مشاهدة النسخة كاملة : كمال الاجسام محتار انشف ولا اضخم (صورتي )
crletos
22-05-2013, 11:50 AM
معلومات المتقدم بالاستفسار :
العمر : 22 , الجنس : ذكر
الطول :176 متر
الوزن : 93 كيلوجرام
نسبة الدهون : ؟
و الاستفسار كالتالي :
سلام عليكم ورحمة الله وبركاته
شلونكم شخباركم اخواني
بالنسبة لموضوعي صراحة انا عندي اكثر من سؤال اليوم رحت اقيس وزني وتفاجات صار 93 كيلو
وطلع نسبة الدهون 32 بالمية كنت العب حديد وامارس كرة القدم اسبوعيا بس لظروف قطعت الرياضة
المهم :
و صورة فاتورة القياس
ابي اعرف هالاجهزة دقتها عالية ولا مجرد نظرية الطول ضرب الوزن ؟
1- الي ابي اعرفه انا صحيح عندي دهون لكن هل هي عالية ولا مقبولة نوعا ما ؟
2- عندي كتلة عضلية ولا لا ؟
3- محتار انشف ولا اضخم وبعدين انشف ؟
4- رايكم ونصيحتكم ؟
والصور والفاتورة تبع القياس موجودة بالمرفقات
تمرن عادي بس اول ماتدخل الجيم امشي عشر دقايق وتمرن والاهم المشي بعد التمرين امشي عشرين ااو ثلاثين دقيقه المهم ماتقل عن العشرين هذا اللي راح ينزل وزنك وبعد ماتكمل شهر بالتمرين خذ لك امينو 2222 او bcaa6000+ الكارنتين شراب من شركة دماتيز ونظم اكلك اهم شي بس لاتستغرب اول شهرين او ثلاث اذا زاد وزنك بس راح تشوف ان الدهون قلة وقياساتك صغرت لانها راح تكون زيادة عضل وبعد فتره راح تلقى الدهون تختفي لوحدها ووزنك ينزل انا مسوي نفس الشي والحمدالله الحين نازل 11 كيلو
Hamad111
22-05-2013, 01:06 PM
ممكن سؤال اخوي القياسات من وين اخذتها وين احصل الجهاز ؟
StronGest
22-05-2013, 01:40 PM
وعليكم السلام ورحمة الله وبركاته
انت تحتاج كلين بالك عضل صافي .. ترتب لك جدول غذائي يكون وجبات اللي فيها كاربوهايدرات الصباح وقبل التمرين وبعد التمرين ... الكاربوهايدرات اللي هي خبز بر شوفان رز مكرونة ..
والبروتين لازم تاكل باليوم 180 الى 200 غرام بروتين توزعها على وجباتك.. الي هو صدور دجاج تونة اسماك بيض حليب خالي الدسم وزبادي .. ولاتنسى زيت الزيتون ... ولازم بعد تمرين الحديد تمشي 30 الى 45 دقيقة .. بعد فترة بتشوف جسمك انرسم والعضلة برزت .. اهم شي الصبر وترتب اكلك شهر او شهرين وبعدين دخل واي بروتين عشان يساعدك تدخل كمية البروتين الللي محتاجها جسمك ... عطيتك الخطوط العريضة .. اتمنى اكون افدتك بالتوفيق يابطل
crletos
22-05-2013, 01:55 PM
اخواني الي فوق ما قصرتوا بس محد جاوب على اسالتي كاملة
بانتظار باقي الاخوان
StronGest
22-05-2013, 02:17 PM
الاجهزة هاذي دقتها مو عالية تقريبيه . يعني لك عليها
الدهون عندك عالية
الكتله العضليه قليله
تقدر تكبر العضل وتنزل الدهون لانك مبتداء .. لو انك متقدم في اللعبه هو اللي يختار يا يضخم يا ينشف ..
