المساعد الشخصي الرقمي

مشاهدة النسخة كاملة : التخسيس واللياقة توني ابدأ تمرين ومحتار .. ايش اخذ وايش اخلي ياجماعة


f o x
26-07-2013, 02:55 PM
معلومات المتقدم بالاستفسار :
العمر : 21 , الجنس : ذكر

الطول :185 متر
الوزن : 93 كيلوجرام



و الاستفسار كالتالي :
السلام عليكم

انا انسان عزوبي والجلسة وسوء التغذية ذبحتني .. جسمي من السيء الى الاسوء
اخيرًا قررت اسجل بجم وراح ابدأ قريب ان شاء الله ومتحمس وببدأ بداية جدية دون انقطاع
جلست ابحث واقرأ بالمنتدى بس احترت صراحة عشرين الف نوع بروتين ومكملات وووو
انا هدفي اشد جسمي مابغى ضخامه .. بس ابغى احقق حلم الـ 6 Pack هههههههههه
ايش البروتينات والمكملات الي تنصحوني فيها ؟
مع العلم ان الدهون عندي زايدة خاصة منطقة الخصر مصيبه

فكرت اخذ Whey Protein حق اوبتيمم .. شفت الكثير من الناس تمدحه واحس ان سعره لابأس به
وفكرت اخذ معه Lipo 6 Black .. مع اني احسه مضر وفيه مواد تخوف بس ابي نتائج افضل واسرع !
بس ماراح استخدمه في بداية التمرين ممكن بعد شهر اتوقع افضل وراح استخدمه بجرعات خفيفة نوعًا ما

بعد بحث بعد لقيت عرض على احد البروتينات وهو Muscle Infusion Black ومع Lipo 6 مجانًا
http://www.muscleandstrength.com/store/muscle-infusion-black.html
العرض مغري نوعًا ما
ايش رايكم فيه وهل هو افضل من الواي وتنصحوني استبدله فيه ؟ ولا اخذ الواي احسن
تنصحوني اخذ الليبو ولا اسحب عليه ؟

وايش اضافات ممكن تفيدني في شد وتفصيل جسمي
طبعًا العضلات عندي صفر هل مع الشد والتفصيل راح تطلع عضلات ؟

وشكرًا لكم ..
StronGest
26-07-2013, 05:44 PM
وعليكم السلام
بما انك قريت في المنتدى المفروض تعرف انا الاساس ترتيب الاكل ونوعيه الاكل..وبعد فتره اذا ظبطت اكلك تاخذ المكملات وماتحتاج الليبو 6 ..يكفيك الواي بروتين...بالتوفيق
iMut3b
26-07-2013, 08:05 PM
حبيبي

اذا انت عزوبي في احد المدن الكبيرة .. اشترك في نادي اولا وبعدين روح اشترك في دايت سنتر

لاتفكر بالبروتين حاليا .. وبما انك مظبط اكلك من دايت سنتر صدقني راح تشوف نتائج حلوة من اول شهر

قوود لك
humax2007
27-07-2013, 01:29 AM
بدري على البروتينات
اول شيء جهز جسمك والعب اسبوعين على الاقل شامل وبعدها ضبط جدول
واذا اوزانك طلعت فوق
ذاك الوقت اشتر بروتينات

لان البروتينات من اول شهر يعتبر هدر للمال وماتستفيد منها شيء
KAPAL
27-07-2013, 06:40 AM
كلام الكابتن StrO صحيح 100% .. انته الي تحتاجه الآن ليس مكمل ولكن جدول غذائي مناسب مع تمرين تخسيس الدهون ... والليبو هذا مصيبة الشباب لأنه مضر وبيعدم عندك الكلى إذا استعملته بدون استعداد.


الشيء الوحيد الي ممكن تحتاجه في المستقبل هو الوي بروتين (فقط في حالة تمرنت حديد).. لكن الآن حاول تدخل برنامج تخسيس مع تطبيق جدول غذائي مناسب عشان تخف شوية ويتسعد جسمك (من شهرين إلى 3) بعدها إدخل حديد (بإشراف مدرب النادي بالطبع).
f o x
28-07-2013, 03:37 AM
يعطيكم العافية ياشباب ماقصرتوا :)

شكرًا على الافادة قررت بالفتره هذي انسى سالفة المكملات

بخصوص الاكل اذا عندكم اقتراحات ايش الاكلات الي تنصحون اكثر منها ؟ اشوف الشباب طايحين ببياض البيض وصدور الدجاج

احاول قد ماقدر اخفف من السعرات والدهون وادور على الي فيه بروتينات وكربوهيدرات بشكل خفيف قبل التمارين ؟

الدايت سنتر مالي حيله صراحه ..
KAPAL
28-07-2013, 04:31 AM
إذا انته داخل تخسيس فالشيء الأساسي في غذائك إنك تحاول تقلل كاربوهيدرات والمقليات بقدر المستطاع... والبروتينات مستحبة أكثر خصوصــًا إذا كان تمرينك يشمل الحديد.

