المساعد الشخصي الرقمي

مشاهدة النسخة كاملة : التخسيس واللياقة بخصوص تمرين العقله وبخصوص التمارين برمضان


ابو نوف2013
22-06-2013, 01:07 AM
معلومات المتقدم بالاستفسار :
العمر : 25 , الجنس : ذكر

الطول :169 متر
الوزن : 62 كيلوجرام

نسبة الدهون : 12

و الاستفسار كالتالي :
السلام عليكم

اعزائي بخصوص تمرين العقله هل يكون في يوم تمرين الظهر؟ او يكون 3 مرات اسبوعيا ؟

وثاني سؤال بخصوص التمارين في شهر رمضان المبارك
هل اسوي التمارين قبل الافطار بساعه ؟ او مايصلح لإن المعده فاضيه ؟
oO LoOodDy Oo
22-06-2013, 02:37 AM
العقله أصلا هو تمرين للظهر
فممكن تعدها أحد التمارين الظهر وتلعبها مع الظهر
أو انك تخليها لحالها تلعبها اربع جلسات

أما في الاسبوع مره أو مرتين أو كم عده وكذا فهذا يعتمد على هدفك
mR.juve
22-06-2013, 04:17 AM
تمرين العقله مهم للظهر والباي وبشكل عام قوة تحمل نصيحتي لك تمرنها في يوم تمرين الظهر ومع تمرين التراي والباي 3 جلسات

وتمرين رمضان منطقيا صعب تتمرن معده فاضيه انصحك تتمرن بعد صلاة العشا او التراويح مباشره ولاتحاول تكثر دهون سمبوسه :silly:
StronGest
22-06-2013, 09:26 AM
وعليكم السلام
العقله من افضل التمارين للجسم ...تقدر تلعبها مرتين او مره في الاسبوع ....انا اشوف تلعبها 3 مرات باالاسبوع بتشد وتحسن جسمك بسرعه ...
تقدر تتمرن وانت صائم بس يمكن ينحف جسمك زياده ...ويمكن مايكوت تمرينك تمام .خصوصا انه بدون شرب ماء. تقدر تجرب شويه عقله قبل المغرب .اذا حسيت امورك تمام وفيك نشاط للتمربن توكل علئ الله ودوس ...ولا تنسى تعوض االاكل بعد المغرب ...بالتوفيق
ابو نوف2013
22-06-2013, 12:50 PM
الف شكر يا اخوان على المشاركه بالنسبه لتمرين العقله استقريت على رد اخوي stro العبها 3 مرات بالاسبوع لإني قريت عندي في الكتب من اهم تمارين شد الجسد هي العقله والبوش اب ويفضل ادائها بالاسبوع من 3 -4 مرات بالاسبوع ورد الاخ Stro اكد لي على ذلك ، بالنسبه للتمارين ايام رمضان اغلبكم ذكر الافضل بعد الإفطار لكن لو ناخذها بواقعيه مايمدي ابداَ مثلا لازم تتمرن بعد ساعتين من آخر وجبه ولو تفكرون قليلاَ (رمضان الشهر الكريم مش على كيفك تنظم وجباتك فيه اكل جمعات تروح تفطر عند احد يعني من الصعوبه انك تقدر في رمضان تخلي بين وجبه ووجبه ساعتين لإن الواقع يفرض نفسه) اضف الى ذلك صلاة التراويح وفي اخر عشر ايام من اواخر الشهر الكريم صلاة القيام وبكذا راح يكون الوقت ضيق مره، علشان كذا ابي اعرف هل من اضرار لاسمح الله او هل تماريني ماراح تفيدني اذا سويتها على معده فاضيه أي قبل الإفطار لإنه انسب وقت بصراحه واضف الى ذلك تقطيع وقت اعتبره مافيه احلى منه وجاوبني الاخ Stro والحمدالله ارتحت من اجابته وانصح الجميع بصراحه يبدأ تمارين قبل الافطار اتوقع مع الفطور راح تكون رايق الى ابعد الحدود يعني متمرن وماخذ لك دش بعد التمرين والاكل قدامك اتوقع شعور خورافي الله يبلغنا رمضان ، شاكر الجميع ع المشاركه ربي يسعدكم
مشاري9
23-06-2013, 09:19 PM
الله يبلغنا رمضان على خير بعطيك الى ماشي عليه برمضان بحكم ضيق الوقت اتمرن عضلتين باليوم واريح يوم لين نهايه رمضان .