مشكلة في مكمل غذائي أشتريته

[بن فرشنه]

معلومات المتقدم بالاستفسار :
العمر : ٢٧ , الجنس : ذكر

الطول : ١٨٩ متر
الوزن : ٨٢ كيلوجرام

نسبة الدهون : -

و الاستفسار كالتالي :
بسم الله الرحمن الرحيم
السلام عليكم ورحمة الله وبركاته
كل عام وأنتم بخير وينعاد عليكم العيد أعوام وأعوام ..

أدري وحشتكم ..!!
أشتقت لكم كتير .. وأعتذر لإنقطاعي لظروف مرض أخوي الكبير ..

المهم عدنا والعود أحمدوا ..

وما لكم بالطويله قلنا بنرجع للحديد بعد ما أنقطعت عنه بسبب إصابتي بفقرات ظهري ومرض أخوي ..
رحت متحمس لفرع GNC اللي بشارع باخشب وأخذت علبتين "هيدرو بليدر" كبيرة وحده شوكلت والتانيه فانيليا .. لكن بعد ما طلعت اتصلوا عليا المستشفى أنه تعال وكانت المستشفى أقرب من بيتي .. رحت لهم ولطعوني أكتر من ساعه ونص على أوراق وكدا والمكملات بشنطة السيارة مغطيها بفرشه وكانت الساعه ١٢ ظهر تقريباً فتشمت لين قالت بس ..

http://gnc.imageg.net/graphics/product_images/pGNC1-9686670t300x300.jpg

استفساراتي على النحو التالي :

١- لما فتحت العلبتين كانت ريحتهم "غريبه" مش "مقرفه" ، فهل هالشي طبيعي ؟؟

٢- جربت الاتنين مع الحليب "بالخلط بملعقة" وليس "رجهم" عشان الكرياتين اللي فيه ، وكان ثقيل ومتماسك رغم أني خلطت السكووب الواحد ب ٤٠٠ مل حليب فهالشي عادي أو لا ؟؟

٣- أخيراً ، دي أول مره أستخدم هالنوع وبصراحه متحسر عليهم لكني صحتي قبل كل شي فإيش رأيكم أستخدمها أو أكبهم خلاص ؟؟

خارج السطر :
ما فيه أحد طلب مكملات من برى وشركة النقل عرضتها للشمس قبل كدا ؟؟

[da master]

\لا اخوي اعتقد المكملات ما خربت يعني ساعة ونص ما هيا الكمية الكافية عشان تخرب حسب ظني

بس شوف لك واحد من المنتدى او من اي مكان اشترى من نفس المنتج او حتى افتح اليوتيوب شوف واحد يسويه

وشووف إذا نفس بتاعك ولا لا

ابيك بشي بعد إستخدام المنتجين قولي رايك فيهم عشان فكرت اجيب المنتج مره

[Mr.Puma]

لاترميهم يامال العافية ..

عطيني اياهم اذا ناوي ترميهم

[بن فرشنه]

da master (http://www.montada.com/member.php?u=889190)

يعطيك العافيه على تجاوبك ..

لكن يا أخوي هو من ناحية الشكل ما فيه أختلاف ..

لكن ريحته غريبه شوي .. ومتماسك ماهو زي أي واي بروتين أستخدمته قبل كدا ويمكن يكون دا الشي بسبب الكيراتين ..!؟

عالعموم لو كتب الله وأستخدمته راح أعطيك رأيي فيه ..

Mr.Puma (http://www.montada.com/member.php?u=837534)

الله يعافيك ..

ولو أخوي تفداك ولو أن قدرك أغلى من كدا ..

منورين أخواني ..

[humax2007]

من جدك ساعه ونص تخرب البروتين !!

عن تجربه البروتين مايعتبر تالف الا اذا لقيت البودره متكتله على شكل كوره صلبه
لان لي تجربة مع بروتينات رميتهم بالمخزن ثلاث شهور ولما فتحتهم لقيت البورده على متكتله

[mR.juve]

ارجع لجي ان سي واسأله علشان تكون مرتاح

[psp99]

انشاءالله مافيهم شي وفيه العافيه
بس سالفتك ذكرتي بسالفتي قبل سنه
كنت راجع من الجم وطبعا دايم اخذ شنطه معاي احط كرياتين ومنتج للباور ونسيتهم في السياره يوم ونص ضربتهم الشمس لين شبعوا وبعد مافتحت الشنطه
حصلت علبت الكرياتين تعفطت من الحراره والبودره تجبست ونفس الشي على علبه النو اكسبلود انكمشت ههههه والبودره صارت غريبه وعلى طول رميتهم وعلى الله العوض

[Kurapica33]

اقطع الشك باليقين
شوفلك احد عنده نفس البروتين
وحط منهن وشف الفرق احسن من تاخذها على عماك صحتك اهم
وحنا علينا شمس تحرق الحديد

[بن فرشنه]

humax2007 (http://www.montada.com/member.php?u=535643)
يعني أخوي هو البروتين هذا بسبب الكيراتين يكون ثقيل كدا ؟؟ وريحته غريبه ؟؟
بصراحه نوعاً ما طمنتي ..

mR.juve (http://www.montada.com/member.php?u=703448)
شكلي برجع لهم بأخذ علبة صغيره وأجرب الفرق ..

psp99 (http://www.montada.com/member.php?u=516516)
هههههههه الله يعوضك خير أخوي ..

Kurapica33 (http://www.montada.com/member.php?u=892102)
صدقت عندنا شمس تحرق الحديد .. بس المشكلة ما أعرف أحد يستخدم نفس المنتج فشكلي بشتري واحد جديد أجرب الفرق ..

[Black Volcano]

حط واحد منهم بالثلاجه وقلي كيف ريحته بعد ما يكون بارد

[بن فرشنه]

Black Volcano (http://www.montada.com/member.php?u=407147)

ما يصير فيه شي لا برد ؟؟

[بن فرشنه]

يا أخوان ..

كم هي أقصى مدة يكون فيها البروتين بالشمس الغير مباشرة وما يتضرر ؟؟؟؟