المأكولات البروتينية معروفة وهي موجودة في مشتقات الحليب وفي البيض واللحوم والعدس والأسماك إلخ...

استبدل الخبز الأبيض بالأسمر (نفس الكلام في التوست والتميس والصامولي) ولا تكثر منه.
استبدل الرز الأبيض بالبني الكامل ولا تكثر منه.
قلل من الزيوت في كل مأكولاتك (ما عدا الزيوت الصحية مثل زيت دوار الشمس وزيت الزيتون بالطبع).
استبدل الملح بالليمون لأن الملح مايجي منه إلا اضرار... وله دور في تمدد الجلد والسلولايت (تشقق الجلد أثناء السمنة).
البيض غذاء ممتاز جدًا ونصيحتي لك تاكله مع الصفار.. وإذا أنت داخل حمية شديدة على الأقل كل صفار واحد أو اثنين وباقي البيض بدون صفار (الصفار فيه فات صحي وغني بالفيتامينات الي ما تتفوت لكنه أيضــًا عالي السعرات نسبيــًا).

كثر سلطات .. كل أي شيء اخضر وورقي.. جميع الخضروات مهمة ومفتوحة لك لأن سعراتها صغيرررة جدًا وغنية بالفيتامينات المهمة.. والفواكه أيضــًا أساسية لكن تجنب تناول أكثر من فاكهتين في اليوم. (الموز والبرتقال والتفاح ممتازين).

الشوفان ممتاز كمصدر كاربوهيدرات آمن .. لأنه يتميز أنه ما يتخزن في الجسم كدهون بسهولة مثل الكاربوهيدرات الأخرى.. ويعتبر مناسب في وجبة الفطور (خصوصـًا بعد رمضان)

المعجنات بأنواعها (والمكرونة البيضاء) مكروهه لأنها غنية بالكاربوهيدرات المبسطة والتي تتخزن في الجسم على شكل دهون.

السكريات والحلويات خطيرة في الحمية (ممكن تاكل لوح شوكولاته واحد ويضرب عليك الدايت حق اليوم بأكمله)

لا تنام بعد الأكل مباشرة وانتظر ساعة على الأقل بعد الأكل..

كثر ماء في كل الأوقات !!! راح تلاحظ أوقات البول تكثر ولونه يصير أكثر شفافية لكن هذي الأشياء عادية وصحية.

إذا كنت ما تتعرض للشمس بشكل يومي أقترح عليك تاخذ فيتامين د من الصيدلية (أو التأكد من شرب الحليب أو اللبن يوميــًا).

أقترح عليك إيجاد مصدر زيت اوميقا 3 لأهميته وهو موجود في الأسماك (أكل سمك مرتين في الأسبوع على الأقل) .. أو على شكل حبوب (زيت سمك الحوت أو زيت السمك) من الصيدليات.

هذه المعلومات التي تحضرني الآن.. وكلها مهمة برأيي ولازم تحفظها وتفهمها وتعمل بها لكي تلاقي نتيجة مرضية باذن الله... إذا عندك أسئلة أكثر لا تتردد من طرحها.

موفــّــق
f o x
28-07-2013, 08:59 PM
يعطيك الف الف عافية يا KAPAL معلومات مهمة وغنية جدًا :)

افدتني كثيير

بخصوص صفار البيض .. الي مخوفني منه نسبة الكلسترول العالية يعني الي كنت افكر فيه مثل ماقلت بيضه او بيضتين مع الصفار والباقي بياض

الفيتامين دال اكتشفت من كم شهر انه منخفض بشكل كبيييييير عندي وبديت احاول ارفعه بالتعرض للشمس واخذ جرعة كبيره منه كل اسبوع وتحسن حاليًا

ببدأ اخذ اوميقا 3 لأني ماكل سمك للاسف

وشكرًا لك مره ثانية على المعلومات المهمة