ملاك ولكن
29-07-2013, 11:22 AM
انا اللى هتفت سلمية
لا انا صايع ولا بايع سنين عمرى اللى باقية بلاش
ولا حابب اشوف امى قلقها عليا مبيهداش
لا عاوز اشوفها شايلة الهم وتبكى لو تشوف الدم
ولما تتسال عنى تقول ده ضنايا راح ولا جاش
انا اللى هتفت سلمية
ولا كان نفسى اشم الغاز
ولا امسك طوبة فى ايديا
ولا خرطوشة تحرقنى
انا اللى هتفت سلمية
مكنش فى بالى ضرب النار
ولا انى انضرب برصاص
ولا ان عنيا تبقى نشان لضابط مفترى قناص
انا اللى نزلت بهتافى خلعت نظام
وحققت اللى كان فاكرينه ال احلام
ساعتها اتشالت فوق الروس وقالوا عليا احلى كلام
ده كان فى يناير الماضى
بداية العام ومات ايامها صاحبى فؤاد
ومات خالد ومات رامى
وراحت عين قريبى هشام
وعدى الشهر بعده الشهر وفاتوا عليا زى الدهر
ودم الشهداء يفزعنى ويقلق راحتى كل منام
ساعتها لاقتنى متكتف وقولت لابد اعود اهتف
رجعت هتفت سلمية
وقولت الدم مش للبيع بورقة بعشرة او 100
فى ايدى ايه غير انى اهتف
فضلت اهتف فضلت اهتف
و قولت ياناس دنا اللى هتفت سلمية
قالولى لا ونكرونى
و شوفت الدم من تانى
وعاد المشهد الدامى
و ده كان يوم ما مات مينا
عشان مقبلش تانى الظلم وراح يهتف
وزادت قايمة الشهداء عدد من ناس
فى منهم صابته رصاصة او اللى انداس
وزادوا الحزن والقهرة وعادوا الكرة 100 مرة
وسال الدم من تانى على جبينه
و غرق عمته الحرة
ومن تانى عشان خاطرك
يسيل الدم يا طاهرة ..
وبعد ده كله أنا اللي هتفت سلمية ..
ويسقط كل من خانوا .. ويسقط كل من هانوا ..
ويسقط كل من وقفوا في وش جيل بيتحرر ..
ويسقط كل من ضربوا .. ويسقط كل من قتلوا ..
ويسقط كل من شطبوا سطور في تاريخ بيتسطر ..
ومن تاني رخص دمي و سال في شوارع التحرير ..
معدش بينفع التبرير .. ورجعوا قالوا تستاهل !
لكن عارفين .. أنا استاهل .. عشان انا كنت متساهل ..
ولجل يكون في معلومكم .. مفيش حرية بالساهل ..
ومهما يسيحوا في دمي .. ارادتي مش حتتكسر ..
فدا بلادي تروح الروح .. ولا أشوفها بتتعسكر
http://youtu.be/EGntSiZkjD0
لا انا صايع ولا بايع سنين عمرى اللى باقية بلاش
ولا حابب اشوف امى قلقها عليا مبيهداش
لا عاوز اشوفها شايلة الهم وتبكى لو تشوف الدم
ولما تتسال عنى تقول ده ضنايا راح ولا جاش
انا اللى هتفت سلمية
ولا كان نفسى اشم الغاز
ولا امسك طوبة فى ايديا
ولا خرطوشة تحرقنى
انا اللى هتفت سلمية
مكنش فى بالى ضرب النار
ولا انى انضرب برصاص
ولا ان عنيا تبقى نشان لضابط مفترى قناص
انا اللى نزلت بهتافى خلعت نظام
وحققت اللى كان فاكرينه ال احلام
ساعتها اتشالت فوق الروس وقالوا عليا احلى كلام
ده كان فى يناير الماضى
بداية العام ومات ايامها صاحبى فؤاد
ومات خالد ومات رامى
وراحت عين قريبى هشام
وعدى الشهر بعده الشهر وفاتوا عليا زى الدهر
ودم الشهداء يفزعنى ويقلق راحتى كل منام
ساعتها لاقتنى متكتف وقولت لابد اعود اهتف
رجعت هتفت سلمية
وقولت الدم مش للبيع بورقة بعشرة او 100
فى ايدى ايه غير انى اهتف
فضلت اهتف فضلت اهتف
و قولت ياناس دنا اللى هتفت سلمية
قالولى لا ونكرونى
و شوفت الدم من تانى
وعاد المشهد الدامى
و ده كان يوم ما مات مينا
عشان مقبلش تانى الظلم وراح يهتف
وزادت قايمة الشهداء عدد من ناس
فى منهم صابته رصاصة او اللى انداس
وزادوا الحزن والقهرة وعادوا الكرة 100 مرة
وسال الدم من تانى على جبينه
و غرق عمته الحرة
ومن تانى عشان خاطرك
يسيل الدم يا طاهرة ..
وبعد ده كله أنا اللي هتفت سلمية ..
ويسقط كل من خانوا .. ويسقط كل من هانوا ..
ويسقط كل من وقفوا في وش جيل بيتحرر ..
ويسقط كل من ضربوا .. ويسقط كل من قتلوا ..
ويسقط كل من شطبوا سطور في تاريخ بيتسطر ..
ومن تاني رخص دمي و سال في شوارع التحرير ..
معدش بينفع التبرير .. ورجعوا قالوا تستاهل !
لكن عارفين .. أنا استاهل .. عشان انا كنت متساهل ..
ولجل يكون في معلومكم .. مفيش حرية بالساهل ..
ومهما يسيحوا في دمي .. ارادتي مش حتتكسر ..
فدا بلادي تروح الروح .. ولا أشوفها بتتعسكر
http://youtu.be/EGntSiZkjD0