مساعدة مبتدئ !!

[أبو سليمان4414]

معلومات المتقدم بالاستفسار :
العمر : 25 , الجنس : ذكر

الطول :171 متر
الوزن : 59 كيلوجرام

نسبة الدهون : 10.1

و الاستفسار كالتالي :
السلام عليكم ورحمة الله .. تقبل الله صيامكم وقيامكم أخواني ..


بدخل بالموضوع على طول صارلي 3 شهور أتمرن بالحديد نصحني المدرب ببعض المكملات وأنا صراحة وافقت

على طول لأني ما كنت أعرف هالمنتدى وأستعملت المكملات لمدة 3 شهور والمكملات هي ( أعذروني بكتب

اللي موجود بالعلبة لأني ماعرف إذا لهن مسميات ثآنية ) :

1/ SUPER GAINERS FUEL --> سكوب ونص قبل التمرين بربع ساعة وسكوب ونص آخر بآي وقت يعني مرتين

باليوم ( هذا البروتين ) ..

2/ AMINO POWER 3000 --> خمس حبات قبل التمرين وخمس بعد ..

3/ JACK 3d --> سكوب قبل التمرين بـ 30 دقيقة ..

4/ CELL-TECH HARDCORE PRO SERIES --> سكوب بعد التمرين ..



المكملات على وشك تخلص .. أنـا أبي نصيحتكم وشوركم والمثل يقول أكبر منكـ بيوم أعلم منكـ بسنة

س / هل أستمر على هالمكملات أو تنصحوني أغيرهم ؟

س/ بعد أذن الإدارة أبي رقم واحد ثقة يوفر المكملات بالرياض أو القصيم ؟



* عمري 25 ، وزني 59 ، طولي 171 ، نسبة الدهون 10.1 *



# مـلاحظة مهمة / وزني السابق 55 وارتفع الحمدلله لـ 59 وأنا للأمانة دخلت الحديد عشان يزود وزني

أبي أوصله 70 .. يعني الله يخليكم اللي بيشور علي بمكمل معين يأخذ حساب أني أدور زيادة الوزن

وأعلم أن الجميع يتفق بأني أكثر أكل قد مآقدر ولكني يعلم الله أني شاد على نفسي ع الآخر ..


أخيرا إذا فيه بعض النصايح ما نستغني ومشكورين مقدمـاً ..

[top fares]

وعليكم السلام ورحمة الله

اناا بجاوبك با المكمل اللي مجربه

SUPER GAINERS FUEL انصحك تستمر با المكمل هذا و اناا استخدمه

المكمل هذا مهم اللي يبغون يزودون وزنهم (( يزودك عضل بدون دهون )) وهذا افضل شي

ان شاء الله الاخوان يفيدونك في باقي المكملات

[البرتو ديل ريو]

المفروض المكملات متاخذهن الا بعد ثلاث شهور تمرين متواصل .!
مدربك مشاء الله ماخلى شي الا عطاكيها حتى طريقة الاستخدام غلط
مجرد رائي: ضبط اكلك+الراحه +التمرين=هيدرو بروتين -يعيبه سعره غالي شوي +جولتامين+مالتي فايتمن

[أبو سليمان4414]

أخوي top fares : أتفق معك من ناحية زيادة الوزن ولكن أغلب المواضيع ينصحون بالواي بروتين ..

البرتو ديل ريو : لا وأنا أخوك أنا ماخذتهم من أول يوم جلست فترة لياقة وشهر ونص حديد على الخفيف ثم عاد أخذت هالمكملات وبدينا تمرين وأثقال ..


يـا أخوان تكفون أبي أصحاب الخبرة ولا يهونون باقي الشباب يهمني رآيهم :(

[StronGest]

وعليكم السلام ورحمه الله وبركاته
مكملاتك كثيرة على واحد مبتداء ...وهاذا مو زين على جسمك ... اكتفي بالبروتين سوبر قينر فيول سكوبين باليوم واحد بعد التمرين ... والثاني يالصبح او وقت ماتقدر تاكل فيه ... وحط جدول اكلك عشان نشوف اذا تمام او لا ...والضخامه وزياده الوزن سرها بالاكل .. والبروتين يساعد ... بالتوفيق

[mr.dark.gym]

1/ SUPER GAINERS FUEL --> سكوب ونص قبل التمرين بربع ساعة وسكوب ونص آخر بآي وقت يعني مرتين

باليوم ( هذا البروتين ) ..

2/ AMINO POWER 3000 --> خمس حبات قبل التمرين وخمس بعد ..

3/ JACK 3d --> سكوب قبل التمرين بـ 30 دقيقة ..

4/ CELL-TECH HARDCORE PRO SERIES --> سكوب بعد التمرين ..





المكملات ممتازه لكن وقلت استخدام بعضها غلط تقريبــآ

فـ مثلآ البروتين المفروض تقسمه على 3 اوقات في اليوم "الصبح ، بعد التمرين ، قبل النوم "
اذا استخدمته قبل التمرين بربع ساعه بتحس بوجع في البطن لانك ما عطيت جسمك فرصه انه يهضمه

وطبعا مع الاكل 3 وجبات يوميا على الاقل + الراحه + والنوم
بيزيد وزنك بشكل مستمر ..

[أبو سليمان4414]

بالنسبة للنظام الغذائي :

الصبح الساعة 9 : 5 حبات بيض وشوربة وكاس حليب

الساعة 11 : مكسرات ومعمول وأشياء خفيفة لأني أكون بالدوام

الغداء : رز أبيض وصدر دجاج أو مكرونة ولحم + كاس لبن

العصر : حلويات ومكسرات وفطاير مع قهوة العصر

العشاء : سلطة خضار وعلبة تونة بالماء أو دجاج مشوي


أخوي mr.dark.gym : أوك بعدل بوقت الأستخدام لكن للأمانة طعم البروتين هذا ما أعجبني فأحب أجرب الواي بروتين وأشوف أغلب الشباب ينصحون فيه ويستعملونه فآيش رآيكم .؟

[humax2007]

من جدك سكوب ونص قبل التمرين !!

ترا خطأ تملئ معدتك قبل التمرين يصير جسمك خامل ويالله تتحرك

[StronGest]

وجبه الساعه 11 دخل معها. سكوب البروتين.. والواي بروتين مايصلح للي يبي يسمن. جرب الترو ماس .او برو كومبليكس جينر... بالتوفيق