقل من 80

اللي أعمله أنا الآن وماشي عليه من أسبوع اللي هو فقط تمارين رياضية ( مشي على السير مابين 30 و 40 دقيقة و الدراجة 15 دقيقة و السترايدر 10 دقايق) مع تخفيف للأكل


وبصراحة أنا حاس نفسي ضايع ماني عارف اللي أنا قاعد أسوية كافي ولا لأ !

محتاج من كبانتنا برنامج متكامل عشان أوصل للهدف من التمارين اللي لازم أتمرنها كل يوم والنظام الغذائي اللي لازم أتنبعه وإذا محتاجين مكملات غذائية ممكن ناخذها بشرط تكون أقل مايمكن من الأعراض الجانبية


شاكر ومقدر مقدماً

[Hamad111]

وعليكم السلام

انا حسب خبرتي المتواضعه اقولك ماتحتاج اببببببببببد مكملات غذائيه لسى بدري عليهم


والي تسويه صح الصح بعد ولاكن عليك تحرص بعد سبوعين انك تدخل حصص سويدي مع المدرب


والاكل ثم الاكل ثممم الاكل

نظم اكلك ترتاح بحياتك ابعد عن الدهون المقالي والوجبات السريعه والمطاعم عااامتآ وانت بتلقى خير

والاهم تبعد عن النشويات الرز والخبز وعن اي شي ابيض ماغير طبعا الالبان وشتقاته هذي ضروريه بس دائا خل خيارك الامثل هو خالي الدهون

والعشى او قبل النوم خلك على زبادي وسلطات او تونه او شوربه

وطوووووووووول يومك كثر شرب الماااء اقل شي 2 لتر مقسمه على اليوم كله


امش على هالنظام وبأذن الله بتدعيلي بأقرب فرصه

موفق يارب

[Syar1337]

أنا كنت مثلك وزني 110 و إلحين 64

العناصر إللي راح تحتاجها لإنقاص الوزن:

1) التمرين أفضل جهازين بالنسبه لي (جهاز الجري + جهاز الدراجه)
2) التغذيه الصحيه (إياك تحرم نفسك من الأكل, إذا حرمت نفسك من الأكل راح ينزل وزنك بسرعه كبيره و غير صحيه, بتحرق عضل + بتصير نحيف و عظم)
3) أشرب ماء كثيره
4) النوم (لا يقل عن 8 ساعات)

إمش مشي سريع و حاول مو بس تمشي, إركض, هرول لأطول مدة تقدر عليها!

و إيه نسيت قول ما أعتقد راح تحتاج مكملات عذائيه, أنا نزلت كل هالوزن بدون مكملات و 7 أشهر فقط :)

إذا تبي مكمل عذائي, إخذ مولتي فيتامين و زيت اوميغا-3, رغم إنهم غير ضروريين لأنك راح تأخذ معظم الفيتامينات من الأكل إللي تاكله.

عموما, إذا تبي جدول تماريني و تغذيتي بالضبط, بس بلغني و راح أعطيك أياهم

[CoRTeZ]

الله يبيض وجيهكم ياشباب ويحرمه عن النار


والله ماتدرون قد ايش أنبسطت من ردودكم لانها كانت نفس اللي أنا أميل له ( ماأحتاج مكملات غذائية ) رغم إن المدرب بالنادي ومن أول يوم يبيني أخذ lipo 6 black :33:

syar1337 الله يحفظك ويعافيك ياريت والله بجدول التمارين على الأقل أحط نفسي على الطريق الصحيح بدال الضياع اللي أنا عايش فيه

[Syar1337]

الله يبيض وجيهكم ياشباب ويحرمه عن النار


والله ماتدرون قد ايش أنبسطت من ردودكم لانها كانت نفس اللي أنا أميل له ( ماأحتاج مكملات غذائية ) رغم إن المدرب بالنادي ومن أول يوم يبيني أخذ lipo 6 black :33:

syar1337 الله يحفظك ويعافيك ياريت والله بجدول التمارين على الأقل أحط نفسي على الطريق الصحيح بدال الضياع اللي أنا عايش فيه

يا رجل أنا وصلت لهدفي بدون مكملات و بدون أي شيء, كل إللي إستخدمته هو اكل من الثلاجه + أحرك جسمي, عموما هذي تغذيتي:

الوجبه 1 (الفطور): 5 بيضات مسلوقه (1 بيضه كامله و 4 بياض البيض فقط) + كأس حليب خالي الدسم

الوجبه 2 (سناك): حبة فاكه + كأس حليب خالي الدسم

الوجبه 3 (الغداء): صدر دجاج مشوي او لحم مشوي او سمك مشوي + عيش بني (6 ملاعق كبيره) + 1 بطاطه مشويه

الوجبه 4 (قبل التمرين): 1 حبة موز + 1 روب قليل الدسم

الوجبة 5 (بعد التمرين): فواكه مشكله

الوجبة 6 (العشاء): علبة تونا بالماء (بدون دهن) + ملعقتيين زيت زيتون + سلطة خضروات

-------------------------------------------------------------------------------------------------

أما بالنسبة لتمريني فهو نص ساعه على جهاز الجري

5 دقايق مشي سريع و من ثم هروله لبقيه ال25 دقيقه الباقيه

طبعا ما راح اتوقعك إنك راح تقدر تهرول لمدة 25 دقيقه, كنت ما اقدر اتعب بسرعه, بس حاول تهرول على الأقل 5 دقايق او 10 دقايق كبدايه طبعا

و بعدين إذا تحب ربع ساعه على جهاز الدراجه, طبعا مثل ما قلت افضل جهازيين بالنسبه لي جهاز الجري و جهاز الدراجه, و تذكر عوامل النجاح إللي قلت لك عليهم:

1) تغذيه صحيه
2) التمرين
3) شرب ماء كثيره
4) نوم لا يقل عن 8 ساعات

طبعا بعدين تقدر تاخذ يوم او يوميين راحه, و تقدر تأكد وجبه او وجبتيين من مطاعمك المفضله (KFC, Macdonalds الخ,,)

تذكر فقط وجبه او وجبتيين بالأسبوع ......... مو تروح تعمرها و تخربها بالإكل (صارت لي مره :()


بالتوفيق ........... أي إستفسار أنا موجود :)