والنصائح حطيتها لك فوق .. بالتوفيق
crletos
22-05-2013, 09:18 PM
اخوي اسمحلي بهالعبارة الكل يشوفني يقول عندك كتلة عضلية الا انت
crletos
22-05-2013, 09:24 PM
ممكن سؤال اخوي القياسات من وين اخذتها وين احصل الجهاز ؟
اخوي للامانة انا بالكويت وما ادري
موجود بالصدليات
عـمار
22-05-2013, 10:31 PM
اخوي اسمحلي بهالعبارة الكل يشوفني يقول عندك كتلة عضلية الا انت
الحقيقه دايم مره وتزعل لكن تحمل كلامي عشان تستفيد
وين الكتله العضلية؟؟!؟
مااافيك أي عضل بارز او واضح
طبق كلام الاخوان وبتشووف نتايج جيده
مووفق
عبود النشمي
22-05-2013, 10:43 PM
اخوي ممكن انك تزيد الكتله العضليه + تفقد دهون
الموضوع يحتاج عزيمه .. يغني تشوف الاكل و ما تهتم
قبل التمرين ممكن تشكل بالوجبات ( تجيب اكل دايت من صب واي او مطعم ايت سمارت )) و ممكن لو فاضي انتا تعمل اكلك بالبيت
رز مسلوق + دجاج مسلوق + تونه مغسوله بماي و شوفان و بطاطا مسلوقه
و اخوي نسبه الدهون عندك فوق حد السمنه ب 13% ( حد السمنه 20% ) .. و صدقني مافي شي صعب انا نسبة الدهون كانت 24 و الحين 12.9%
الكتله العضليه صعب توضح بالنظر و ممكن تلاحظها باللمس
انا من رايي تنشيف و توصل لحد نسبه الدهون لـ 15 او اقل و بعديها تبدا تضخيم و اصلا رح تكتسب كتله عضليه من لعب الحديد خلال الدايت
نسبه البروتين خليها 180 و الكارب 120 و بالتوفيق
mr.dark.gym
23-05-2013, 02:16 AM
معلومات المتقدم بالاستفسار :
العمر : 22 , الجنس : ذكر
الطول :176 متر
الوزن : 93 كيلوجرام
نسبة الدهون : ؟
و الاستفسار كالتالي :
سلام عليكم ورحمة الله وبركاته
وعليكم السسلام ورحمه الله وبركاته
شلونكم شخباركم اخواني
بالنسبة لموضوعي صراحة انا عندي اكثر من سؤال اليوم رحت اقيس وزني وتفاجات صار 93 كيلو
وطلع نسبة الدهون 32 بالمية كنت العب حديد وامارس كرة القدم اسبوعيا بس لظروف قطعت الرياضة
المهم :
و صورة فاتورة القياس
ابي اعرف هالاجهزة دقتها عالية ولا مجرد نظرية الطول ضرب الوزن ؟
انا استعمل هذه الاجهزه .. وللآسف ليست دقيقه 100% لكن دقيقه بما يقارب 80%
1- الي ابي اعرفه انا صحيح عندي دهون لكن هل هي عالية ولا مقبولة نوعا ما ؟
بصراحه باين من الصوره ان الدهون زايده وخصوصآ في منطقه البطن ..
2- عندي كتلة عضلية ولا لا ؟
بصصراحه في الصوره باين لا .. لكن بما ان الوزن 90 واكثر أكيد لازم يكون في كتله عضليه
3- محتار انشف ولا اضخم وبعدين انشف ؟
نشف بعدين ضخم أفضضل
4- رايكم ونصيحتكم ؟
الافــضل تنـــشف أولآ بعدين تفكر بالتضخيم ..
والصور والفاتورة تبع القياس موجودة بالمرفقات
وأي خــدمه نحن موجودين ..
الغوريللا
23-05-2013, 11:32 AM
انت وين سويت القياس هذا ؟؟؟؟؟؟؟؟؟؟؟؟؟؟
King 3Ds max
23-05-2013, 05:33 PM
أنت الآن يبغى لك تخسيس وليس تنشيف.
موفق ياوحش
Leaner
23-05-2013, 07:40 PM
أنت الآن يبغى لك تخسيس وليس تنشيف.
موفق ياوحش
اتفق معك....
mohanad2010
24-05-2013, 04:10 AM
نزل وزنك وهذ اكثر صعوبه من التضيم
لان التخيم امره سهل
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .